As 10 parábolas mais importantes de Jesus

3 pa e be zwama yek iyi dinya na igagau nyange, << Bot mai buni bwashi tom bo kore sang zwam bushi tobero. 4 Bobe ansanga bero ba un, pa bero mai e raga henagage na yina pa monono mu kore mo hwagere. 5 Emai henda e henge bando hate ayo tunge tuza pa e be shirage ma’inta zwam tunge tuza paba dinya. 6 Shi onhwaho o zumuwa iregi hwe, zwam e za hagungu ripitu dinya. 7 Emai henda ehenage bando makada mayo, pa makada ma puch majiki mahore maibo. 8 Pa emai ehenage bando tunge to sambari pa e be shuwo bini-bini emai akwape tunihi-tunihi, emai henda akwape tato-tato. 9 Ga bone bu jhe tobe, bo hoge >>.

Egagau ote o Luʻu-luʻu o Daraja

45 <<Har nare de, tugwama to turwana to yo ta bwa bo kasuwa ne, bone on gembo te o daraja wato,luʻu-luʻu. 46 Ta bob bo hi luʻu-luʻu oika̱ o daraja dinya na bob bo karge bo sange kuchi iyi bob bozhe bo sa̱ oik.

Egagau Zwam Ihumga̱ A mana.

14 <<Henda tugwama to Onhon twaya̱ ta bot bone bwashi tuhano, bob bo ogagya agyam a bob, na bob bo tuta yek iyi bob. 15 Bo pa boik zinariya o ta,boik henda zinariya a rya, emai henda zinariya unka̱, ko ga ta mahoren mabob.Pa eb e karige. 16 Bone bo che zinariya dubu uta uni ka paba na eb eshe gembo na kurubi ni, na eb hi umai dubu ota. 17 Nani ma ene e che zinariya dubu baragya, bo hi umai dubu barya̠gya̠. 18 Ama bone bo che zinariya dubu u ka bo kore bo gabe hambi bo wumba kuru bi buchi bo ryabe bob.

19 <<Taba warage, pa buchi bo yaba bwa gyamani bo gi zwam bo rotage ene ya̱bashi na kurubi ni. 20 Pa bone bo che zinariya ota bu re tusha bo shibkana a mai zinariya o ta bwange, buchi bo yaba, bona pa zinariya ota.Gyamwabona na shiu gembo ota >.

21 Na buchi bo yaba bob bwange na eb, <Ushiu honjhe, bugyam bura̱, bwa yaje! Bushiu ayaje ne iyi no, nabo pa emai ane a hyange ene. korya shi so chen taba na buchi bo yaba nebe >.

22 <<Pa bone bo che zinariya dubu uragya henda bo kore tusha, bwange,<Buchi bo yaba, bona pa zinariya dubu uragya. Gem ama wabona na shiu gem o zinariya dubu uragya >>.

23 Na buchi bo yabe bob bwange na bob,< Ushiu honjhe, bugyam bura̱ bwa yaje; Bushiu iya yaje ne iyi no. Na bo pa enk ana henge ane kurya shi so chen taba na gyamu!>.

24 <<Pa bone bo che zinariya unka̱ bo kore bishina̱ be eb bwange,<Buchi bo yaba̱ na daku gab zhe gago shaʻane, bo shagu biguba̱ wo gab beragewa ga henda bu kudage iyi suba̱. 25 Obo osa na hoge ryansa na kore na gabe hombe na wumba̱ kurubi nebe. cha iyi nebe >.

26 Na buchi bo yaba eb bo chane ek bwange,Gab mugu o bugyam bo renda! Ashe budaki na on biguba̱ wo gem biragiwa ba, na on henda zuranga wo gem bazhiwa bero ba? 27 Ai, oyo honzhe otane kurubi nimi wo tuira̱, shi nagiwa̱ gyam che kurubi nimi na har ne kisano.

28 << <Sai e che zinariya dubu uka ote wo eb e pa bot bwa jika kwape ta buni 29 Zwam bone bo zhe iyi, a kisano boik har bu hi dinya.bone bo za iya, chimu ne bob bozhe, a cheu wo bob. 30 Etage henda bugyam buto bowo na so tunshi.Pa pabashi tudaro na ma haka maira >.

Hombe Na So Alkama

24 Yesu e nyangyaka̱ yek egagau mai,nyange,<<Egagau tugwama to turwana na bot bone bu ge naba ,kore tubero na bero bura̱ na sanga bob. 25 Gagu ato a on murab, na buchagiya bo bitaga bo eb bo kore bo beryage humbe na so alkama na eb e karge iyi eb. 26 Na tubero to mashinge, tush awo,pa mapuchpuch ma mashinge.

27 Pa agyam buch bo yaba a kore ange na bob,<Buchi bo yaba,ashe,ba bero e bura̱ gatu bira̱ge na sanga ba to ashi inga nane humbe a shira̱ge?> 28 Pa eb nyenge naba , bune bo na wonje ne bukore bushi enke a te < Agyam ange na eb, bukudage to kore to yacigage to tarage yeka?> 29 Ama nyange,<< <A’a > Zwam gagu o e yachigago humbe a yachige taba na alkama 30 Ganjhi yek ashi tuwaga bake, har gagu o biguba̱, na gagu biguba̱ na zwam na ato biguba̱ a yacigage humbe na Jigu a tarage, a parage bitubitu a tuki ora, ama alkama henda a zuta̱ na uriya̱ >>.

Egagau Mukangaza Rikwape

1 << Na pab ab gagau tugwama to turwana na mukangaza rikwape mune mu zhangi bichera a kore a tariya̱ bot bo wushinyana upo. 2 Ta wo ab aza toringe ta henda̱ azhe toringe. 3 Gagu hane aza turenge azhangi chere yaba azhangu manebe zwam ekesana ba. 4 Ane turenge a zhangu hakwalba maneb taba̱ na so chere. 5 Ene shi ushiyano upo e kurwa maʻinta, sarai owaba a kumbe murab har murab mo jhangi yek.

6 <<Wari na ushe ageta paba hoge ogo, a be zwammagaa, <Ini ishi ushiyana ino! Shirinji e gichi ek >.

7 Pa mokangaza muni rekwape moshirage ko ga bo kemaga bere re bob. 8 Pane aza turenge azwame na ato turenge,<Etokashiya maneb na mahi chim-chimu naye.chere niti e nya owagi >.

9 Ama ane azhe turenge ange naba, <manebe matodama gatu na gahi ba. Ekore wo ato esango e senyana mahi >.

10 Ta ba kore zwam a senya̱ manebe kape a giya ene shi ushinyana e wuto. Ane a makimaga a esh wo rago na eb, pa a ba gunda eso.

11 << Ab pab mokangaza mone moeyata mo kore, mwange.<Butuwaga,Butuwaga a,tugonjigage >.

12 Na bone bushi ushiyana bwange naba, tamahinda na oikamai zwammagaa, na mai dakiwa̱ >.

13 Zwam nani Yesu nyange sai shani na tudaka̱, zwam e dakiwa̱ oho ko na morwam mwana bwa bot bwa kore ba >>.