Pão

11,12 ጎዳይ ሙሴስ፥ «ታኒ ኢስራኤሌ ናይታ ዙዙን ሲያዲስ፤ ኔኒ ኢስታስ፥ ‹ኢንቴ ኦማርሳ ዎዴ ኣሾ ማና፤ ማላዶ ኡኬ ካላና፤ ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና› ጋዳ ዮታ» ጊዴስ።

13 ሄ ጋላሳ ኦማርሳ ዎዴ ኩራቾቲ ዪዲ ኢስራኤሌ ኣሳይ ዲዛሶን ኩሚዳ፤ ቃሴ ማላዶ ኢስቲ ዲዛሶ ዩሾን ጻዛይ ማይኢ ኡቲዴስ። 14 ጻዛይ ጾስኪሺን ቢታ ቦላን ቦ ሻች ሚሳቲዛ ሊቆ ሚሺ ቤቲዴስ። 15 ኢስራኤሌ ኣሳይ ሄሳ ቤኢዲ ባ ጋርሳን ኢሶይ ኢሳ፥ «ሃይሲ ኣዜ?» ጊዳ። ኣይስ ጊኮ ኢስቲ ኢዚ ኣዛኮ ኤሪቤቴና።✝

ሂስቲን ሙሴይ ኢስታስ፥ «ኢንቴስ ማናስ ጎዳይ ኢሚዳ ካ ሃይሳኮ።

31 ኢስራኤሌ ኣሳይ ሄ ካዛ ማና*✝ ጊ ሱንዴስ። ኢዚካ ዴቦ ኣይፌ ማላ ጊዲዲ ቦ፤ ኤሳራ ኡኬቲዳ ኡኬ ማላ ማልኤስ።

23 ኢዚ ጊዲኮ ቦላፌ ሻራ ኣዛዚዴስ፤

ሳሎ ፔንጌታካ ዶይዴስ።

24 ኢስቲ ማና ማላ ኢስታስ

ማና ቡኪሲዴስ፤

ሳሎፔ ካ ኢስታስ ኢሚዴስ።✝

25 ኪታንቻታ ካ ኣሳይ ሚዴስ፤

ጾሲ ኢስቲ ካሊ ሚን

ቲርፒ ኣቲዛ ካ ኢሚዴስ።

14 ኔኒ ሜሄስ ማታ፥

ኣሳስ ካ ሞኪሳሳ፤

ሄሳን ኣሳይ ቢታ ኦዲ

ካ ሺሼስ።

15 ኣሳ ዎዚና ኡፋይሲዛ ዎይኔ፥

ሲን ሺጪሲዛ ዛይቴኔ

ዎልቃ ኢሚዛ ካ ዴሜስ።

32 ዬሱሲ ኢስታስ፥ «ታ ኢንቴስ ቱሙ ጋይስ፤ ሳሎፔ ዎዳ ቁማ ኢንቴስ ኢሚዳይ ሙሴ ጊዴና። ቱሙ ቁማ ሳሎፔ ኢንቴስ ኢሚዛይ ታ ኣዋ። 33 ጋሶይካ ጾሳ ቁማይ ሳሎፔ ዎዲ ኣላሜስ ዴኦ ኢሚዛይሳ» ጊዴስ። 34 ሄሳ ጊሻስ ኣሳይ፥ «ጎዶ፥ ሄሳ ማላ ቁማ ኑስ ኡባ ዎዴ ኢማርኪ!» ጊዴስ።

35 ዬሱሲካ ኢስታስ፥ «ዴኦ ቁማይ ታና፤ ታኮ ዪዛ ኣሲ ሙሌካ ጋፌቴና፤ ታና ኣማኒዛዴይ ኣይዴካ ሳሜቴና።

48 ታኒ ዴኦ ቁማ። 49 ካሴ ኢንቴ ኣዋቲ ባዞ ቢታን ማና ሚዳ፤ ጊዶ ኣቲን ዉሪካ ሃይቂዳ። 50 ሳሎፔ ዎዳ ቁማይ ሃይሳ፤ ሃይሳ ሚዛዴይ ሙሌካ ሃይቄና። 51 ሳሎፔ ዎዳ ዴኦ ቁማይ ታና፤ ሃይሳ ሃ ቁማፔ ሚዛዴይ ዉሪካ ሜርናስ ዳና። ኣላሜስ ዴኦ ጊዳና ማላ ታ ኢሚዛ ቁማይ ታ ኣሾዛ» ጊዴስ።

3 ኣሲ ጾሳ ዶናፔ ኬዚዛ ቃላን ኣቲን ካን ጻላ ሼምፖራ ፓጻ ዳናስ ዳንዳዮንታይሳ ታማርሳናስ ኢንቴና ጋፊሲዴስ፤ ኢንቴኒኔ ኢንቴ ኣዋቲ ኤሮንታ ማና ሚዚዴስ።✝

4 ዬሱሲካ፥ « ‹ኣሲ ጾሳ ዶናፔ ኬዚዛ ቃላንፔ ኣቲን ካን ጻላ ዴና› ጌቴቲ ጻፌቲዴስ» ጊዲ ኢዛስ ዛሪዴስ።✝

19 ኡኬ ኤኪዲ ጾሳ ጋላቲዴስ፤ ኢዛፔ ኢስታስ ሜን ኢሚዲ፥ «ሃይሲ ኢንቴ ጊሻስ ኢሜታና ታ ኣሾ ሌሚሶ ጊዲዛ ጊሻስ ሃይሳ ኡባ ዎዴ ታና ቆፓናስ ኦቴ» ጊዴስ።

26 ሃይሳ ኡኬ ኢንቴ ሚዛ ዎዴኔ ሃይሳ ኡሻካ ኡዪዛ ኡባ ዎዴ ጎዳይ ያና ጋካናስ ኢንቴ ኢዛ ሃይቆ ዮታና።

16 ኑኒ ጾሳ ጋላቲዲ ኤኪዛ ኡሻይ ኪርስቶሳ ሱራ ጋጎቴ ዲዛይሳ ጊዴኔ? ሄሳካ ኑ ባ ባ ጊሼቲ ሚዛ ኡኬይ ኪርስቶሳ ኣሾራ ጋጎቴ ዲዛይሳ ጊዴኔ?✝ 17 ኡኬይ ኢሲኖ ጊዲዳ ማላ ኑኒካ ዳሮ ጊዲ ኡቲዲ ዉሪካ ኢሲ ኣሾ፤ ኑ ዉሪካ ኢሲ ኡኬዛ ጊሼቲ ሞስ።

9 ኢንቴ ዎሲሼ፥

« ‹ሳሎን ዲዛ ኑ ኣዋዉ!

ኔ ሱን ኣንጄቶ።

10 ኔ ካዎቴ ሃ ዮ፤

ኔ ሼኔይ ሳሎን ጊዲዳ ማላ

ሳኣንካ ሃኖ።

11 ሃቺስ ጊዲዛ ካ

ኑስ ሃች ኢማ።

9 ኪያ ኣሲ ኣንጄቴስ፤

ባ ቁማፔካ ሂዬሳስ ኢሜስ።

37 ኢዚ ኢስታስ ዛሪዲ፥ «ኣሳስ ሚዛ ሚሽ ኢንቴ ኢሚቴ» ጊዴስ። ኢስቲካ ማላሌቲዲ፥ «ኑኒ ቢዲ ናምኡ ጼቱ ዲናሬራ ካ ሻሚዲ ሃይሳ ኣሳስ ኢሚዛኮ ጊዳንዴ?» ጊዳ።*

38 ኢዚካ ኢስታስ፥ «ኢንቴስ ኣይ ኬና ኡኬ ዲዛኮ ኣኔ ቢዲ ጼሊቴ» ጊን ኢስቲ ቢ ጼሊዲ፥ «ኢቻሹ ኡኬኔ ናምኡ ሞሌይ ዴስ» ጊዳ።

39 ሄሳፌ ካሊዲ ኣሳ ጪሊላ ማታ ቦላ ቡቴን ቡቴን ኡቲሳና ማላ ኣዛዚዴስ። 40 ኣሳይካ ጼቱ ጼቱኔ ኢቻሹ ታሙ ኢቻሹ ታሙ ጊዲዲ ቡቴን ኡቲዴስ። 41 ኢዚካ ኢቻሹ ኡኬታኔ ናምኡ ሞሌታ ባ ኩሼን ኦይኪዲ ፑዴ ሳሎ ጼሊዲ ኣንጂዲኔ ኡኬ ሜን ሜን ኣሳስ ጊሻና ማላ ባና ካሊዛይታስ ኢሚዴስ፤ ናምኡ ሞሌታካ ኡባ ኣሳስ ሻኬሬዴስ። 42 ኣሳይ ዉሪካ ሚዲ ካሊዴስ። 43 ዬሱሳ ካሊዛይቲ ኣሳይ ካሊ ሚን ኣቲዳይሳ ታማኔ ናምኡ ሌማቴ ኩሜ ሺሺዴስ።

25 ታኒ ካሴ ዬላጋ ሺን

ሃኢ ጪማዲስ፤

ጊዶ ኣቲን ጺሎ ኣሲ

ጮ ዬጌቲ ኣቲሺን፥

ዎይኮ ኢዛ ዜሬ

ካ ዎሲ ሚሺን

ታኒ ሙሌካ ቤኣ ኤሪኬ።

5 ኣባ ፒኒዳ ማላ ዬሱሳ ካሊዛይቲ ቁማ ኤኪ ባናይሳ ባሌቲዳ። 6 ዬሱሲካ፥ «ቆፒቴ፤ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ» ጊዴስ።✝

7 ኢስቲ ቃሴ ባ ጊዶን፥ «ኑኒ ካ ኦይኮንታ ጊሻስ ሄሳ ጊዴስ» ጊዲ ኢሶይ ኢሳራ ሃሳዬቲዳ።

8 ዬሱሲካ ኢስታ ቆፋ ኤሪዲ፥ «ኢንቴኖ ኣማኖይ ፓጪዳይቶ! ካ ኦይኮንታ ጊሻስ ኣዛስ ኢሶይ ኢሳራ ሃሳዬቴቲ? 9 ኢቻሹ ኡኬ ኢቻሹ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንዳኮ ዩሺ ቆፔኬቲ?✝ 10 ሄሳካ ላፑን ኡኬ ኦይዱ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንዳኮ ዎዚናን ዎቤኬታ ጉሴ?✝ 11 ሂስቲን ታ ኢንቴስ ዮቲዳይ ካ ጊሻስ ጊዶንታይሳ ኣይስ ዩሺ ቆፔኬቲ? ሃኢካ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ» ጊዴስ።

12 ሃኢ ኢዚ ኢስታ ቆፍሲዛይ ቡኬሶ ዴንናስ ጉጂዛ ኢርሾ ጊሻስ ጊዶንታ ፋርሳዌታኔ ሳዱቃዌታ ቲሚርቴፌ ናጌታና ማላ ጊዲዳይሲ ኢስታስ ጌሊዴስ።

ኣ ኤራንቻይ ኦና ቤሲዛ ኦሶ

1 ኔ ካ ሃን ዬጋ፤

ዳሮ ጋላሳታፔ ጉዬ

ኔኒ ዛራ ዴማና።

2 ኔስ ዲዛ ኣቆ ላፑን ዎይኮ

ኦስፑን ሶሆን

ሻኬሬ ዎ፤

ኣይስ ጊኮ ቢታ ቦላ

ኣይ ኢታይ ያናኮ ኔኒ ኤራካ።