Páscoa

9 Nggomǝn nafchǝɗi pangngǝnan tǝ fee kǝrsaˈan thlaˈankandǝ ɓǝratiyanda nakandǝ ndat wa, "Maanaman Waˈi Dauda. Mbǝs ǝn har mǝɗi thla nech ɓat hur thlǝm Chinda." Maanaman Farta thla nech hulafǝrta thla nawaktǝ sǝrtaˈansi.

18 "Sǝkama, nggǝmǝn kafǝr kǝ Urshalima. Mǝɗi naa fee fǝr nggǝta Waˈi Nefa kǝ hari paktǝ pangngǝncha tǝ fǝ chaˈandǝ kusiˈ i Musa kaɗi. Nandǝ chakan mee yi mǝrta. 19 Kǝ fǝrndǝ ndi kǝ hari fee nawakchǝ kǝ Yahudawecha, fen paɗ nandǝ chen mee ha, kǝ thlǝfanda, kǝ kukwandǝ ha paɗ. Far mahkanda paɗ naa Farta thlaˈandǝ tǝ shishingnda."

28 Kǝtang kandǝ ichi Yesu ha, pang kandǝ yowun kapat nga, kapata weˈtǝ yi kuturcha. 29 Tahǝs kandǝ yowun lǝɓokǝr kuturakta tǝ tahcha, pang kandǝ kǝ inda. Ɗǝfan kandǝ fangngǝn kuturakta kǝ harsǝmˈyan, kop kandǝ ha pangngǝnan nggak kandǝ ndan ǝna tǝ njir fata. Nakandǝ ndat wa, "Kǝ mbar shishingndiyo kwitiri Yahudawecha."

37 Keˈke ɗar indiyan fi palangnan chepkandǝ sǝɓtǝ ǝnɗi chǝtǝn ndat wa, "Thleya mǝthlan nech kǝ Yesu Kǝristi, Kwitiri Yahudawecha."

36 Ɗǝkan kǝ pang tǝ shita, ndat wa, "Papa, no mbahǝn chǝt chǝka mii. Tǝran kongnga nggwarkana tǝɗinchiya kaɗi. Ngga nwaat ǝnɗi yahtisi kǝ chi fee wa, paɗ ǝnɗi yahtusi kǝ ndiiɗ ha."

30 Kǝ thlǝk Yesu ˈyam yanggiˈan thla nǝch ɓangɓang, ndakan wa, "Ə tǝɓi." Chat, ngguɗan kan indiyan ha, kalkan shishingndiyan ha.

5 Paɗ ndangkǝ thlǝ thlǝndi Fartǝɗi nǝssaˈan wa, "Mǝ lekuwun wa, sǝninchi wa tǝ nowun kaa Yesu thla kukwandǝ fee ha. 6 Mǝthlan su wa, ǝ thleˈi, kǝɗ ǝnɗi mbuˈtǝn. Ɓam nam mǝɗi ɗǝf tǝ fee ndi.

6 Ndang kan tanda wa, "Mǝ lekǝwun wa, tǝ nowun ka Yesu i Nazarat thla kukwandǝ fee ha ɓǝra palangnda wa? Mǝthlan si mǝɗiya wa, ǝ thleˈi. Ɗǝpaman mǝɗi huna ndǝ fee ha.

8 Kǝɗu arti kǝmsiɗi, lech saˈtǝ kǝ mii kwiyan yu, paɗ yimkansi. Nakan, paɗ fǝrkan kitsi. 9 (Kǝthlǝm kǝ wanshengǝn ɗiya wathlawa tandǝ kwaɗǝn wa, ǝ hur yara ndikti Fartaˈan wa, Yesu nan thlaˈta hur mǝmatecha wa.)