Pensamentos
A Bíblia ensina que somos fruto dos nossos pensamentos. Por isso, Deus nos chama a renovar a mente, pensar em coisas nobres e guardar o coração com toda diligência.
Pensar no que é bom
Paulo nos exorta a pensar no que é verdadeiro, honesto, justo, puro, amável e de boa fama. A mente renovada é o caminho da transformação.
Andoo, k’osɛɛl, yɔɔl kwɛn ãtsam ã byɛ ãkal nkal ãndɔɔ mbueel mã taa-taa, ãndɔɔ mbueel m’ãwa dzuun, ãndɔɔ mbueel mã dzu, ãndɔɔ mbueel m’ãywɛn a mbiin, ãndɔɔ mbueel m’edzii baal, ãndɔɔ mbueel m’ekiool baal, m’ãbvɛ-ãbvɛ bvool ye m’etuɛɛn baal.
Ebee odzuu m’emfa ki ɔ̃kiri wa nonɔ̃ wu. Eyɔɔl kwɛn Nziã aswɛɛl byɛ emfa bvool awa byɛ ãyal m’ãnyiɔɔn, kwɛn byɛ ebwɛɛl b’edzii Nziã, ŋ’ayɛɛn ndiri ndɔɔ yi ngesɛ, ndɔɔ yi esa ndɛ esɛ, ye ndɔɔ yi ɔ̃koo.
Ãndɔɔ mɛn ebvaan akiool asa
Obobɔ, esuul ɔ̃fel a byɛ akal ngɔ-mwiĩ, ekal y’onkyab. Elɔ kaã e byɛ lueel onse nyiĩ yi akieel asio byɛ ŋ’ekieel emɔɔn Yeso Mãsia.
Ola Nziã wɛn, me waan e ndɛ li esal onse bia-byɛ, okoo k’asa bam m’onduru o mam mbueel m’esɔɔ wuo m’etsam bia-byɛ, yɔɔl kwɛn lweel ekal ye ndɛ onse Ebvɔɔn bvool onse Yeso-Mãsia, ãlio mbueel, ɔ̃bu nkal ɔ̃bu. Amɛn!
Guardar a mente
A Palavra de Deus discerne os pensamentos e intenções do coração. Guardar a mente é proteger a alma das armadilhas do pecado.
Ke ngwel wɛ, Endɔɔ e Nziã eli y’omwiĩ, bvool ebesal. Lɔ eli y’otɔ enduru epwel. Lɔ ebesam onse mbuul tiil k’ekab lɔ ɔ̃kwal y’ɔ̃fel, ekab amboo m’emwɛɛn ɛ̃ywee ye nsɔɔl. Lɔ ebebwɛɛl efua y’ãtsam.
Os caminhos de Deus são mais altos
Os pensamentos de Deus são infinitamente superiores aos nossos. Devemos entregar nossos pensamentos a Ele e confiar em sua sabedoria.
Pensamento e conduta
Do coração procedem os males. A Bíblia nos adverte a não se preocupar excessivamente e a ter pensamentos sóbrios e disciplinados.
Ndɛ bvool olweel bubu: «Ki esuul mbuul ye mbiin ke mviil ã Nziã eli ki epal onse mbuul. Ke ngwel wɛ, eli onse mwiĩ, onse ɔ̃kwal a mbuul ku ebefa ãtsam m’ãbi-ãbi mã: okal y’akaal wuo y’abɔɔl, oturu o pfuul, obam o baal, odzuu y’ɔ̃kal wuo y’ɔ̃lam a mbuul, pfuul o nzi, kyal, ãyal ãbi, ãndɔɔ m’esio, ɔ̃kwal nsɔɔ, kwee, odɛɛl o nzuru, oywɛn b’ãyal. Ãndɔɔ m’ãbi ãbi omɔ̃ mbueel ãbefa onse mwiĩ a mbuul bvool ãsuul ndɛ ye mbiin ke mviil ã Nziã.»
Ebee nguo okɛɛ
Yeso bvool olieel ndiri: «Obɔ otsɛn bɛn mɛ̃ eyɛɛn byɛ wɛn, me ndɔɔ elaã e byɛ, ebee nguo okɛɛ me bvi èdza byɛ, wuo bvi enywã byɛ. Me ndɔɔ a nzuru a byɛ, ebee nguo okɛɛ me bvi èlaal byɛ. Elaã e byɛ k’enduru bvi-odza m’ɔ̃bvɛn wɛ, nzuru a byɛ hɛ̃ k’enduru ekɔ m’ɔ̃bvɛn wɛ?
Yeso bvool olieel ndiri: «Byɛ, ŋ’eboobuɛɛn byɛ, ebee ãndɔɔ ãmamã oyɛɛn nsa bibi, onge baal bɛn k’ayɛɛ Nziã wɛ. Bɔ atsam wɛn Nziã ayoo bɔ, me ndɔɔ yi eyɛɛn bɔ boo-boo.
Oyɛɛ k’ekal baal ba nzɛɛn-yuaal onge Afalisaye wɛ
Me lio olɔ, baal ábvɔɔn bam amiil bibi, m’emfa kyɛn bɔ abvi bakyɛ odziaal. Yeso obvi ayio a ndɛ oyɛɛn ndiri: «Oyɛɛ k’ekal baal ba nzɛɛn-yuaal onge Afalisaye wɛ. Epfuũ e bɔ bvi ebi-ebi eli onge lebviil. Ndɔɔ yam yueel yi eli m’odziɔɔn ekieel epal kal-a-kal. Ndɔɔ yam yueel hɛ̃ yi eli m’ofoo, akieel ayɛɛl yɔ. Obɔ otsɛn bɛn, ndɔɔ yam yueel yi eyɛɛn byɛ onse empeel, akieel ayoo yɔ me mwiĩ. Ndɔɔ yi eyɛɛn byɛ m’ãmfi-mfya, onse ngwel-a-nzɔ, akieel abiool yɔ ke taan.»
Ndɔɔ yi abal
«Andoo a mɛ̃, mɛ̃ bvool ngyɛɛn byɛ bubu: Ebee baal obal! Ke ngwel wɛ, ki ekoo bɔ osa kɛn obam o nzuru, ke mbee oŋɔ̃ k’eli y’eluɔ ekyam ki ekoo bɔ osa wɛ. Byɛ eyɛɛ mbuul wu ebal byɛ? Mɛ̃ esuo byɛ ndɛ: Wu ebal byɛ Nziã wɛn ke mbee a ŋ’embaal ndɛ elaã e mbuul, oli y’okwɛn b’ayuɔɔl ndɛ ke ywɛn e mbaa. Taa-taa bam, wu ebal byɛ ndɛ.
Answiĩ ataan, abetiɔ bɔ m’enzi-nzi etsi-tsiri. Mfya? Kɛn a Nziã k’adzɛɛn si ngɔmɔ̃ onse bɔ wɛ. Onkyam mfu y’ɔ̃tswɛ a byɛ, ndɛ oyɛɛ ɔ̃bvɛn a yɔ. Oŋɔ̃, ebee ye buɔ okal. Byɛ eli y’ɔ̃bvɛn, enduru answiĩ bibi.»
Okiool wuo obee o Yeso
«Mɛ̃ eyɛɛn byɛ wɛn: Mbuul wu akiool ke nkwel a baal ndiri ndɛ oli wa mɛ̃, mɛ̃ wu Muaan a mbuul hɛ̃ ekieel ekiool ndɛ ke nkwel ãnzwel ã Nziã. Kɛn a mbuul wu abee mɛ̃ ke nkwel a baal, mɛ̃ wu Muaan a mbuul hɛ̃ ekieel ebee ndɛ ke nkwel ãnzwel ã Nziã. Mbuul wu ayɛɛn obi-obi me mɛ̃ wu Muaan a mbuul, akieel adzeel ndɛ. Kɛn a wu asiaan Ɔ̃fel wu Ɔ̃nsensal, k’akieel abɔɔ odzeel wɛ.
Ŋɛn abvi byɛ mbal k’ãnzɔ m’ãbuɛɛn me ndɔɔ a mɛ̃, wuo ke nkwel amfam y’akwɛn, ebee otsam m’ãndɔɔ m’èyebveel byɛ, wuo m’emfa ki èyeyɛɛn byɛ, ke ngwel wɛ kɛn a me lio alili, Ɔ̃fel wu Ɔ̃nsensal akieel ayiool byɛ ãndɔɔ m’ekieel eyɛɛn byɛ.»
Mboo a ɔ̃pfel wu oywɛn ãyal
Mbuul ngɔmɔ̃ onse baal olieel Yeso ndiri: «Ɔ̃tee, yɛɛn muaan-ngoo a mɛ̃ akab ɛ̃swal ɛ̃ taal ye mɛ̃, awa boo li mɛ̃.» Yeso obveel ndɛ ndiri: «Ndoo a mɛ̃, wu osuul mɛ̃ ntwel wu atsiil ãndɔɔ ã byɛ, wuo wu akab ɛ̃swal ɛ̃ byɛ nã?» Ndɛ bu alieel baal bam bueel bubu: «Ekal y’onkyab! Ebee ye pfuul o nzi okal. Ke ngwel wɛ, elaã e mbuul k’eli me ndɔɔ obɔɔ o ndɛ wɛ, onkyam ŋɛn ndɛ oli y’opfel bam bibi.»
Obobɔ, Yeso oti baal mboo yi: «Ãnguun m’ɔ̃pfel ngɔmɔ̃ ã́buru ndɛ nsia yam bibi. Ndɛ otsam ndyam-a-ndyam ndiri: "Mɛ̃ bwɛn a bwɛn esa? Ke ngwel wɛ, mɛ̃ ke ndi ye mboo yi nkwa yi ekwɛɛ mɛ̃ nsia wɛ." Ndɛ bu ayɛɛn ndyam-a-ndyam ndiri: "Aã-yii, mɛ̃ mpii bubu esa: Mɛ̃ ètsal mboo yi ebekwɛɛ mɛ̃ eluɔ, mɛ̃ ètuu yi enduru okuun, kwɛn mɛ̃ ndɔ nsia e mɛ̃ y’opfel o mɛ̃ bokyɛ onse okɔ. Ke mbee oŋɔ̃, mɛ̃ nkoo k’eyɛɛn wɛn: Sa mɛ̃ ngwuun, mɛ̃ nza, mɛ̃ nywã bvool nsia mpaa, ke ngwel wɛ mɛ̃ ndi y’eluɔ bibi me ndɔɔ amvel bibi." Kɛn a Nziã oyɛɛn ndɛ ndiri: "Ee, ewool e mbuul! Yɛ mpii ŋ’àkwa kɛn a me nsia wu. Obobɔ, eluɔ bvi ebvool-ebvool yɛ, wu àtwal bvel olɔ nã?"» Yeso bu alweel ndiri: «Mbuul wu abvool eluɔ me ndɔɔ a ndyam, wɛn k’ali y’opfel me ndɔɔ a Nziã wɛ, ntɔ a ndɛ èkal obobɔ.»
Okal y’okiool me Nziã
Ke mbee oŋɔ̃, Yeso olieel ayio a ndɛ bubu: «Obɔ otsɛn bɛn mɛ̃ eyɛɛn byɛ wɛn: Me ndɔɔ elaã e byɛ, ebee otsam me bvi èdza byɛ, me ndɔɔ a nzuru a byɛ, ebee otsam me bvi èlaal byɛ. Ke ngwel wɛ, elaã e byɛ enduru bvi-odza m’ɔ̃bvɛn, nzuru a byɛ hɛ̃ enduru ekɔ m’ɔ̃bvɛn. Etal enkunkwaan, bvɛ k’ekwɛn wɛ, bvɛ hɛ̃ k’etsam wɛ, bvɛ k’eli si ekal y’ãngɔɔ̃ wuo y’ãmboo ãkyam m’akwɛɛ bvi-odza wɛ. Kɛn a Nziã abeliil bvɛ. Byɛ k’enduru anywɛn me dzuun wɛ? Ondɛ mbuul nã wɛn me ndɔɔ ãtsam ã ndɛ okoo k’alweel etsu-tsoo m’elaã e ndɛ? Okɛɛn endo-ndɔɔ bvi etsi-etsi, byɛ k’ekoo k’esoo bvɛ wɛ, k’otsɛn omã b’etsam byɛ me m’ãsiil? Etal emfa ki ekwel bviĩ, bvɛ k’esal wɛ, bvɛ hɛ̃ k’etuu ekɔ wɛ. Kɛn a mɛ̃ eyɛɛn byɛ wɛn, onkyam Salomɔ̃ y’opfel bueel b’éli a ndɛ, k’álaal ekɔ bvi ebvɛ-ebvɛ onge bviĩ obvɛ wɛ. Bviĩ bvɛn nonɔ̃ ŋã eli, ɔ̃suu àtsiil, atyel onse mbaa. Okɛɛn Nziã alaal bvɛ m’emfa okyɛ, oŋɔ̃ b’ekwɛɛn ndɛ olaal byɛ, baal b’okiool otsi-tsiri! Obobɔ, ebee nguo okɛɛ me ndɔɔ yi ebii ki edza byɛ, wuo ki enywã byɛ. Baal b’abebii bvɛ owuun wɛ bɛn k’ayɛɛ Nziã wɛ. Me ndɔɔ a byɛ, byɛ eli ye Tal wu oyɛɛ kwɛn byɛ eli ye kɔɔ li eluɔ obvɛ. Ŋ’ɛ̃kwel kɛn, ebii Okwɛn o Nziã, ke mbee oŋɔ̃, ndɛ awa byɛ bvi esiil.»
Opfel bo ke ywel
«Ebee ye buɔ okal, byɛ b’eli onge muaan-nkel a emɛmɛɛ̃! Nzal-a-ŋɛn Tal a byɛ omwɛn ngesɛ k’awa byɛ Okwɛn o ndɛ! Etiɔ eluɔ bvi eli a byɛ bvool ewa nzi oyɔ aywal. Ebuo ɛ̃paa myɛn k’ɛ̃twɔɔl wɛ. Ekwɛɛ opfel bɛn ke ywel k’ofa wɛ. Okɔ, mbuul a pfuul k’akoo k’asyal tsotsoo wɛ, asieel hɛ̃ k’akoo k’adza bɔ wɛ. Ke ngwel wɛ, mboo yi eli opfel o byɛ, ɔ̃kwal a byɛ hɛ̃ àkal okɔ.»
Asal b’ali y’onkyab
«Ewal ɔ̃yɛɛl wu esal, esuul a mbunda a byɛ akal m’okaan! Ekal hɛ̃ onge asal b’akiaal mfam a bɔ, me lio li efa ndɛ pfuun li bal. Ŋ’èyebvool ndɛ, kɛn a ndɛ abɛɛl nzɔ, bɔ hɛ̃ adzweel ndɛ yɔ. Esɛ ol’asal bɛn ŋ’ekieel ebvool mfam a bɔ, ndɛ àyebɔɔ bɔ onse onkyab! Taa-taa bam, mɛ̃ eyɛɛn byɛ wɛn ndɛ mbuul wu àlaal ekɔ ki ɔ̃sal, àmviaal bɔ nsɛn ke misa, àwa bɔ bvi-odza. Okɛɛn mfam oyebvool nkal a kuku, wuo sua ŋ’eyii ekuaal nswee wu ɛ̃kwel, ndɛ ayebɔɔ bɔ onse onkyab, bɔ àkal y’esɛ ki bibi.
Eyɛɛ bubu: Okɛɛn nga-nzɔ abeyɛɛ lio li eya mbuul a pfuul, ndɛ olɔ k’awi ndɛ nkuul yi esam ndɛ onse nzɔ wɛ. Byɛ hɛ̃, ekal y’onkyab! Ke ngwel wɛ, byɛ k’eyɛɛ lio li èya Muaan a mbuul wɛ.»
Ɔ̃sal wu ɔ̃bvɛ y’ɔ̃sal wu ɔ̃bi
Obobɔ, Piɛɛl ofuul Yeso bubu: «Mfam, yɛ mboo oyɔ oŋɔ̃ kɛn a me bee ti, wuo me baal bueel hɛ̃?»
Mfam obveel ndiri: «Ɔ̃sal wu ɔ̃bvɛ bvool wa y’ãkaã nã ali? Mpii wɛn, mfam a ndɛ akieel asuul ndɛ mbuul wu àtal asal a ndɛ bam bueel, àwa bɔ bvi-odza me lio li ngesɛ. Esɛ ol’ɔ̃sal ondɛ, wɛn ŋ’èyebvool mfam a ndɛ, ndɛ àyebɔɔ ndɛ abesa obobɔ! Taa-taa bam, mɛ̃ eyɛɛn byɛ wɛn, mfam àsuul ɔ̃sal ondɛ mbuul wu atal ãndɔɔ ã ndɛ mam mbueel. Kɛn a ŋɛn ɔ̃sal ondɛ obvi oyɛɛn ndyam-a-ndyam ndiri: "Mfam a mɛ̃ k’ayebvool tswa-a-tswa wɛ", ŋɛn ndɛ hɛ̃ obvi asal bakyɛ b’abɔɔl ye b’akaal obɛɛl, obvi odza, y’onywã, mbal ãbɔɔ ndɛ, mfam a ndɛ àyebvool me tsoo lɛn ndɛ k’aketsam wɛ, bvool me lio lɛn ndɛ hɛ̃ k’ayɛɛ wɛ. Obobɔ, mfam àwa ndɛ etumbu kyam ki enɛn, bvool àsuul ndɛ onse nkel a baal bɛn k’alweel Nziã wɛ. Ɔ̃sal wu oyɛɛ ãndɔɔ m’edzii mfam a ndɛ, kɛn a ndɛ k’awa ɔ̃kwal m’osa mɔ̃ wɛ, akieel abɛɛl ndɛ ɔ̃dzii nyam wa bibi. Kɛn ɔ̃sal wɛn k’ayɛɛ m’edzii mfam a ndɛ wɛ, kɛn a ndɛ osi ãndɔɔ mɛn ebvaan abɛɛl ndɛ, obɛɛl bo ndɛ òkal nkuaal-a-nkuaal. Mbuul wu abɔɔ bibi, ola ndɛ hɛ̃ àfuul ndɛ bibi. Mbuul wɛn awi ndɛ ɛ̃sal myam bibi osa, àfuul ndɛ myɛ̃ hɛ̃ bibi.»
Oya o Yeso obiri okab
«Mɛ̃ mbaa ngyi ondɛɛl m’ɔ̃kiri, bvool mɛ̃ nzii kwɛn kɛn yɔ emeekaan! Ebvaan kwɛn adziil mɛ̃ onse fool onge b’abedziil mbuul onse ãdza me lio li opongo. Ɔ̃kwal a mɛ̃ oli y’ãwua tiil ye k’ekoo lio olɔ! Byɛ etsam wɛn mɛ̃ opi ngyi owa onse ɔ̃kiri? Hɛɛ̃-hɛ̃, me ndɔɔ oya o mɛ̃, baal akab nzuru. Ke ngwel wɛ, meba ŋã, yam li baal ataan ol’etsɔɔn: atyel epie ngemɔ̃, buaal hɛ̃ epie ngemɔ̃. Tal k’àbemwɛɛn ye muaan wu bɔɔl wɛ, muaan wu bɔɔl k’àbemwɛɛn ye tal wɛ. Ngoo k’àbemwɛɛn ye muaan wu ɔ̃kaal wɛ, muaan wu ɔ̃kaal k’àbemwɛɛn ye ngoo wɛ. Okɔ wu ɔ̃kaal k’àbemwɛɛn y’ɔ̃kal a muaan wɛ, ɔ̃kal a muaan k’àbemwɛɛn y’okɔ wu ɔ̃kaal wɛ.»
Oyɛɛ b’ãlio
Yeso ákeyɛɛn baal bvool ndiri: «Me lio li emwɛn byɛ epɛn epal k’etswi ki edziin tal, kɛn a me lio olɔ, byɛ eyɛɛn wɛn: "Mvel àndwɔɔ!" Oŋɔ̃ mvel hɛ̃ ondwɔɔ. Okɛɛn bvool mfel ofi etswi ki nsɛn, byɛ wɛn: "Nonɔ̃, mwiĩ àyebal wa kokɔ." Oŋɔ̃ mwiĩ hɛ̃ obal wa kokɔ. Baal ba nzɛɛn-yuaal, byɛ eyɛɛ k’etal eliĩ bvi emwɛn byɛ ke ywel wuo me nsie ngesɛ-ngesɛ, otsɛn omã bɛn byɛ k’eyɛɛ k’etal m’esa Nziã me lio li ngesɛ-ngesɛ wɛ?»
Obveel b’ondoo y’ɔ̃taal
«Otsɛn omã bɛn byɛ k’eyɛɛ me byam emfa ki dzu ki asa ãndɔɔ wɛ? Okɛɛn mbuul obvi yɛ mbal, ŋ’eyii eyi byɛ otsuun, sa mpɛn kwɛn, ŋ’eli byɛ kɛn me nkuul, yɛ faal ndɔɔ oyɔ ye ndɛ m’ɔ̃kwal. Okɛɛn k’obobɔ wɛ, mbuul ondɛ ol’owi yɛ me mviɔɔl mi antwel, antwel awi yɛ m’ambwel-mbwel, ambwel-mbwel awel yɛ aywɛɛn me bwal. Mɛ̃ eyɛɛn yɛ wɛn, yɛ k’àpal onse okɔ wɛ tiil ye k’efuru yɛ ebiin e yɛ kyam kieel.»
Me nyiĩ yi esio Nziã mɛ̃, mɛ̃ eyɛɛn byɛ wɛn ngɔmɔ̃-ngɔmɔ̃ onse byɛ abee otsam ndiri ndɛ oli mbuul wu ɔ̃nɛn, m’emfa ki enduru kyɛn ebvaan ndɛ akal. Kɛn a mbuul bwɛn a mbuul atsam ngesɛ, m’emfa ki ɔ̃mvɛɛl wu okiool b’ewi Nziã ndɛ.
Okab onse Ebvɔɔn li Kolinte
Andoo a mɛ̃, me nkuũ a Mfam a bia-byɛ Yeso Mãsia, mɛ̃ ngwi byɛ luo wɛn ekal ɔ̃nywã ngɔmɔ̃: Yɔɔl kwɛn okab obee okal onse byɛ. Ekal m’ɔ̃dzi, ɔ̃kwal ngɔmɔ̃, ãtsam ngãmɔ̃.
Mbuul nã onse baal wu oyɛɛ ãtsam ã mbuul? Wu oyɛɛ mɔ̃ eli kɛn ɔ̃fel a ndyam wu oli onse ndɛ. Emfa kiki hɛ̃, mbuul si ngɔmɔ̃ k’ayɛɛ ãtsam ã Nziã wɛ, wu oyɛɛ mɔ̃ eli kɛn Ɔ̃fel a Nziã.
Bvieel eli bvi byɛ, kɛn a byɛ eli ba Mãsia
Yɔɔl kwɛn mbuul si ngɔmɔ̃ abee nzuru a ndyam opfuru. Okɛɛn mbuul ngɔmɔ̃ onse byɛ atsam ndiri ndɛ oli y’ãyal m’emfa ki ɔ̃kiri wu, yɔɔl kwɛn ndɛ akal ye laa m’okal y’ãyal!