O papel da mulher

ፆቃማ ላኣሊ

10 ኮሺ ላኣሊ ዖኦኒ ዴንቃኒ ዳንዳዓይ? ዒዛ ቦንቺንታያ ማዔ ሹጮፓ ባሼ ቦንቺንቴያኬ።

11 ዓኒ ዒዞኮ ዒዞ ጉሙርቃኔ፤ ዒ ኮዔ ባኣዚ ቢያ ዒዞይዳፓ ዴንቁዋ ዓቱዋሴ።

12 ዒዛ ናንጋ ዎዶ ቢያይዳ ኮሺ ባኣዚ ዒዛም ማዻንዳኣፓዓቴም ፑርታ ባኣዚ ማዺንዱዋሴ።

13 ማራይ ጋፓኔና ጉኡፂሲ ሱኮና ፓቲሌና ዓፒላ ዹይሲ፥ ዒዞም ኮሽኬያ ማዔም ማዾ ሌሊ ማዻኔ። 14 ኮርሞ ኮርማ ዓሶኮ ዋኣፆ ካኣሚሎጉዲ ሃኬ ቤሲ ዓኣዺ ዱማ ዱማ ሙኡዚ ዒዛ ቡኩሳኔ። 15 ዒዛ ፔ ማኣሮ ዓሶም ሙዖ ጊኢጊሻኒና ዒዞኮ ማዾ ማዻ ዓሶም ማዾ ጊሽካኒ ሃጊ ሳዓ ካሩዋንቴ ዔቃኔ።

16 ኮሺ ሳዓ ኮይ ዒዛ ሻንቃኔ፤ ዒዛ ማዺ ዴንቃ ሚኢሾና ዎይኔ ቱኮንዶ ቤሲ ጊኢጊሻኔ።

17 ዒዛ ጪንጫ ማዻያ ማዒፆ ሌሊቱዋንቴ ማዾናኣ ዶዲኬ።

18 ዒዛ ማዻ ባካ ቢያ ዒዞ ማኣዳያ ማዔሢ ዒዛ ዔራኔ፤ ዋንቶ ማዼ ጎይሣ ዒዛ ዎርቃሢሮ ፖዓ ዒዞኮ ሃይቁዋሴ፤

19 ዒዛ ፔኤኮ ቢላቢጮና ሱኪ ዓፒሎ ዹይሳኔ።

20 ማንቆና ሜታዼ ዓሶናም ዒዛ ዒንጋኔ።

24 ሻኣዣሲ ሱኪ ዹይሶና ዓፒሎ ዒዛ ሻንቻኔ፤ ኬርና ቱኮ ቃልሾዋ ኮርሞ ኮርማ ዓሳ ዒዞ ኮይላፓ ዔኪ ዴንዲ ኮርማኔ።

25 ዒዛ ዶዲ፥ ሃሣ ቦንቺንታያኬ፤ ሙካ ዎዶይዳ ቢያ ዒዛ ዎዛዺ ናንጋኔ።

26 ዒዛ ዔራቶና ጌስታኔ፤ ጊንሣ ሃሣ ኮሺ ዞሮዋ ዞራኔ።

27 ቢያ ዎዴ ማዾ ማዺ ማኣሮ ዓሶ ቶኦኮ ዒዛ ዛጋሢሮ ቤልፁሞ ዒዞኮ ባኣሴ።

1 ዔራ ላኣሊ ማኣሮ ፔኤኮ ዛጊ ማዣኔ፤

ዔኤያ ላኣሊ ጋዓንቴ ፔ ኩቻ ማኣሮ ሻሻሃኔ።

8 ታ ናዓሢዮ! ኔ ዓዶ ዞሮ ዋይዜ፤ ኔ ዒንዳ ኔና ዔርዛ ባኮ ቢያ ቦሂፖ።

ዓኒና ማቾና ዛላ

1 ዓካሪ ዒንሢ ላኣላ ዓኒንሢም ዒንሢኮ ዓይሢንቱዋቴ፤ ዬያይዲፆና ሃጊ ፆኦሲ ቃኣሎ ጉሙርቂ ዔኪባኣ ዓኒንሢ ዓኣቶ ዻንጋና ኬኤዚሢና ሌሊቱዋንቴ ማቾንሢኮ ናንጋ ናንጎ ዛጊ ፆኦሲ ባንሢ ማዓኒ ዳንዳዓኔ። ✝ 2 ያዒ ዔያታ ማዓኒ ዳንዳዓሢ ጌኤሺ ማዔም፤ ሃሣ ፆኦሲ ቦንቻያ ማዒ ዒንሢ ናንጌም ዛጌቶኬ። 3 ዒንሢኮ ሚዛጱማ ቶኦኪ ማዢንቲና፥ ዎርቄ ዋይዚዳ ዓኣሥሢና፥ ቃራ ጊኢጋ ማኣዖ ማይንቲ ዙሌና ጴዻ ሚዛጱሞና ማዖፖ። ✝ 4 ጋዓንቴ ዒንሢኮ ሚዛጱማ ፆኦሲ ቤርቶይዳ ሚርጌ ቦንቺንቴያ ማዔ ሃሣ ባይቁዋ ፓልሞ ሼሌዑሞና ሂርኪ ጌይሢ ዓያና ዒንሢ ፓልሚሴ ዒና ዓኣሺንቲ ዓኣ ጋሮ ማዖንጎ። 5 ዓይጎሮ ጌዔቶ ሚናኣ ዎዶና ፔኤኮ ዓኣ ማሊፆ ፆኦሲዳ ጌሢ፥ ዱማዺ ዓንጂንቴ ላኣላ ፓልሜሢ ዬያ ጉዴያናኬ፤ ሃሣ ዓኒንሢማኣ ዔያታ ዓይሢንቴኔ። 6 ሳኣራ ዬያጉዲ ዓብራሃሜም፦ «ታ ጎዳሢዮ!» ጌዒ ጌዒ ዓይሢንቴ ጎይፆ፥ ዒንሢያ ዓይጎዋ ዒጊጩዋዖ ዒንሢ ዓኒንሢም ኮሺ ባኣዚ ማዼቶ ዒዞኮ ዒንሢ ናኣቶኬ። ✝

7 ዒንሢያ ዓኒንሢ! ዒንሢኮ ማቾንሢና ዎላ ዔሪ ናንጉዋቴ፤ ዒንሢዳፓ ባሼ ዔያታ ላቢንቴ ማዢንቲ ማዔሢሮ፥ ሃሣ ዒንሢና ዎላ ዔያታ ፆኦሲ ኮሹሞና ዒንጌ ናንጎ ዻካላንዳሢሮ ዔያቶ ቦንቹዋቴ፤ ያዺ ዒንሢ ማዒ ናንጌቶ ዒንሢ ሺኢጲፆኮ ዹቆ ማዓ ባኣዚ ባኣያ ማዓንዳኔ። ✝

9 ዬያጉዲ ላኣላ ሃሣ ቶኦኪ ማዢሢና ዎርቄ ፓልሞ ፓልሚሢና ሚዛጶ ፓልማ ዓኣያ፥ ሃሣ ጊንሣ ሚርጌ ሚኢሼ ዔካ ማኣዖ ማይንቲ ፓልሚሢቱዋንቴ ሼሌዑሞና ፔኤም ኮይሳ ማኣዖ ማይንቶንጎ። ✝

11 ዬያጉዲ ሃሣ ላኣላ ዔያቶኮ ኮሺ ዓሲ ሃሣ ዓሲ ዾንኩዋያ፥ ኮይሳ ጎይሢ ናንጋያ፥ ቢያ ባኣዚናኣ ጉሙርቂንታያ ማዓኒ ኮይሳኔ።

27 ፆኦሲ ዬያይዲ ዓሲ ማዤኔ፤

ፔ ማሎና ፔና ማላያ፥

ዓቲንቄና ላኣሊና ማሂ ማዤኔ። ✝

28 ፆኦሲያ ዓሲ «ሾይ ሚርጉዋቴ፥ ፃጳ ዒንሢኮ ሳዖ ኩሞንጎ፤ ሳዓኣ ዒንሢ ቢታንቶኮ ዴማ ማዖንጎ፤ ባዞይዳ ናንጋ ሞላሢ ዑፃ፥ ጫሪንጫ ባራና ካፖና ሳዖይዳ ዓጊፂ ሃንታ ሼምፖና ዓኣ ባኮ ቢያ ዑፃ ዒንሢኮ ቢታንቶ ዓኣያ ማዖንጎ» ጌዒ ዓንጄኔ። ✝

18 ሄሊሳዖ ናንጊና ናንጋ ጎዳ ማዔ ፆኦሲ፦ «ዓሢ ፔኤሮ ናንጋሢ ኮሺቱዋሴ፤ ዬያሮ ዒዛና ጊኢጋያ፥ ሃሣ ዒዛ ማኣዳንዳያ ላጌ ታኣኒ ማዣንዳኔ» ጌዔኔ።

16 ላኣሌሎማኣ፦

«ኔኤኒ ጎጳዼ ዎዶና ሜታሢ ታ ኔኤኮ

ኔ ሾዓ ዎዶናኣ ቆፂ ሜታሲፆ ታ ሚርጊሻንዳኔ፤

ጋዓንቴ ኔ ዓኒ ኔ ሱኡካዻንዳኔ፤

ሃሣ ኔ ዓኒማ ኔኤኒ ዓይሢንታያ ማዓንዳኔ» ጌዔኔ።

11 ጎዳ ማሊፆና ላኣሊ ዓቲንቄ ባኣያ፥ ዓቲንቄ ላኣሊ ባኣያ ማዑዋያኬ። 12 ዓይጎሮ ጌዔቴ ላኣሊ ዓቲንቄይዳፓ ማዢንቴሢጉዲ ዓቲንቄያ ላኣሊዳፓ ሾይንታሢሮኬ፤ ጋዓንቴ ዓቲንቄ ማዔቴያ ላኣሊ፥ ሃሣ ቢያ ባኣዚያ ጴዻሢ ፆኦሲዳፓኬ።

ዓኒና ማቾና ዛላ

22 ዒንሢ፥ ላኣሎ ናኣታ! ጎዳ ዬሱሴም ዒንሢ ዓይሢንታሢጉዲ ዒንሢኮ ዓኒንሢም ዓይሢንቱዋቴ፤ ✝ 23 ዓይጎሮ ጌዔቴ ኪሪስቶሴ ሺኢጲፆ ማኣሮ ዓሶኮ ዑፃ ቶኦኪ ማዔሢጉዲ ዓኒያ ማቾኮ ቶኦኪኬ፤ ዬያጉዲ ኪሪስቶሴ ፔኤኮ ዑፆ ማዔ፥ ሺኢጲፆ ማኣሮ ዓሶ ዻቂሻሢኬ። 24 ሺኢጲፆ ማኣሮ ዓሳ ኪሪስቶሴም ዓይሢንታሢጉዲ ማቾንሢ ቢያ ባኣዚና ፔ ዓኒንሢም ዓይሢንቶንጎ።

3 ዬያጉዲ ሃሣ ላኣሎ ጋርቻ፦ ኮይሳ ጎይፆ ናንጋያ፥ ቦንቾ ፔኤሲ ካፓያ፥ ዓሲ ዾንኩዋያ ሃሣ ዑሺ ናሽካያ ማዑዋጉዲ ዔያቶ ዞሬ፤ ዬያይዳፓ ዔያታ ኮሺ ማዔ ባኣዚ ሜሌ ዓሶ ዔዔርዛያ ማዖንጎ፤ ዬይያ፦ 4 ሎዔ ዼጌ ላኣላ ፔኤኮ ዓኒንሢና ናኣቶና ናሽካንዳጉዲ፥ 5 ዔኤቢ ዔሪ ማዻያና ዒኔ ጌኤሺ፥ ማኣሪ ማዾ ማዻያ፥ ኮሺ ማዔያ፥ ፔኤኮ ዓኒንሢም ዓይሢንታያ ማዓንዳጉዲ ዔያታ ዔርዞንጎ፤ ዼጌ ላኣላ ያዺዴቴ ፆኦሲ ቃኣሎ ቦሃንዳ ዓሲ ባኣሴ።