4 ኔኒ ታ ጎዳይ ታናራ ዲዛ ጊሻስ

ታኒ ጊርዲ ጊዳ

ማ ሾባ ጊዶራ ቢኮካ

ኢታ ሚሻስ ባቢኬ።

ኔ ጉፌይኔ ጋቱማይ

ታና ሚንስ።

1 ጎዳይ ታስ ፖኦኔ

ታና ኣሺዛይሳ፤

ሂስቲን ታኒ ኦናስ ያያኔ?

ጎዳይ ታ ሼምፖይስ

ኣቲዛ ሚጻ፤

ሂስቲን ታኒ ኦናስ ባባኔ?

9 ጎዳይ ኡንኤቲዳይታስ

ባቃቲ ኣቲዛሶ፤

ሜቶ ዎዴታንካ

ቆቴቲ ኣቲዛሶ።

4 ታኒ ጎዳ ኢሲ ሚሽ ኦይቻይስ፤

ሄሲካ ታኒ

ታ ዴኦ ላይ ኡባን

ጎዳ ኬን ዴኣናሳ፤

ታኒ ጎዳ ቦንቾ ሎኦቴ ቤኣናሳ፤

ኢዛ ኬንካ

ኢዛ ኮያሼ ዴኣናሳ።

5 ሄሳ ጊሻስ ሜቶ ጋላስ

ኢዚ ታና ባ ዲዛሶን ጌንና፤

ባ ዱንካኔን

ታና ቆቲ ኣሻና፤

ቃ ዛላ ቦላካ

ኢዚ ታና ኤሳና።

5 ኣቤት ኡባ ሃሪዛ ጎዳዉ!

ታ ሂዶታይ ኔና፤

ዬላጋቴ ዎዴፔ

ዶማዳ

ታ ኣማኔቲዛይ ኔና።

8 ጎዳይ ኔናራ ጊዲዲ ኢዚ ኔና ካሌና፤ ኢዚ ኔና ዬጌና፤ ሙሌካ ኣጌና፤ ሄሳ ጊሻስ ባቦፋ፤ ሂዶታካ ቃንጾፋ» ጊዴስ።✝

22 ኢንቴስ ኦሌታናይ ጎዳ ኢንቴ ጾሳ ጊዲዳ ጊሻስ ኢንቴ ኢስታስ ባቦፍቴ» ጋ ዞራዲስ።

9 ኔኒ ቢዛሶን ኡባን ጎዳ ኔ ጾሳይ ኔናራ ዲዛ ጊሻስ ኣይኮይ ባ፥ ሚና፥ ያዮፋ፥ ዳጋሞፋ ጋዳ ታ ኔና ኣዛዛቤኪና!» ጊዴስ።

11 ካዉዪዳይታ ቦንቾን

ቁ ሂስቴስ፤

ሙዞቲዛይታ ሚንዲ

ኡፋይሴስ።

16 ኢዚ ኑ ጎዳ ዬሱስ ኪርስቶሲ ቃሴ ኑና ሲቂዳይኔ ባ ኪያቴን ሜርና ሚንኔ ሎኦ ሂዶታ ኢዚ ኑስ ኢሚዳ ኑ ኣዋ ጾሳይ፥

4 ቃቲዛይቲ ኣንጄቲዳይታ፥

ኣይስ ጊኮ ኢስቲ ሚኔታና።✝

6 ሄሳ ጊሻስ ጾሲ ባ ዎዴን ቁ ሂስታና ማላ ሚኖ ጾሳ ኩሼፔ ጋርሳራ ኢንቴና ዚቂ ሂስቲቴ።✝ 7 ኢዚ ኢንቴስ ቆፒዛ ጊሻስ ኢንቴና ሜቲዛ ቆፋ ዉርሲ ኢዛ ቦላ ዬጊቴ።

17 ኣቤት ጎዳዉ!

ኔ ታና ማዲዛይሳኔ

ሚንዛይሳ

ታና ኢጺዛይቲ ቤኢዲ

ዬላታና ማላ

ኔ ኪያቴ ማላታ ታና ቤሳ።

76 ኔኒ ታስ ኔ ኣይሌዛስ

ጌሊዳ ቃላ ማላ

ኔ ሜርና ሲቆይ

ታና ሚን።

24 ኔኒ ኢቺዳ ዎዴ ባባካ፤

ኢቻዳካ

ማልኦ ስኮ ስካና።

1 ኡባሲካ ዎዴይ ዴስ፤

ሳሎፔ ጋርሳ ባጋራ

ኦሴቲዛይሳስ

ኡባስ ዎዴይ ዴስ።

2 ሄሳ ጊሻስ ዬሌታናስ

ዎዴይ ዴስ፤

ሃይቃናስካ ዎዴይ ዴስ፤

ቶካናስ ዎዴይ ዴስ፤

ሾዳናስካ ዎዴይ ዴስ።

3 ዎናስ ዎዴይ ዴስ፤

ኣሻናስካ ዎዴይ ዴስ፤

ላላናስ ዎዴይ ዴስ፤

ጊምባናስካ ዎዴይ ዴስ።

4 ዬካናስ ዎዴይ ዴስ፤

ሚጫናስካ ዎዴይ ዴስ።

ካዮታናስ ዎዴይ ዴስ፤

ቃሴ ኡፋዬቲሼ ጉፓናስካ

ዎዴይ ዴስ።

5 ሹች ላላናስ ዎዴይ ዴስ፤

ሹች ሺሻናስካ ዎዴይ ዴስ።

ኢዲሜታናስ ዎዴይ ዴስ፤

ሻኬታናስካ ዎዴይ ዴስ።

6 ኮያናስ ዎዴይ ዴስ፤

ኣጋናሲካ ዎዴይ ዴስ።

ሺሺ ኦይካናስ ዎዴይ ዴስ፤

ኬሲ ኦላናስካ ዎዴይ ዴስ።

7 ዳካናስ ዎዴይ ዴስ፤

ሲካናስካ ዎዴይ ዴስ።

ጮኡ ጋናስ ዎዴይ ዴስ፤

ሃሳያናስካ ዎዴይ ዴስ።

8 ዶሳናስ ዎዴይ ዴስ፤

ኢጻናስካ ዎዴይ ዴስ።

ኦላስ ዎዴይ ዴስ፤

ሳሮን ዳናስካ ዎዴይ ዴስ።