Palavras de consolo

4 Ciru nankahonera omu kabanda k’omwizimya ntà mabî nyôbohire, bulya rhwembi rhunali. Akarhi kâwe n’obuhiri bwâwe bindi hôfi; byo bidwîrhe byantûliriza.

Oku muntu oli hôfi ha Nnâmahanga ntà côbà

1 Lwa Daudi.

Nyakasane ye kamole ye na kucira kwâni: ndi naciyôboha? Nyakasane ye lwâkiro lwâni: ndi wampiramwo ecikango?

9 Ye twîra igulu olubanja n’obushinganyanya,

anacîranulire amashanja n’oburhondekezi.

4 Kantu kaguma konene nsengîre Nnawîrhu, kanali k’aka: nti mbêre nâni omu bwâmi bwa Nyakasane ensiku zoshi z’obuzîne bwâni, lyo ncîshingira oburhonyi bwa Nyakasane, ndole n’oku ndâro yâge.

5 Bulyâla omu mwâge anfulika olusiku najakwo olubanja, yo ànfulika enyuma z’ecirhebo c’omu mwâge, anannengereze oku ibuye.

5 We nâlolakwo, Yâgirwa Nnâmahanga, we nyôrha ncîkubagira kurhenga oburhò bwâni.

8 Nyamuzinda yêne ye kushokolîre, ye wâbà ali nâwe, arhakulikirire arhanakulekêrere. Orhayôbohaga, orhageramwo omusisi.»

22 Nti orhayôbohaga, bulya Nyamubâho, Nyamuzinda winyu yêne wamulwîra.

9 "K’orhayumvirhi oku nkurhegesire: nti ozibuhe onarhwâlihe? Orhabâga na boba buci orhabâga na ntemu nci, bulya Nyakasane Nyamuzinda wâwe, ali haguma nâwe ngasi hoshi wankanaja"».

11 Akalonza okuzûsa omunyi,

okuhisa abarhindibuzibwe oku bucire.

16 Nnawîrhu Yezu Kristu yêne na Larha Nyamuzinda orhuhà oburhûlirize burhakaheka n’obulangâlire bwinjinjà erhi nshôkano yâge erhuma,

4 Iragi lyâbo abadwîrhe balaka, bulya bayish’irhûlirizibwa.

6 Kuziga mucîrhohye embere z’okuboko kugala-byoshi kwa Nyamuzinda, lyo ammukuza omu mango ga­kwânîne 7 Amalagîrire ginyu goshi mugahire omu maboko gâge, bulya kushîbirira ayôrha ammushîbirira.

17 Ompè ecimanyîso c’oburhonyi bwâwe, balya banshomba babone, n’enshonyi zibabumbe, babone oku wantabîre, Nyamwagirwa, wanantûliriza.

76 Olukogo lwâwe luhabè mâshi, luntulirize, kulya walaganyagya mwambali wâwe.

24 Aha kugwîshira orhâyumve côbà, n’amango okola ogwîshîre, irô lyâwe lyâbà linunu.

Olufù

1 Ngasi kantu kajira amango gako, habà n’amango g’okukola ngasi kantu kanali îdako ly’izûba.

2 Habà amango g’okuburha n’amango g’okufà; amango g’okurhwêra, n’amango g’okurhwerûla.

3 Habà amango g’okuyîrha, n’amango g’okufumya; amango g’okushâba, n’amango g’okuyûbaka.

4 Habà amango g’okulaka, n’amango g’okusheka; n’amango g’endûlù n’aga okusâma.

5 Habà amango g’okubanda amabâle, n’amango g’okugarhôlogola; amango g’okubagalira, n’ag’okuleka okubagalira.

6 Habà amango g’okulongereza, n’amango g’okuheza; amango g’okubîka, n’ag’okukabulira.

7 Habà amango g’okubera, n’amango g’okuhanga; amango g’okuganîra n’aga okuhulika. 8 Habà amango g’okurhonya, n’amango g’okushômba;

amango g’entambala n’aga omurhûla.