Pão

11 याहवेह मोशेला म्हणाले, 12 "मी इस्राएली लोकांची कुरकुर ऐकली आहे. त्यांना सांग, ‘सायंकाळी तुम्ही मांस खाल, व सकाळी तुम्ही भाकरीने तृप्त व्हाल. मग तुम्हाला समजेल की, मी याहवेह तुमचा परमेश्वर आहे.’ "

13 त्या संध्याकाळी लावे पक्षी त्यांच्या वस्तीवर येऊन उतरले व त्यामुळे छावणी व सभोवतालची सर्व जमीन झाकली गेली आणि सकाळी छावणी सभोवती दवबिंदूंचा थर जमला होता. 14 जेव्हा दवबिंदू नाहीसे झाले, तेव्हा रानातील भूमीवर हिमकणांएवढे खवल्यांसारखे बारीक तुकडे पसरलेले दिसू लागले. 15 जेव्हा इस्राएली लोकांनी ते पाहिले, ते एकमेकास म्हणू लागले, "हे काय आहे?" कारण ते काय होते ते त्यांना ठाऊक नव्हते.

मोशे त्यांना म्हणाला, "हीच ती भाकर आहे जी याहवेहने तुम्हाला खाण्यासाठी दिली आहे.

31 इस्राएली लोकांनी त्या भाकरीला मान्ना* असे नाव दिले. ते धण्याच्या बीजाप्रमाणे पांढरे असून त्याची चव मध घालून केलेल्या पापडीप्रमाणे होती.

23 त्यांनी आकाशाला उघडण्याची आज्ञा केली;

आणि आकाशाचे दरवाजे उघडले;

24 लोकांच्या खाण्याकरिता त्यांनी मान्नाचा वर्षाव केला,

त्यांनी स्वर्गातील धान्य त्यांना दिले.

25 मनुष्यांनी देवदूतांची भाकर खाल्ली;

त्यांना खाता येईल तेवढे सर्व अन्न त्यांनी दिले.

14 ते जनावरांच्या पोषणाकरिता गवत उत्पन्न करतात,

आणि मानवाने मशागत करावी—

जमिनीतून अन्न उत्पादन करावे म्हणून:

15 मानवाचे हृदय उल्हासित करण्यास द्राक्षारस,

त्याचे मुख तुळतुळीत राखण्यासाठी तेल

आणि त्याच्या हृदयाचे जतन व्हावे म्हणून भाकर उत्पन्न करतात.

32 येशू त्यांना म्हणाले, "मी तुम्हाला निश्चित सांगतो, ज्यांनी तुम्हाला स्वर्गातून येणारी भाकर दिली तो मोशे नव्हता, परंतु माझा पिता जो स्वर्गातील खरी भाकर तुम्हाला देत आहे. 33 ही परमेश्वराची भाकर आहे, जी स्वर्गातून उतरली आहे आणि जगाला जीवन देते."

34 ते म्हणाले, "प्रभूजी, हीच भाकर आपण आम्हाला नेहमी द्या."

35 त्यावर येशू जाहीरपणे म्हणाले, "मीच जीवनाची भाकर आहे. जो मजकडे येतो त्याला पुन्हा कधीही भूक लागणार नाही आणि जो मजवर विश्वास ठेवतो त्याला कधीही तहान लागणार नाही.

48 मीच जीवनाची भाकर आहे. 49 तुमच्या पूर्वजांनी रानात मान्ना खाल्ला, तरी ते मरण पावले. 50 परंतु ही भाकर जी स्वर्गातून उतरलेली आहे, ती जे कोणी खातील ते मरणार नाही. 51 मी ती स्वर्गातून उतरलेली जिवंत भाकर आहे. जे कोणीही भाकर खातील, ते सदासर्वकाळ जगतील. ही भाकर माझे शरीर आहे, जी जगाच्या जीवनासाठी मी देणार आहे."

3 तुमची उपासमार करून तुम्हाला नम्र केले व नंतर तुम्हाला आणि तुमच्या पूर्वजांनाही पूर्वी कधीही माहिती नसलेला मान्ना खावयास देऊन तुम्हाला शिकविले की, मनुष्य केवळ भाकरीने नव्हे, तर याहवेहच्या मुखातून निघणार्‍या प्रत्येक वचनाने जगेल.

4 तेव्हा येशूंनी उत्तर दिले, " ‘मनुष्य केवळ भाकरीने नव्हे, तर परमेश्वराच्या मुखातून निघणार्‍या प्रत्येक वचनाने जगेल’* असे लिहिले आहे."

19 नंतर येशूंनी भाकर घेतली, आभार मानले आणि ती मोडली आणि ती त्यांना देत असताना म्हणाले, "हे माझे शरीर असून ते तुमच्याकरिता दिले जात आहे; माझ्या स्मरणार्थ हे करा."

26 कारण ज्यावेळी तुम्ही ही भाकर खाता आणि हा प्याला पिता, तेव्हा प्रत्येक वेळी त्यांचे पुनरागमन होईपर्यंत प्रभूच्या मृत्यूची घोषणा करता.

16 उपकारस्तुतीचा प्याला ज्याबद्दल आपण उपकारस्तुती करतो ती ख्रिस्ताच्या रक्तामध्ये सहभागिता नाही का? जी भाकर आपण मोडतो ती ख्रिस्ताच्या शरीराशी सहभागिता नाही का? 17 कारण भाकर एक आहे, आम्ही पुष्कळजण असलो तरी एक शरीर आहोत, आपण सर्वजण एकाच भाकरीचे सहभागी आहोत.

9 "तर, तुम्ही याप्रमाणे प्रार्थना करीत जा:

" ‘हे आमच्या स्वर्गातील पित्या,

तुमचे नाव पवित्र मानिले जावो,

10 तुमचे राज्य येवो,

जशी स्वर्गात तशीच पृथ्वीवरही,

तुमची इच्छा पूर्ण होवो.

11 आमची रोजची भाकर आज आम्हाला द्या.

9 उदारपणे वागणारी माणसे स्वतःच आशीर्वादित होतात,

कारण ते त्यांच्या अन्नात गरिबांना वाटेकरी करतात.

37 यावर येशू म्हणाले, "तुम्ही त्यांना काहीतरी खावयास द्या."

त्यांनी विचारले, "इतक्या लोकांना जेवू घालावयाचे म्हणजे अर्ध्या वर्षाच्या मजुरी* पेक्षा अधिक रक्कम खर्च करावी काय?"

38 ते म्हणाले, "तुमच्याजवळ किती भाकरी आहेत? जा आणि पाहा."

जेव्हा त्यांनी शोधले तेव्हा त्यांना कळले व ते म्हणाले, "पाच भाकरी आणि दोन मासे आहेत."

39 मग येशूंनी लोकांना गवतावर गटागटाने बसावयास सांगितले. 40 त्याप्रमाणे लोक पन्नास आणि शंभर अशा गटांनी बसले. 41 मग येशूंनी त्या पाच भाकरी व दोन मासे घेतले आणि स्वर्गाकडे पाहून त्याबद्दल आभार मानले आणि मग त्या भाकरीचे तुकडे करून ते शिष्यांजवळ लोकांना वाढण्यासाठी दिले आणि दोन मासळ्यांचेही असेच वाटप केले. 42 ते सर्वजण जेवले आणि तृप्त झाले, 43 आणि शिष्यांनी उरलेले भाकरीचे तुकडे व मासे गोळा केले त्यावेळी बारा टोपल्या उचलल्या.

25 मी तरुण होतो आणि आता प्रौढ झालो आहे,

तरी आजपर्यंत नीतिमानाला टाकलेला

किंवा त्याच्या संततीला भीक मागताना मी पाहिले नाही.

परूशी व सदूकी यांचे खमीर

5 सरोवराच्या पलीकडे गेले आणि शिष्य आपल्याबरोबर भाकरी घ्यावयास विसरले. 6 येशूने त्यांना म्हटले, "सांभाळा, परूशी व सदूकी लोकांच्या खमिरापासून सावध असा."

7 तेव्हा शिष्य आपसात चर्चा करू लागले आणि म्हणाले, "आपण भाकर आणली नाही म्हणून ते असे बोलत आहेत."

8 त्यांच्या चर्चेचा विषय ओळखून येशू म्हणाले, "अहो, अल्पविश्वासी, तुम्ही भाकर नाही याबद्दल आपसात का बोलता? 9 तुम्हाला अजून समजले नाही काय? पाच हजारांना पाच भाकरींनी जेवू घातले तेव्हा तुम्ही किती टोपल्या गोळा केल्या ते तुम्हाला आठवत नाही काय? 10 किंवा सात भाकरींनी चार हजारांना जेवू घातले तेव्हा उरलेल्या अन्नाच्या तुम्ही किती टोपल्या गोळा केल्या? 11 तुम्हाला कसे समजत नाही की भाकरीविषयी मी बोलत नाही? परंतु परूशी व सदूकी यांच्या खमिराविषयी सावध असण्यास सांगत आहे." 12 मग भाकरीमध्ये घालण्यात येणार्‍या खमिराबद्दल ते बोलत नसून परूशी व सदूकी यांच्या चुकीच्या शिक्षणाबद्दल ते बोलत होते हे त्यांच्या लक्षात आले.

अनेक उद्योगात निवेश कर

1 तू आपल्या धान्याची समुद्रावरून निर्यात* कर;

पुष्कळ दिवसांनी त्याचा मोबदला तुला लाभेल.

2 सात उपक्रमांमध्ये, होय, आठांमध्ये गुंतवणूक कर;

कारण पृथ्वीवर कोणती दुर्घटना घडेल, हे तुला ठाऊक नाही.