O poder da oração

प्राथनक लग प्रोत्साहन

7 येशू कलाँ, "तुहुरिन्हे ज्या चाही उ तुहुरे परमेश्वरसे माँगो और ऊ तुहुरिन्हे दैदिहीँ। खोजो ते तुहुरे भेटैबो, ढकढकाऊ ते तुहुरिन्के लग खोलजाजाई।

22 विश्वास करके प्राथनामे ज्या मंग्बो, उ तुहुरे भेटैबो।"

24 तबेकमारे मै कहतुँ, जब तुहुरे प्राथना करथो और कुछु मंग्थो, ते यी विश्वास करहो कि ऊ तुहुरिन्हे पक्कै मिली, और ज्या फेन तुहुरे मंग्बो, परमेश्वर तुहुरिन्हे दिहीँ।

13 तुहुरे मोरिक नाउँमे ज्या मंग्लेसे फेन छावक माध्यमसे बाबक महिमा होए कहिके मै उ करदेहम। 14 तुहुरे मोरिक नाउँमे कौनो चिज मंग्बो कलेसे मै उहिहे पूरा करदेहम।"

40 पर पत्रुस उ सक्कुहुनहे बाहेर पठाके ठेहुनी टेकल, और प्राथना करल, और उ लाहाश ओहोँर घुमके कहल, "तबीता, उठो!" तब् उ लौँदी आँखी उघारल, और पत्रुसहे देख्के उठ्के बैठगिलस।

29 येशू ओइन्हे जवाफ देलाँ, "केऊ फेन यी मेरके भूत्वाहे बाहेर तबसम नै निकारे सेकी, जबसम ऊ परमेश्वरसे प्राथना नै करी।"

14 यदि तुहुरिन्मेसे केऊ बेमार बा कलेसे ऊ मण्डलीक अगुवनहे बलाए, और ओइने प्रभुक नाउँमे ओकरमे तेल लगाके ओकर लग प्राथना करिँत्। 15 और विश्वासके प्राथनासे उ बेमार मनैया बँचजाई, और प्रभु उहिहे चोख्वादिहिँ; यदि ऊ पाप फेन करल बा कलेसे प्रभु उहिहे माफ करदिहीँ। 16 तबेकमारे तुहुरे एकदोसुर जहनके आघे अपन-अपन पाप स्वीकार करलेऊ। और तुहुरे एकदोसुर जहनके लग प्राथना करो, ताकि तुहुरे चोखाई सेको; धर्मी मनैयक प्राथना शक्तिशाली और प्रभावशाली रहत।

6 कौनो फेन बातके चिन्ता ना करो; पर हरेक परस्थितिमे तुहुरिन्के निवेदनहे प्राथना और बिन्तीक माध्यमसे धन्यवादके संग परमेश्वरके आघे धारो। 7 तब परमेश्वर तुहुरिन्हे शान्ति दिहीँ, यी उ शान्ति हो जिहिहे मनै बुझे नै सेक्थाँ। और यी शान्ति तुहुरिन्के मन और तुहुरिन्के विचारहे येशू ख्रीष्टमे सुरक्षित धारल रही।

18 और हर समय और हरेक मेरसे पवित्र आत्मक अगुवाई करल अनुसार प्राथना और बिन्ती करो। यकर लग और परमेश्वरके सक्कु पवित्र मनैनके लग हरदम लगनशील होके हौश्यारीसे प्राथना और बिन्ती कर्ती रहो।