Páscoa

9 ఆయన ముందు వెళ్లే జనసమూహం ఆయనను వెంబడించేవారు బిగ్గరగా,

"దావీదు కుమారునికి హోసన్నా!* వచనం; అలాగే మార్కు 11:9; యోహాను 12:13"

"ప్రభువు పేరట వచ్చేవాడు స్తుతింపబడును గాక!"*

"సర్వోన్నతమైన స్థలాల్లో హోసన్నా!"

అని కేకలు వేశారు.

25 యెహోవా, మమ్మల్ని రక్షించండి!

యెహోవా, మాకు విజయం ప్రసాదించండి!

26 యెహోవా పేరట వచ్చేవాడు స్తుతింపబడును గాక!

యెహోవా మందిరం నుండి మేము మిమ్మల్ని దీవిస్తాము.

సీయోను రాజు వచ్చుట

9 సీయోను కుమారీ, గొప్పగా సంతోషించు!

యెరూషలేము కుమారీ, ఆనందంతో కేకలు వేయి!

ఇదిగో నీతిమంతుడు, జయశీలియైన మీ రాజు

దీనుడిగా గాడిద మీద,

గాడిదపిల్ల మీద స్వారీ చేస్తూ

మీ దగ్గరకు వస్తున్నాడు.

18 "మనం యెరూషలేముకు వెళ్తున్నాం, మనుష్యకుమారుడు ముఖ్య యాజకులకు ధర్మశాస్త్ర ఉపదేశకులకు అప్పగించబడతాడు. వారు ఆయనకు మరణశిక్ష విధించి, 19 యూదేతరుల చేత అపహసించబడి, కొరడాలతో కొట్టబడి, సిలువ వేయబడడానికి అప్పగిస్తారు. అయితే ఆయన మూడవ రోజున సజీవంగా మరల తిరిగి లేస్తాడు!" అని చెప్పారు.

28 వారు ఆయన బట్టలను తీసివేసి ఆయనకు ఎర్రని అంగీని తొడిగించారు. 29 ముళ్ళతో ఒక కిరీటాన్ని అల్లి ఆయన తలమీద పెట్టారు. ఒక కర్ర తన కుడిచేతిలో ఉంచారు. అప్పుడు ఆయన ఎదుట మోకరించి, "యూదుల రాజా, నీకు శుభం!" అని అంటూ ఆయనను ఎగతాళి చేశారు.

37 ఆయన మీద మోపబడిన నేరం వ్రాసి ఆయన తలపైన బిగించారు:

ఇతడు యేసు, యూదుల రాజు.

36 ఆయన, "అబ్బా, తండ్రీ, నీకు సమస్తం సాధ్యమే. ఈ గిన్నెను నా దగ్గర నుండి తీసివేయి, అయినా నా చిత్తం కాదు, మీ చిత్తమే జరగాలి" అన్నారు.

46 *అప్పుడు యేసు, "తండ్రీ, మీ చేతికి నా ఆత్మను అప్పగిస్తున్నాను" అని గొప్ప శబ్దంతో కేక వేశారు. ఆయన ఈ మాట చెప్పి, తన ప్రాణం విడిచారు.

30 ఆయన పులిసిన ద్రాక్షరసం పుచ్చుకుని, "సమాప్తమైనది" అని చెప్పి యేసు తన తలను వంచి తన ప్రాణం విడిచారు.

5 దూత ఆ స్త్రీలతో, "భయపడకండి, మీరు సిలువవేయబడిన, యేసును వెదకుతున్నారు అని నాకు తెలుసు. 6 ఆయన ఇక్కడ లేరు; తాను చెప్పినట్లే, ఆయన లేచారు. రండి ఆయనను పడుకోబెట్టిన స్థలాన్ని చూడండి.

6 అప్పుడు ఆ దూత, "భయపడవద్దు, మీరు సిలువవేయబడిన, నజరేయుడైన యేసును వెదుకుతున్నారు. ఆయన లేచారు! ఆయన ఇక్కడ లేరు. వారు ఆయనను పడుకోబెట్టిన స్థలాన్ని చూడండి.

6 ఆయన ఇక్కడ లేరు, ఆయన లేచారు! ఆయన మీతో గలిలయలో ఉన్నప్పుడు మీతో ఏం చెప్పాడో జ్ఞాపకం చేసుకోండి, 7 ‘మనుష్యకుమారుడిని పాపుల చేతికి అప్పగించబడతాడు, వారు ఆయనను సిలువ వేసి చంపుతారు, ఆయన మూడవ రోజున సజీవంగా లేస్తాడని’ చెప్పాడు కదా!" అని అన్నారు.

8 సమాధి దగ్గరకు మొదట చేరుకున్న శిష్యుడు కూడ లోపలికి వెళ్లి చూసి నమ్మాడు. 9 యేసు చనిపోయి తిరిగి జీవంతో లేస్తాడని చెప్పే లేఖనాలను వారు ఇంకా గ్రహించలేదు.