As 10 parábolas mais importantes de Jesus

3 እንስ አከነ ጄዼ ዋን ባይኤ ፈኬኛን እሳንት ህሜ፤ "ኩኖ፣ ነምች ሰኚ ፈጫሱ ቶኮ ሰኚ ፈጫፈቹ በኤ። 4 ኡቱ እን ፈጫሳ ጅሩስ ሰኚን ቶኮ ቶኮ ከራረ ቡኤ፤ ስምብሮትንስ ዹፈኒ ኛተኒ ፍጠን። 5 ካንሞ ለፈ ከታ፣ እዶ ብዮ ባይኤ ህንቀብኔረ ቡኤ። ሰኚን ሱንስ ሰበቢ ብዮን ሱን ገድ ፈጌኘ ህንቀባትኒፍ ደፌ ብቅሌ። 6 ዮሙ አዱን ባቴት ገሩ ብቅልቱን ሱን ንጮለጌ፤ ዋን ህደ ህንቀባትኒፍስ ንጎጌ። 7 ሰኚን ብራስ ቆራቲ ኬሰ ቡኤ፤ ቆራቲን ሱንስ ጉደቴ ብቅልቱ ሰነ ሁዼ። 8 አመስ ሰኚን ካን ብዮ ጋሪረ ቡኤ አችት እጀ ነቀቴ፤ ገር ቶኮ ደቻ ዽበ፣ ካን ደቻ ጃተመ፣ ካንሞ ደቻ ሶዶመ ነቀቴ። 9 ነምን ጉረ ቀቡ ከምዩ ሃዸገኡ።"

ፈኬኘ ነምቸ ሰማርያ ቶኮ

25 ጋፍ ቶኮ፣ ሀዩን ሴራ ቶኮ ዬሱስን ቆሩፍ ጄዼ ከኤ ዻበቴ። እንስ፣ "ያ በርሲሳ፣ አን ጅሬኘ በረ በራ ዻሉዻፍ ማል ጎቹን ቀበ?" ጄዼ ጋፈቴ።

26 ዬሱስስ ዴብሴ፣ "ሴረ ኬሰት ማልቱ በሬፈሜ? አትስ አከምት ዱብፍተ?" ጄዼን።

27 ነምችስ፣ " ‘ዋቀኬ ጎፍትቸ ገራኬ ጉቱዻን፣ ሉቡኬ ጉቱዻን፣ ሁምነኬ ጉቱዻን፣ ያደኬ ጉቱዻን ጃለዹ፤* ኦላኬስ አኩመ ኦፊኬቲት ጃለዹ’*" ጄዼ ዴብሴ።

28 ዬሱስስ፣ "ስሪት ዴብፍቴርተ፤ አትስ ከኑመ ጎዽ ንጅራታ" ጄዼን።

29 ነምች ሱን ገሩ ቀጄላ ኦፍ ጎቹ በርባዴ፣ "ኦላንኮ ኤኙ?" ጄዼ ዬሱስን ጋፈቴ።

30 ዬሱስስ ዴብሴ አከነ ጄዼ፤ "ነምች ቶኮ ኡቱ ዬሩሳሌሚ በኤ ዬርኮት ገድ ቡኣ ጅሩ ሀርከ ሳምቶታ ሴኔ። እሳንስ ኡፈተሳ እራ ባፈተኒ፣ ቱመኒ፣ ዱኣፊ ጅሬኘ ግዱት እሰ ዺሰኒ ዴመን። 31 ሉብን ቶኮ ኡቱ አኩመ ተሳ ከራ ሰናን ገድ ቡኡ ነምቸ አርጌ እራ ጎሬ ደርቤ። 32 አከሱመስ ነምች ጎሰ ሌዊ ቶኮ ዮሙ እዶ ሰነ ገኤት ነምቸ ሰነ አርጌ እራ ጎሬ ደርቤ። 33 ነምች ሰማርያ ቶኮ ገሩ ኡቱ ዴማ ጅሩ እዶ ነምች ሱን ጅሩ ገኤ፤ ዮሙ እሰ አርጌትስ ገራ ላፌፍ። 34 እንስ እት ዽኣቴ ዘይቲፊ ዳዺ ወይኒ መዳሳት ነቄ ህዼፍ፤ ሀሬሳረስ ካኤ፣ መነ ቦቆና ኬሱሞታት እሰ ጌሴ፤ አችትስ እሰ ገርጋሬ። 35 ጉያ እት ኣኑት ዲናሪ ለመ ባሴ አባ መነ ቦቆና ሰናት ኬኔ፣ ‘ነምቸ ከነ እቲን ናፍ ወልኣን፤ ዮ ከነ ጫላ ባፍቴስ አን ዬሮን ዴብኤ ዹፉት ሲፍን ኬነ’ ጄዼን።

36 "ኤጋ ጀረ ሰደን ከኔን ኬሳ ኦላን ነምቸ ሀርከ ሳምቶታ ሴኔ ሰና እሰ ከም ሴተ?"

37 ሀዩን ሴራ ሱንስ፣ "እሰ ገራ ላፌፍ ሰነ" ጄዼን።

ዬሱስስ፣ "አትስ ዸቂቲ አከሱመ ጎዽ" ጄዼን።

4 "እስን ኬሳ ነምን ሆሎተ ዽበ ቀቡ ቶኮ ዮ ሆላን ቶኮ ጀላ በዴ፣ ሆሎተ ሰገልተሚ ሰገለን ካን ለፈ ትካት ዺሴ ሀመ ሆላ በዴ ሰነ አርገቱት ከን በርባዱ ህንዴምኔ ኤኙ? 5 ዮሙ አርገቱስ ገመዴ ገቲቲሳረት ባቴ፣ 6 መነሳት ገለ። እንስ ምቾተሳቲፊ ኦሎተሳ ወልት ዋሜ፣ ‘አን ሆላኮ ከን በዴ ሰነ አርገዼራቲ ነ ወጅን ገመዳ’ ጄዸ። 7 አን እስንትን ህመ፤ ሰበቢ ቀጄልቶተ ቀልቢ ጅጂረቹን እሳን ህንበርባችፍኔ ሰገልተሚ ሰገሊረ ሰበቢ ጩበማ ቀልቢ ጅጂረቱ ቶኮቲፍ ሰሚ ኬሰት ገመቹን ጉዳን አከሱመ ንተአ።

ፈኬኘ እልመ በዴ

11 ዬሱስ እቱመ ፉፌ አከነ ጄዼ፤ "ነምቸ እልማን ለመ ቀቡ ቶኮቱ ቱሬ። 12 እልም ቁጥሱን አባሳቲን ‘ያ አባኮ፣ ቀቤኘኬራ ቆደ ነ ገኡ ናፍ ኬን’ ጄዼ። አባንስ ቀቤኘሳ ለማንሳኒቲፍ ንህሬ።

13 "እልም ቁጥሱን ሱንስ ኡቱ ህንቱርን ዋን ቀቡ ሁንደ ወልት ቀበቴ ብየ ፈጎ ዸቄ፤ አችትስ ቀቤኘሳ ጅሬኘ በሸነኑረት ንበሌሴ። 14 ኤርገ እን ዋን ሁንደ ፍጤ ቦዴ ቤል ሀማን ብየ ሰነት ቡኤ፤ እንስ ረከቹ ጀልቀቤ። 15 ከናፉ ዸቄ ለሚወን ብየሲ ኬሳ እሰ ቶኮት ገሌ፤ ነምች ሱንስ አከ እን ቦዬ ትክሱፍ ለፈ ትካት እሰ ኤርጌ። 16 ጉርብችስ ቆለ ቦዬን ኛቱ ሰነ ኛቴ ገራ ጉተቹ ከጄለ ቱሬ፤ ገሩ ነምን ቶኮዩ ዋ እሰት ህንኬኑ ቱሬ።

17 "እንስ ዮሙ ኦፍ ቤኬት አከነ ጄዼ፤ ‘ተጃጅልቶትን መነ አባኮት ቀጨረመን ሀመምቱ ቡዴነ ገኤ እራ ሀፉ ቀበ! አን ገሩ አስት ቤላን ነንዱአ። 18 አን ከኤን አባኮት ዴብኤ አከነ ጄዻን፤ "ያ አባኮ፣ አን ሰሚፊ ስት ጩቡ ሆጄዼረ። 19 ስአች እልመኬ ጄዸሙን ናፍ ህንመሉ፤ ተጃጅልቶተኬ ኬሳ አከ እሰ ቶኮት ነ እላል።" ’ 20 እንስ ከኤ ገረ አባሳ ዸቄ።

"ገሩ ኡቱ እን ፈጎ ጅሩ አባንሳ እሰ አርጌ አከ መሌ ገራ ላፌፍ፤ ገረ እልመሳትስ ፊጌ እት መርሜ ዹንገቴ።

21 "ጉርብችስ፣ ‘ያ አባኮ፣ አን ሰሚፊ ስት ጩቡ ሆጄዼረ፤ ስአች እልመኬ ጄዸሙን ናፍ ህንመሉ’ ጄዼን።

22 "አባንሳ ገሩ ገርቦተሳቲን አከነ ጄዼ፤ ‘ደፋቲ ኡፈተ ኡፈተ ሁንደ ጫሉ ፍዳ እሰት ኡፍሳ፤ ቁበሳት ቁቤላ፣ ሚለ እሳትስ ኮጴ ካኣ። 23 ድብቸ ገበታ ፍዳቲ ቀላ፤ ሃኛትኑ፤ ሃገመድኑስ። 24 እልምኮ ኩን ዱኤ ቱሬቲ፤ አመሞ ጅሬኘት ዴብኤራ። በዴስ ቱሬ፤ አመሞ አርገሜረ።’ እሳንስ ገመዱ ጀልቀበን።

25 "ዬሮ ሰነት እልም እን ሀንገፍት ለፈ ቆቲሳ ቱሬ፤ እንስ ዬሮ ዹፌ መነት ዽኣቴት ሙዚቃፊ ስርበ ዸገኤ። 26 ከናፉ ተጃጅልቶተ ኬሳ ነመ ቶኮ ዋሜ ዋን ተኣ ጅሩ ጋፈቴ። 27 ተጃጅላን ሱንስ ዴብሴ፣ ‘ኦቦሌስኬ ገሌረ፤ አባንኬስ ዋን እልመሳ ነጋፊ ፈያዻን አርገቴፍ ድብቸ ገበታ ቀሌ’ ጄዼን።

28 "ኦቦሌስ ሀንገፍን ገሩ ኣሬ ኦል ሴኑ ድዴ፤ ከናፍ አባንሳ ገድ በኤ እሰ ከዸቴ። 29 እንሞ ዴብሴ አባሳቲን አከነ ጄዼ፤ ‘እላ አን ወጎተ ከኔን ሁንደ አኩመ ገርባት ሲፍ ሆጄቻን ቱሬ፤ አጀጀኬሌ ድዴ ህንቤኩ። አት ገሩ አከ አን ምቾተኮ ወጅን ገመዱፍ ተኩማ እልሞ ሬኤ ቶኮሌ ናፍ ህንኬንኔ። 30 ገሩ እልምኬ እን ሰጋገልቶተ ወጅን ቀቤኘኬ በሌሴ ኩን ዴብኤ መነት ገላን ድብቸ ገበታ ቀልቴፍ!’

31 "አባንሳስ አከነ ጄዼን፤ ‘ያ እልመኮ አት ዬሮ ሁንደ አኑመ ወጅን ጅርተ፤ ወን አን ቀቡ ሁንድኑስ ከኑመኬት። 32 ገሩ ኦቦሌስኬ እን ዱኤ ቱሬ ኩን ዋን ጅሬኘት ዴብኤፍ ኑ ገመዱፊ እልልቹ ቀብነ። እን በዴ ቱሬ፤ አመሞ አርገሜረ።’ "

45 "አከሱመስ ሞቱማን ሰሚ ደልደላ ሉለ ጋሪ በርባዱ ቶኮ ፈካተ። 46 ደልደላን ሱንስ ሉለ ገቲ ጉዳ ቶኮ አርገቴ፤ እንስ ዸቄ ዋን ቀቡ ሁንዱማ ጉርጉሬ ሉለ ሰነ ብተቴ።

ፈኬኘ ፈሪስቻቲፊ ነምቸ ቀረጠ ወልት ቀቡ

9 ዬሱስስ ነሞተ ቀጄሉማ ኦፊት አመነኒ ወረ ካንሞ ቱፈተንት አከነ ጄዼ ፈኬኘ ከነ ህሜ። 10 "ነሞትን ለመ ዋቀ ከዸቹፍ ገረ መነ ቁልቁሉማት ኦል በአን፤ እሳንስ ፈሪስቸ ቶኮፊ ነመ ቀረጠ ወልት ቀቡ ቶኮ ቱረን። 11 ፈሪስች ከኤ ዻበቴ፣ ዋኤ መታሳ አከነ ጄዼ ከዸቴ፤ ‘ያ ዋቀዮ፣ አን አከ ነሞተ ካኒ ጄቹንስ አከ ሳምቶታ፣ ጀልኦታፊ ሰጋገልቶታ ኬሱመቱ ዋን አከ ነምቸ ቀረጠ ወልት ቀቡ ከና ህንተእኒፍ ስን ገለቴፈዸ። 12 አን ቶርበንት ዬሮ ለመ ነንሶመ፤ ዋነን አርገዹ ሁንዱማራስ ሀርከ ኩዸን ኬሳ ቶኮ ነንኬነ።’

13 "ነምች ቀረጠ ወልት ቀቡ ሱን ገሩ ፈጎ ዻበቴ፣ ቆመሳ ዸዸኣ፣ ‘ያ ዋቀዮ፣ አን ነመ ጩበማዻቲ ና ነእ!’ ጄዼ መሌ እጀሳቲንሌ ኦል ጄዼ ገረ ሰሚ ህንእላሌ።

14 "አን እስንትን ህመ፤ ነምች ኩን ነምቸ ዱራረ ፉለ ዋቃ ዱረት ቀጄላ ተኤ መነሳት ገሌ። ነምን ኦል ኦፍ ቀቡ ሁንድኑ ገድ ቀበማቲ፤ ነምን ገድ ኦፍ ቀቡ ገሩ ኦል ቀበመ።"

ፈኬኘ ታላንቲ

14 "አመስ ሞቱማን ሰሚ ነመ ብየ ፈጎ ዸቁ ቶኮ ፈካተ፤ ነምችስ ገርቦተሳ ዋሜ ቀቤኘሳ እማና እት ኬነቴ። 15 ቶኮ ቶኮሳኒትስ አኩመ ደንዴቲሳኒት፣ እሰ ቶኮት ታላንቲ ሸን፣ እሰ ካንት ታላንቲ ለመ፣ እሰ ካንትሞ ታላንቲ ቶኮ ኬኔ ከኤ ዴሜ። 16 ነምች ታላንቲ ሸን ፉዸቴ ሱን፣ ዬሮዹመ ሰነ ዸቄ እቲን ደልደሌ ታላንቲ ብራ ሸን እራ ቡፈቴ። 17 እን ታላንቲ ለመ ፉዸቴስ አከሱመ ታላንቲ ብራ ለመ እራ ቡፈቴ። 18 ነምች ታላንቲ ቶኮ ፉዸቴ ገሩ ዸቄ ለፈ ቆቴ ማለቀ ጎፍታሳ ዾክሴ።

19 "ዬሮ ዼራ ቦዴ ጎፍታን ገርቦተ ሰና ዴብኤ ሄሬገ እሳን ብረ ጅሩ ሄሬገቴ። 20 ነምች ታላንቲ ሸን ፉዸቴ ቱሬ ሱን ታላንቲ ብራ ሸን ፍዴ፣ ‘ያ ጎፍታ፣ አት ታላንቲ ሸን እማና ነት ኬንቴ ቱርቴ። አንሞ ኩኖ፣ ታላንቲ ሸን እራ ቡፈዼረ’ ጄዼን።

21 "ጎፍታንሳስ ዴብሴ፣ ‘ያ ገርብቸ ጋሪፊ አመነማ፣ ዋን ጋሪ ሆጄቴ! አት ዋን አከ መሌ ጥኖረት አመነማ ታቴርተ፤ አንሞ ዋን ባይኤረት ስን ሙደ። ኮቱቲ ገመቹ ጎፍታኬቲት ገል!’ ጄዼን።

22 "ነምች ታላንቲ ለመ ፉዸቴ ቱሬስ ዹፌ፣ ‘ያ ጎፍታ፣ አት ታላንቲ ለመ እማና ነት ኬንቴ ቱርቴ፤ አንሞ ኩኖ፣ ታላንቲ ብራ ለመ እራ ቡፈዼረ’ ጄዼን።

23 "ጎፍታንሳስ ዴብሴ፣ ‘ያ ገርብቸ ጋሪፊ አመነማ፣ ዋን ጋሪ ሆጄቴ! አት ዋን ጥኖረት አመነማ ታቴርተ፤ አንሞ ዋን ባይኤረት ስን ሙደ። ኮቱቲ ገመቹ ጎፍታኬቲት ገል!’ ጄዼን።

24 "ነምች ታላንቲ ቶክቸ ፉዸቴ ቱሬስ ዹፌ አከነ ጄዼ፤ ‘ያ ጎፍታ፣ አት ነመ ገረ ጀቤሰ እዶ እት ህንፈጫስኒ ገልፈቱ፣ እዶ እት ህንብትኔስኒስ ወልት ቀበቱ አከ ታቴ ነንቤከ። 25 ከናፉ አን ሶዳዼ ዸቄን ታላንቲኬ ለፈ ኬሰ ዾክሴ። ታላንቲንኬ ኩኖት።’

26 "ጎፍታንሳስ ዴብሴ አከነ ጄዼ፤ ‘ያ ገርብቸ ሀማ ዽባኣ! አት አከ አን እዶን እት ህንፈጫስኒ ገልፈዹ፣ እዶን እት ህንብትኔስኒስ ወልት ቀበዹ ቤክታ? 27 ዮስ አከ አን ዮሙን ዴብኡት ዸለሳ ወጅን ፉዸዹፍ ስላ ማለቀኮ ወረ ባንኪ ብረ ናፍ ካኡ ቀብደ ቱሬ።

28 " ‘ከናፍ ታላንትቸ እሰ ሀርካ ፉዻቲ ነምቸ ታላንቲ ኩዸን ቀቡፍ ኬና። 29 ከን ቀቡ ከሚፍዩ እት ደበለሜ ንኬነመ፤ እራ ሀፋስ ንቀባታቲ። ከን ህንቀብኔ ገሩ ወን እን ቀቡዩ እራ ፉዸተመ። 30 ገርብቸ ፋይዳ ህንቀብኔ ከነ ዱከነ አላት ገድ ደርበዻ፤ አችትስ ቦእቻፊ እልካን ቀሩቱ ተአ።’

ነምቸ ዱሬሳፊ አልኣዛር

19 "ነምቸ ሶሬሰ ኡፈተ ዺልጌ ሀጲ ከን ቁንጬ ተልባራ ሆጄተሜ ኡፈቴ፣ ጉዩመ ጉያን ቀነኒዻን ጅራቱ ቶኮቱ ቱሬ። 20 ከረሳ ዱረሞ ነምች ህዬስ አልኣዛር ጄዸሙ ከን ዸግንሳ ሁንድ መመዳኤ ቶኮ ጪሳ ቱሬ። 21 እንስ ሀምባ ማዲ ሶሬሰ ሰናራ ሀርጨኡሌ ኛቹ ንከጄለ ቱሬ፤ ሰሮትንዩ ዹፈኒ መዳሳ አራቡ ቱረን።

22 "ጋፍ ቶኮ ነምች ህዬስ ሱን ዱናን ኤርገሞትን ዋቃ እሰ ባተኒ ገረ ቦባ አብረሃምት እሰ ጌሰን፤ ሶሬስችስ ዱኤ አዋለሜ። 23 ኡቱ ሲኦል ኬሰት ዽጰቻ ጅሩስ ኦል ምልአቴ አብረሃምን ፈጎት፣ አልኣዛርንሞ ቦባ አብረሃም ኬሰት አርጌ። 24 እንስ እዬ፣ ‘ያ አባኮ አብረሃም፣ ዋን አን እብደ ከነ ኬሰት ዽጰቻ ጅሩፍ ማሎ ገራ ናፍ ላፊቲ አከ እን ፊጤ ቁበሳ ብሻን ኬሰ ጩጴ አረበኮ ናፍ ቀበኔሱፍ አልኣዛርን ናፍ ኤርግ’ ጄዼን።

25 "አብረሃም ገሩ አከነ ጄዼ ዴብሴ፤ ‘ያ እልመኮ፣ አት በረ ጅሬኘኬቲት ዋን ጋሪ አከ አርገቴ፣ አልኣዛርሞ ዋን ሀማ አከ አርገቴ ያደዹ፤ አመ ገሩ አስት እሰት ቶሌረ፤ አትሞ ዽጰቻ ጅርተ። 26 ዋን ከነ ሁንደረትስ፣ አከ ወር ኑ ብራ ገረኬሰን ዹፉ በርባደን ዹፉ ህንደንዴኜፍ ዮካን አከ ወር እስን ብራ ገረኬኘት ጬኡ ህንደንዴኜፍ ኑፊ እስን ግዱ ቦለ ጉዳቱ ጅረ።’

27 "ሶሬስ ሱንስ አከነ ጄዼ ዴብሴ፤ ‘ዮስ ያ አባ፣ አከ አት ገረ መነ አባኮት አልኣዛርን ናፍ ኤርግቱ ስን ከዸዸ፤ 28 አን ኦቦሎተ ሸን ቀባቲ፤ አከ እሳንስ እዶ ዽጵና ከነ ህንዹፍኔፍ እን ዸቄ እሳን ሃአኬከቺሱ።’

29 "አብረሃም ገሩ፣ ‘እሳን ሙሴፊ ራጆተ ቀቡ፤ እሳኑመ ሃዸገአን’ ጄዼ።

30 "ዱሬስችስ፣ ‘አከስ ምት፤ ያ አባኮ አብረሃም፤ ዮ ወረ ዱአን ኬሳ ነምን ቶኮ ገረሳኒ ዸቄ ገሩ፣ እሳን ቀልቢ ንጅጂረቱ’ ጄዼን።

31 "አብረሃምስ፣ ‘እሳን ዮ ሙሴፊ ራጆተ ህንዸጌኜ፣ ዮ ነምን ቶኮ ወረ ዱአን ኬሳ ከኤሌ ህንአመነን’ ጄዼን።"

ፈኬኘ አረማ

24 ዬሱስ አከነ ጄዼ ፈኬኘ ብራ እሳንት ህሜ፤ "ሞቱማን ሰሚ ነመ ለፈ ቆቲሳሳ ኬሰት ሰኚ ጋሪ ፈጫፈቴ ቶኮ ፈካተ። 25 ገሩ ኡቱ ነሞትን ረፈኑ ዲንሳ ዹፌ ቀመዲ ኬሰት እንክርዳደ ፈጫሴ ዴሜ። 26 ዬሮ ቀመዲን ሱን ጉደቴ እጀ ነቀቴት እንክርዳድንስ ንሙልአቴ።

27 "ገርቦትን አባ ለፈ ቆቲሳ ሰናስ ገረሳ ዹፈኒ፣ ‘ጎፍታ፣ አት ለፈ ቆቲሳኬ ኬሰት ሰኚ ጋሪ ህንፈጫፍኔ? ዮስ እንክርዳድን ኤሳ ዹፌሬ?’ ጄዸኒን።

28 "እንስ ዴብሴ፣ ‘ዲነቱ ከነ ሆጄቴ’ ጄዼ።

"ገርቦትንስ፣ ‘አከ ኑ ዸቅኔ ቡቅፍኑ ንበርባዳ?’ ጄዸኒ እሰ ጋፈተን።

29 "ነምች ገሩ አከነ ጄዼ ዴብሴፍ፤ ‘ለክ፣ ኡቱ እንክርዳደ ቡቅፍተኑ፣ አከ እሰ ወጅን ቀመዲ ህንቡቅፍኔፍ ዺሳ። 30 ሀመ ዬሮ ሃማት ለቸኑ ወሉማን ሃጉደተን። አንስ ዬሮ ሰነ ወረ ምዻን ሃመኒን፣ "ጀልቀበት እንክርዳደ ሰነ ቡቅሳ፤ አከ ጉበሙፍስ ብሲ ብሲዻን ህዻ፤ ቀመዲ ገሩ ወልት ቀባቲ ጎምብሳኮት ናፍ ነቃ" ጄዼ እሳንት ነንህመ።’ "

ፈኬኘ ዱበረን ኩርነኒ

1 "ዬሮ ሰነት ሞቱማን ሰሚ ዱበረን ኩዸን ከኔን እብሳሳኒ ፉዸተኒ ምስርቸ ስመቹዻፍ ገድ በአን ፈካተ። 2 እሳን ኬሳስ ሸን ጎዎተ፣ ሸንሞ ኦጌዪ ቱረን። 3 ወር ጎዎትን እብሳሳኒ ፉዸተን መሌ ዘይቲ ህንፉዸትኔ። 4 ወር ኦጌዪን ገሩ እብሳሳኒ ወጅን ዘይቲ ቆዳት ቀበተኒ ቱረን። 5 ምስርች ሱን ቱራን ሁንዱምትሳኒ ሙገን፤ ንረፈንስ።

6 "ሀልከን ወለካትስ ሰገሌን ጉዳን፣ ‘ኩኖ፣ ምስርች ዹፌረ! በኣቲ እሰ ስመዻ!’ ጄዹ ቶኮ ዸገአሜ።

7 "ዱበር ሱን ሁንድኑስ ከአኒ እብሳሳኒ ቆጴፈተን። 8 ወር ጎዎትን ሱን ወረ ኦጌዪዻን፣ ‘እብሳንኬኘ ኑ ዱራ ዻሙት ጅራቲ ዘይቲኬሰንራ ጥኖ ኑ ኬና’ ጄዸን።

9 "ወር ኦጌዪንስ ዴብሰኒ፣ ‘ህንኬንኑ፤ ተሪ ወን ኑፊ እስን ገኡ ህንጅሩ ተኣቲ። ቆደ ከና ወረ ጉርጉረን ብረ ዸቃቲ ኦፊኬሰኒፍ ብተዻ’ ጄዸኒን።

10 "ገሩ ኡቱመ እሳን ዘይቲ ብተቹ ዸቁት ጅረኑ ምስርች ዹፌ። ዱበር ቆጳአንስ እሰ ወጅን ገልመ ጭዸ ፉዻት ኦል ገለን። በልበልስ ንጩፈሜ።

11 "ኤርገሲ ዱበረን ካንስ ዹፈኒ፣ ‘ያ ጎፍታ፣ ያ ጎፍታ፣ በልበለ ኑፍ በን!’ ጄዸኒን።

12 "እን ገሩ ዴብሴ፣ ‘ዹጉመን እስንት ህመ፤ አን እስን ህንቤኩ’ ጄዼን።

13 "ከናፉ እስን ሰበቢ ጉያ ሰነ ዮካን ሰኣቲ ሰነ ህንቤክኔፍ ደመቃ።