O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
संस्कारी लाड़ी
एक खरी लाड़ी केसखे मिली सकोई?
कऊँकि तेसा री कीमत मूँगेया ते बी केथी जादा ए।
तेसा रा लाड़ा तेसा पाँदे बऊत परोसा करोआ,
ओर तेसखे किजी बी चीजा री कमी नि ऊँदी।
से आपणे लाड़े साथे कदी बी बुरा बर्ताव नि करदी,
बल्कि तेसखे अच्छा ई सोचोई।
से ऊन ओर सण टोल़ी-टोल़ी की ल्याओई,
ओर आपणे आथो साथे खुशिया ते काम करोई।
से बपारो रे जाह्जो जेड़ी आपणे खाणे रिया चीजा खे दूरा ते मँगवाओई।
से तड़के ई उठी की रोटी बणाओई,
ओर आपणे कअरो वाल़ेया खे खाणा खुल़ाओ ई,
ओर आपणी दासिया खे लग-लग काम देओई।
से सोची-समजी की डोरूआ खे मोले लओई,
ओर से मईणत करी की तिदे अंगूरा रा बगीचा लगाओई।
से आपणे लको खे कसी की बानोई,
ओर आपणियां बांयी खे मजबूत बणाओई।
से परखी लओई कि माखे बपारो दे कदी फाईदा ऊणा।
ओर से राती तक काम करदी रओई।
से ताऊकल़िया दे आपू ऊन कातोई,
ओर चरखे दे आपू खे टाल्ले बणाओई।
से दिलो ते गरीब ओर जरूरतमंद लोका री मताद करोई।
से सणो रे टाल्ले बणाई की बेचोई,
ओर बपारिया खे लको रा पटका बणाई की बेचोई।
से तागतबर ओर प्रतापो ते परी री ओई,
ओर आऊणे वाल़े बखतो ते नि डरदी।
से हमेशा अक्ला रिया गल्ला बोलोई,
ओर से कृपा ते सबी खे सला देओई।
से आपणे कराने रे चाल-चलणो खे त्यानो रे देखोई,
ओर से कदी बी आल़सीपन नि दखांदी।
हर अक्लमंद जवाणस आपणे कअरो खे बड़िया बणाओई,
पर मूर्ख जवाणस तिजी खे आपणे ई आथे की टाल़ी देओई।
बुरिया सलाई ते बचणा
ओ मेरे पाऊआ, आपणे बाओ रिया शिक्षा खे त्यानो साथे सुणेया,
ओर देखेया, आपणियां माया री दित्ती री शिक्षा खे छाडदा;
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
लाड़ा और लाड़ी
ओ लाड़ियो! ईंयां तुसे बी आपणेया लाड़ेया रे अधीन रओ। ताकि जे इना बीचा ते किने बी सुसमाचारो पाँदे विश्वास नि करी राखेया ओ तो सेयो तुसा रे कुछ बोले बिना ई तुसा रे सबाओ रे जरिए विश्वासो रे आयी सकणे, कऊँकि सेयो तुसा रे पवित्र चाल-चलण और अच्छे सबाओ खे देखदे रओए। तुसा रा श्रृंगार दखाऊटी नि ओ, जिंयाँ लग-लग किस्मा ते बाल़ गूँदणा, सूईने रे गईणे या कईया प्रकारा रे टाल्ले पईनणा। बल्कि तुसा री छिपी री गुप्त इनसानियत, नरमाई, मनो री दीनता री अविनाशी सजाऊटा ते सज्जी री रओ, कऊँकि परमेशरो री नजरा रे इजी री कीमत बड़ी ए। पईलके जमाने रे पवित्र जवाणसा बी, जो परमेशरो पाँदे उम्मीद राखो थिया, आपू खे ईंयां ई सजाओ थिया और आपणे-आपणे लाड़ेया रे अधीन रओ थिया। जेड़ी सारा अब्राहमो री आज्ञा रे रओ थी और तेसखे स्वामी बोलो थी। तो जे तुसे बी खरा करो और केसी बी डरो ते नि डरो, तो तेसरी बेटिया ठईरनियां।
तिंयाँ ई ओ लाड़ेयो, तुसे बी आपणी-आपणी लाड़िया साथे समजदारिया ते जिन्दगी जिओ। तुसे ये याद राखो कि सेयो तुसा ते कमजोर ऊई सकोईया, इजी खे तुसे तिना रा आदर करो। कऊँकि तुसे दोनो तेस बरदानो रे इस्सेदार ए जो परमेशरे कृपा ते देई राखेया, और से बरदान अनन्त जिन्दगी ए। एड़ा ई करो ताकि परमेशर तुसा री प्रार्थना खे सुणो।
तिंयाँ ई आँऊ ये बी चाऊँआ कि जवाणसा शर्म और संयमो साथे, सुहावने टाल्लेया ते आपणे आपू खे सजाओ, ना कि बाल़ गूँदणे, सूईने, मोतियो ते और किमती टाल्लेया ते,
ईंयां ई तिना री जवाणसा बी आदरो जोगिया ओ, ओरी री बुराई करने वाल़ी नि ओ, पर सब्रो वाल़ी और सबी गल्ला रे विश्वासो जोगी ओ।
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
तेबे परमेशरे माणूं आपणे रूपो रे मुताबिक बणाया। आपणे ई रूपो रे मुताबिक परमेशरे से बणाया। तिने मर्द ओर जवाणस करी की सेयो माणूं बणाए। ओर परमेशरे तिना खे आशीष देंदे ऊए बोलेया, "फल़़ो-फूलो ओर तरतिया रे परी जाओ ओर तरतिया खे आपणे वशो रे करी लो ओर समुद्रो रिया मछलिया, सर्गो रे पंछी ओर तरतिया पाँदे सारे लूरने वाल़े जन्तुआ पाँदे अक्क राखो।"
तेबे परमेशर यहोवा बोलेया, "आदमिए रा कल्ला रणा ठीक निए, तेसखे मां एड़ा जोड़ीदार बनाणा, जेस साथे से मेल खाओ।"
तेबे परमेशरे तेसा जवाणसा खे बोलेया, "मां तेरी पीड़ ओर तेरा गर्भवती ऊणे रा दु:ख बऊत बढ़ाणा। तेरे पीड़ा साथे बाल़क जम्मेया करना ओर तेरी इच्छा तेरे लाड़े कनारे ऊणी ओर तेस तां पाँदे अक्क राखणा।"
तेबे बी प्रभुए रे ना तो जवाणस बिना मर्दो ते और ना मर्द बिना जवाणसा ते ए। कऊँकि जिंयाँ जवाणस मर्दो ते आई, तिंयाँ ई एबे हर मर्द रा जन्म जवाणसा ते ओआ और सब चीजा परमेशरो ते आओईया।
लाड़ा और लाड़ी
ओ लाड़ियो! आपणे-आपणे लाड़े रे एड़े अधीन रओ, जेड़े प्रभुए रे। कऊँकि लाड़ा, लाड़िया रा सिर ए, जेड़ा कि मसीह मण्डल़िया रा सिर ए और आपू ई मण्डल़िया रा उद्धारकर्ता ए जो तिना रा शरीर ए। जेड़ी मण्डल़िया मसीह रे अधीन ए। तिंयाँ ई लाड़िया बी हर गल्ला रे आपणे-आपणे लाड़े रे अधीन रओ।
ईंयां ई सयाणियां जवाणसा रा चाल-चलण एड़ा ओ कि परमेशरो खे आदरो जोगा ओ। सेयो ना तो ओरी पाँदे दोष लगाणे वाल़ी ओ और ना ई पियक्कड़ ओ पर सेयो अच्छिया गल्ला सिखाणे वाल़िया ओ। ये स्याणी जवाणसा जवान जवाणसा खे जरूर सिखाओ कि सेयो आपणे लाड़ेया और बच्चेया साथे प्यार करो। और ये बी सिखाओ कि सेयो आपू पाँदे काबू राखणे वाल़िया, पतिव्रता, कअरो रा काम-काज करने वाल़ी, पली और आपणे-आपणे लाड़े रे अधीन रणे वाल़िया ओ, ताकि परमेशरो रे वचनो री निन्दा नि ओ।