Páscoa

9 भीड़ के मनखेमन यीसू के आघू-आघू अऊ पाछू-पाछू घलो चलत रहंय अऊ ओमन चिचिया-चिचियाके कहत रहंय,

"दाऊद के संतान के होसाना!"

"धइन ए ओ, जऊन ह परभू के नांव म आथे!"*

"सबले ऊंच स्वरग म होसाना!*"

25 हे यहोवा, हमन ला बचा!

हे यहोवा, हमन ला सफलता दे!

26 धइन ए ओ, जऊन ह यहोवा के नांव म आथे।

यहोवा के घर ले हमन तोला* आसीस देथन।

सियोन के राजा के अवई

9 हे बेटी सियोन, बहुंत आनंद मना!

हे बेटी यरूसलेम, जय-जयकार कर!

देखव, तुम्हर राजा ह तुम्हर करा आवत हे,

ओह धरमी अऊ बिजयी होके,

बिनम्र अऊ एक गदहा ऊपर,

एक बछेड़ा ऊपर, गदही के एक बछेड़ा ऊपर सवारी करे हवय।

18 "देखव, हमन यरूसलेम जावत हन अऊ उहां मनखे के बेटा ला पकड़के मुखिया पुरोहितमन अऊ कानून के गुरूमन के हांथ म सऊंपे जाही, अऊ ओमन ओला मार डारे के सजा दीहीं, 19 अऊ ओला आनजातमन के हांथ म सऊंप दीहीं, जऊन मन ओकर हंसी उड़ाहीं, ओला कोर्रा म मारहीं अऊ कुरूस ऊपर चघाहीं। पर तीसरा दिन ओह जी उठही।"

28 ओमन यीसू के कपड़ा ला उतारिन अऊ ओला सिन्दूरी लाल रंग के चोगा पहिराईन, 29 अऊ तब कांटा के एक मुकुट गुंथके ओकर मुड़ ऊपर रखिन, अऊ ओकर जेवनी हांथ म एक ठन लउठी धरा दीन अऊ ओकर आघू म माड़ी टेकिन अऊ ये कहिके ओकर हंसी उड़ाईन, "हे यहूदीमन के राजा, तोला जोहार।"

37 अऊ ओकर मुड़ ऊपर ओकर दोस-पतर टांग दीन, जऊन म ये लिखाय रहय—

येह यहूदीमन के राजा यीसू अय।

36 ओह कहिस, "अब्बा,* हे ददा! तोर दुवारा जम्मो बात हो सकथे। ये दुख के कटोरा ला मोर म ले टार दे। तभो ले जइसने मेंह चाहत हवंव वइसने नइं, पर जइसने तेंह चाहत हवस, वइसने होवय।"

46 यीसू ह जोर से चिचियाके कहिस, "हे ददा, तोर हांथ म मेंह अपन आतमा ला सऊंपत हवंव।"* अऊ ये कहिके ओह अपन परान ला तियाग दीस।

30 जब यीसू ह ओ सिरका ला ले लीस, त कहिस, "पूरा होईस।" अऊ ओह मुड़ ला नवाके अपन परान तियाग दीस।

5 स्वरगदूत ह माईलोगनमन ला कहिस, "झन डरव, काबरकि मेंह जानत हंव कि तुमन यीसू ला खोजत हव, जऊन ला कुरूस ऊपर चघाय गे रिहिस। 6 ओह इहां नइं ए; ओह जी उठे हवय, जइसने ओह कहे रिहिस। आवव अऊ ओ ठऊर ला देखव, जिहां ओला रखे गे रिहिस।

6 ओ जवान ह ओमन ला कहिस, "तुमन चकित झन होवव। यीसू नासरी जऊन ला कुरूस ऊपर चघाय गे रिहिस, ओला तुमन खोजत हवव। ओह जी उठे हवय, अऊ इहां नइं ए। देखव, एही ओ ठऊर ए, जिहां ओमन ओला रखे रिहिन।

6 ओह इहां नइं ए। ओह जी उठे हवय। सुरता करव, जब ओह तुम्हर संग गलील प्रदेस म रिहिस, त तुमन ला का कहे रिहिस: 7 ‘मनखे के बेटा ह पापी मनखेमन के हांथ म सऊंपे जाही अऊ ओह कुरूस ऊपर चघाय जाही, पर तीसरा दिन ओह फेर जी उठही।’ "

8 तब ओ आने चेला घलो जऊन ह कबर करा पहिली हबरे रिहिस, भीतर गीस अऊ देखके बिसवास करिस। 9 ओमन अभी तक ले परमेसर के बचन ले नइं समझे रिहिन कि यीसू ह मरे म ले जरूर जी उठही।