Palavras de consolo

4 మృత్యు నీడలా ఉన్న లోయలో*

నేను నడిచినా,

ఏ కీడుకు భయపడను,

ఎందుకంటే మీరు నాతో ఉన్నారు;

మీ దండం మీ చేతికర్ర

నన్ను ఆదరిస్తాయి.

1 యెహోవాయే నాకు వెలుగు నా రక్షణ

నేను ఎవరికి భయపడతాను?

దేవుడే నా జీవితానికి బలమైన కోట

నేను ఎవరికి భయపడతాను?

9 అణచివేయబడిన వారికి యెహోవా ఆశ్రయం,

కష్ట సమయాల్లో బలమైన కోట.

4 యెహోవాను ఒకటి అడిగాను,

నేను కోరింది ఇదే;

యెహోవా ప్రసన్నతను చూస్తూ

ఆయన మందిరంలో ఆయనను వెదకుతూ

నా జీవితకాలమంతా

నేను యెహోవా మందిరంలో నివసించాలని కోరుతున్నాను.

5 ఆపద సంభవించిన దినాన

ఆయన తన ఆశ్రయంలో నన్ను క్షేమంగా ఉంచుతారు;

తన పవిత్ర గుడారంలో ఆయన నన్ను దాచిపెడతారు,

ఎత్తైన బండ మీద నన్ను నిలుపుతారు.

5 ప్రభువైన యెహోవా, మీరే నా నిరీక్షణ,

నా యవ్వనం నుండి మీరే నా ధైర్యం.

8 యెహోవాయే స్వయంగా మీ ముందు వెళ్తారు మీతో ఉంటారు; ఆయన నిన్ను ఎన్నడూ వదిలేయరు, నిన్ను చేయి విడువరు. భయపడవద్దు; నిరుత్సాహపడవద్దు."

22 వారికి నీవు భయపడకు; నీ దేవుడైన యెహోవా మీ పక్షంగా యుద్ధం చేస్తారు."

9 బలంగా ధైర్యంగా ఉండమని నేను నీకు ఆజ్ఞాపించలేదా? భయపడవద్దు; నిరుత్సాహపడవద్దు; ఎందుకంటే నీవు ఎక్కడికి వెళ్లినా నీ దేవుడైన యెహోవా నీతో ఉంటారు."

11 ఆయన దీనావస్థలోనున్న వారిని పైకి లేపుతారు,

దుఃఖపడేవారిని క్షేమానికి లేవనెత్తుతారు.

16 మన ప్రభువైన యేసు క్రీస్తును మన తండ్రియైన దేవుడు మనల్ని ప్రేమించి తన కృప చేత మనకు నిత్య ప్రోత్సాహాన్ని స్థిరమైన నిరీక్షణను ఇచ్చి,

4 దుఃఖించే వారు ధన్యులు,

వారు ఓదార్చబడతారు.

6 దేవుని బలమైన చేతి క్రింద మిమ్మల్ని మీరు తగ్గించుకోండి అప్పుడు తగిన సమయంలో ఆయన మిమ్మల్ని హెచ్చిస్తారు. 7 ఆయన మీ గురించి చింతిస్తున్నారు కాబట్టి మీ చింతలన్ని ఆయనపై మోపండి.

17 నాకు మీ ఆదరణ గుర్తు ఇవ్వండి,

నన్ను ద్వేషించేవారు అది చూసి సిగ్గుపడతారు,

ఎందుకంటే యెహోవా, మీరు నాకు సహాయం చేశారు నన్ను ఆదరించారు.

76 మీ సేవకునికి మీరు ఇచ్చిన వాగ్దాన ప్రకారం,

మీ మారని ప్రేమ నాకు ఆదరణ కలిగిస్తుంది.

24 నీవు పడుకున్నప్పుడు, భయపడవు;

నీవు పడుకున్నప్పుడు, నీ నిద్ర మధురంగా ఉంటుంది.

ప్రతి దానికి సమయముంది

1 ప్రతిదానికీ ఒక సమయం ఉంది,

ఆకాశాల క్రింద ప్రతీ కార్యకలాపానికి ఒక కాలం ఉంది:

2 పుట్టడానికి సమయం చావడానికి సమయం,

నాటడానికి సమయం, పెరికివేయడానికి సమయం,

3 చంపడానికి సమయం, స్వస్థపరచడానికి సమయం,

పడగొట్టడానికి, కట్టడానికి.

4 ఏడ్వడానికి, నవ్వడానికి

దుఃఖపడడానికి, నాట్యమాడడానికి,

5 రాళ్లు పారవేయడానికి, కుప్పవేయడానికి,

కౌగిలించుకోడానికి, కౌగిలించడం మానడానికి.

6 వెదకడానికి సమయం, పోగొట్టుకోడానికి సమయం,

దాచిపెట్టడానికి, పారవేయడానికి,

7 చింపివేయడానికి, కుట్టడానికి,

మౌనంగా ఉండడానికి, మాట్లాడడానికి,

8 ప్రేమించడానికి, ద్వేషించడానికి,

యుద్ధం చేయడానికి, సమాధానపడడానికి సమయం ఉంటుంది.