Pensamentos
A Bíblia ensina que somos fruto dos nossos pensamentos. Por isso, Deus nos chama a renovar a mente, pensar em coisas nobres e guardar o coração com toda diligência.
Pensar no que é bom
Paulo nos exorta a pensar no que é verdadeiro, honesto, justo, puro, amável e de boa fama. A mente renovada é o caminho da transformação.
ଟୁଣ୍ଡୁରେ, ହେ ଆଇଁୟାଃ ହାଗା ମିଶିକ, ଅକ ସବେନ୍ ବିଷାଏକ ବୁଗିନାଃ ଆଡଃ ମାଇନଃ ଲେକାନାଃ ତାନାଃ, ଅକଆଃ ସାର୍ତି, ମାଇନାନ୍, ଠାଉକାନ୍, ପୁରାଃ ଫାର୍ଚି, ସୁଗାଡ଼ାନ୍, ଆଡଃ ମାଇନଃତେୟାଃ, ଏନ୍ ସବେନାଃ ଆପେୟାଃ ଉଡ଼ୁଃରାଃ ବିଷାଏ ହବାଃଅକା ।
ନେ ଅତେଦିଶୁମ୍ରେ ଆପେ ନେ ପାରିୟାରେନ୍ ହଡ଼କ ଲେକା ଆଲ୍ପେ ହବାଅଃଆ । ପାର୍ମେଶ୍ୱାର୍ ଆପେୟାଃ ମନ୍କେ ବାଦ୍ଲାଅକେଦ୍ତେ ପୁରାଗି ଆପେୟାଃ ମନ୍ଭିତାର୍ରେୟାଃ ଉଡ଼ୁଃକ ନାୱାଲେକା ହବାଅଃକା । ଏନାରେ, ପାର୍ମେଶ୍ୱାର୍ଆଃ ଇଛାସାନାଙ୍ଗ୍ ଚିନାଃ ତାନାଃ, ଆୟାଃ ଆୟାର୍ରେ ଅକ କାଜିକ ବୁଗିନାଃ ତାନାଃ, ଆଇଃକ୍କେ ସୁକୁଆନ୍ ଆଡଃ ପକ୍ତାଃଅତେୟାଃ ତାନାଃ, ଏନା ଆପେ ଆଟ୍କାର୍ଉରୁମ୍ ଦାଡ଼ିୟାଃପେ ।
ପାବିତାର୍ ଜୀୱାନ୍ ବିତାଅ ନାଗେନ୍ତେ କେନେଡ଼ା
ଏନାମେନ୍ତେ, କାମି ନାଙ୍ଗ୍ ଆପେୟାଃ ମନ୍ରେ ସେକାଡ଼ାକାନ୍ ତାଇନ୍ପେ । ଚିର୍ଗାଲାକାନ୍ପେ, ୟୀଶୁ ଖ୍ରୀଷ୍ଟ୍ ଉଦୁବଃ ଇମ୍ତାରେ ଆପେକେ ଅକ ସାୟାଦ୍ରେୟାଃ ଜୀଉବାଞ୍ଚାଅ ଏମଃଆ ଏନାରେ ପୁରାଃତେ ଆସ୍ରା ଦହେପେ ।
ପାର୍ମେଶ୍ୱାର୍ ଆବୁଆଃ ଥାଲାରେ କାମିୟଃତାନ୍ ଆୟାଃ ପେଡ଼େଃ ହରାତେ ଆବୁଆଃ ଆନାସିଏତେ ଆଦ୍କା ଚାଏ ଆବୁଆଃ ଉଡ଼ୁଃଏତେ ଆଦ୍କା ଏମ୍ ଦାଡ଼ିନିଃ ତାନିଃ । କାଲିସିୟା ହରାତେ ଆଡଃ ୟୀଶୁ ଖ୍ରୀଷ୍ଟ୍ଆଃ ହରାତେ ସବେନ୍ ଇମ୍ତା ଜାନାଅ ଜାନାଅ ଜାକେଦ୍ ଏନ୍ ପାର୍ମେଶ୍ୱାର୍ଆଃ ମାଇନାନ୍ ହବାଅଃକା ! ଆମେନ୍ ।
Guardar a mente
A Palavra de Deus discerne os pensamentos e intenções do coração. Guardar a mente é proteger a alma das armadilhas do pecado.
ଚିୟାଃଚି ପାର୍ମେଶ୍ୱାର୍ଆଃ ବାଚାନ୍ ଜୀନିଦ୍ ଆଡଃ କାମିୟଃତେୟାଃ ତାନାଃ ଆଡଃ ବାରାନ୍ହରା ଲେସେର୍କାନ୍ ତାରାଉଡ଼ିଏତେ ପୁରାଃ ଲେସେର୍ତେୟାଃ ତାନାଃ, ନେ ବାଚାନ୍ତେ ଜୀଉ ଆଡଃ ଆତ୍ମା ମେସାନାଃ, ଜଡ଼େନ୍ ଜାଙ୍ଗ୍ରେ ଭେଦାଅଆଃ, ଆଡଃ ହଡ଼କଆଃ ମନ୍ସୁରୁଦ୍ରେୟାଃ ଏତ୍କାନ୍ ସାନାଙ୍ଗ୍ ଆଡଃ ଉଡ଼ୁଃରେୟାଃ ବିଚାର୍ ହବାଅଃଆ ।
ଆମାଃ ମନ୍ସୁରୁଦ୍କେ ପୁରାଃ ଜାତାନ୍ କେଦ୍ତେ ଦହେମେ, ଚିଆଃଚି ଏନା ଜୀଦାନ୍ରାଃ ମିଆଦ୍ ଲିଙ୍ଗିୟଃତାନ୍ ସେତେଙ୍ଗ୍ ତାନାଃ।
ଆମ୍ ଆମାଃ କାଟା ତାଲ୍କାକେ ସିଧାଗି ଦହଏମେ ଓଡ଼ୋଃ ଆମାଃ ସବେନ୍ ହରା ବୁଗି ଲେକା ତାଇନାଃ।
ହଡ଼ରାଃ ମେଦ୍ରେ ଚିମିନ୍ ହରାକ ଠାଉକାଗି ନେଲଃଆ, ମେନ୍ଦ ଏନାରାଃ ଟୁଣ୍ଡୁରେ ଗନଏଃରାଃ ହରା ତାଇନାଃ।
ହଡ଼ରାଃ ସବେନ୍ ସେସେନ୍ ଆୟାଃ ଲେକା ବୁଗିନ୍ ତାନାଃ ମେନ୍ତେ ସାରିୟାଃ, ମେନ୍ଦ ପ୍ରାଭୁ ପାର୍ମେଶ୍ୱାର୍ ଇନିୟାଃ ମନ୍ସୁରୁଦ୍କେ ଅଜାନ୍ ରିକାଏ।
Os caminhos de Deus são mais altos
Os pensamentos de Deus são infinitamente superiores aos nossos. Devemos entregar nossos pensamentos a Ele e confiar em sua sabedoria.
ଚିୟାଃଚି ପ୍ରାଭୁ କାଜିତାନାଏ, ଆଇଁୟାଃ ଉହାଟ୍ ସବେନାଃ ଆପେୟାଃ ଉହାଟ୍ ଲେକା ନାହାଁଲାଃ,
ଚାଏ ଆପେୟାଃ ହରା ଆଇଁୟାଃ ହରା ଲେକାନାଃ ନାହାଁଲାଃ।
ଏତ୍କାନ୍ ହଡ଼ ଆୟାଃ ହରା ଓଡ଼ୋଃ କା ଧାର୍ମାନ୍ନିଃ ଆୟାଃ ପାହାମ୍ ଉଡ଼ୁଃ ବାଗିକା।
ଓଡ଼ୋଃ ଇନିଃ ପ୍ରାଭୁତାଃତେ ରୁହାଡ଼୍ ହିଜୁଃକା, ଏନ୍ରେଦ ଇନିଃକେ ଦାୟା ରିକାଇୟାଃ।
ଇନିଃ ଆବୁଆଃ ପାର୍ମେଶ୍ୱାର୍ତାଃତେ ରୁହାଡ଼୍ ହିଜୁଃକାଏ,
ଚିୟାଃଚି ଇନିଃ ପୁରାଃତେ ଛାମା ଏମାଇୟା।
ଆମାଃ ପାହାମ୍ ରିକାକାଦ୍ ସବେନ୍ କାମିକକେ ପ୍ରାଭୁ ପାର୍ମେଶ୍ୱାର୍କେ ଏମାଇମେ, ଏନାରେ ଆମାଃ ପାହାମ୍ ରିକାକାଦ୍ କାମିକ ପୁରାଃ ହବାୱା।
Pensamento e conduta
Do coração procedem os males. A Bíblia nos adverte a não se preocupar excessivamente e a ter pensamentos sóbrios e disciplinados.
ଆଡଃଗି ଇନିଃ ମେତାଦ୍କଆଏ, "ଅକ୍ନାଃ ହଡ଼ରାଃ ବିଚାର୍ଏତେ ଅଡଙ୍ଗ୍ଅଃଆ, ଏନା ହଡ଼କେ ସତ୍ରାଇୟାଏ । ଚିୟାଃଚି ଭିତାର୍ଏତେଗି, ହଡ଼କଆଃ ମନ୍ଏତେ ଏତ୍କାନ୍ ଉଡ଼ୁଃ ଅଡଙ୍ଗ୍ଅଃତାନା, ଆପାଙ୍ଗିର୍ କାମି, କୁମ୍ବୁଡ଼ୁ, ହଡ଼ଗଏଃ, ଆପାଙ୍ଗିର୍, ଲାଲାଚ୍, ଏତ୍କାନାଃ, ବେଦା, ନିଲାଜ୍, ହିସ୍ଙ୍ଗା, ନିନ୍ଦା, ଫୁଟାନି ଆଡଃ ବାଲୁସେଣାଁଁ । ନେ ସବେନ୍ ଏତ୍କାନ୍ କାଜି ମନ୍ଏତେ ଅଡଙ୍ଗ୍ଅଃତାନା ଆଡଃ ହଡ଼କେ ସତ୍ରାଇଆଏ ।"
"ଏନାମେନ୍ତେ ଆଇଙ୍ଗ୍ ଆପେକେ କାଜିପେତାନାଇଙ୍ଗ୍, ଜୀନିଦ୍ ତାଇନଃ ନାଗେନ୍ତେ ଚିକ୍ନାଃବୁ ଜମାଃ ଆଡଃ ଚିକ୍ନାଃବୁ ନୁଁଏୟା, ଚାଏ ହଡ଼୍ମରେ ଚିକ୍ନାଃବୁ ତୁସିଙ୍ଗ୍ୟେଁନା ମେନ୍ତେ ଆପେୟାଃ ଜୀଉରେ ଆଲ୍ପେ ଉଡ଼ୁଃୟା । ଜମେୟାଁଃଏତେ ଜୀଉ ଆଡଃ ଲିଜାଃଏତେ ହଡ଼୍ମ କା’ଚି ମାରାଙ୍ଗ୍ଆଁ ?
"ବିନ୍ତି ଇମ୍ତା ସାଅଁସାର୍କ ଲେକା ଏନାଏନାକେଗି ଆଲ୍ପେ କାଜିୟା, ଚିୟାଃଚି ଇନ୍କୁ ପୁରାଃ କାଜି କାଜିଲେରେ ଆକଆଃ ବିନ୍ତି ଆୟୁମଃଆ ମେନ୍ତେକ ଉଡ଼ୁଃୟା ।
ହସଡ଼ ହଡ଼ କତାଃଏତେ ଚିର୍ଗାଲାକାନ୍ପେ
ଏନ୍ତେ ପୁରାଃ ହାଜାର୍ ଗାଦେଲ୍ ହଡ଼କ ହୁଣ୍ଡିୟାନା, ଆଡଃ ଆକ ଆକଗି ଇପ୍ଲିଙ୍ଗ୍ଅଃତାନ୍କ ତାଇକେନା, ଇମ୍ତାଙ୍ଗ୍ ୟୀଶୁ ଆୟାଃ ଚେଲାକକେ ପାହିଲା କାଜିୟାଦ୍କଆଏ, ଫାରୁଶୀକଆଃ ସାବାଃ ହଲଙ୍ଗ୍ ଲେକାନ୍ ହସଡ଼ ବିଷାଏହେତେ ଚିର୍ଗାଲାକାନ୍ ତାଇନ୍ପେ । ସବେନ୍ ଉକୁଆକାନ୍ତେୟାଃ ନେଲଆଃ ଆଡଃ ସବେନ୍ ଦାନାଙ୍ଗ୍ଆଁକାନ୍ ତେୟାଃଦ ସାରିୟଃଆ । ଆପେ ନୁବାଃରେ କାଜିକାଦ୍ତେୟାଃ ମାର୍ସାଲ୍ରେ ଆୟୁମଃଆ ଆଡଃ ଆପେ ଭିତାର୍ ବାଖ୍ରାରେ ଉକୁକେଦ୍ତେ କାଜିକାଦ୍ତେୟାଃ, ସାଡ଼୍ମି ଚେତାନ୍ଏତେ ଉଦୁବଃଆ ।
ଅକଏକେ ବର ଲାଗାତିଙ୍ଗ୍ୟାଁଃ
"ଏ ଆଇଁୟାଃ ଗାତିକ, ଆଇଙ୍ଗ୍ କାଜିୟାପେ ତାନାଇଙ୍ଗ୍, ହଡ଼୍ମ ଗଗଏଃକକେ, ଆଡଃ ତାୟମ୍ତେ ଜେତ୍ନାଃ କା ରିକା ଦାଡ଼ିକକେ ଆଲ୍ପେ ବରଆକଆ । ମେନ୍ଦ ଆପେ ବରଆଇ ଲାଗାତିଙ୍ଗ୍ନିଃକେ ଆଇଙ୍ଗ୍ ଉଦୁବାପେୟା, ଗଏଃକି ତାୟମ୍ତେ ନାରାକ୍ରେ ହୁରାଙ୍ଗ୍ଏଣ୍ଡାରେୟାଃ ପେଡ଼େଃତାଇନ୍ନିଃ ପାର୍ମେଶ୍ୱାର୍କେ ବରଆଇପେ; ହାଁ, ଆଇଙ୍ଗ୍ ଆପେକେ ସାର୍ତିଗିଙ୍ଗ୍ କାଜିୟାପେତାନା, ଇନିଃକେଗି ବରଆଇପେ ।
"ଚିୟାଃ ମଣେୟାଁ ଗେରଁୱାକ ବାରିଆ ସିକାତେ କାକ ଆଖ୍ରିଙ୍ଗ୍ୟଃଆ ? ଆଡଃ ଏନ୍ରେୟ ପାର୍ମେଶ୍ୱାର୍ ଇନ୍କୁଏତେ ମିଆଁଦ୍ନିଃକେହଁ କାଏ ରିଡ଼ିଙ୍ଗ୍ଇତାନା । ହେଗି, ଆପେୟାଃ ବହଃରାଃ ସବେନ୍ ଉବ୍ହ ଲେକାକାନା । ଆଲ୍ପେ ବରଏୟା, ଆପେ ପୁରାଃ ଗେରଁୱାକଏତେ ପୁରାଃଗି ଗନଙ୍ଗ୍ଆଃଁପେ ।
ଖ୍ରୀଷ୍ଟ୍କେ ସାରିନିଃ ଆଡଃ କା ସାରିନିଃ
"ଆଇଙ୍ଗ୍ କାଜିୟାପେ ତାନାଇଙ୍ଗ୍, ହଡ଼କଆଃ ଆୟାର୍ରେ ଜେତାଏ ଆଇଙ୍ଗ୍କେ ସାରିୟାଃଇଙ୍ଗ୍ ମେନ୍ତେ କାଜିରେଦ ମାନୱାହନ୍ ପାର୍ମେଶ୍ୱାର୍ଆଃ ଦୁଁତ୍କଆଃ ଆୟାର୍ରେ ଇନିଃକେ ସାରିୟାଃଇଙ୍ଗ୍ ମେନ୍ତେ କାଜିୟା । ମେନ୍ଦ ହଡ଼କଆଃ ଆୟାର୍ରେ ଆଇଙ୍ଗ୍କେ କାଇଙ୍ଗ୍ ସାରିୟାଃ ମେନ୍ତେ କାଜିନିଃକେ ମାନୱାହନ୍ହ ପାର୍ମେଶ୍ୱାର୍ଆଃ ଦୁଁତ୍କଆଃ ଆୟାର୍ରେ ଇନିଃକେ କାଇଙ୍ଗ୍ ସାରିୟାଃ ମେନ୍ତେ କାଜିୟା ।
"ଆଡଃ ମାନୱାହନ୍ଆଃ ବିରୁଧ୍ରେ ଜେତାଏ କାଜିରେଦ ଇନିଃକେ ଛାମା ଏମଃଆ, ମେନ୍ଦ ପାବିତାର୍ ଆତ୍ମାରାଃ ବିରୁଧ୍ରେ ନିନ୍ଦା କାଜିକ କାଜିନିଃକେ ଛାମା କା ଏମଃଆ ।
"ଆଡଃ ଇନ୍କୁ ଆପେକେ ସାମାଜ୍ ଅଡ଼ାଃତେ, ଲାଟ୍ସାହାବ୍କତାଃ ଆଡଃ ଆକ୍ତେୟାର୍ ନାମାକାଦ୍ ହାକିମ୍କଆଃ ସାମ୍ନାଙ୍ଗ୍ତେକ ଆଉପେରେ, ଆପେ ଚିଲ୍କା ଆଡଃ ଚିକ୍ନାଃପେ କାଜିରୁହାଡ଼େୟା ଆଡଃ ଚିକ୍ନାଃପେ କାଜିୟାଃ ମେନ୍ତେ ଆଲ୍ପେ ପାହାମେୟା । ପାବିତାର୍ ଆତ୍ମା ଆପେକେ କାଜି ଲାଗାତିଙ୍ଗ୍ତେୟାଃ ଏନ୍ ଦିପିଲିରେଗି ଇତୁପେୟା ।"
ଡଣ୍ଡ କିସାଁଣ୍ ହଡ଼ଆଃ ଜନ୍କା କାଜି
ଗାଦେଲ୍ ହଡ଼କଏତେ ଜେତାଏ ହଡ଼ କାଜିକିୟାଏ, "ହେ ଗୁରୁ, ଆଇଁୟାଃ ହାଗାଇଙ୍ଗ୍କେ ଆପୁଏତେ ନାମାକାଦ୍ ଖୁର୍ଜିକେ ଆଇଁୟାଃଲଃ ହାଟିଙ୍ଗ୍ୟେଁମେ ମେନ୍ତେ କାଜିୟାଇମେ ।"
ୟୀଶୁ କାଜିରୁହାଡ଼୍କିୟାଏ, "ଏ ଗାତି, ଆବେନାଃ ବିଚାର୍ନିଃ ଚାଏ ହାଟିଙ୍ଗ୍ଏନିଃ ମେନ୍ତେ ଅକଏ ଆଇଙ୍ଗ୍କେ ସାଲାକାଦିଙ୍ଗ୍ଆଏ ?" ଆଡଃ ଇନିଃ କାଜିୟାଦ୍କଆଏ, "ନେଲେପେ, ସବେନ୍ ହାୟାହେତେ ଆତମାକାନ୍ପେ; ଜେତାଏୟାଃ ମେନାଃତେୟାଃ ପୁରାଃଗିରେୟ ଏନାରେ ଇନିୟାଃ ଜୀଦାନ୍ ବାନଆଃ ।"
ଆଡଃ ଇନିଃ ଇନ୍କୁକେ ମିଆଁଦ୍ ଜନ୍କା କାଜି ଉଦୁବାଦ୍କଆଏ, "ଜେତାଏ ମିଆଁଦ୍ କିସାଁଣ୍ ହଡ଼ଆଃ ଲୟଙ୍ଗ୍ରେ ପୁରାଃ ଜ ୟାନା । ଇନିଃ ମନ୍ରେ ଉଡ଼ୁଃକେଦାଏ, ଚିନାଃଇଙ୍ଗ୍ ଚିକାୟା ? ଆଇଁୟାଃ ଜ ଦହତେ ଠାୟାଦ୍ ବାନଆଃ । ଏନ୍ତେ ଇନିଃ ମେନ୍କେଦାଏ, ଆଇଙ୍ଗ୍ ନେକାୟା, ଆଇଁୟାଃ ଭାଣ୍ଡାର୍ ଅଡ଼ାଃ ଉତୁଡ଼୍କେଦ୍ତେ ଆଦ୍କା ମାପ୍ରାଙ୍ଗ୍ଇଙ୍ଗ୍ ବାଇୟାଃ, ଆଡଃ ଏନ୍ତାଃରେ ଆଇଁୟାଃ ସବେନ୍ ଜ ଆଡଃ ବୁଗିନ୍ତେୟାଃକଇଙ୍ଗ୍ ଦହୟା । ଆଡଃ ଆଇଙ୍ଗ୍ ଜୀଉତାଇୟାଁଃକେଇଙ୍ଗ୍ କାଜିୟା, ଏ ଜୀଉ, ଆମାଃତାଃରେ ପୁରାଃ ସିର୍ମା ନାଗେନ୍ତେ ପୁରାଃ ବୁଗିନ୍ତେୟାଃ ଦହଆକାନା, ରୁଡ଼ୁନ୍ମେ, ଜମ୍ ନୁଁଏମେ ଆଡଃ ସୁକୁତେ ତାଇନଃମେ । ମେନ୍ଦ ପାର୍ମେଶ୍ୱାର୍ ଇନିଃକେ କାଜିକିୟାଏ, ଆମ୍ ଡଣ୍ଡ, ନେ ନିଦାରେ ଆମାଃ ଜୀଉ ଆମାଃତାଃଏତେ ଇଦିୟଃଆ, ତାବ୍ଦ ଆମ୍ ଆମାଃ ନାଙ୍ଗ୍ ସବେନ୍ ହୁଣ୍ଡିଆକାଦ୍ତେୟାଃ ଅକଏୟାଃ ହବାଅୱା ।"
ଅକଏ ଆୟାଃ ନାଗେନ୍ତେ ଖୁର୍ଜି ହୁଣ୍ଡିନିଃ ମେନ୍ଦ ପାର୍ମେଶ୍ୱାର୍ ନାଙ୍ଗ୍ କାଏ କିସାଁଣାଃ, ଇନିଃନାଙ୍ଗ୍ ନେ ଲେକାଗି ହବାଅୱା ।
ପାର୍ମେଶ୍ୱାର୍ତାଃରେ ଆସ୍ରାଏପେ
ଆଡଃ ୟୀଶୁ ଆୟାଃ ଚେଲାକକେ କାଜିୟାଦ୍କଆଏ, "ଏନାମେନ୍ତେ ଆଇଙ୍ଗ୍ ଆପେକେ କାଜିପେତାନାଇଙ୍ଗ୍, ଜୀନିଦ୍ ତାଇନଃ ନାଗେନ୍ତେ ଚିକ୍ନାଃବୁ ଜମାଃ ଆଡଃ ଚିକ୍ନାଃବୁ ନୁଁଏୟା, ଚାଏ ହଡ଼୍ମରେ ଚିକ୍ନାଃବୁ ତୁସିଙ୍ଗ୍ୟେଁନା ମେନ୍ତେ ଆପେୟାଃ ଜୀଉରେ ଆଲ୍ପେ ଉଡ଼ୁଃୟା । ଜମେୟାଁଃଏତେ ଜୀଉ ଆଡଃ ଲିଜାଃଏତେ ହଡ଼୍ମ ମାରାଙ୍ଗ୍ଆଃ । କାଉୱା ଚେଣେଁକକେ ନେଲ୍କପେ, ଇନ୍କୁ କାକ ହେରେୟା ଆଡଃ କାକ ଇରେୟା, ଆଡଃ ଇନ୍କୁଆଃ ଭାଣ୍ଡାର୍ ଅଡ଼ାଃ ଚାଏ ଗୋଦାମ୍ ଅଡ଼ାଃ ବାନଃରେୟ, ପାର୍ମେଶ୍ୱାର୍ ଇନ୍କୁକେ ଆସୁଲ୍କତାନାଏ । ଆପେ ଚେଣେଁକଏତେ ଚିମିନ୍ ଆଦ୍କାଗିପେ ମାରାଙ୍ଗ୍ଆଃ ! ଆପେକଏତେ ଅକଏ ଉଡୁଃକେଦ୍ତେ ଆୟାଃ ଜୀଉକେ ମିଦ୍ ଘାଡ଼ି ପସାଦାଡ଼ିୟାଏ । ଏନ୍ତେ ଆପେ ହୁଡିଙ୍ଗ୍ଉତାର୍ତେୟାଃକେହ କାପେ କାମିଦାଡ଼ିରେଦ ଚିକ୍ନାଃ ମେନ୍ତେ ବାକିକାଜି ନାଗେନ୍ତେପେ ପାହାମ୍ତାନା । ବାହାକକେ ନେଲେପେ, ଇନ୍କୁ କାକ କାମିୟାଃ ଚି କାକ ତୁକୁଇତାନା, ହଲେହଁ ଆଇଙ୍ଗ୍ ଆପେକେ କାଜିୟାପେ ତାନାଇଙ୍ଗ୍, ସୁଲିମାନ୍ହଁ ଆୟାଃ ସବେନ୍ ସୁଗାଡ଼ାନ୍ତେୟାଃଏତେ ନେ ମିଆଁଦ୍କ ଲେକା କାଏ ସିଙ୍ଗାରାକାନ୍ ତାଇକେନା । ଏନ୍ତେ ପାର୍ମେଶ୍ୱାର୍ ତିସିଙ୍ଗ୍ ମେନାଃ ଆଡଃ ଗାପା ଚୁଲ୍ଲାରେ ହାଁଣବଃତାନ୍ ଅତେରାଃ ତାସାଦ୍କେ ନେ ଲେକାଏ ସିଙ୍ଗାରେରେଦ, ଏ ହୁଡିଙ୍ଗ୍ ବିଶ୍ୱାସ୍ତାନ୍କ, ଚିୟାଃ ଇନିଃ ନେଆଁଁଏତେ ଆଦ୍କା ଆପେକେ କାଏ ତୁସିଙ୍ଗ୍ପେୟା ?
"ଆଡଃ ଚିକ୍ନାଃବୁ ଜମେୟାଁ ଆଡଃ ଚିକ୍ନାଃବୁ ନୁଁଏୟା ମେନ୍ତେ ମନ୍ରେ ଆଲ୍ପେ ନାମ୍ବାଡ଼ାୟା ଆଡଃ ଆଲ୍ପେ ଉଡ଼ୁଗେୟା । ନେ ଅତେଦିଶୁମ୍ରେନ୍ ସାଅଁସାର୍ ହଡ଼କ ନେ ସବେନାଃ ଦାଣାଁଁବାଡ଼ାଃକ, ଆଡଃ ନେ ସବେନାଃ ଆପେୟାଃ ଲାଗାତିଙ୍ଗ୍ୟାଁଃ, ଏନା ଆପେୟାଃ ସିର୍ମାରେନ୍ ଆପୁ ସାରିୟାଏ । ମେନ୍ଦ ପାର୍ମେଶ୍ୱାର୍ଆଃ ରାଇଜ୍ ଦାଣାଁଁଏପେ ଆଡଃ ନେ ସବେନାଃହ ଆପେକେ ଏମଃଆ ।
ସିର୍ମାରେ ଖୁର୍ଜି
"ଏ ହୁଡିଙ୍ଗ୍ ଗୋଟ୍କ ଆଲ୍ପେ ବରଏୟା ଆପେୟାଃ ଆପୁଦ ଆପେକେ ଆୟାଃ ରାଇଜ୍ ଏମଃନାଙ୍ଗ୍ ସୁକୁଆକାନାଏ । ଆପେୟାଃ ମେନାଃତେୟାଃ ଆଖ୍ରିଙ୍ଗ୍ କେଦ୍ତେ କଏଁକକେ ଏମାକପେ, କା ମାଇଲାଅଃ ପାଏସାମୁନା ଆପେନାଙ୍ଗ୍ ବାଇୟେପେ, କା ଖାରାପଃ ଖୁର୍ଜି ସିର୍ମାରେ ଦହଏପେ, ଏନ୍ତାଃରେ କୁମ୍ବୁଡ଼ୁ କାଏ ତେବାଃଏୟା ଆଡଃ ନିଦିର୍ କାଏ ଜମେୟାଁ । ଚିୟାଃଚି ଆପେୟାଃ ଖୁର୍ଜି ତାଇନଃତାଃରେଗି ଆପେୟାଃ ମନ୍ ତାଇନାଃ ।
ଚିର୍ଗାଲାକାନ୍ ଦାସିକ
"ଆପେୟାଃ ମାୟାଙ୍ଗ୍ ପାଟେକେଦ୍ତେ କାମିନାଙ୍ଗ୍ ସେକାଡ଼ାକାନ୍ପେ ଆଡଃ ଆପେୟାଃ ଦିମି ଜୁଲାକାନ୍ ତାଇୟଃକା । ଆଡଃ ଏନ୍ ହଡ଼କଲେକାଅଃପେ, ଇନ୍କୁ ଆବୁଆଃ ଗମ୍କେ ଆଣ୍ଦିଏତେ ଚିଉଲାଏ ରୁହାଡ଼ାଃ ଆଡଃ ଇନିଃ ହିଜୁଃକେଦ୍ତେ ଠକ୍ ଠକାଏରେଦ ଇନିଃ ନାଗେନ୍ତେ ଇମ୍ତା ଦୁଆର୍ବୁ ନିଜେୟା ମେନ୍ତେକ ନେଲ୍ହରାଇତାନା । ଅକନ୍ ଦାସିକକେ ଆକଆଃ ଗମ୍କେ ଏୟନାକାନ୍ ଆଡଃ ସେକାଡ଼ାକାନ୍ ହିଜୁଃନାମ୍କରେ ଏନ୍ ଦାସିକ ଚିମିନ୍ ସୁକୁତାନ୍ଗିୟାକ, ଆଇଙ୍ଗ୍ ସାର୍ତିଗି କାଜିୟାପେ ତାନାଇଙ୍ଗ୍, ଇନିଃ ମାୟାଙ୍ଗ୍ ପାଟେକେଦ୍ତେ ଇନ୍କୁଲଃ ଜଜମ୍ ନାଗେନ୍ତେ ଦୁବ୍କଆଏ ଆଡଃ ହିଜୁଃକେଦ୍ତେ ଇନ୍କୁକେ ସୁସାର୍କଆଏ । ଆଡଃ ଇନିଃ ଥାଲାନିଦା ଚାଏ ସିମ୍କରାଃ ହିଜୁଃକେଦ୍ତେ ଇନ୍କୁକେ ନେ ଲେକାଏ ନାମ୍କରେଦ ଏନ୍ ଦାସିକ ଚିମିନ୍ ସୁକୁତାନ୍ଗିୟାକ । ମେନ୍ଦ ନେଆଁଁ ଆଟ୍କାରେପେ, ଅଡ଼ାଃରେନ୍ ଗମ୍କେ କୁମ୍ବୁଡ଼ୁ ହିଜୁଃ ଦିପିଲି ସାରିକାଇରେଦ ଇନିଃକେ ଆୟାଃ ଅଡ଼ାଃରାଃ ସିନ୍ଧି କାଏ ଉତୁଡ଼୍ରିକା ଇଚିକାଇତେୟାଃ । ଏନା ନାଗେନ୍ତେ ଆପେୟ ସାପ୍ଡ଼ାଅକାନ୍ ତାଇନ୍ପେ, ଚିୟାଃଚି ଆପେ କାପେ ଉଡ଼ୁଃତାନ୍ ଦିପିଲିରେଗି ମାନୱାହନ୍ ହିଜୁଃଆଏ ।"
ପାତିୟାର୍ ଆଡଃ କା ପାତିୟାର୍ ଦାସିକ
ଏନ୍ତେ ପାତ୍ରାସ୍ କୁଲିକିୟାଏ, "ହେ ପ୍ରାଭୁ ଚିୟାଃ ଆମ୍ ଆଲେକେ ଚି ସବେନ୍କକେ ନେ ଜନ୍କା କାଜି କାଜିୟାଲେତାନାମ୍ ?"
ଆଡଃ ପ୍ରାଭୁ କାଜିରୁହାଡ଼୍କେଦାଏ, "ଏନ୍ତେ ଗୁସିୟାଁ ଆୟାଃ ଅଡ଼ାଃରେନ୍କକେ ବୁଗିନ୍ ନେଡାରେ ଜମେୟାଃଁ ଏମାକ ନାଗେନ୍ତେ ଅକଏକେ ଇନିଃ ସାଲାକିଆଏ, ଏନ୍ଲେକାନ୍ ପାତିୟାର୍ରଃ ଆଡଃ ସେଣାଁଁନ୍ ଭାଣ୍ଡାରି ଅକଏ ତାନିଃ ? ଆୟାଃ ଗୁସିୟାଁ ନେ’ଲେକା କାମିତାନ୍ ଦାସିକେ ହିଜୁଃ ନାମିରେ ଇନିଃ ସୁକୁତାନ୍ଗିୟାଏ । ସାର୍ତିଗିଙ୍ଗ୍ କାଜିୟାପେତାନା, ଇନିଃ ଏନ୍ ଦାସିକେ ଆୟାଃ ସବେନ୍ ମେନାଃତେୟାଃରେନ୍ ଗୁସିୟାଁ ଦହଇୟାଏ । ମେନ୍ଦ ଏନ୍ ଦାସି, ଆଇଁୟାଃ ଗୁସିୟାଁରାଃ ହିଜୁଃତେୟାଃ ବିଲାମଃତାନାଃ ମେନ୍ତେ ମନ୍ତାୟାଃରେ କାଜିକେଦ୍ତେ ଦାସିକ ଆଡଃ କାମ୍ଡ଼ିକକେ ଦାଦାଲ୍, ଆଡଃ ଜଜମ୍ ନୁଁ ଆଡଃ ବୁଲଃ ଏଟେଦ୍ରେଦ, ଏନ୍ ଦାସିଆଃ ଗମ୍କେ ଇନିଃ କାଏ ଉଡ଼ୁଃ ହୁଲାଙ୍ଗ୍ରେ ଆଡଃ କାଏ ସାରି ଦିପିଲିରେ ହିଜୁଃଆଏ ଆଡଃ ଇନିଃକେ ପୁରାଃ ଦୁକୁ ଏମାଇତାନ୍ଲଃ ଟୁକ୍ଡ଼ା ଟୁକ୍ଡ଼ା ମାଆଃଇୟାଏ, ଏନ୍ତେ କା ବିଶ୍ୱାସ୍ତାନ୍କଲଃ ହାନାଟିଙ୍ଗ୍ଆଏ ଏମାଇୟା ।
"ଆୟାଃ ଗମ୍କେୟାଃ ମନ୍ ସାରିକେଦ୍ତେ କାଏ ସେକାଡ଼ାକାନ୍ ଆଡଃ ଇନିୟାଃ ମନେଲେକା କା କାମିକେଦ୍ ଦାସି ପୁରାଃଗିୟାଏ ଦାଲଃଆ । ମେନ୍ଦ କା ସାରିକେଦ୍ତେ ଦାଲଃଲେକା କାମିକେଦ୍ନିଃ ହୁଡିଙ୍ଗ୍ଲେକାଏ ଦାଲଃଆ । ଆଡଃ ପୁରାଃ ନାମାକାଦ୍କଏତେ ପୁରାଃ ଆସିୟଃଆ; ଆଡଃ ହଡ଼କ ପୁରାଃଗିକ ଏମାକାଇନିଃଏତେ ପୁରାଃଗିକ ଆସିୟା ।
ୟୀଶୁଆଃ ନାଗେନ୍ତେ ବିନ୍ଗାଅ
"ଆଇଙ୍ଗ୍ ଅତେରେ ସେଙ୍ଗେଲ୍ ଜୁଲ୍ନାଙ୍ଗ୍ ହିଜୁଆକାନାଇଙ୍ଗ୍, ଆଡଃ ଆଇଙ୍ଗ୍ ସାନାଙ୍ଗ୍ତାନାଇଙ୍ଗ୍, ଜାଲ୍ଦିଗି ସେଙ୍ଗେଲ୍ ଜୁଲଃକା । ମେନ୍ଦ ମିଆଁଦ୍ ବାପ୍ତିସ୍ମାଏତେ ଆଇଙ୍ଗ୍କେ ବାପ୍ତିସ୍ମାଅଃ ଲାଗାତିଙ୍ଗ୍ୟାଁଃ, ଆଡଃ ଏନା ଆଉରିଚାବାଃଅ ଜାକେଦ୍ ଦୁକୁତେ ପୁରାଃଗିଇଙ୍ଗ୍ ବିତ୍ଲାଅକାନା । ଚିୟାଃ ଆଇଙ୍ଗ୍ ଅତେଦିଶୁମ୍ରେ ଜୀଉସୁକୁ ଏମ୍ତେ ହିଜୁଆକାନାଇଙ୍ଗ୍ ମେନ୍ତେପେ ଆଟ୍କାରିଙ୍ଗ୍ତାନା ? ବାନଃଗି, ମେନ୍ଦ ବିନ୍ଗାଅ ନାଗେନ୍ତେଇଙ୍ଗ୍ ହିଜୁଃକାନା । ନାହାଁଃଏତେଦ ମିଆଁଦ୍ ପାରିବାର୍ରେନ୍ ପାଞ୍ଚ୍ଝାନ୍ ହଡ଼କ ବିନ୍ଗାଅଆଃକ, ତିନ୍ଝାନ୍ ବାର୍ହଡ଼୍କିନାଃ ବିରୁଧ୍ରେ ଆଡଃ ବାର୍ହଡ଼୍ ତିନ୍ଝାନ୍କଆଃ ବିରୁଧ୍ରେ । ହନ୍କଡ଼ା ବିରୁଧ୍ରେ ଆପୁ, ଆଡଃ ଆପୁ ବିରୁଧ୍ରେ ହନ୍କଡ଼ା, ହନ୍କୁଡ଼ି ବିରୁଧ୍ରେ ଏଙ୍ଗା, ଆଡଃ ଏଙ୍ଗା ବିରୁଧ୍ରେ ହନ୍କୁଡ଼ି, କିମିନ୍ ବିରୁଧ୍ରେ ହାନାର୍ତେ ଆଡଃ ହାନାର୍ତେୟାଃ ବିରୁଧ୍ରେ କିମିନ୍ତେ, ବିନ୍ଗାଅଆଃକ ।"
ଏନ୍ ଦିପିଲିରେୟାଃ ଚିହ୍ନାଁ
ଇନିଃ ଗାଦେଲ୍ ହଡ଼କକେ କାଜିୟାଦ୍କଆଏ, ଆପେ ସିଙ୍ଗିହାସୁରଃସାଃଏତେ ରିମିଲ୍ ରାକାବ୍ତାନ୍ପେ ନେଲେତାନ୍ ଇମ୍ତା ଦାଆଃ ଗାମାୟାଏ ପେ ମେନେତାନା ଆଡଃ ନେକାଅଃ ତାନ୍ଗିୟାଃ । ଆଡଃ ଦାକ୍ଷିଣ୍ ହୟ ହୟତାନ୍ ନେଲ୍କେଦ୍ତେ ସିତୁଙ୍ଗ୍ୟେଁଆଏ ପେ ମେନେତାନା ଆଡଃ ନେକାଅଃ ତାନ୍ଗିୟାଃ । ଏ ବେଦାହଡ଼କ, ଆପେ ଅତେ ଆଡଃ ସିର୍ମାରେୟାଃ ଚିହ୍ନାଁପେ ଆଟ୍କାର୍ଉରୁମ୍ ଦାଡ଼ିୟାଃ ମେନ୍ଦ ନେ ଦିପିଲିରେୟାଃ ଚିହ୍ନାଁ ଚିଲ୍କା କାପେ ନେଲ୍ଉରୁମେତାନା ?
ବାଇରିଲଃ ମେସାନାଃବୁ
ଚିନାଃମେନ୍ତେ ଠାଉକାନ୍ ଲେକାଗି ନେଲଃତେୟାଃ ଆପେଗି କାପେ ବିଚାରେତାନା ? ଆମାଃ ବାଇରିଲଃଦ ହାକିମ୍ତାମ୍ ସେନଃତାନ୍ରେ ଇନିଃଏତେ ଅଡଙ୍ଗ୍ଅଃ ନାଙ୍ଗ୍ ହରାରେଗି ଉଡ଼ୁଃଇମେ, କା’ରେଦ ଇନିଃ ବିଚାର୍ନିଃତାଃତେ ଥାଇଜ୍ଇଦିମେଁୟାଏ, ଆଡଃ ବିଚାର୍ନିଃ ସିପାଇକଆଃ ତିଃଇରେ ଜିମାମେଁୟା ଆଡଃ ସିପାଇଦ ଜେହେଲ୍ମେଁୟାଏ । ଆଇଙ୍ଗ୍ କାଜିୟାମ୍ ତାନାଇଙ୍ଗ୍, ତାମ୍ବା ସିକା କାଉଡ଼ି କାଉଡ଼ି ଆଉରି ହାଲ୍ଚାବାଏ ଜାକେଦ୍ ଏନ୍ତାଃଏତେ କାମ୍ ଅଡଙ୍ଗ୍ ଦାଡ଼ିୟା ।
ପାର୍ମେଶ୍ୱାର୍ ଆଇଙ୍ଗ୍କେ ବିଶେଷ୍ ସାୟାଦ୍ ଏମାକାଦିଙ୍ଗ୍ ହରାତେ ଆପେ ସବେନ୍କକେଇଙ୍ଗ୍ କାଜିପେତାନା, ଆପେ ଆପାନାଃ ବିଷାଏରେ ଜେ’ଲେକା ଉଡ଼ୁଃ ଲାଗାତିଙ୍ଗ୍ୟାଁଃ ଏନାଏତେ ପୁରାଃ ଆଦ୍କା ମାରାଙ୍ଗ୍ ଲେକା ଆଲ୍ପେ ଆଟ୍କାରେନ୍କା, ମେନ୍ଦ ପାର୍ମେଶ୍ୱାର୍ ଆପେକେ ଏମାକାଦ୍ପେ ବିଶ୍ୱାସ୍ ଲେକାଗି ଆପ୍ନାଃ ବିଚାର୍ ରିକାଏପେ ।
କାଲିସିୟାରେ ବିନ୍ଗାଅ
ହେ ହାଗା ମିଶିକ, ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ ନୁତୁମ୍ତେ ଆଇଙ୍ଗ୍ ଆପେକେଇଙ୍ଗ୍ ବିନ୍ତିପେ ତାନା, ଜାଗାର୍ତାନ୍ ଇମ୍ତା ମିଦ୍ମନ୍ତେଗି ଜାଗାରେପେ । ଏନାରେ ଆପେ ଥାଲାରେ ଜେତାନ୍ ବିନ୍ଗାଅ କା ହବାଅଃଆ, ଆଡଃ ମିଦ୍ ମନ୍, ମିଦ୍ ଉଡ଼ୁଃରେ ପକ୍ତାକେଦ୍ତେ ମେସାଅଃପେ ।
ହଡ଼ରାଃ ଆତ୍ମା, ହଡ଼ରାଃ ସବେନ୍ ବିଷାଏରେ ସାରିୟା, ଏନ୍ଲେକାଗି, ପାର୍ମେଶ୍ୱାର୍ଆଃ ଆତ୍ମା ଏସ୍କାର୍, ପାର୍ମେଶ୍ୱାର୍ଆଃ ସବେନ୍ ବିଷାଏରେ ସାରିୟା ।
ଆପେ, ଆପେଗି ଆଲ୍ପେ ବେଦାନାଃ । ଆପେକଏତେ ଜେତା ହଡ଼ ଆପାନ୍କେ ଅତେଦିଶୁମ୍ ଲେକାତେ ସେଣାଁଁନ୍ ମେନ୍ତେ ମନେତାନ୍ରେଦ, ଇନିଃ ସାର୍ତି ସେଣାଁଁ ନାମେ ନାଗେନ୍ତେ ଆପାନ୍କେ କା ସେଣାଁଁନ୍ ଲେକା ହବାଅଃ ଲାଗାତିଙ୍ଗ୍ୟାଁଃ ।