Pão

11 Na LEUM GOD El fahk nu sel Moses, 12 "Nga lohng tari torkaskas lun mwet Israel. Fahk nu selos lah ke eku nukewa ac fah oasr ikwa nalos, ac ke lotutang nukewa elos ac fah eis lupan bread ma elos enenu. Na elos ac fah etu lah nga, LEUM GOD, pa God lalos."

13 Ke ekela sie u lulap ke won quail sohkma lucng me, ac afunla acn nukewa ke nien aktuktuk uh, ac ke lotutang aunfong uh nwakla acn mwet uh muta we. 14 Ac ke aunfong uh wanginla, oasr ma na minini ac fisrasrsrasr se oan infohk uh yen mwesis uh. Arulana fisrasr in mokutkuti. 15 Ke mwet Israel elos liyauk, elos tiana etu lah mea se, ac elos asiyuki sie sin sie, "Mea se inge?"

Moses el fahk nu selos, "Pa inge mwe mongo ma LEUM GOD El sot kowos in mongo kac.✝

31 Mwet Israel elos pangon mwe mongo sac manna.* Mwe mongo sac oana fita fasrfasr na srisrik se, ac emah uh oana eman flao minini orekla ke honey.✝

23 Na God El kaskas nu yen engyeng uh

Ac sapkin tuh srungul we in ikakelik;

24 El sang wheat inkusrao me

Ke El supwama manna nalos.✝

25 Ouinge, mwet uh mongo ke mwe mongo nun lipufan,

Ac God El supwama fal nu ke enenu lalos.

14 Kom akkapye mah nu sin cow uh,

Ac sacn nu sin mwet uh

Tuh elos in yukwiya ac konauk mongo nalos kac,

15 Ac in orala wain in akenganyalos,

Ac oil in olive tuh in mwe akmusra,

Ac mwe mongo in sang ku nu sin mwet.

32 Jesus el fahk, "Nga fahk na pwaye nu suwos: ma Moses el tuh sot nu suwos tia bread inkusrao me. Papa tumuk pa asot nu suwos bread pwaye inkusrao me. 33 Tuh bread ma God El asot pa el su oatui inkusrao me ac sang moul nu faclu."

34 Ac elos fahk nu sel, "Leum, ase nu sesr bread se inge pacl nukewa."

35 Jesus el fahk nu selos, "Nga bread in moul. El su tuku nu yuruk fah tiana masrinsral. El su lulalfongiyu fah tiana malu.

48 Nga bread in moul. 49 Papa matu tomowos elos mongo manna yen mwesis, tusruktu elos misa. 50 A funu bread su tuku inkusrao me, kutena mwet su mongo kac el fah tiana misa. 51 Nga pa bread in moul su tuku inkusrao me. Kutena mwet fin kang bread se inge, el fah eis moul ma pahtpat. Bread se su nga fah sang nu sel pa ikok, su nga sang tuh faclu fah ku in moul."

3 El tuh oru kowos in masrinsral, na El kite kowos ke manna, sie mwe mongo ma kowos, ac papa matu tomowos, soenna kang meet. El oru ma inge in luti kowos lah mwet uh tia moul ke bread mukena, a ke kas nukewa ma LEUM GOD El fahk.✝

4 Ac Jesus El fahk, "Ma Simusla fahk mu, ‘Mwet tia moul ke bread* mukena, a elos enenu pac kas nukewa ma tuku sin God me.’"

19 Na el eis sie bread, sang kulo nu sin God, kunsalik ac sang nu selos ac fahk, "Ma inge monuk su itukot keiwos. Oru ma inge in esamyu."

26 Tuh pacl e nukewa kowos mongo bread inge ac nim ke cup se inge, kowos fahkak misa lun Leum nwe ke pacl se el sifil tuku.

16 Cup se ma kut sang kulo nu sin God kac ke Kufwa lun Leum, ya kut tia ipeis ke srahn Christ ke pacl se kut nim kac? Ac bread se su kut kunsalik, ya kut tia ipeis ke monin Christ ke kut mongo kac?✝ 17 Ke sripen oasr lof in bread sefanna, kut finne mwet pus a kut mano sefanna, mweyen kut nukewa ipeis ke bread sefanna.

9 Ke ma inge kowos pre ouinge:

‘Papa tumasr su inkusrao;

Eelos oal pwaye;

10 Tokosrai lalos tuku;

Ma lungse lalos in orek fin faclu, ou elos oru inkusrao.

11 Kite kut len se inge ma kut mongo misenge.

9 Kom in kulang ac kasru mwet sukasrup ke mwe mongo nom, na ac fah akinsewowoyeyuk kom.

37 Jesus el topkolos ac fahk, "Komtal sifacna sang kutu mwe mongo nalos."

Elos topuk ac fahk, "Ya kom lungse kut in som sisla luofoko ipin silver ke bread in sang kitalos?"

38 Na Jesus el siyuk selos, "Lof ekasr oasr yuruwos? Fahla liye."

Ke elos oakla elos fahk nu sel, "Lof limekosr ac ik lukwa."

39 Jesus el fahk nu sin mwet tumal lutlut elos in kitalik un mwet uh nu ke u, ac sap elos in muta fin mah folfol uh. 40 Ouinge mwet uh takla muta in u, kais siofok ac kais lumngaul ke u se. 41 Na Jesus el eis lof limekosr ac ik lukwa, ac ngetak nu inkusrao ac sang kulo nu sin God. El kunsalik lof ah ac sang nu sin mwet tumal lutlut in kitalik nu sin mwet uh. El oayapa kitalik ik lukwa ah nu sin mwet nukewa. 42 Mwet nukewa mongo ac kihpi. 43 Na toko, mwet tumal lutlut elos orani fotoh singoul luo ke luwen bread ac ik uh.

25 Nga matuoh inge; nga moul paht na,

Tusruktu nga soenna liye sie mwet wo in pilesreyuk sin LEUM GOD,

Ku tulik natul in ngusr mwe mongo.

Mwe Pulol Lun Mwet Pharisee Ac Mwet Sadducee

5 Ke mwet tumal lutlut elos kalla nu lefahl laco ke lulu uh, elos mulkunla in utuk bread. 6 Jesus el fahk nu selos, "Karinginkowosyang liki mwe pulol lun mwet Pharisee ac mwet Sadducee."

7 Na elos mutawauk in asiyuki inmasrlolos sifacna ac fahk, "El fahk ma inge mweyen kut mulkunla in utuk bread tuku."

8 Jesus el etu ma elos fahk uh, na el siyuk selos, "Efu ku kowos sramsram inmasrlowos lah wangin bread yuruwos? Arulana srikla lalulalfongi lowos an! 9 Ya soenna kalem suwos? Ya kowos tia esam ke nga kunsalik lof limekosr nu sin mwet tausin limekosr ah? Fotoh ekasr kowos tuh nwakla ke luwen mongo ah? 10 Ac ke lof itkosr nu sin mwet tausin akosr ah? Fotoh ekasr kowos tuh nwakla ah? 11 Efu ku tia kalem suwos lah nga tia kaskas ke bread? Karinginkowosyang liki mwe pulol lun mwet Pharisee ac mwet Sadducee uh!"

12 Na mwet tumal lutlut elos fah akilenak lah el tia kas in sensenkunulos ke mwe akpulolye bread, a ke mwe luti lun mwet Pharisee ac mwet Sadducee.

Ma Sie Mwet Lalmwetmet Ac Oru

1 Oasr soakas se fahk mu, "Pahtkakunla ma nom fin kof u, na tukun len pus kom ac fah sifil konauk." 2 Sang kutu ma oasr yurum nu sin mwet itkosr ku oalkosr, mweyen kom koflana etu lah ongoiya fuka ac sikyak nu sum fin faclu.