Planejamento

12 ሄዋ ድራዉ፥ ኑ ላይ በስያዋዳን፥

ጎኤታና ማላ አዳ ኤራ ኑና ታማርሳ።

28 "ህንተንቱፐ እቱ ሹቻ ጎልያ ኬጻናዉ ኮዮፐ፥ ኪታ ዉርሳናዉ ግድያ ሻሉዋ ካሰቲደ ኡት ሄተናዌ ኦኔ?

22 ዞረታይ ዮፐ፥ ሀልቼዳዌ ፖለተና፤ ዳሮ ዞርያዋንቱ ደእያ ሳን ሀልቼዳዌ ፖለቴ።

3 ነ ኦያዋ ኡባ ሀዳራ መና ጎዳዉ እማ፤ ያቶፐ፥ ኔን ሀልቼዳዌ ፖለታና።

4 ዱረታናዉ ዳቡሮፓ፤ ሄዋ ማላ ኬስያ አጋናዉ ጭንጫ ግዳ።

9 አሳይ ባረ ዎዛናን ባረ ኦናባ ሀልቼ፤ ሽን ሀልቹ መና ጎዳይ ማድና ፖለቴ።

21 አሳይ ዳሮባ ሀልቼ፤ ሽን መና ጎዳይ ጌዳዌ ፖለቴ።

8 አያዉ ጎፐ፥ መና ጎዳይ፥ "ታ ቆፋይ ህንተ ቆፋ ማላ ግደና፤ ህንተ ኦጊካ ታ ኦግያ ማላ ግደና።

9 ሳሎቱ ሳኣፐ ቂያዋዳን፥ ታ ኦጊ ህንተ ኦግያፐ ቄ፤ ታ ቆፋይካ ህንተ ቆፋፐ ቄ።

29 ሀዌካ ቃይ ማላልስያ ዞርያ ዞርያ፥ ኦሱዋካ አዳ ኤራን ኦያ ኡባፐ ዎልቃማ መና ጎዳፐ ዬ።

11 አያዉ ጎፐ፥ ታን ህንተዉ ሀልችያ ሀልቹዋ ታን መና ጎዳይ ኤራይ፤ ሄዌካ፥ ህንተዉ ስን ህዶታነ ናሸቻ እማና ማላ፥ ሳሮ ሀልቹዋፐ አትና፥ ኢታ ሀልቹዋ ግደና።

7 ቱሙዋፐ ኡባ ሞድያ መና ጎዳይ ባረ ጹራ ትምቢትያ ኦድያ ባረ ቆማቶ ካሰቲደ ቆንጭሰናን ደኢደ፥ አያነ ኦና።

4 ነ ዎዛና አሙዋ ነዉ እሞ፤

ነ ሀልቹዋ ኡባ ፖሎ።

8 ታን ኔና አማነትያ ድራዉ፥

ዎንታ ዎንታ አገና ነ ሲቁዋ ታና በሳ።

ታን ታ ሸምፑዋፐ ኔና ዎስያ ድራዉ፥

ታን ባናዉ በስያ ኦግያ ታና ታማርሳ።

ኡባባዉካ ዎዲ ደኤ

1 ኡባባዉ ዎዲ ደኤ፤

ሳሉዋፐ ጋርሳ ባጋና ኦሰትያባዉ ኡባዉ፥

አ ላይይ ላይይ ደኤ።

10 ጾሳይ ባረ ጹራ የዉዋ ባረ አያናን ኑና ኤርሴዳ፤ አያዉ ጎፐ፥ ጌሻ አያናይ ጾሳባ ሀራይ አቶ ጌሜዳ የዉዋ ኡባ ብዴ።

31 ሱገ ኦያ አሳቱዋ ቁሎፓ፤ ኡንቱንቱ ኢታ ኦሱዋካ ካሎፓ። 32 አያዉ ጎፐ፥ መና ጎዳይ ኢታ ኦያዋንታ እጼ፤ ሽን ሱረቱዋ እ ኡሎፐ ሲቄ።