O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
Mahundo kwa valombwîje na valombîle
Uchocho na mwenu mmakongwe, vapilikane valume venu uchinga vakàpwawa valume vakálikulupila lilove lyanga Nnungu vautangwe kwa matendo lenu lambone akee malove lenu. Vàmbeutangwa, ing’anya ya kumwonanga namuna chimuikalanga kwa maisha lanaswe kwa kunnyopa Nnungu. Kulipamba kwenu kunave chihi kwa pannima, malinga kutiva ulindo na kuwala vitukutuku vikatapajîjwe kwa zahabu na kwa kuwala dinguwo digalîka namene. Henga mwenu mùlembelewa mulipambe muunu wenu wa nkati, kwa ikatapadi ikáondongeka, ikatapadi ya isungu ya upole na amani. Na kulipamba malinga aneko njo kwa mana namene pameho panga Nnungu. Uvila njo chivanalipambile akongwe vanaswe va machedo, vanang’o vávika lilolelo lyavo kwanga Nnungu na kuvapilikana alume vao. Kwa nfano, Sala ánimpilikana Iblahimu, nkunchema nang’olo wake. Na mwenu mùmbekuva mmana mma Sala mukàtenda lambone bila kuyopa chinu chohecho.
Uchocho, na mwenu mmalume, mùlembelewa muikalange na akongwe venu akuno umumala kuva vanang’o nni viumbe vidabadânga. Na mùlembelewa mùvaeshimu, kwa kuva vanang’o vàmbepwechela pamo na mwenu inudyo ya umi ukee na ntululilo. Vàeshimu uchinga chinapwawe chinu chakudivila àlalá lamunnyuwanga Nnungu.
Pamo na anelo, ngùlembela vamahe vawale kwa namuna ilembelêwa. Vawale kwa adabu, na wala vanapundihe namene kuwalila zahabu na lulu na dinguwo digalika namene au kutiva ulindo.
Ajavao na vanang’o vàlembelewa vààve vanu vaeshimika, vanààve vanu va kulambilila, henga vàlembelewa vààve vanu vavêle na ntima ukápundiha na vakulupîka kwa vitukutuku vyammalele.
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
Bahi Nnungu nkummumba munu kwa nfano wake. Kwa nfano wake mwene Nnungu ámmumbile nnume na mmahe. Nnungu nkuvabaliki wavahaulila kuchidoni, "Velekana na muyenjejeke, muumbale pachilambo na kuchitawala. Uchocho, muvatawale ahomba va m’bahali, na vyuni viulûka kumahunde na kila chiumbe chivêle na umi chiônga pachilambo."
Anepo Yahwe Nnungu nkuchidoni, "Chikee chinu chambone ayu nnume kuva weka. Nìmbemmumbila nkúyangata ambenfâla."
Anepo nkunnyaulila ayula mmahe kuchidoni,
"Nìmbekunonoheja uchungu wa kuveleka,
ùmbevaveleka vana kwa uchungu.
Henga, pamo na anelyo, wako ùmbekuva chihi nkuntamwa namene ntwalo,
nanang’e àmbekutawala wako."
Bahi kwa kulundanywa kwetu na Nang’olo, mmahe akálihululila bila nnume na nnume akálihululila bila mmahe. Kwa kuva, malinga mmahe chaumbwije kuhaloka mwa nnume, uchocho njo nnume chavelekwa kuhaloka mwa nkongwe. Henga vitukutuku vyammalele vìhaloka kwanga Nnungu.
Mwenu mmakongwe, vapilikane valume venu malinga chimumpilikana Nang’olo wetu. Kwa kuva, nnume àvele na mamulaka kwa n’jawe, malinga Kilisto chavele na mamulaka kwa vanu vankulupîla. Kilisto mwene nni Mpohi wa mmili wake, yani vanu vankulupîla. Bahi malinga vanu vankulupîla Yesu Kilisto chivampilikana nang’e, uchocho vakongwe navanang’o vàlembelewa vavapilikane valume vao kwa kila chinu.
Uchocho, vahaulile amabinkubwa vaikalange malinga chivalembelewa vaikale vanu vanaswe. Vakálembelewa vààve vanu va kulambilila au vakukalewa, henga vàlembelewa vahunde mambo lambone. Na kwa kutenda uchocho, vachivahulule kuvahunda vali kuvatamwa alume vao na vana vao, na kuva vanu vaikâla kwa lúnda, na vaikâla bila uhakwa, na kuva vanu va kuvachunga saana vanu va ding’ande dyavo, na kuva vanu vambone, na kuva vanu va kuvapilikana alume vao, uchinga ujumbe wa Nnungu unatangolewe malove lahakalenge.