As 10 parábolas mais importantes de Jesus
/images/a/b005cf3b-0d8d-4700-9dc9-6b1a9ef82b00)
Jesus ensinou lições profundas por meio de parábolas, histórias curtas e simbólicas que comunicam verdades espirituais. Cada parábola tem um significado especial e atemporal, revelando o caráter de Deus e ensinando como viver como cristãos. Aqui estão 10 das parábolas mais marcantes e suas lições:
1. Parábola do Semeador (Mateus 13:3-9)
ने ईसु तीनुक दाखलु मां बेसकी वात सीकाड़ने बाजी रवलु।
एक बीज एरने वाळु किरसाण हेरा खेत मां बीज एरने गुयु। एरता-एरता थुड़ाक बीज वाट धड़े पड़्या ने चिरला आवीन तीनुक ईछीन खाय गुया। थुड़ाक बीज दगड़ाट्या जागा पर पड़्या, तीनुक बेसकु धुळु नी जड़्यु ने उंडु धुळु नी जड़नेन वजे सी चे छाटा उंगी गुया। बाकुन दाहड़ु उंगीन तप्यु ती चे चीमाय गुया, ने मुळ उंडे नी गुया तेरेमां च धान चीमायन सुक गुयो। थुड़ाक बीज झाड़का मां पड़्या ने काटाळस्या झाड़का मां मटा हय्न तीनुक चीबदी लेदा; ने मेर नी पाकी। बाकुन थुड़ाक बीज वारलु जागा पर पड़्या, ने काहनाक सोव गुणा ने काहनाक सांठ गुणा काहनाक तीस गुणा पाक्या।
जतरा बी सामळी रया, "चे वारु सामळीन समजणु चाहजे!"
A parábola do semeador fala sobre a receptividade das pessoas à Palavra de Deus. Cada tipo de solo representa diferentes maneiras de receber e aplicar o Evangelho em nossas vidas. Somente um coração fértil e comprometido pode dar frutos espirituais abundantes.
2. O Bom Samaritano (Lucas 10:25-37)
वारलु सामरीन दाखलु
ने एक दाहड़ु यहुदी सास्तुर सीकाड़न्यु ईसु धड़े आयु, ने ईसुक पारखणे करीन चु ज पुछ्यु, "ए मास्तर! अमर जीवाय हात करने करीन मे काय करो?" ईसु तीनाक जपाप आप्यु, मुसान चुखला सास्तुर मां काय लिखलो छे, तु काय भन्यु ने समजु।
यहुदी-सास्तुर सीकाड़न्यु जपाप आप्यु, "की तु आपणा मालीक भगवान काजे आपणो आखो लागाड़ीन, ने आपणो आखो जीव, लागाड़ीन, ने आपसु आखु जुर लागाड़ीन, ने आपसी आखी अक्कल लागाड़ीन परम कर। ने तार साते वाळा सी आपणेन तसु परम कर।"
ईसु तीनाक असु कह्यु, "तु वारु जपाप आप्यु, चत कर, ती तुसेक अमर जीवाय जड़से।"
बाकुन चु यहुदी-सास्तुर सीकाड़ने वाळु आपसाक धरमी कह्वाड़नेन हेर करीन ईसुक दीसरु सवाल पुछ्यु, "मार धड़े वाळु कुण छे?" ईसु तेरा सवालेन जपाप मां तीनाक जी काहनी सामळायु, "एक दाहड़ु एक माणुस यरुसलेम सी यरीहो सहर भीणी जाणे बाजी रवलु। वाट्ये डाकु तेरे धड़े सी पेहरला पुथल्या हापकी लेदा ने तीनाक बेसका ठुक्या, ने अदमरतु नाखदीन जात र्या।" ने अळी एक पुजारु तीने वाट्ये नीकळ्यु ने चु तीना माणुस काजे देख्यु ती चु टळीन अगु जात र्यु। अळतेन एक लेवी बी तीने वाट्ये मायन नीकळ्यु। जत्यार चु तीना माणुस काजे देख्यु, ती धड़े आयु, ने तेरे भीणी मामार देख्यु। ने चु बी आडु देखीन अगुत जात र्यु। हय एक तीसरु माणुस चां आयु, चु आपणा माणसे मायन बी नी हतलु। बाकुन चु सामरी जीलान एक अंजाण्यु माणुस हतलु। जत्यार चु लुटायला माणसेक देख्यु तत्यार चु तेरे पर दया कर्यु। चु तेरे धड़े आयु, तेरा घाव पर अंगुरेन रस लागाड़्यु ने तेल चुपड़ीन पट्टी बांद्यु। ने अळी चु तीना माणुस काजे आपसा गदड़ा पर बठाड़ीन एक धरम साळा मां ली गुयु, चां चु अळी तेरी सेवा-चाकरी कर्यु। दीसरे दाहड़े चु धरम-साळान मालीक काजे दुय रुप्या आपीन कह्यु, "ईना माणसेन वारु चाकरी करजी ने कदी जादा रुप्या लागे ती मे पछु आवणेन टेमे तुसेक आप दीस।"
ईसु जी काहनी पुरी कय्न तीना यहुदी-सास्तुर सीकाड़ने वाळा काजे पुछ्यु, तीनु तीन माणसे मायन कुण तीना डाकुन साहरे ठुकायला माणसेक खरलु परम देखाड़ीन धड़े वाळु बण्यु, "तीनाक चुट्टा लुट लेदला?" यहुदी सास्तुर सीकाड़न्यु, जपाप आप्यु, "जु तेरे पर दया कर्यु, चु तीना डाकुन साहरे ठुकायला माणसेक खरलु परम देखाड़्यु।"
ईसु तीनाक कह्यु, "जां ने तु बी तेरेन तसुत कर।"
Essa parábola nos ensina sobre o amor ao próximo, independentemente de raça ou religião. O samaritano ajudou um desconhecido, mostrando que a verdadeira fé se revela no amor ao próximo.
3. A Ovelha Perdida (Lucas 15:4-7)
मान लेवु तुंद्रे मायन कुय धड़े सोव गाडरा हय, ने तीनु मायन एक खुवाय जाय। ती चु काय करसे? चु दीसरा एक कम सोव गाडराक बयड़ा मां रहणी देसे, ने तीना खुवायला गाडरा काजे तत्यार लग हेरसे, जत्यार लग च जड़ी नी जाय। ने जत्यार च जड़ जाय, ती चु तीनाक खांदा पर बठाड़ीन घर ली आवसे। ने घर आवीन आपसा दुस्तीदार्या ने पुठ्ये वाळा काजे पंगत मां बुलावसे ने खावाड़से ने चु तीनाक कवसे, मेसेक खुवायलो गाडरो जड़ गुयो। अतराम मारे साते भेसकायन खुस हय जावु। मे तुहुंंक कहो की, "ईनी रीते भगवान तीना पापीन करता बेसकु खुस हवसे, जु पाप करनु छुड़ देय ने भगवानेन मरजीन अनसारे काम करने बाजी जाय। बाकुन तीनु एक कम सोव धरमी माणसेन करता अतरो जबर खुस नी हवे, चे ज वीच्यारे की हामु धरमी छे, ने हामुक पापेम सी मन फेरवीन भगवान भीणी वळनु जरुड़ी नी हय।"
Deus é como o pastor que busca incessantemente uma ovelha perdida. Essa parábola revela o amor incansável de Deus pelos pecadores, celebrando a alegria no céu quando alguém se arrepende.
4. O Filho Pródigo (Lucas 15:11-32)
उजाड़्या पुर्यान दाखलान साहरे ईसु माणसेक सीकाड़े
अळी ईसु एक दीसरु दाखलु सामळायु, काहनाक एक माणसेन दुय पुर्या हतला। एक दाहड़ु नानलु पुर्यु हेरा बास सी आवीन कह्यु, ए बास! माल धनेन जु मारु वाटु छे, चु मेसेक आप दे। अतराम तेरु बास दुय पुर्याम तींद्रु वाटु पाड़ देदु। थुड़ाक दाहड़ा हय गुया ने अळी नानलु पुर्यु आपसा आखा धनेन हीस्सु वेच देदु, ने पयस्या भेळा करीन काहनाक दीसरा देसेम लांबेत जाती र्यु, ने चां चु आपसा आखा पयस्या गलत काम मां उजाड़ देदु। जत्यार चु आखो काय उजाड़ देदु, ती तीना देसेम बेसकु काळ पड़्यु, ने चु भुकलु घाबराय गुयु; काहाकी तेरे धड़े पयस्या नी हतला। हेरे सी चु तीना देसेम एक अमीर माणसेन चां काम करने गुयु। चु तीनाक आपसा खेते मां सुहर्या चारने करीन मकली देदु। चु अतरु भुकलु घाबराय गुयु, की ज खळ सुहर्या खात्ला, च खळ खाणे हींडतेलु, बाकुन चु खळ बी तीनाक खाणे करीन नी आपतेला। आकरी मां, चु वीच्यार कर्यु की मे कतरु गांडु छे। चु आपसाक कह्यु, मारा बासेन घर मां आखा दाहड़क्या काजे पेट भरीन रुटा जड़े, ने मे जां भुकलु मर र्यु। मे मारा बासेन्चां पछु जायस ने तीनाक कवीस, "बास मे तारा वीरुद मां ने भगवानेन वीरुद मां पाप करलु छे। मे तारु पुर्यु कवायणेन हकदार्यु, नी हय। बाकुन मेसेक तारा एक दाहड़क्यान तसु मेसेक राख ले।" ती चु असु वीच्यार करीन आपसा बासेन घर भीणी चाल पड़्यु। हय चु आपसा बासेन घर सी छेटेस हतलु, की तेरु बास तीनाक देख लेदु,
ने चु गीण-दया सी भराय गुयु। ने आपसा पुर्या काजे भेळु हवणे करीन चु दवड़ीन गुयु ने तीनाक गळे लागाड़्यु, ने तीनाक बेसकु गुळा देदु। ती पुर्यु तीनाक कह्यु, बास! मे सरग वाळा भगवानेन वीरुद मां ने तारे वीरुद मां पाप करलु छे। मे तारु पुर्यु कवायणेन हकदार्यु नी हय। बाकुन बास आपसा पावर्याक बुलायु, ने तीनुक कह्यु, उतवाळास जाय्न आखाम सी वारु पुथल्या लाय्न ईना मारा पुर्याक पेहरावु, एक मुंदी हातेन आंगळी मां पेहरावु ने पाये मां खासड़ा पेहरावु। ने अळी आपणु आखाम वारलु केवड़ु लाय्न मारु। ने एक मट्ली पंगत देसु, ने खुसी मनावसु। काहाकी मारु जु पुर्यु मर गुयलु, बाकुन हय जीवतु हय गुयु। चु खुवाय गुयलु, बाकुन हय जड़ गुयु। ती अळी खुसीन पाल्टी सुरु हय गुय।
तीनी टेमे तेरु मट्लु पुर्यु खेतेम हतलु। ने जत्यार चु मट्लु भायस खेतेम सी घर आवीन घर धड़े आयु, ती चु वाजा-गाजा सामळीन ने माणसे काजे नाचतेला देखीन चकराय गुयु। ने चु एक पावर्याक बुलायु, ने तीनाक पुछ्यु की ज काय हय र्यो। चु पावर्यु जपाप आप्यु, तारु नानलु भायस वारु पछु घर आवती र्यु, करीन तारु बास हामुक आखाम मट्लु केवड़ु मांगाड़ीन माराल्लु छे। जी वात सामळीन चु मट्लु भायस बेसकु रीसवाय गुयु, ने घर मां लग नी गुयु; बाकुन तेरु बास बाहर आयु ने तीनाक घर मां ली जाणे करीन आयु ने मनावणे बाजी गुयु। बाकुन चु आपसा बासेक कह्यु, देख, मे अतरा साल लग तारी सेवा करतु आय र्यु, ने कदी तारी वात नी टाळ्यु। बाकुन तु मेसेक मारा दुस्तीदार्या पुठ्ये मारीन खाणे ने खुसी मनावणे करीन तु मेसेक एक बुकड़ो लग नी आप्यु। बाकुन तारु जु नानलु पुर्यु घर छुड़ीन जाती रवलु, ने तारा आखा पयस्या रंडीन्चां जाय्न उजाड़ देदु, ने हय चु पछु घर आयु, ती तु तेरे धड़े आखाम मट्लु केवड़ु मांगाड़ीन मार्यु! मटला पुर्यान वात सामळीन तेरु बास तीनाक कह्यु, मारा बेटा, तु जां जलम सी मारे पुठ्ये रवे। ने मारो आखो तत्रो तारोत छे। बाकुन हय खुस हवणु चाहजे, ने पंगत मां बसीन खाणान मजा लेणु चाहजे काहाकी तारु भायस मर गुयलु, "बाकुन हय जीवतु हय गुयु। चु खुवाय गुयलु बाकुन हय जड़ गुयु।"
A parábola do filho pródigo fala sobre o perdão e o amor incondicional de Deus por Seus filhos, mesmo quando se desviam.
5. A Pérola de Grande Valor (Mateus 13:45-46)
ईसु बेसका महंग्ला मोतीन दाखलान साहरे सीकाड़े
"अळी सरगेन राज एक धंदु करने वाळान तसों छे, चु वारलु मोतीन हेर मां हतलु। जत्यार तीना काजे एक बेसका महंगलो मोती जड़ी गुयो, ती हयु जाय्न आखो काय हतलो चो वेची देदु, ने तीनी मोती काजे मुल ली लेदु।
Jesus ensina que o Reino de Deus é o bem mais precioso e devemos estar dispostos a renunciar tudo para possuí-lo.
6. O Fariseu e o Publicano (Lucas 18:9-14)
फरीसी माणसे ने फाळु उकाळन्या माणसेन दाखलु
ने ईसु तीनुक बी कह्यु, जे माणसे आपसा पर भुरसु करतेला की हामु बेसका धरमी छे, ने हय हामरेन तसा कुय धरमी माणसे नी हय। करीन चे दीसराक काय नी समजतेला। तीनु माणसेक ईसु जु दाखलु सामळायु। दुय माणसे वीन्ती करने करीन यरुसलेम मंदीर मां गुया। तींद्रे मायन एक जणु फरीसी माणुस हतलु, ने दीसरु फाळु उकाळन्यु हतलु। जु फरीसी माणुस एक धड़े उबु हय्न आपसा मन मां असी दुवा करने बाजी गुयु, ए भगवान, मे तुसेक बेसकु वारु कह्वो, काहाकी मे दीसरान तसु दीसरा धड़े हापकीन खाण्यु, ने लुच्चु ने दीसरान बायर साते छीनाळो करन्यु नी हय। दीसरा माणसे असा छे; बाकुन मे नी हय। ने ईना फाळु लेणे वाळान तसु बी नी हय। मे हाप्ता मां दुय कावा उपास करो, ने ज काय बी मे कमायो, तेरु दसवु वाटु तुसेक आपु। बाकुन फाळु लेणे वाळु छेटेत उबु हय रयु, ने सरगे भीणी देख्यु लग नी, बाकुन चु दुख मां आपसी छाती ठुकी-ठुकीन कह्यु, "ए भगवान, मे पापी छे। तु मार पर दया कर।" ईसु असु कय्न दाखलु सार देदु, "मे तुहुंंक जो कह्वो, की भगवान फरीसी माणसेन दुवा सामळी लेदु, ने तेरे पर गीण-दया करीन धरमी बणायु। ने चु हीनी रीते आपसान घर पछु गुयु जु कुय खुद काजे मटु समजे, भगवान तीनाक नानु कर देसे। बाकुन जु कुय खुद काजे नानु समजे तीनाक मटु कर देसे।"
Essa parábola nos lembra que Deus valoriza um coração humilde e arrependido, em contraste com a arrogância espiritual. O publicano, ao reconhecer seus pecados, foi justificado diante de Deus.
7. Os Talentos (Mateus 25:14-30)
ईसु कळदार रुप्यान दाखलान साहरे सीकाड़े
काहाकी जी तीना माणसेन तसों छे जु पारका देस मां जाणेन टेमे आपणा पावर्या काजे बुलायन आपणो धन पावर्या काजे आप देदु। चु एक जणा काजे सनान पांच सीक्का आप्यु, दीसरा काजे दुय आप्या, ने तीसरा काजे एक आप्यु; अळतेन एक-एक काजे तींद्री ताकत देखीन आप्यु, ने तत्यार पारका देस मां जाती रयु। तत्यार, तीनाक चांदीन पांच सीका जड़ला, चु तत्यारुत जाय्न हींद्रे सी लेणु-देणु कर्यु ने पांच सीका अळी कमाय लेदु। हीनी रीत सी तीनाक चांदीन दुय सीका जड़ला, चु बी दुय सीका अळी कमाय लेदु। बाकुन तीनाक एक चांदीन सीकु जड़ला चु जाय्न जागा काजे खुदीन ने आपणा मालीकेन रुप्या काजे साताड़ देदु।
"बेसका दाहड़ाम पछे तीनु पावर्यान मालीक आयु ने हींद्रे सी लेखु लेणे लाग्यु। तीनाक चांदीन पांच सीका जड़ला, चु पांच सीका अळी लावीन कह्यु, ‘ए मालीक तु मेसेक पांच सीका आपलु, देख, मे पांच सीका अळी कमाय लेदलु छे।’ तेरु मालीक तीना काजे कह्यु, बेसकु वारु छे ने भुरसा लायक पावर्यु तु थुड़ाक मां ईमानदार रयु मे तुसे बेसका चीजे पर हकदार बणावीस। आपणा मालीकेन खुसी मां साजीदार बण। ने तीनाक चांदीन दुय सीका जड़ला, चु बी आवीन कह्यु, ‘ए मालीक, तु मेसे दुय सीका आपलु, देख, मे दुय सीका अळी कमाय लेदु।’ तेरु मालीक तीनाक कह्यु, ‘तु वारु छे ने भुरसा लायक पावर्यु, तु थुड़ाक मां ईमानदार रयु; मे तुसे बेसका चीजेन हकदार बणावीस। आपणा मालीकेन खुसी मां साजीदार हय जां।’ तत्यार तीनाक चांदीन एक सीकु जड़लु, चु आवीन कह्यु, ए मालीक, मे तुसे जाणतेलु की तु बेसकु डाहवाळु माणुस छे, ‘तु जां काय बी नी वेरे चानती काटे, ने जां नी खवळे चानती भेळा करे। तेरेमां मे बीही गुयलु ने जाय्न तारा एक सीका काजे जागा मां साताड़ देदु। देख, ज्य तारो, छे चो ज्य छे।’ तेरु मालीक तीना काजे जपाप आप्यु, ‘ए वेरी ने उजेगलु पावर्या, जत्यार तु ज्य जाणतेलु की जां मे नी एरो वां सी काटो, ने जां मे नी खवळ्यु चांहान सी भेळु करो? ती तुसेक मारा धन काजे सवकार्या काजे लीन आप देतु, तत्यार मे आवीन आपणा धन काजे ईयाज समोत ली लेतु। तेरेमां चु सीकु हेरसी ली लेवु, ने तेरे धड़े दस हजार रुप्या छे, तीना काजे आप देवु। काहाकी तीना धड़े छे, तीना काजे अळी आप देसे; ने तेरे धड़े बेसका हय जासे; बाकुन तेरे धड़े नी हय, तीना सी ज्य बी तेरे धड़े छे, तेरे धड़े सी हापकी लेसे। ने हीना पापी पावर्या काजे बाहार आंदारला मां नाख देवु, चां रड़नु ने दात ककड़ावणु रवसे।’
Nesta história, Jesus ensina sobre a responsabilidade de usar bem os dons e recursos que Deus nos confiou. A fidelidade nas pequenas coisas abre portas para bênçãos maiores.
8. O Rico e Lázaro (Lucas 16:19-31)
अमीर माणसेन ने गरीब लाजरेन दाखलु
ईसु एक दाखलु अळी कह्यु "एक बेसकु लकपती माणुस हतलु, चु बेसका महंगा जामण्या पुथल्या ने चमकण्या पुथल्या पेहरतेलु, ने दाहड़ीन वारु सुक मां रवीन मजा करतेलु। तीना लकपतीन बारना पर लाजर नावेन एक गरीब माणुस पड़ रवलु, तेरे आखे डील मां फुड़ा नीकळी रवला। तीनाक चे काहनाक चां नाख दीन जात रह्लो ने चु गरीब माणुस, आपसो पेट भरने करीन, लकपती माणसेन इस्टाळो खाणेन हेर करतेलु; बाकुन च बी तीनाक नी जड़तेलो, ने कुतरा लग आवीन तेरा डील पर फुड़ा काजे चाटतेला। ने अळी एक दाहड़ु चु गरीब लाजर मर गुयु, ने सरग वाळा काहवाळ्या तीना लाजरेन जीव काजे सरगेम लीजाय्न अब्राहमेन खुळाम बठाड़ देदा। ने अळी एक दाहड़ु चु अमीर माणुस बी मर गुयु, ने तीनाक गाड़ी देदा। ने चु नरक मां बेसकु वेला करतु जाय्न उपर देख्यु, बेसके लांबे रय्न अब्राहमेन खुळा मां लाजर काजे देख्यु चु अमीर माणुस आयड़ीन कह्यु, ‘बास अब्राहम! मारे पर दया कर, ने लाजर काजे मारेन्चां मकली दे, हेरेन करीन चु आपसी आंगळीन छेंडु पाणी मां भीजवीन मारी जीप काजे सेळवी देय, काहाकी मे ईनी आंच मां बेसकु वेला कर र्यु!’ अब्राहम तीना लकपती माणुस काजे कह्यु, बेटा, तु धरती पर वारु जीवन काजे हेर कर की तुसेक धरती पर वारु जीवाय मां सुकुन-सुक जड़लु, ने लाजर काजे दुखुत-दुख जड़लो; हय हीनाक जां सुक ने सांती जड़ रय, ने तीनेत हीसाबे तुसेक वेला करनु पड़ रयो। ने ईनी वातेक छुड़ीन जी वात बी छे की हामरे ने तारे ईचमां एक बेसकी मटी खुय छे; अतराम कदी कुय तारेन चां जाणे बी हींडे, तेबी चु नी जाय सके; ने कदी कुय हया सी ईनी धड़े आवणे बी हींडे, तेबी हया सी तीनाक ईनी धड़े नी आवाये। चु लकपती माणुस अब्राहम काजे कह्यु, ए अब्राहम बास! मे तारे धड़े वीन्ती करो की तु लाजर काजे मारा बासेन घर मकली दे। काहाकी मारा पांच भायस छे, ने लाजर मार घर जाय्न जां आखो जो हयो तीनी वातेन गवा देसे, ने तीनुक जी वाते कहीन चेताय देसे। नी ते कांखुर मायन तींद्रे धड़े बी असोत असो ने चे बी ईना वेळान जागा मां आवती रवे। अब्राहम तीना लकपती माणुस काजे कह्यु, मुसान ने भगवानेन अघी सी आवणे वाळी वात बताड़ने वाळान किताप तींद्रे धड़े छे, तीनुक तींद्री सामळनु चाहजे। चु लकपती माणुस अब्राहम काजे कह्यु, ‘ए बास अब्राहम; चे तींद्री वात काजे सामळे; बाकुन कदी मरला माणसे मायन कुय तींद्रेन्चां जाय, ती चे पापे भीणी सी मन फेरवीन भगवान भीणी आवसे।’ बाकुन अब्राहम तीना लकपती माणसेक कह्यु, जत्यार चे मुसान ने भगवानेन अघी सी आवणे वाळी वात बताड़ने वाळान लिखली वात नी सामळता, ती कदी मरला मायन कुय बी जीवतु हय्न तींद्रेन चां जाय्न कवसे तेबी चे तेरी नी माने।"
A parábola alerta sobre as consequências de negligenciar os necessitados e viver para si mesmo. Também destaca a realidade do julgamento e da vida após a morte.
9. O Joio e o Trigo (Mateus 13:24-30)
जळ-गहुंन दाखलु
ईसु तीनुक एक अळी दाखलु कह्यु: "सरगेन राज तीना माणसेन तसों छे, चु तेरा खेत मां वारलु बीज एरलु छे। बाकुन जत्यार माणसे सुवणे बाजी रवला, ती तेरु वेरी आवीन गहुं मां जळ-गहुं एरीन जाती रयु। जत्यार डीरा नीकळे ने पान्टा लाग्या ती जळ-गहुंन बीज देखाव पड़े। अतरामा पावर्या मालीकेन घर आवीन मालीक काजे कह्या, ए मालीक, तु ते तारा खेत मां वारलु गहुंन बीज नी एरलु? ती जळ-गहुंन कसा उंग्या? ईसु तीनुक कह्यु, ज काहना वेरीन काम छे। ती पावर्या तीनाक पुछ्या ‘काय तारी मरजी हय?’ ती हामु जाय्न तीनु जळ-गहुं काजे उखाळ देजे। मालीक कह्यु, ‘नी, असा मां करु नीते कांखुर मायन जळ-गहुं भेळा वारलु गहुं बी उखळी जासे। काटणे लग दुयु काजे एक साते मटा हवणे देवु ने काटणेन टेम मां काटणे वाळा सी कवीस की पेहल जळ-गहुं भेळा करीन धपाड़ने करीन हींद्रा गाठड़ा बांद लेवु, ने गहुं काजे मारा खळा मां भेळा करु।’"
Essa história simboliza o bem e o mal coexistindo no mundo até o julgamento final, quando Deus fará a separação entre os justos e os ímpios.
10. As Dez Virgens (Mateus 25:1-13)
ईसु दस कुवारली पुरेन साहरे सीकाड़े
सरगेन राज तीनु दस कुवारली पुरेन तसों छे जी आपणु-आपणु दिवु लीन लाडा सी मेळने करीन गुय। हींद्रे मां पांच डेड़ अकली ने पांच अक्कल वाळी हतली डेड़ अकली पुरे आपसु दिवा ते लेदी, बाकुन आपणे साते तेल नी लेदी; बाकुन अक्कल वाळी आपणा दिवा साते आपणा कुड़्या मां तेल बी भर लेदी। जत्यार लाडान आवणे मां वार हय गुय ती ची आखी बकास्या लेणे लागी ने सुय गुय।
आधी राते चां कचाटु हय गुयु, देखु, लाडु आय रयु! तेरे सी मेळने चालु। तत्यार ची आखी कुवारली उठीन आपणा-आपणा दिवा काजे वारु करने लागी। ने डेड़ अकली ने अक्कल वाळी सी कह्वी आपणा तेल मां सी थुड़ोक तेल हामुक बी आपु काहाकी हामरा दिवा उलवायणी बाजी रया। बाकुन अक्कल वाळी जपाप आपी, कदी ज्य हामरे ने तुंद्रे वाटे पुरो नी हवे; वारु ते ज्य छे की तुहुंं वेचणे वाळा धड़े जाय्न आपणे वाटे मुल ली लेवु। जत्यार ची मुल लेणे जाणे बाजी रवली ती लाडु आय ज्य, ने जी तीयार हतली, ची लाडा साते ईयावेन घर मां जाती रय ने बारनो बुजाय ज्य।
हेरे पछेन ची दीसरी रवली कुवारली बी आवीन कह्वणे लागी, ए मालीक, ए मालीक, हामरे वाटे बारनो उघाड़ दे। चु मालीक जपाप आप्यु, मे तुंद्रे सी छाचलीन कह्वो, मे तुहुंंक नी उळखो।
तेरेमां जागता रवु, काहाकी तुहुंं नीते तीना दाहड़ा काजे उळखु नीते तीनी टेम काजे जाणु।
Jesus enfatiza a necessidade de estarmos sempre preparados espiritualmente para Sua segunda vinda, pois ninguém sabe o momento exato.
As parábolas de Jesus continuam sendo fontes ricas de sabedoria e direção para a vida cristã. Ao aplicarmos esses ensinamentos, nos aproximamos mais de Deus e de Sua vontade.
Se este artigo te ajudou, faça sua parte e compartilhe a Palavra de Deus com aqueles que você ama.