Páscoa

9 जो भीड़ आग्गै-आग्गै अर पाच्छै-पाच्छै चाल्‍ली आवै थी, रुक्‍के मार-मारकै कहवै थी, "दाऊद की औलाद ताहीं होशाना*, धन्य सै वो जो प्रभु के नाम तै आवै सै, अकास म्ह होशाना।"

25 हे यहोवा बिनती सुण, उद्धार कर!

हे यहोवा, बिनती सुण, कामयाबी दे।

26 धन्य सै वो जो यहोवा कै नाम तै आवै सै!

हमनै थारे ताहीं यहोवा के घर तै आशीर्वाद दिया सै।

सिय्योन का आण आळा राजा

9 हे सिय्योन के माणसों घणेए मगन हो। हे यरुशलेम के माणसों जयजयकार करो! क्यूँके तेरा राजा तेरे धोरै आवैगा; वो धर्मी अर उद्धार पाया होया सै*, वो दीन सै, अर गधे पै बलके गधी के बच्‍चे पै चढ़या होया आवैगा।*

18 "देक्खो, हम यरुशलेम नगर म्ह जावां सा; अर मै माणस का बेट्टा प्रधान याजकां अर शास्त्रियाँ कै हाथ्थां पकड़वाया जाऊँगा, वे मेरे खात्तर मौत की सजा तय करैगें। 19 अर मेरे ताहीं गैर यहूदियाँ कै हाथ्थां म्ह सौपैगें, वे मेरा मजाक उड़ावैगें, कोड़े मारैगें, क्रूस पै चढ़ावैगें, अर मै तीसरे दिन जिन्दा हो जाऊँगा।"

28 अर उसके लत्ते तारकै उस ताहीं लाल रंग का चोग्गा पिहराया, 29 अर काण्डयाँ का ताज गुन्दकै उसकै सिर पै धरया, अर उसकै सोळे हाथ्थां म्ह सरकण्डा दिया अर उसकै आग्गै गोड्डे टेक कै उसका मखौल उड़ाण लाग्गे अर कह्या, "हे यहूदिया परदेस के राजा, नमस्कार!"

37 अर उसका दोषपत्र लिखकै उसकै सिर पै लगाया, के, "यो यहूदियाँ का राजा यीशु सै।"

36 अर कह्या, "हे अब्बा, हे पिता, तू सारा कुछ कर सकै सै; इस दुख का कटोरे ताहीं मेरै धोरै तै हटा ले: तोभी जिसा मै चाहूँ सूं उसा न्ही, पर जो तू चाहवै सै वोए हो।"

46 अर यीशु नै जोर तै किल्की मारकै कह्या, "हे पिता, मै अपणी आत्मा तेरे हाथ्थां म्ह सौंप्पू सूं।" अर या कह के जी दे दिया।

30 जिब यीशु नै वो सिरका चख्या, तो कह्या, "पूरा होया," अर सिर झुकाकै जी दे दिया।

5 सुर्गदूत नै बिरबानियाँ ताहीं कह्या, "मतना डरो, मन्‍नै बेरा सै के थम यीशु नै जो क्रूस पै चढ़ाया गया था, टोह्वो सो। 6 वो उरै न्ही सै, पर अपणे वचन कै मुताबिक जिन्दा होग्या सै। आओ, या जगहां देक्खो, जित्त प्रभु राख्या गया था,

6 उसनै उनतै कह्या, "हैरान मतना होवो, थम यीशु नासरी* नै टोह्वो सो, जो क्रूस पै चढ़ाया गया था, वो जिन्दा होग्या सै, अर उरै कोनी; लखाओ, याए वा जगहां सै, जित्त उननै यीशु की लाश ताहीं धरया था।

6 वो उरै कोनी, पर जिन्दा होग्या सै। याद करो कै उसनै गलील परदेस म्ह रहंदे होए थारे तै कै कह्या था, 7 जरूरी सै कै मै माणस का बेट्टा पापियाँ कै हाथ्थां म्ह पकड़वाया जाऊँ, अर क्रूस पै चढ़ाया जाऊँ, अर तीसरे दिन जी उठ्ठु।"

8 फेर दूसरा चेल्‍ला भी जो कब्र पै पैहल्या पोंहच्या था, भीत्त्तर गया अर देखकै बिश्वास करया के यीशु मुर्दा म्ह तै जिन्दा होग्या। 9 पतरस अर दूसरा चेल्‍ला इब ताहीं पवित्र ग्रन्थ की वा बात कोनी समझे थे के उसनै मरे होया म्ह तै जी उठणा होगा।