Pecado: o que a Bíblia diz sobre perdão e liberdade

4 Wotəmiyɔŋ ndə ɔ tʉʼ fɔ̀ʼ bʉ̂ʼʉ mu məchimbi-i nɔ tʉʼ tɛ́ŋ nuʼ-Nyii, bʉʼka məfɔ̀ʼ bʉ̂ʼʉ nɔ bɛ mətɛ́ŋ nuʼ-Nyii.(1 Jɔŋ 3:4)

20 Bʉʼka wo mə bɛ ndyʉndyʉ shʉ-Nyii mbɔ ɔ tʉ́ʼ nuʼ-Nyii fɛ, bʉʼka nuʼ nɔ bɛ haʼ ndə məŋɔ́ʼhə shʉ bʉə ndə məkínə bʉ̂ʼʉ.(Luŋ 3:20)

23 Bʉʼka bʉə bənchəŋ nɔʼ chìi bʉ̂ʼʉ, dɔ̀ŋnə mbʉə məgʉə-Nyii. 24 Bɔŋ bʉʼka buuŋjyu-Nyii ndə ɔ̃ kɔ́ njʉnjʉ, ɔ nɔ chìi bʉə bənchəŋ ndə məbɛ ndyʉndyʉ tʉ ɔŋ tíŋ hə bɔ̌ŋ Klai Jiso, ndə ɔ kə chʉ̀ʼ tʉkə-ʉə.(Luŋ 3:23,24)

23 Lɔʼɔ-bʉ̂ʼʉ-bə nɔ bɛ kwu, bɔŋ kɔ-Nyii-kə kə́ bɛ məchímbi təmə liʼ-i ghɔ fɛ ndə ĩ gwè tíŋ hə bɔ̌ŋ Klai Jiso Tiekətʉ-yʉʼʉ.(Luŋ 6:23)

34 Jiso bə̀ŋhə tʉ bɔŋ mbɔ, "M̈ɔ kɛŋ shyíi bii nə shʉəŋ mbɔ, wotəmiyɔŋ ndə ɔ tʉʼ chìi bʉ̂ʼʉ nɔ bɛ fʉə tʉ bʉ̂ʼʉ.(Jɔŋ 8:34)

12 Nɔ, bii kie ndə mə-leʼ-mɛ̀ʼtə bʉ̂ʼʉ kə́ sɔ́ʼ ŋkwê-mbʉə-yii ndə bəkɔ i kwú fɛ, ndə məchìi bii kə́ fɔ̀ʼ nubə ndə mbʉə-yii kʉ̀ʉ fɛ. 13 Kə a mə mɛ̀ʼtə yəŋ-mbʉə-kə-a imɔʼ, i kə́ fɔ̀ʼ tʉ bʉ̂ʼʉ fɛ. Bii nɔ kie bə ndə məkɔ́ ŋwɔŋ-yii tʉ Nyii, ndə bʉə ndə bɔ̂ŋ nɔʼ kə kwú, bə bʉ̀nə kóʼhə bɔŋ, ndə məkie məchímbi, ké ŋwɔŋ-yii tʉ ɔŋ inchəŋ ndə mə-kə́-fɔ̀ʼ nubə ndə i bɛ ndyʉndyʉ. 14 Bʉ̂ʼʉ bieleʼ kie ghʉəʼkə ndə məgìe hə kətʉ-bii fɛ, bʉʼka nuʼ-Nyii bieleʼ gìe hə kətʉ-bii fɛ, nɔ tʉʼ gìe bə buuŋjyu-Nyii nduɔ kətʉ-bii.

15 Bɛ ka ndʉʉmɛ? B̈ʉʼʉ kə́ chìi bʉ̂ʼʉ gɛ̀ nə shʉbə bʉʼka mbɔ nuʼ-Nyii bieleʼ gìe hə kətʉ-bʉʼʉ fɛ mɛ, bʉʼʉ kə́ bɛ bə tɔʼɔ buuŋjyu-Nyii mɛ? I mə nə bɛ nɔ fɛ. 16 Bii kínə mbɔ kaʼ bii kɔ́ ŋwɔŋ-yii tʉ wo ndə məyʉ́ chu-i, təmə bii bɛ fʉəhə-i ndə məyʉ́ chu-i fe? Bəkɔ bii bɛ fʉə tʉ bʉ̂ʼʉ ndə i bu gwè nə kwu byuunɔ bii séʼ ndə məyʉ́ chu-Nyii ndə i bu chìi bii tə́nə ndyʉndyʉ. 17 Bɔŋ ndɔ tʉ Nyii! Bʉʼka bii nɔ kə fəŋ bɛ fʉəhə tʉ bʉ̂ʼʉ, bii bɔŋ nɔʼ yʉ́ shʉəŋ nə fyiihə-ii inchəŋ te nubə inchəŋ ndə bə kə dàhə bii nə yɔŋ bɔŋleʼ kɔ́ tʉ bii. 18 Bə nɔʼ kə chʉ̀ʼ tʉkə-ii hə ndəŋ bʉ̂ʼʉ, b̈ii bɛ fʉəhə nduɔ ndə məbɛ ndyʉndyʉ tʉ Nyii.(Luŋ 6:12-18)

15 Bɛ ka ndʉʉmɛ? B̈ʉʼʉ kə́ chìi bʉ̂ʼʉ gɛ̀ nə shʉbə bʉʼka mbɔ nuʼ-Nyii bieleʼ gìe hə kətʉ-bʉʼʉ fɛ mɛ, bʉʼʉ kə́ bɛ bə tɔʼɔ buuŋjyu-Nyii mɛ? I mə nə bɛ nɔ fɛ.(Luŋ 6:15)

14 Bʉʼʉ nɔ kínə mbɔ nuʼ ndə Nyii kə kɔ́ tʉ Mushi nɔ gwè hə kəghɔ-LyʉʉhəNyiikə, mɔ bɔŋ kə́ bɛ haʼ woməsʉʉ, bə nɔʼ fɛ̀ŋ mɔ ndə məbɛ fʉə tʉ bʉ̂ʼʉ. 15 Mɔ kínə nukə ndə mɔ tʉʼ fɔ̀ʼ fɛ, bʉʼka mɔ kyinə fɔ̀ʼ nukə ndə mɔ kʉ̀ʉ ndə məfɔ̀ʼ fɛ, mɔ buŋ leʼ kə́ fɔ̀ʼ bə nukə ndə mɔ bàa. 16 Nduɔ, kaʼ mɔ kə́ fɔ̀ʼ nukə ndə mɔ gòʼ təmə kʉ̀ʉ fɛ, yɔ̄ŋ-yə nɔ dʉ̀ʼ mbɔ mɔ nɔ bɛ́ŋ mbɔ nuʼ-Nyii nɔ bɛ jyujyu. 17 Nɔ, leʼbie mbəŋ-ɔŋ ndə mɔ tʉʼ fɔ̀ʼ mbʉ bənu fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ fɔ̀ʼ mbʉ bənu.(Luŋ 7:14-17)

1 Nɔ, wo ndə ɔ bɛ ghɔŋ Klai Jiso mɔʼɔ, bieleʼ gwù fɛʼɛ fɛ. 2 Bʉʼka tíŋ hə bɔ̌ŋ Klai Jiso, nuʼ-kəLyʉʉhəNyii nɔʼ chʉ̀ʼ tʉkə-ɔŋ hə kəghɔ nuʼ bʉ̂ʼʉ ghɔŋbə kwú.(Luŋ 8:1,2)

6 Kaʼ bʉʼʉ ghɔŋ ndʉʉghɔfii mbɔ bʉʼʉ kie njunə bʉʼʉ bɔŋ, bɔŋ bʉ̀nə kə́ tòʼ mu kənjəŋ, təmə bʉʼʉ nɔ tʉʼ chʉ̀ə lɛɛŋkə təmə shʉəŋ bɛ mu ntɛ-bənu-hə ndə bʉʼʉ tʉʼ fɔ̀ʼ fɛ.(1 Jɔŋ 1:6)

8 Kaʼ bʉʼʉ ghɔ̀ŋ mbɔ bʉʼʉ kie bʉ̂ʼʉ mu mbʉə-bʉʼʉ fɛ, təmə bʉʼʉ nɔ tʉʼ fə́ʼhə ŋwɔŋtə-ʉʼʉ, təmə ŋgie-shʉəŋ-kə kə́ bɛ mu mbʉə-bʉʼʉ fɛ. 9 Kaʼ bʉʼʉ bɛ́ŋ fyùufyùu ndəŋ bʉ̂ʼtə-ʉʼʉ, Nyii nɔ bɛ wo gìe shʉəŋ bɔŋleʼ kə́ bɛ ndyʉndyʉ ndə məsʉ̀fyii-i hə ndəŋ bʉ̂ʼtə-ʉʼʉ bɔŋleʼ sʉ̀ bʉʼʉ ndəŋ nu-bʉəbʉə-bə inchəŋ.(1 Jɔŋ 1:8,9)

21 Ɔ bu bí vaabələŋ, a tyú yie-e nə Jiso, bʉʼka ɔ bu kwáa* tʉ-bʉə-bi-kə ndə bʉ̂ʼtə-ʉə."(Matia 1:21)

21 Bʉʼka bʉʼʉ, Nyii nɔ chìi ɔ, ɔ bɛ wo-bʉ̂ʼʉ təmə kínə bʉ̂ʼʉ fɛ, mbɔ bʉʼʉ chʉʼ bɛ ndyʉndyʉ tʉ Nyii ndʉʉ ndə bʉʼʉ fúu ŋwɔŋ-yʉʼʉ bʉʼʉbə Klai.(2 Kɔlɛŋ 5:21)

28 Nɔ bɛ haʼ nɔ ndə bə kə fɛ̀ʼndɛŋ nə Klai vɛʼ mɔʼ tə mbi nə lìʼ ndə məfì bʉ̂ʼ-bʉə-buŋmbi-tə. Ɔ bu bʉ̀nə bìʼ gwè, təmə gwè ndə məsʉ̀ bʉ̂ʼʉ fɛ, ɔ nɔ tʉʼ gwè bə ndə məkwáa bʉə ndə bɔ̂ŋ tʉʼ kʉ̀ʼ ɔ shʉ́əshʉ́ə.(Hibulu 9:28)

24 Mbəŋ-ɛŋ nə mbəŋ-ɛŋ nɔ kə bɛ̀ʼ bʉ̂ʼtə-ʉə mbʉə-ɔ ndəŋ kətyʉntɔɔnə, mbɔ fyiihə-ʉʼʉ chʉʼ kwú hə ndəŋ bʉ̂ʼʉ, kə́ chí mbi ndə məbɛ ndyʉndyʉ. Bʉʼka dyʉʼbə ndə i bɛ mbʉə-ɔ, bii nɔʼ kie nchʉʼ.(1 Bita 2:24)

8 Wotəmiyɔŋ ndə ɔ tʉʼ chìi bʉ̂ʼʉ gɛ̀gɛ̀ nɔ bɛ tʉ Debulu, bʉʼka Debulu nɔʼ kə́ chìi bʉ̂ʼʉ lʉ̀ hə ndəŋ ŋgwunə-mbi. Nukə ndə VaaNyii kə gwè bʉʼka yɔŋ, nɔ nə bɛ ndə məkùutə fɔ̀ʼ Debulu.(1 Jɔŋ 3:8)

18 Bʉʼʉ nɔ kínə mbɔ wotəmiyɔŋ ndə Nyii nɔʼ bí ɔ, kyi kə́ chìi bʉ̂ʼʉ gɛ̀gɛ̀ fɛ, bʉʼka VaaNyii nɔ tʉʼ kyʉ̀hə ɔŋ təmə wo bʉəbʉə, Sata mə kə̀ŋ ɔŋ fɛ.(1 Jɔŋ 5:18)

5 Nɔ, ndʉʉghɔfii, b̈ii yí nu-kəwʉʉnəmbi-bə ndə i bɛ mu mbʉə-bii nə bəsəŋ, nu-nyàatəŋwɔŋ-bə, ntɔ-bəsəŋ-mə, ntɔmə ndə məchìi bʉ̂ʼʉ leʼnə ntɔmə ndə məkie tətɛʼ bii ndə i bɛ nə məgháa bənyii.(Kolose 3:5)

26 Tʉʉ-a byʉ́ʼ, kə a mə bɔŋ chìi bʉ̂ʼʉ fɛ, kə a mə mɛ̀ʼtə chichi bùu chusii-ɔ tʉʉ-a kə́ bíe ibyʉ́ʼnə fɛ.(Ɛfɛso 4:26)

3 Bɔŋ kə bə mə yʉ́ bəsəŋ, ntɛ-kənu nyàatəŋwɔŋ təmiyɔŋ leʼnə ntɔmə mu bii fɛ, ndə i kʉ̀ʼnə ndə məbɛ mu bʉə-Nyii fɛ.(Ɛfɛso 5:3)

11 Kə bii mə kɔ́ ghɔkə-ii ndə nu-mu-kənjəŋ-bə ndə i mə kwáa fɛ, b̈ii kə́ kɛ̀ʼ, kɛ̀ʼ. 12 Bʉʼka i nɔ bɛ nu-kətʉ-vyíinə-bə ndə mə-kə́-fʉ̀ʼtə nubə ndə bɔ̂ŋ tʉʼ chìi mu kənjəŋ.(Ɛfɛso 5:11,12)

14 "Bʉʼka, kaʼ bii sʉ̀fyiihə-ii hə ndəŋ bʉ̂ʼ-bəbɛʼbʉə-tə ndə bɔ̂ŋ fɔ̀ʼ tʉ bii, Tie-yii ndə ɔ bɛ yuo bu leʼ sʉ̀fyii-i hə ndəŋ bʉ̂ʼtə-ii ghɔ.(Matia 6:14)

3 "Chìi ka a kə́ tʉ́ʼ shʉ-a ndəŋ vaadyʉʼʉ-kəfɔ ndə i bɛ shʉ-liŋ-aŋ bɔŋ təmə kə́ lɛ́nə mbyʉʉ-kəŋkɔʼ ndə i bɛ ndəŋ ya-yə shʉ fɛ?(Matia 7:3)

6 Bɔŋ wotəmiyɔŋ ndə ɔ chìi mbyu vaambuɔ tîetîe mu vâa-bɔ̄ŋ ndə bɔ̂ŋ bɛ́ŋ mɔ, gwù mu nubə ndə i chìi wo chìi bʉ̂ʼʉ, nɔ bʉ̀ʉ mbɔ b̈ə chyúu lɔkɔʼ tê mii-ɔ, mɛ̀ʼ ɔŋ mu chəŋ muukwɛʼtəŋ, ɔ̈ bɛ́.(Matia 18:6)

15 "Kaʼ liŋ-aŋ chìi bʉ̂ʼʉ tʉ a, gɛ̀ shyíi ɔ nə bʉ̂ʼʉ-e haʼ bii ɔ bəbûu. Kaʼ ɔ yʉ́ chu-a, təmə a nɔʼ bʉ̀nə kie liŋ-aŋ.(Matia 18:15)

1 Bəliŋ-bɔŋ, kaʼ wo mu bii chìi bʉ̂ʼʉ təmiyɔŋ, m̈bəŋ-aŋ ndə a tə́nə shʉ́əshʉ́ə mu LyʉʉhəNyiikə bʉ̀nə chɔ̀ʼhə ɔŋ sê nə mbuɔnəbə, bɔŋ kə́ láa bʉʼka a məgwù ghɔ. 2 B̈ii kwáa bəliŋ-bii ndə məbɛ̀ʼ bɛʼkə-ʉə, bʉʼka kaʼ bii chìi nɔ bii tʉ́ʼ nuʼ-Klai.(Galatia 6:1,2)

10 Ndəŋ tʉ-kəlɛɛŋhə-kə imɔʼ, b̃ə nɔ lə̀ʼtə bʉ̀nə chɛ̀ŋ haʼ nə yɔŋ. Bəliŋ-bɔŋ, i kie ndə məbɛ nɔ fɛ.(Jɛŋ 3:10)

4 Bii bəŋghaa-bəsəŋ! Bii kínə mbɔ məchìi bətieŋkɔŋ biibə wʉʉnəmbikə, bɛ bàa tʉ biibə Nyii fe? Nɔ, wotəmiyɔŋ ndə ɔ kʉ̀ʉ ndə məchìi bətieŋkɔŋ ghɔŋbə wʉʉnəmbikə nɔ bɛ wobàa Nyii.(Jɛŋ 4:4)

8 B̈ii kwɛ̀ʼtə gɛ̀ mbʉə Nyii, Nyii bu kwɛ̀ʼtə gwè mbʉə-bii. B̈ii sʉ̀ ghɔbə-ii, bii bʉə-bʉ̂ʼʉ, sʉ̀fyiihə-ii, bʉə təbuuŋ bûu.(Jɛŋ 4:8)

17 Nɔ, wo ndə ɔ kínə nu-shʉəŋ-kə ndə məfɔ̀ʼ bɔŋ tɛ́ŋ ndə məfɔ̀ʼ nɔʼ chìi bʉ̂ʼʉ.(Jɛŋ 4:17)

16 Ndʉʉmɛ, b̈ii gwía fyùufyùu tʉ ŋwɔŋtə-ii, gháaNyii tʉ ŋwɔŋtə-ii, mbɔ Nyii chʉʼ chʉ́ʼ bii. MəgháaNyii wo ndə ɔ tə́nə ndyʉndyʉ tʉ Nyii nɔ kie ghʉəʼ-shʉ́əshʉ́ə-kə ndə məfɔ̀ʼ.(Jɛŋ 5:16)

8 Fɔŋ ɛŋ kə́ bɛ mbɔ bii nɔ kie ndə mə-kə́-kʉ̀ʉ ŋwɔŋtə-ii shʉ́əshʉ́ə, bʉʼka ŋ̃kʉʉ nɔ bɔ̀ŋtə bʉ̂ʼtə buŋmbi.(1 Bita 4:8)

45 W̃o jyujyu nɔ fyúhə nu-jyujyu-bə hə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə hə mu kəyəŋ lə̀ŋ bənu bʉəbʉə mu fyii-ɔ, bʉʼka nubə ndə i lə̀ŋ mu fyii-ɔ nɔ bɛ yɔ́ŋ ndə ɔ bu kwə́ʼ.(Luk 6:45)

4 Bale bìʼ fyú gɛ̀ ghɔ̀ŋ tʉ bɔŋ mbɔ, "B̈ii nyíɛ, mɔ nɔ tʉʼ gwè nə nɔŋ mbi kɔ́ ɔ tʉ bii, bii chʉʼ kínə mbɔ, mɔ nyíɛ fyùufyùu kəghɔ-ɔ fɛ." 5 Ndʉʉmɛ, Jiso fyú gwè mbi nə mbʉ bɛnə ŋkinəŋkia kətʉ-ɔ leʼnə ndyi kəmbuu fʉ́əŋ mbʉə-ɔ. Bale ghɔ̀ŋ tʉ bɔŋ mbɔ, "B̈ii nyíɛ, mbʉ wo nɔ!" 6 Ndʉʉ ndə bətiefɛ̀ʼndɛŋNyii ghɔŋbə bənchyii-njaafɛ̀ʼndɛŋNyii kə nyíɛ ɔŋ, bɔ̂ŋ tíitə mbɔ, "Kwɛ̀ŋ ɔŋ yi, kwɛ̀ŋ ɔŋ yí!" Bale ghɔ̀ŋ mbɔ, "B̈ii lʉ̀ ɔ nə mbəŋ-yii gɛ̀ kwɛ̀ŋ yi, bʉʼka mɔ nyíɛ mɔ̀ʼmbɛ ndəŋ ɔŋ fɛ."(Jɔŋ 19:4-6)

23 Kaʼ bii sʉ̀fyiihə-ii hə ndəŋ bʉ̂ʼ-bʉə-tə, təmə bə nɔʼ sʉ̀fyii ndə bʉ̂ʼtə-ʉə, kaʼ bii tɛ́ŋ ndə məsʉ̀fyii hə ndəŋ bʉ̂ʼ-bʉə-tə təmə bə nɔʼ tɛ́ŋ ndə məsʉ̀fyii hə ndəŋ bʉ̂ʼtə-ʉə."(Jɔŋ 20:23)

9 Bii kínə mbɔ bʉə buuŋbʉə kie yʉʉ mu Sɔ́ʼ-Nyii fɛ fe? Kə bii mə fə́ʼhə ŋwɔŋ-yii fɛ, təkɔmə bəŋghaa-bəsəŋ, təkɔmə bʉə ndə bɔ̂ŋ tʉʼ gháa bənyii kədɔŋ, təkɔmə bʉə ndə bɔ̂ŋ kie lɔŋ kə́ gháa bəsəŋ byuunɔ bələŋ ndə bɔ̂ŋ bɛ bəsɔkʉʉ byuunɔ bələŋ ndə bɔ̂ŋ tʉʼ chí ghɔŋbə bələŋ, 10 təkɔmə bəlʉʼʉ, təkɔmə bʉəməntɔ, təkɔmə bəmbuuməndʉʼ, təkɔmə bʉə ndə bɔ̂ŋ tʉʼ bʉ́əhə yie-bəbɛʼbʉə, təkɔmə bʉə-ŋkwo, bɔ̂ŋ kʉʉ nə kie yʉʉ mu Sɔ́ʼ-Nyii fɛ.(1 Kɔlɛŋ 6:9,10)