Pão

32 Yesu kakiaghombela, "Kulyaghila nenga nunguaghombela, Musa kakiapegha ng’obhe hilyo hya mangate kuhuma kunani kwa Chapanga, ngati Tate ywangu ndo ywakaapegha mwenga hilyo hya lingate lya hoto liihuma kunani. 33 Kiyaha hilyo hya Chapanga ndo yula yunakuhuluka pahi kuhuma kunani kwa Chapanga ili kaapeghe bhandu bha nnima aghu ubhumi."

34 Hino bhakinng’ombela Yesu, "Bambo, kutandila hinu ghutupeghe lingate alyo manjubha ghoha."

35 Hino, Yesu kakiaghombela, "Nenga ndo lingate liabhapegha ubhumi, ywombe ywakahika kwa nenga na kunyubhalila katabhona ng’obhe njala hangi nyota.

48 Nenga ndo lingate lya ubhumi. 49 Atate bhenu bhakilyegha mana kula kukibhala, peni bhoha bhakihwegha. 50 Peni apa kubhegha lingate liihulukite pannima kuhuma kunani kwa Chapanga ngati mundu ywohele ywakapala kulyegha kakotoke kuhwegha. 51 Nenga ndo lingate lya ubhumi, ghulala hihulukite kuhuma kunani kwa Chapanga. Mundu ywohele pakalyegha lingate alyo, katalama manjubha ghoha. Lingate ali ndo mmili ghwangu, ghwene ghumbala kubhapegha kwakya ubhumi ghwa unnima."

4 Peni Yesu kakinnyanga, "Yityekwa mu Matyeko gha Chapanga, ‘Mundu katatama ng’obhe kwa kulyegha lingate ghweka, ngati kwa kila lilagho liikambukwa kwa nngulo ya Chapanga.’ "

19 Mbole kakilitola lingate, kakinnumba Chapanga, kakilimetula na kakiapegha andumitumi bhake pakilongela, "Aghu ndo mmili ghwangu ghuubhuhwa kwakya mwenga, ntende naha kya kungulungwa nenga."

26 Mana kila panlyegha lingate ali na kunyweghela nnobho aghu, mungulandamiha kiho kya Bambo, mbaka pakapala kuhika kangi.

16 Patunnumba Chapanga kwa nnobho ghula ghwa nonelo, bhuli, tungulihanga ng’obhe na mwahi ghwa Kilisito? Patulyegha lingati, bhuli, tungulihanga ng’obhe na mmili ghwa Kilisito? 17 Kiyaha lingati ndo limu, na twenga tuutangalite tubhegha mmili ghumu, kiyaha twabhoha tungulihanga kulyegha mu lingati limu.

9 Habhu, ndo mungunoghwa kuyupa,

‘Tate ghwetu ghuubheghite kunani,

Lihina lyako litikilwe,

10 Ghubhutwa ghwako ghuhike

Lighulipala litendeke kunani na litendeke bhubho mu nnima.

11 Ghutupeghe lelo hilyo hyetu hya kila linjubha.

37 Peni Yesu kakiayanga "Mubhapeghe mwenga hilyo." Bhakinnkonya, "Nhunda ghungubhona ng’obhe kukita yingutupala tubheghe na ngalabha nyoloho ndo twahotola kubhahemelela bhandu abha hilyo?" 38 Yesu kakiakonyekeha, "Ng’ende mukalolekehe yibhegha mangate milingi?" Bhakighenda na paabhuyite bhakinng’ombela, "Yibhegha mangate nhano na homba abhili." 39 Ndo Yesu kakiakwilikiha bhaatamihe bhandu mu himati himati mumanyahi mabhihi. 40 Nabho bhakitama muhimati hya bhandu mbinda mabhoko kumi na bhangi mbinda mabhoko nhano. 41 Mbole Yesu kakiyitola yila mangate nhano na bhala homba abhili kakilolekeha kuluhingu, kakinnumba Chapanga, kakiyimetula yila mangate, na kakiapegha ahundwa bhake bhabhapeghe bhandu bhoha. Hila hila bhakiapegha bhandu bhoha bhala homba abhili. 42 Bhandu bhoha bhakilyegha na bhakiyukuta. 43 Ahundwa bhake bhakihiyola mahighalo gha hipalamande hya mangate na homba, na bhakimemekeha hikapu mbinda mabhoko yimo na hibhili.

Amila ya Afalisayo na Asadukayo

5 Ahundwa bha Yesu pabhayombokite kumwambo ya lihibha, bhaking’amula kukita bhakilibhala kutola mangate. 6 Yesu kakiaghombela, "Mulindakile mulikingikihe na amila ya Afalisayo na Asadukayo."

7 Bhombe bhakiyanda kughombana bhombe kwa bhombe, paalongela, "Kangulongela habhu kiyaha tutola ng’obhe mangate."

8 Yesu kakimanya kyakabheghite mukulongela, ndo kakiaghombela, "Mwenga bhandu mummeghite na uhyubhalilo nchoko! Bhuli, mungughombana kyangali kutola mangate? 9 Bhuli, nkali kumanya? Bhuli mungukulugwa ng’obhe pametulite ghala mangate nhano bhakelyegha bhandu elfu nhano? Bhuli, mukimemekeha mahighalo hikapu hilingi? 10 Ebu ghala mangate saba bhakeghabhilwa bhandu elfu ncheche, bhuli mukikungana mahighalo gha hikapu hilingi. 11 Bhuli mukimanya ng’obhe kukita nikibhegha nungulongela ng’obhe na mwenga yakya mihalo ya mangate? Mulindakile na amila ya Afalisayo na Asadukayo. 12 Apo ndo ahundwa bhakimanya kukita kangulongela ng’obhe kwakya amila ya kutendekeha mangate, ngati kwakya mahundo gha Afalisayo na Asadukayo."