23 एल्हेरेलेइ कि सेब्भेईं पाप कियो, ते तैस महिमा करां दूर आन ज़ै परमेशर देते।

23 एल्हेरेलेइ कि सेब्भेईं पाप कियो, ते तैस महिमा करां दूर आन ज़ै परमेशर देते। 24 पन परमेशरे अपने अनुग्रहे सेइं अस पापां केरि सज़ाही करां यीशु मसीहेरे ज़िरिये छुटाए ते मुफ्ते मां धर्मी ठहराए।

20 किजोकि मूसेरे कानूनेरे मुताबिक कम्मां केरने सेइं कोई मैन्हु परमेशरेरे सामने धर्मी नईं भोनो, एल्हेरेलेइ कि मूसेरे कानूने सेइं पिशान भोतीए कि अस पापी आम।

23 किजोकि पापेरी मज़दूरी त मौते, पन परमेशरेरू वरदान इश्शे प्रभु यीशु मसीह मां हमेशारी ज़िन्दगीए।

6 असां त सब अशुद्ध भोइ जेवरेम, ते इश्शी धार्मिकतारां सारां कम्मां मेले सेइं खिन्थां केरे ज़ेरां आन। असां सारे पट्लां केरे ज़ेरे शुक्‍की जेवरेम, ते इश्शे अधर्मेरे कम्मां केरि वजाई सेइं असां हवारे ज़ेरे उडरी गातम।

4 ज़ै लगातार पाप केरतो रहते, तै मूसेरे कानूनेरो इन्कार केरते, ते पाप त कानूनेरो इन्कार केरनो।

1 एल्हेरेलेइ हुनी ज़ैना मसीह यीशु मां आन, तैन पुड़ सज़ाहरो हुक्म नईं। 2 किजोकि पवित्र आत्मा तुसन ज़िन्दगी देलो, ज़ै यीशु मसीह करां एइती ते तै तुसन पाप ते मौती करां आज़ाद केरेलो।

12 एल्हेरेलेइ तुस अपने जानी मां पापेरी इच्छान राज़ केरने न देथ, ते तुस तैन केरे मुताबिक न च़ला। 13 ते अपने जिसमेरे अंगन बुरे कम्मां केरे लेई पापे न सौंफा, पन अपने आपे मुड़दन मरां ज़ींते सेमझ़तां परमेशरे सौंफा। ते अपने जिसमेरे अंगन धार्मिकतारे कम्मां केरे लेई परमेशरे सौंफा। 14 ते तुसन पुड़ पापेरू राज़ न भोल्हु, किजोकि तुस मूसेरे कानूनेरे अधीन नईं बल्के अनुग्रहेरे अधीन आथ।

15 त कुन भोव कि अस एल्हेरेलेइ पाप केरम, कि असां मूसेरे कानूनेरे अधीन नईं बल्के अनुग्रहेरे? नईं, कधे नईं। 16 तुस ज़ानथ, कि ज़ैखन तुस ज़ेसेरो हुक्म मन्नेरे लेई अपनो आप गुलामां केरे ज़ेरे सौंफतथ त तुस तैसेरे गुलाम आथ। चाए पापेरी ज़ेसेरो अन्त मौते, चाए हुक्म मन्नेरे ज़ेसेरो अन्त धार्मिकताए। 17 तुस त पेइले पापेरे गुलाम थिये पन हुनी तुसन ज़ै शिक्षा मैल्होरी थी तैस पूरे दिले सेइं मन्नेबाले भोए, एल्हेरेलेइ अवं परमेशरेरू शुक्र केरताईं। 18 ते हुनी परमेशरे तुस पापेरी शेक्ति करां छुटेइतां आज़ाद किये, ते तुस परमेशरेरे गुलाम बने ताके तुस ज़ैन रोड़ू तैन केरि बटथ।

15 त कुन भोव कि अस एल्हेरेलेइ पाप केरम, कि असां मूसेरे कानूनेरे अधीन नईं बल्के अनुग्रहेरे? नईं, कधे नईं।

14 किजोकि अस ज़ानतम कि मूसेरो कानून त आत्मिके, पन अवं जिसमानी ते पापेरो गुलाम भोनेरे लेई बिकोरोईं। 15 ते ज़ैन अवं केरताईं, तैस न ज़ैनी, किजोकि ज़ैन अवं चाताईं, तैन न केरि, पन ज़ैस सेइं मीं नफरते, तैन्ने केरताईं। 16 ते अगर, ज़ैन अवं न चैई तैने केरताईं, त अवं मनताईं, कि मूसेरो कानून रोड़ोए। 17 ते एस हालती मां बुरी चीज़ां केरनेबालो अवं नईं, बल्के पापे, ज़ै मीं मांए।

34 यीशुए तैन जुवाब दित्तो, "अवं तुसन सेइं सच़-सच़ ज़ोताईं कि ज़ै कोई पाप केरते तै पापेरो गुलामे।

8 अगर अस ज़ोम, कि असन मां कोई पाप नईं, त अपने आपे धोखो देतम, ते असन मां सच़ नईं। 9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।

9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।

6 अगर अस ज़ोम, कि तैस सेइं साथी इश्शी शामलीते, ते फिरी आंधरे मां च़लतम, त अस झूठेम, ते सच़्च़े पुड़ न च़लम।

1 हे परमेशर, अपनि दयारे मुताबिक मीं पुड़ अनुग्रह केर;

अपने बड़े दयारे मुताबिक मेरे पाप माफ़ केर।✝

2 मीं रोड़ेच़ारे धोइतां मेरो कसूर साफ केर,

ते मेरो पाप छुटेइतां मीं शुद्ध केर!

4 मीं सिर्फ तेरे खलाफ पाप कियोरोए,

मीं तैन कम कियोरूए ज़ैन तेरी नज़री मां बुरूए,

ताके तू ज़ोने मां धर्मी

ते न्याय केरने मां बेकसूर भोस।✝

5 हेर, अवं अधर्मे मां ज़र्मो,

ते पापे सेइं अपने अम्मरे पेटे मां पेव।✝

6 हेर, तू दिलेरी सच़्च़ैई सेइं खुशी भोतस;

ते मेरे मने मां ज्ञान शिखालेलो।

7 जूफा* सेइं तू मीं शुद्ध केर, त अवं पवित्र भोइ गेईं;

मीं धो, ते अवं हिव्वेंरो ज़ेरो बड़ो छ़ित्तो भोइलो।

8 मीं खुशरी ते आनन्देरी गल्‍लां शुना,

ज़ैस सेइं ज़ैना हेड्डी तीं ट्लोड़ोरिन, तैना

मघन भोइ गान।

9 अपनु तुत्तर मेरे पापन करां फिरा,

ते मेरे सारे अधर्म मिटा।

5 ज़ैखन मीं अपनो पाप तीं पुड़ बांदो कियो

ते अपनो अधर्म न छ़ुपाव,

ते ज़ोवं, "अवं यहोवारे सामने अपने पाप मन्नेलो,"

तैखन तीं मेरे अधर्म ते पाप माफ़ किये। (सेला)

1 केत्रो धने तै ज़ेसेरे जुर्म माफ़ किये जे,

ते ज़ेसेरे पाप माफ़ भोइ जे।

ते ज़ेसेरे पाप ढक्‍के जेवरे भोन।✝

11 हे यहोवा, अपने नंव्वेरे खातर

मेरे पापन माफ़ केर ज़ैना बड़ेन।

6 हे यहोवा, अपनि दया ते करुणारे कम्मन याद केर;

किजोकि तैना त हमेशा करां भोतां एवरेन।

7 हे यहोवा, अपने भलैइयरे वजाई सेइं

मेरे जुवैनरे पापन ते मेरे बुरे कम्मन याद न केर;

अपनि करुणारे मुताबिक तू मीं याद केर।

12 कौन अपनि गेलती सेमझ़ी सकते?

मेरे छ़पोरे पापन करां मीं पवित्र केर।

13 ज़ै अपने पाप छ़ुपेइतां रखते, तैसेरू कम कामयाब न भोए,

पन ज़ै तैन्न मन्ते ते शारते भी,

तैस पुड़ महरबानी की गाली।

24 ज़ैखन मसीह मरो, त तैसेरे जानी पुड़ इश्शे पापां केरे लेई तैस क्रूसे पुड़ सज़ाह दित्ती। तैने एन कियूं कि अस पाप केरनो बंद केरम ते धार्मिकतारी ज़िन्दगी ज़ींनी शुरू केरम। तैसेरे ज़खम ज़ैना तैनी झ़ैल्‍ले तैन केरे वजाई सेइं अस बेज़्झ़ोए।

21 तैस मट्ठू भोनूए, ते तू तैसेरू नवं ‘यीशु’ रेखां, किजोकि तैए अपने लोकन तैन केरे पापन करां मुक्ति देलो।"

21 मसीह पापे करां अनज़ान थियो, तैए परमेशरे इश्शे लेई पापी ठहराव, कि अस परमेशरेरी नज़री मां धर्मी बनम किजोकि मसीहे इश्शी पापां केरि सज़ाह भुगतोरीए।

28 तेन्च़रे सेइं मसीहे भी बड़े लोकां केरे पाप सैल्तां गानेरे लेई एक्‍की बार बलिदान भोव, ते दुबारां पापां केरू बलिदान देनेरे लेई नईं, बल्के तैन मुक्ति देनेरे लेई एज्जेलो, ज़ैना तैसेरे इंतज़ारे मां आन।

8 ज़ै कोई लगातार पाप केरते, तै शैतानेरे तरफांए, किजोकि शैतान शुरुआती करां पाप केरतो एवरोए, परमेशरेरू मट्ठू एल्हेरेलेइ अव, कि शैतानेरे कम्मन खतम केरे।

18 अस ज़ानतम, कि ज़ैना परमेशरेरे बच्‍चेन, तैना लगातार पाप न केरन, पन परमेशरेरू मट्ठू यीशु तैस बच़ाते, ते शैतान तैसेरू किछ न केरि सके।

5 एल्हेरेलेइ अपने तैन अंगन मैरी देथ, ज़ैना धेरती पुड़ आन, मतलब बदमाशी, गन्दगी, बुरे खियाल, बुरी खुवैइश ते लालच़े ज़ैन मूरती पूज़ने बराबरे।

3 ते ज़ेरू परमेशरेरे लोकां केरे लेई ज़रूरीए, तेन्च़रे तुसन मां भी बदमाशी, ते कोन्ची किसमेरू बुरू कम न भोए, या लालच़ेरे बारे मां गल भी न भोए।

11 ते आंधरेरां ते बेकार कम्मन मां शामल न भोथ, बल्के लोकन इन हिराथ कि इना कम्मां बुरन। 12 किजोकि गैर विश्वासी लोकां केरां छ़पोरां कम्मां केरि गल केरनि भी शरमरी गल्‍ले।

26 अगर तुस क्रोधे मां भोथ खबरदार राथ, कि पाप न केरथ, दिहाड़ो डुबने तगर तुश्शो क्रोध मुक्‍की गाए।

1 हे ढ्लाव ते बेइनव, अगर तुसन पतो च़ले कि केन्चे कोई पाप कियोरोए, त तुस ज़ैना पवित्र आत्मारे च़लाने सेइं च़लतथ, तैस बड़े नेरमी सेइं वापस धार्मिकतारे बत्तां वापस एजनेरी लेई मद्दत केरा, ते अपनो भी खियाल रखा, कि तुस भी तैस्से अज़मैइशी मां न पेथ।

1 हे ढ्लाव ते बेइनव, अगर तुसन पतो च़ले कि केन्चे कोई पाप कियोरोए, त तुस ज़ैना पवित्र आत्मारे च़लाने सेइं च़लतथ, तैस बड़े नेरमी सेइं वापस धार्मिकतारे बत्तां वापस एजनेरी लेई मद्दत केरा, ते अपनो भी खियाल रखा, कि तुस भी तैस्से अज़मैइशी मां न पेथ। 2 तुस एक्‍की होरेरी मुशकलन मां मद्दत केरा, ते एन्च़रे मसीहेरो कानून पूरो केरा।

15 "अगर कोई मीं पुड़ विश्वास केरनेबालो ढ्ला तीं सेइं बुराई केरते, त तू अकैल्‍ले मां तैस समझ़ा, अगर तै तेरी गल शुने, त तीं तै वापस परमेशरे कां आनो।

15 "अगर कोई मीं पुड़ विश्वास केरनेबालो ढ्ला तीं सेइं बुराई केरते, त तू अकैल्‍ले मां तैस समझ़ा, अगर तै तेरी गल शुने, त तीं तै वापस परमेशरे कां आनो।

6 "ज़ै कोई इन निकड़न मरां ज़ैना मीं पुड़ विश्वास केरतन एक्‍केरे लेई ठोकर बने, त तैसेरेलेइ एन्ने रोड़ू आए कि बडे ढ्लाटेरो ढ्लेइटोल तैसेरे गल्‍ले उन्ढो ढंढेइतां डुग्घे समुन्दरे मां डोबतां छ़डोरो लोड़ते।

3 "तू अपने ढ्लाएरी एछ़्छ़ी मां कूड़ो किजो तकतां, पन तेरी एछ़्छ़ी मां त नग आए, ते तैसेरो तू खियाल भी न केरस?

14 "एल्हेरेलेइ अगर तुस लोकां केरे पाप माफ़ केरेले, त तुश्शो सुर्गेरो बाजी भी तुश्शे पाप माफ़ केरेलो।

16 एल्हेरेलेइ तुस एक्‍की होरेरे सामने अपने-अपने पाप मन्ना, ते एक्‍की होरेरे लेई प्राथना केरा, ज़ैस सेइं तुस बेझ़ोथ, धर्मी मैन्हेरे प्राथनारे अस्सरे सेइं बड़ू किछ भोइ बटते।

17 एल्हेरेलेइ ज़ै कोई भलियाई केरनि ज़ानते ते न केरे, तैसेरेलेइ ई पापे।

8 परमेशरेरे नेड़े एज्जा, त तै तुश्शे नेड़े एज्जेलो, हे पापी लोकव, अपने ज़िन्दगी मरां पाप दूर केरा, ते हे दुमन्ने बाले लोकव अपने मन्न पवित्र केरा।

4 हे बेइमान लोकव, कुन तुस न ज़ानथ, कि दुनियारी चीज़न सेइं दोस्ती रखनी परमेशरे सेइं बैर केरनोए, ज़ै कोई दुनियारो दोस्त भोनो चाते, तै अपनो आप परमेशरेरो दुश्मन बनाते।

10 एक्‍की ऐशी सेइं शुक्र ते श्राप निसतन। हे मेरे ढ्लाव ते बेइनव एरू न लोड़े भोवरू।

8 सेब्भन करां रोड़ी गल ईए, कि एक्‍की होरि सेइं ईमानदैरी सेइं प्यार केरा, किजोकि अगर तुस लोकन सेइं प्यार केरेले त तुस तैन केरि पाप भी माफ़ केरनेरे लेई तियार भोल्हे।

1 केत्रो धने तै मैन्हु ज़ै दुष्ट लोकां केरे सलाही पुड़ न च़ले,

ते न पापी लोकां केरि बत्तन मां खड़ो भोए;

ते मज़ाक बनाने बालां केरि सेंगती मां न बिश्शे!

133 अपने वचने सेइं मेरे पव अपने बत्ती पुड़ पक्‍के केर,

ते कोन्ची अनर्थ गल्‍ली मीं पुड़ हुकूमत केरने न दे।

9 ज़ै ईमानदैरी सेइं च़लते तै निडर च़लते,

पन ज़ै टारी चाल च़लते तैसेरी चाल बांदी भोइ गाचे।

45 रोड़ो मैन्हु अपने दिलेरे रोड़े खज़ाने मरां रोड़ी चीज़ां कढ़ते ते बुरो मैन्हु अपने दिलेरे बुरे खज़ाने मरां बुरी चीज़ां कढ़ते किजोकि ज़ैन दिले मां भरोरू भोते तैन्ने ज़बानी पुड़ एइते।"

9 कुन तुस न ज़ानथ, कि अन्यायी लोक, परमेशरेरे राज़्ज़ेरे बारस नईं भोने? धोखो न खाथ, न वेश्यागामी, न मूरती केरि पूज़ा केरनेबाले, न आयाश, न लुच्‍चे, न तैना ज़ैना मड़द मड़दन सेइं जिसमानी रिश्तो रखतन। 10 न च़ोर, न लालच़ी, न पीनेबाले, न गैई देनेबाले, न अंधेर केरनेबाले परमेशरेरे राज़्ज़ेरे बारस भोनेन।

4 तैखन पिलातुसे फिरी बेइर गेइतां लोकन सेइं ज़ोवं, हेरा, "अवं तैस तुसन कां फिरी बेइर आनताईं, तुसन पतो लगे कि मीं एसमां कोई जुर्म न लेइहोव।" 5 ज़ैखन यीशु कंटां केरू ताज दोग्गे पुड़ रेखतां ते बैंगनी लिगड़ां लेइतां बेइर आनो त पिलातुसे तैन सेइं ज़ोवं, "हेरा ई मैन्हु।" 6 ज़ैखन प्रधान याजक ते मन्दरेरे पहरदारेईं यीशु लाव त ज़ोरे-ज़ोरे चिन्डां मैरतां ज़ोने लगे, "एस क्रूसे पुड़ च़ाढ़ा, एस क्रूसे पुड़ च़ाढ़ा!" पिलातुसे तैन सेइं ज़ोवं, "तुस्से एस नेथ ते क्रूसे पुड़ च़ाढ़ा, किजोकि अवं एसमां कोई दोष न लेहीं।"

23 ज़ैन केरे पाप तुस माफ़ केरेले त तैन केरे पाप माफ़ भोल्हे, ज़ैन केरे तुस रखेले तैना राले।"

7 अगर तू भलू केरस, त कुन तेरी च़ढ़तल कबूल न की गाली? ते अगर तू भलू न केरस, त पाप दारे पुड़ छ़पोरो रहते, ते तैसेरी खुवैइश तेरे पासे भोल्ही, तू तैस अपने कैबू मां केर।"