O poder da oração

Bíʼtə bə bu kɔ́ tʉ a

7 "B̈ii bíʼtə, bə bu kɔ́ tʉ bii, b̈ii kʉ́ʉ, bii bu nyíɛ, b̈ii kwɔ̀ŋ, bə bu ŋɔ́ʼhə chusii tʉ bii.

22 Nukə təmiyɔŋ ndə bii bíʼtə mu məgháaNyii, bii bu kie, kaʼ bii mɔ̀ʼfyiihə-ii ndəŋ mɔ."

24 Ndə nɔ, nukə təmiyɔŋ ndə bii bíʼtə hə kəghɔ-Nyii, b̈ii bɛ́ŋ mu fyii-bii mbɔ bii la nɔʼ kie, i bu bɛ yii-yə.

13 Fɔkə təmiyɔŋ ndə bii bíʼtə nə yie-ɔ, nɔ nukə ndə mɔ bu fɔ̀ʼ mbɔ mbʉ Tie chʉʼ kie məgʉ́ə mu mbʉ Vaa. 14 Kaʼ bii bíʼtə fɔkə təmiyɔŋ tʉ mɔ nə yie-ɔ, mɔ kɔ́.*

40 Bɔŋ Bita téʼ tʉ bɔŋ bənchəŋ bɔ̂ŋ fyú mbi. Ɔ bè kweʼtəbə-i sê, gháaNyii, kíahə ŋwɔŋ-ɛŋ tʉ mbʉ kəŋkwu wo, ghɔ̀ŋ mbɔ, "Tabita, lɔ̀ hə sê!" Ɔ yɔ́ʼ shʉ-i, kʉ̂ʉ nyíɛ Bita, bə̀ŋhə ŋwɔŋ-ɛŋ dùʼ.

29 Ɔ bə̀ŋhə tʉ bɔŋ mbɔ, "Bəkɔ fɔkə mə fyúhə ntɛ yɔ̄ŋ-yə fɛ, yaʼkɛŋ nə məgháaNyii." *

14 Wo bɛ mu bii ndə ɔ tʉʼ yɔ́ʼyɔ́ʼ mɛ? Ɔ̈ tə́ŋ tíi bəntəŋbəshʉ mu chɔshi, b̈ɔ̂ŋ gwè gháaNyii kətʉ-ɔ, yóʼ ɔ nə ŋgwomə yie-Tiekətʉ. 15 Ndʉʉ ndə bɔ̂ŋ tʉʼ gháaNyii mɔ̀ʼfyiihə-ʉə ndəŋ ɔŋ, i bu kwáa ŋgɛɛ ndə ɔ tʉʼ yɔ́ʼyɔ́ʼ, Tiekətʉ chʉ́ʼ ɔ. Kaʼ ɔ nɔʼ kə chìi bʉ̂ʼʉ, bə bu sʉ̀fyii hə ndəŋ bʉ̂ʼʉ-e.

16 Ndʉʉmɛ, b̈ii gwía fyùufyùu tʉ ŋwɔŋtə-ii, gháaNyii tʉ ŋwɔŋtə-ii, mbɔ Nyii chʉʼ chʉ́ʼ bii. MəgháaNyii wo ndə ɔ tə́nə ndyʉndyʉ tʉ Nyii nɔ kie ghʉəʼ-shʉ́əshʉ́ə-kə ndə məfɔ̀ʼ.

6 Kə bii mə kə́ lə̀ŋnə ndə nubɛʼkə təmiyɔŋ fɛ. Bɔŋ ndə nubə inchəŋ b̈ii kə́ gháaNyii bíʼtə fɔkə tʉ ɔŋ ndə bii byúu, bɔŋleʼ kə́ bíʼtə tʉ ɔŋ nə ndɔ mu fyiihə-ii. 7 Kaʼ bii fɔ̀ʼ yɔ̄ŋ-yə, bii kie fyiighʉ́ənə ndə i gwè hə kəghɔ-Nyii, ndə i bɛ ŋkʉʉ ndə nubə inchəŋ ndə bəkɔ woməsʉʉ kwɔ̀ʼtə, i bu yá ndaahə-ii ghɔŋbə ŋkwɔʼtə-yii tʉ́ʼ, ndə biibə Klai Jiso tʉʼ tòʼ mɔʼɔ.

18 B̈ii kə́ gháaNyii təvɛʼtəvɛʼ haʼ ndə LyʉʉhəNyiikə tʉʼ ŋɔ́ʼhə shʉ-yii, nə ntɛ-məgháaNyii-hə inchəŋ bɔŋ-kə́-leʼ fʉ̀ʉtə Nyii. B̈ii kaa nə tʉbə-ii ghɔʼ, lyʉ̀ʉtə́nə ndə mə-kə́-gháaNyii tʉ bʉə-Nyii bənchəŋ.