Gravidez e maternidade

13 Bəkɔ mɔ fɔ̀ʼ nubə inchəŋ tíŋ hə bɔ̌ŋ mbəŋ-ɛŋ ndə ɔ tʉʼ kɔ́ mɔ nə ghʉəʼkə.

9 Ɔ bɔŋ ghɔ̀ŋ tʉ mɔ mbɔ, "Buŋjyu-ɔ nɔ bɛ nukə ndə i yɔ́ŋ daa tʉ a ndə məkie, bʉʼka g̃hʉəʼkə-ɔŋ nɔ dʉ̀ʼ ŋwɔŋ-ɛŋ gɛ̀ kùu ndə yəŋbə ndə wo lʉ́ʉtə chɔ." Ndʉʉmɛ, mɔ bu bìʼ ŋàʼtə yɔ́ŋyɔ́ŋ daa nə tʉʉjyu ndə nubə ndə mɔ lʉ́ʉtə chɔ, mbɔ bə chʉʼ nyíɛ ghʉəʼ-Klai-kə mu məchímbi mɔ.

15 Bɔŋ Nyii bu kwáa woke tíŋ hə bɔ̌ŋ bikə, kaʼ ɔ lyʉ̀ʉtə́nə ndə məmɔʼfyii-i ndəŋ Nyii, kie ŋkʉ̂ʉ, lʉ̀ ŋwɔŋ-ɛŋ ŋkʉʉ bɔŋleʼ kə́ yá ŋwɔŋ-ɛŋ.

11 Nɔ kə bɛ bʉʼka məmɔ̀ʼfyii ndəŋ Nyii ndə i kə chìi Sala kie ghʉəʼkə ndə məgʉ̀ʼ, bí vaa, ndʉʉ ndə ɔ nɔʼ kə dùɔŋ tíŋ ndə məbí, bʉʼka ɔ nɔ nə kwɔ̀ʼtə mbɔ Nyii bu fɔ̀ʼ nukə ndə ɔ nɔʼ kə kɔ̀ʼnə.

45 Tʉʉjyu nɔ bɛ ya-yə ndə a bɛ́ŋ nukə ndə Tiekətʉ ghɔ̀ŋ, bɛ́ŋ mbɔ i bu fyú shʉəŋ!"

Lyuu-Mɛli

46 Mɛli bɔŋleʼ ghɔ̀ŋ mbɔ,

"Vaafyii-ɔ tʉʼ kɔ́ məŋwɔʼ tʉ Tiekətʉ.

47 Vaafyii-ɔ tʉʼ sʉ́ʼnə tə chàa yʉʉhə, tʉ Nyii ndə ɔ bɛ Ŋkwaa-ɔ,

48 bʉʼka ɔ kwɛ́nə mɔ fʉə-e, təmə fɛ̀ʼ yʉ́ mɔ bɛ wo njʉnjʉ fɛ,

lʉ̀ hə nduɔ gɛ̀ nə shʉbə kwinə-bʉə-bə bənchəŋ bu kə́ tíi mɔ nə wo kətʉjyu.

49 Bə bu gìe yɔ̄ŋ-yə bʉʼka Fɔŋ Wo Shʉəshʉə nɔʼ chìi nukwɛʼtəŋbə tʉ mɔ.

Ɔ nɔ bɛ ŋkʉʉ.