Pão

11 परमेश्वर मोशेला म्हणाला, 12 "मी इस्राएल लोकांच्या तक्रारी ऐकल्या आहेत तेव्हा त्यांना सांग, रात्री तुम्ही मांस खाल आणि दररोज सकाळी तुम्हास पाहिजे तितक्या भाकरी खाल; मग परमेश्वर मी तुमचा देव आहे हे तुम्हास समजेल." 13 त्या संध्याकाळच्या वेळी, तेथे लावे पक्षी येऊन छावणीभर पसरले आणि सकाळी छावणीच्या सभोवती जमिनीवर दव पडले. 14 सूर्य उगवल्यावर दव विरून गेले, परंतु त्यानंतर जमिनीवर खवल्यासारखे हिमकणाएवढे सूक्ष्म कण पसरलेले दिसले. 15 ते पाहून इस्राएल लोकांनी एकमेकांना विचारले, "हे काय आहे?" कारण ते काय आहे हे त्यांना माहीत नव्हते. तेव्हा मोशेने त्यांना सांगितले, "परमेश्वर हे अन्न तुम्हास खाण्याकरता देत आहे.

31 इस्राएल लोकांनी त्या अन्नाचे नाव मान्ना ठेवले; ते धण्यासारखे पांढरे असून त्याची चव मध घालून केलेल्या पोळीसारखी होती.

23 तरी त्याने वर आभाळाला आज्ञा दिली,

आणि आभाळाचे दरवाजे उघडले.

24 खाण्यासाठी त्याने त्यांच्यावर मान्नाचा वर्षाव केला,

आणि त्यांना आकाशातून धान्य दिले.

25 देवदूतांची भाकर लोकांनी खाल्ली.

त्याने त्यांना भरपूर अन्न पाठवून दिले.

14 तो गुरांढोरासाठी गवत उगवतो,

आणि मनुष्यांसाठी वनस्पतीची लागवड करतो;

यासाठी की, मनुष्याने जमिनितून अन्न उत्पन्न करावे.

15 तो मनुष्यास आनंदित करणारा द्राक्षरस,

त्याचा चेहरा चमकविणारे तेल,

आणि त्याचे जीवन जिवंत ठेवणारे अन्नही त्याने उत्पन्न करावी.

32 तेव्हा येशू त्यांना म्हणाला, "मी तुम्हास खरे खरे सांगतो, मोशेने तुम्हास स्वर्गातील भाकर दिली असे नाही, तर माझा पिता स्वर्गातून येणारी खरी भाकर तुम्हास देतो. 33 कारण जी स्वर्गातून उतरते व जगाला जीवन देते तीच देवाची भाकर होय." 34 तेव्हा ते त्यास म्हणाले, "प्रभूजी, ही भाकर आम्हास नित्य द्या."

35 तेव्हा येशू त्यांना म्हणाला, "मीच जीवनाची भाकर आहे. माझ्याकडे जो येतो त्यास कधीही भूक लागणार नाही आणि जो माझ्यावर विश्वास ठेवतो त्यास कधीही तहान लागणार नाही.

48 मीच जीवनाची भाकर आहे. 49 तुमच्या पूर्वजांनी रानात मान्ना खाल्ला आणि ते मरण पावले.

50 पण स्वर्गातून उतरणारी भाकर अशी आहे की ती जर कोणी खाल्ली तर तो मरणार नाही. 51 स्वर्गातून उतरलेली जिवंत भाकर मीच आहे. या भाकरीतून जो कोणी खाईल तो सर्वकाळ जगेल. जी भाकर मी देईन ती माझा देह असून ती जगाच्या जीवनासाठी आहे."

3 परमेश्वराने तुम्हास लीन केले, तुमची उपासमार होऊ दिली आणि मग, तुम्ही व तुमचे पूर्वज यांना माहीत नसलेला मान्ना तुम्हास खाऊ घातला. मनुष्य फक्त भाकरीवर जगत नाही, तर परमेश्वराच्या मुखातून निघणाऱ्या हर एक वचनाने जगतो हे तुम्हास कळावे, म्हणून त्याने हे सर्व केले.

4 परंतु येशूंनी उत्तर दिले, "कारण पवित्र शास्त्रात असे लिहिले आहे की,

‘मनुष्य केवळ भाकरीने जगेल असे नाही तर,

देवाच्या मुखातून निघणाऱ्या प्रत्येक वचनाने जगेल.’"

19 नंतर त्याने भाकर घेऊन व उपकारस्तुती करून ती मोडली आणि त्यांना देऊन म्हटले, "हे माझे शरीर आहे जे तुम्हासाठी दिले जात आहे. माझ्या आठवणीसाठी हे करा."

26 कारण जितक्यांदा तुम्हीही भाकर खाता व हा प्याला पिता, तितक्यांदा तुम्ही प्रभूच्या मरणाची तो येईपर्यंत घोषणा करीता.

16 जो "आशीर्वादाचा प्याला" आम्ही आशीर्वादित करण्यास सांगतो, तो ख्रिस्ताच्या रक्ताच्या सहभागीतेचा प्याला आहे की नाही? जी भाकर आपण मोडतो ती ख्रिस्ताच्या शरीराच्या सहभागितेची भाकर आहे की नाही? 17 आपण पुष्कळजण असून एक भाकर, एक शरीर असे आहोत, कारण आपण सर्व त्या एका भाकरीचे भागीदार आहोत.

प्रभूची प्रार्थना

9 म्हणून तुम्ही प्रार्थना करता तेव्हा तुम्ही अशाप्रकारे प्रार्थना करावीः

हे आमच्या स्वर्गातील पित्या,

तुझे नाव पवित्र मानले जावो.

10 तुझे राज्य येवो,

जसे स्वर्गात

तसे पृथ्वीवरही तुझ्या इच्छेप्रमाणे होवो.

11 आमची रोजची भाकर आज आम्हास दे.

9 जो उदार दृष्टीचा आहे तो आशीर्वादित होईल

कारण तो आपले अन्न गरिबांबरोबर वाटून खातो.

37 परंतु त्याने त्यास उत्तर दिले, "तुम्हीच त्यांना काहीतरी खावयास द्या." ते त्यास म्हणाले, "आम्ही जाऊन त्यांना खाण्यासाठी दोनशे चांदीच्या नाण्याच्या भाकरी विकत आणाव्या काय?" 38 तो त्यांना म्हणाला, "जा आणि पाहा की तुमच्याजवळ किती भाकरी आहेत?" पाहिल्यावर ते म्हणाले, "आमच्याजवळ पाच भाकरी आणि दोन मासे आहेत."

39 येशूने सर्व लोकांस आज्ञा केली की गटागटाने हिरवळीवर बसावे. 40 तेव्हा ते शंभर शंभर व पन्नास पन्नास असे पंक्तीपंक्तीने बसले. 41 येशूने पाच भाकरी आणि दोन मासे घेऊन वर स्वर्गाकडे पाहून, आशीर्वाद दिला आणि भाकरी मोडल्या व त्या लोकांस वाढण्यासाठी आपल्या शिष्यांजवळ दिल्या आणि दोन मासेसुद्धा वाटून दिले. 42 मग ते सर्व जेवन करून तृप्त झाले. 43 आणि त्यांनी उरलेल्या तुकड्यांच्या बारा टोपल्या भरून घेतल्या आणि माशांचेही तुकडे नेले.

25 मी तरुण होतो आणि आता म्हातारा झालो आहे;

तरी नितीमान टाकलेला किंवा त्याच्या मुलांस भाकरी मागताना मी पाहिले नाही.

असमंजसपणाबद्दल शिष्यांचा निषेध

5 येशू आणि त्याचे शिष्य सरोवराच्या पलीकडे गेले तेव्हा भाकरी घ्यायला विसरले. 6 तेव्हा येशू त्यांना म्हणाला, "परूशी व सदूकी यांच्या खमिराविषयी सावध असा." 7 तेव्हा ते आपसात विचार करून म्हणाले, "आपण भाकरी घेतल्या नाहीत म्हणून ते असे म्हणत आहे." 8 पण येशूने हे ओळखून म्हटले, "अहो अल्पविश्वासू, आपण भाकरी घेतल्या नाहीत असा विचार तुम्ही आपसामध्ये का करता? 9 तुम्हास अजून समजत नाही काय? पाच भाकारींनी पाच हजार लोकांस जेवू घातले ते आणि त्यानंतर तुम्ही किती टोपल्या उचलून घेतल्या ते तुम्हास आठवत नाही काय? 10 तसेच चार हजारांच्या जेवणाला सात भाकरी आणि तुम्ही किती टोपल्या उचलून घेतल्या हे तुम्हास आठवत नाही काय? 11 मी भाकरी विषयी तुम्हास बोललो नाही, तर परूशी व सदूकी यांच्या खमिराविषयी सावध राहा, असे म्हणालो, हे तुम्हास कसे समजत नाही?" 12 तेव्हा त्यांना समजले की, त्याने त्यांना भाकरीच्या खमिराविषयी सावध राहण्यास सांगितले नव्हते तर परूशी आणि सदूकी यांच्या शिकवणुकीविषयी सावधान राहायला सांगितले होते.

शहाण्याचे आचरण

1 आपली भाकर जलावर सोड*.

कारण पुष्कळ दिवसानी तुला ते पुन्हा मिळेल.

2 तू सात आठ लोकांस वाटा दे.

कारण पृथ्वीवर कोणत्या वाईट गोष्टी घडतील त्याची तुम्हास कल्पना नाही.