Páscoa

9 I’sayle ögil, yı’q’əl əlyhəənbışe ts’irbı ha’a inəxüd eyhe ıxha:

– Hosanna* Davudne Dixes!*

Rəbbine doyuka Qarıyng’us şukur vuxhenava!

Nekke axtıne xəybışee hosanna! *

18 – Həşde şi İyerusalimqa ılqəə, maa’ar İnsanna Dix*, Zı, kaahinaaşine ç’ak’ınbışdeyiy Q’aanunne mə’əllimaaşine xılyaqa qeles. Manbışe Mang’us məhkama hı’ı, Mana gik’as ıkkanva yuşaneepxhes. 19 Manbışe Mana menne milletbışde xılyaqa demalqa gixhxhesiy çümqbı ı’xı' çarmıxılqa ts’ıts’e’ecenva qeles. Xhebıd’esdemee yiğıys Mana üç’ür qa’as.

28 Manbışe Mang’ule tanalinbı qakki’ı, Mang’ulqa ç’əran p’laş alya’a. 29 Zazalxumbışike tac hootxur, vuk’lelqa gyavhu, sağne xılyaqad q’amış hele. Qiyğab q’aratsabışil gyuv’ur «Yahudeeşine paççahıs salam vuxhenava!» uvhu, Mana demalqa giyxhe.

37 Vuk’lel ooqad «Yahudeeşina Paççah I’sa haaneva», mana nişil-allayiy çarmıxılqa ts’ıts’ı’ıva otk’un gixhxhı ıxha.

30 I’see ç’ürç’ümən çaxır ghalyaqa ıkkekkan. Qiyğa «Bıkırxhaynva» uvhu, vuk’ul g’a’abaççena, rı’hı’d qığeç’en.

5 Malaaikee zəiyfeeşik’le eyhen:

– Qı’məəq’ən, zak’le ats’an şu çarmıxılqa ts’ıts’ı’ına I’sa t’abal ha’a ıxhay. 6 Mana inyaa deşda, Vuce eyhəxür, Mana üç’ür qa’a. Qudoora, şok’led Mana g’alirxhuyn ciga g’ace.

8 Manke mağaraysqa ögil qarına şena telebar aqa ikkeç’e. Mang’uk’le man g’acu, inyam ha’a. 9 Manbışe I’sa hapt’ıynbışde yı’q’neençe oza qixhesva, Muq’addasne Otk’unee otk’unin ciga yugda vuk’leeqa k’eççu ıxha deş.