O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
Undaanɛ nu ɠa ga naa, nii a anzanu zɔɓelamai zɔlɔɔ,
tosuʋɛ wɔɔlɔʋɛ kɔbu ani ʋagɔiti sɔngɔi ʋa.
Sinigi laaʋɛ da,
ani ʋagɔ nɔpɛ ge la ʋalaga ná-pɛlɛi wu.
É la ɗa ga kazemazu vaa nɔpɛ kɛ ga sinigi,
kɛni faa ʋagɔi nɔ, sii ma voloiti pɛ su.
Toɠa ɗa baala deɠai ɠaiziɛ ta gezei,
é ɗa boti ɠɛ ga zeeiti ga koozunɛɛi.
Eɠɛ yaaɠo ɓatoi,
toɠa ɗa zeɠe ga ɠɔnɔgi ɠoozama.
Toɠa ɗa wuzeɠe ga kpidiɓidigi,
é daamianigi ve ná-pɛlɛyeɠei ya,
é ná-deveiti fe ná-botiɠɛ anzanuiti zea.
É ɠisiɛ kpalagi ta zu, é geya,
é leezɛn ɓelei leʋe ba, ga ná-botii zulɔnɔgi.
Toɠa ɗa botii ɠɛ ga suvikɛi pɛ,
zea la ʋalaga ɠɔ.
Toɠa pɛtɛsu ga zeavaiti su ɠa ɓɛtɛzu,
toɠa ɗa ɠaazuɓa, é ɗa botii ɠɛ kpidii, abu zezei ɠa.
Toɠa ɗa kenagi zo ga yeei, é ɗa gezei ɓali,
é kena kpakui zo ga yeeɓeɠaiti.
Zeei maalegɛ maanɔɠɔ nuiti ta-ɓɔba vai ma,
toɠa ga faanɛɛ ɠɛ nu bala nuiti bɛ.
Toɠa ɗa seɠeiti fɛlɛ, é ɗa ti ʋɔdi,
é ɗa saamaɠiligiti fe yaaɠoiti zea.
Zɛbɛi ta unfemai, ta bɛ ga maaɠili zɔɔlai,
toɠa ɗa ɲɛɛ laa ɠakama, a ɠɛna ɠisiaa ʋelela ʋele vaiti su.
Toɠa ɗa ɓɔɛ ga ɠimalai,
soogɛ kalagi wosu ga wooɠɛɠiladai.
Toɠa ɗa wɛlɛ fai kpein ma, é ziɛzu ná-pɛlɛyeɠei wu,
é la looɠoga botii ʋa.
Ɠima anzanui ná-pɛlɛyeɠei loni,
kɛlɛ ɠimalala gelei nɔnɔi woloni tɔ ɓɔɠɔi.
Dama ga zunu loungo ɲɔiti
Dòun zunu, woilo, è dama ga faaɠwɛgi, è sɔlɔɔsu è-ɠɛɛ ya,
mina è-lee ná-tɛnɛ gooiti da ɠoba.
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
Anzaiti ta ti-zinigiti ti ɠɛʋelei
Anzaiti, wa ɓalaagi, à ɓɔɠɔmaayei wo-zinigiti bɛ, naa ɠa a kɛ, ni tanigaani ta ná, ti la kɛɛzu ti ʋa la GALA daawooi la, naati ti ɠidaaleʋe ga ti-anzaiti siɛ ʋelei maaʋele, kpɔɛzuɠula nɔpɛ ge la ba, ta wo-ziɛ ʋele ɲadegai ɠaana, unfemai zu. Wa-ʋadai un ge mina zei wo-ɓusɛi maaʋɛ nɔ ʋa: unfɛlɛ laalitaaligiti, zanu maaɠili zɔɔlaiti, ta seɠe wola ʋagɔiti. Kɛlɛ wa-ʋadai ɠɛ ga nii dɔɔɠuai wo-yiimaʋɛ, padai é la luulaa, é zɔlɔɔsu ziilɛi zɛnvui zu, gaanɛai, naa ɠa sɔngɔi ɓaɠoai GALA gaazu. Zekana mɔungi anzanu ɲadegaiti ti ɓena ɓɔɠɔ ɓɛtɛ la, tɛiti ti-ɠigi loni GALA ba, ti ɓɔɠɔmaayeini ti-zinigiti bɛ. Eɠɛʋelei Sala ɠɛni la, é ɓɔɠɔmaayeini Abalaame ʋɛ, é ɗa toli ga «màliɠii». Niizu wo ɠɛa ga naa, ná-anzanu lointi, ni wa faa ʋagɔi ɠɛɛzu, wo la ɓɔɠɔ yɛsu ná, wo ʋa ɓɔlɔ ga maalua vaa nɔpɛ.
Anzazinigiti, wa ɓalaagi, à eteai ziɛ ʋɔɔma, wa wo-anzaiti, wo ɠizɛ ta-zɛbɛsulala vai zu. À unfe ti ma, tɔɔzei wa tiyani wa zɛnvui ma ʋoganii zeɠezu ʋɔɔma, nii GALA ge feezu ná-zaalai zu, naa ɠa a kɛ faa tanɔpɛ ge mina wa-ƓALA falii zuɠoloɠolo.
Nà pɔ ɓalaa ga anzanuiti ti ɗa ɓɔɠɔ maaɠili ga maaɠilii nii soloogai, waso ge la ba, ná kɛɠalai nɔ. Ti mina ɓɔɠɔ maaɠili ga unfɛlɛ ɓaaɓaagiti, ɓaa zanugi, ɓaa kɔtu zɔngɔ ɓaagiti, ɓaa seɠe laaɓaagiti,
Anzanuiti ɓalaa maanɛɛʋɛ ti ɠɛ ga unfema nuiti, ti mina ɠɛ ga tɔɠɔ ɠoloɠolo nu, kɛlɛ kɛni ti ɠɛ ga sɔɓelama nu, ti ɠɛ ga wooɠɛɠila nu fai pɛ su.
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
GALA ge nuɓusɛi ɓɛtɛni ga tɔ ɓɔɠɔi maaniinigi, é kpɛtɛni ga GALA maaniinigi. É zunui ta anzanui ɓɛtɛni.
GALA ge tuya looni ti ʋɛ, é ɠɛ ti ma: «À ɓuɠu, wo mɔin, wo eteai laave, wo maaɠolo. À zei kaleiti unda, ta wɔniiti, ta suai kpein é yɛnvuzu zooi ɠa.»
Ɠɔoɠɔ GALAGI ɠɛni ma: «É la ʋani ga zunui ɠila ko yɛ de. Nà kpɔba nu ʋagɔ ɓɛtɛzu bɛ.»
É ɠɛni anzanui ma:
«Nà ta la ɗa-ɓɔlɔi ma, kogi a ɠɛna è ma,
ɗa ɓɔlɔ pɛ, ɗa ʋa dointi sɔlɔɔ.
È yiima vai ɠa è mɛɛn è-zinigi ʋɔ pelei,
toɠa zei è unda.»
Naati pɛ ta nɔnɔ, Maliɠii ná-pelei ma, anzanui la ɓɔɠɔyeema yɛ, ni zunui laade, zunui la ɓɔɠɔyeema yɛ, ni anzanui laade. Mazɔlɔɔ, eɠɛʋelei anzanui ɓɛtɛni la, é ɠula zunui zu, zekana é la, zunui ɓalaa ɠa ná anzanui zaɓui zu, ti pɛ ti zeɠeʋɛ GALA pɔ.
Anzaiti, à ɓɔɠɔmaayei wo-zinigiti bɛ, eɠɛʋelei wo kɛɛzu la Maliɠii ʋɛ. Mazɔlɔɔ anzazinigi ɠa é ga anzai ma ungi, eɠɛʋelei Kilista la ga Egilisii ma ungi. Kilista ɓɔɠɔi ɠa é ga Egilisii Ɠizo Nui, nii é ga kpusɛi. Naa ɠa é ba, eɠɛʋelei Egilisii ɓɔɠɔmaayeiɗai la Kilista ʋɛ, ʋele ɠana anzanuiti maanɛai ti ɓɔɠɔmaayei la ti-zinigiti bɛ fai pɛ su.
Bo ɠana nɔ anzanu ɓakologiti ma, ga ti-ziɛ ʋelei zoloo ɲadedai ma. Ti mina nu lɔɠɔ ɠoloɠolo faa ɠɛ, ti mina ɓɔɠɔ ve dɔɔi ya. Ti maanɛɛʋɛ, ti ɗa tɛnɛ pagɔiti bo, naa ɠa a kɛ ti anzalopoiti kala ga ti ti-zinigiti nɛɛ ʋɛ, ta ti-lointi, ta ti ɠɛ ga kidafaawu nuiti, ti ɲade, ti ɠaaɓa ta-ʋɛlɛi ma, ti ɠɛ ga nu ʋagɔ, ti ɓɔɠɔmaayei ti ɓɔɠɔ zinigiti bɛ, naa ɠa a kɛ nu mina woo ɲɔu wo GALA daawooi laalɔɠɔma.