Gravidez e maternidade

14 Yave ke sakumuna beno kulutila makanda ya nkaka ya bantu. Na sika ya beno, ya ke vwanda ve na kento to bakala ya kisita. Na kati ya bibulu ya beno, ya ke vwanda ve na kibulu yina ke butaka ve.

7 Na manima, bana ya Isayeli butanaka, bawu kumaka mingi, bawu butanaka mingi-mingi, mpe bawu vwandaka lutila na kukuma ngolo. Bawu manisaka na kufuluka na yinsi yina✝.

2 Bana ya yandi ke vwanda na lulendo na yinsi,

bambandu ya bantu ya kusungama ke kuzwa lusakumunu.

13 Ni nge yidikaka munu,

ni nge bumbaka munu na kivumu ya mama ya munu.

14 Mu ke na kukembila nge na yina nge me tula munu na lweka na mutindu mosi ya ngitukulu.

Mambu nge ke salaka kele ya ngitukulu,

mu zaba yawu mpe mu zaba yawu mbote.

15 Nzutu ya munu vwandaka ve ya kubumbama,

ntangu yina nge vwandaka yidika munu na mansweki,

nge syetaka munu na kati-kati ya yisi ya ntoto.

16 Ntangu mu vwandaka ntete ve ya kuyilama mbote-mbote, meso ya nge vwandaka tala munu.

Bilumbu nyonso ya luzingu ya munu

vwandaka ya kusonama yimeni na dibuku ya nge,

tekila ti bilumbu yango kusalama.

3 Ya tsyelika, bana kele mvwilu ya Yave,

mbuma ya kivumu ya mama ni musendo yina Yave ke pesaka.

9 Na yina, munu yina ke sala ti kento kuzwa kivumu,

mu lenda sala dyaka ti yandi kubuta ve?

mu lenda kabikisa mbutukulu ya mwana na yinza?

Ni Yave Nzambi ya nge me tuba yawu.

13 Mu lenda kusala mambu nyonso yayi na lusalusu ya muntu yina ke pesaka munu ngolo.

9 Kasi yandi zabisaka munu: «Bumbote ya munu me lunga na nge. Lulendo ya munu ke talanaka ya kulutila na kati ya nge ntangu nge ke vwandaka ve na ngolo.» Na yina, mu ke lutila na kusala mayama ntangu mu ke vwandaka na ngolo ve, samu ti lulendo ya Klisto vwanda na munu.

2 Yave, nge kele kiswamunu ya munu,

mu kutala nsoni ve!

Na ludedomo ya nge, kuula munu.

2 Nzambi, kuwa kulooka ya munu,

kuwa mbote lusambulu ya munu!

11 Yandi kele mutindu muvungi yina ke na kutwadisaka mameme ya yandi,

kaka na kuningisa diboko ya yandi, yandi ke vukisaka bawu kisika mosi,

yandi tulaka bana ya mameme na ntulu ya yandi,

yandi ke twadisaka na malembe, mameme yina ke na kupesaka bana mabene.»

3 Beno kuwa munu, beno bantu ya Yakobi,

beno bantu yina me bikana na dikanda ya Isayeli,

beno bayina mu ke na kusadisaka katuka kivumu ya mama ya beto,

beno bayina mu ke na kunata ntete mbutukulu ya beno!

4 Mu ke soba ve tii ntangu beno ke nuna,

mu ke syamisa beno tii ntangu bansuki ya beno ke kuma mpembe.

Ni munu ke syamisa beno,

mpe mu ke nata beno,

ya tsyelika, mu ke syamisa beno mpe mu ke kuula beno.

15 Kasi bakento ke kuzwa mpulusu na kubuta bana kana bawu zinga na kiminu, na luzolo, na bulongo* mpe na kuvwanda na nkadulu ya kulunga.

28 Bana ya yandi ke telamaka mpe ke siikaka yandi, bakala ya yandi ke telamaka na kupesa yandi masiika.

Kayini na Abele

1 Adami vukanaka na kento ya yandi Eva. Eva kuzwaka kivumu mpe yandi butaka Kayini. Eva tubaka: «Mu me buta muntu na lusalusu ya Yave.»

Mbutukulu ya Isaaki

1 Yave lakisaka bumbote ya yandi na Saala mutindu yandi zonzaka na yandi. Yandi lungisaka mambu nyonso yina yandi sadilaka Saala nsilulu. 2 Saala kuzwaka kivumu ntangu Abalayami vwandaka me kuma kiboba, mpe yandi butaka mwana ya bakala na ntangu yango yina Nzambi zabisaka yandi.

21 Isaaki sambilaka Yave samu na kento ya yandi yina vwandaka kisita. Yave kuwaka lusambulu ya Isaaki mpe kento ya yandi Lebeka kuzwaka kivumu.

20 Na yina, Ane kuzwaka kivumu, mpe na manima, yandi butaka mwana ya bakala. Ane pesaka yandi nkumbu Samwele, samu ti yandi tubaka: «Mu lombaka yandi na Yave.»

Nzambi nkebi ya beto

1 Muntu yina ke zingaka na kisika yina Nzambi ya Kulutila Kuzangama ke bumbamaka,

yandi ke pemaka na mpewo ya Nzambi-Mpungu.

2 Mu me tuba na Yave: «Nge kele kiswamunu ya munu, kibaka ya lukengolo ya munu,

Nzambi ya munu yina mu ke sadilaka kivuvu!»

7 Yave ke keba nge na mambu nyonso ya yimbi,

yandi ke keba luzingu ya nge.

8 Yave ke keba nge ntangu nge ke basika mpe ntangu nge ke vutuka,

kubanda bubu yayi tii bantangu nyonso.

5 «Tekila mu yidika nge na kivumu ya mama ya nge,

mu soolaka nge.

Tekila nge kubutuka,

mu tulaka nge na lweka samu na kusadila munu.

Mu salaka nge mumbikudi na sika ya makanda ya bantu.»

22 «Kana bantu ke na kuswana, kana bawu tutana na kento yina ke na kivumu, mpe mwana kubasika samu na kututana yina, mpe kana dikubu ya nkaka salama ve, bantu yina me tutana na kento yango ke futa kikodi. Kikodi yango ni bakala ya kento ke zenga kikodi yina ba ke futa yandi, na meso ya banzonzi. 23 Kasi, kana dikubu me salama, nge ke futisa luzingu ya muntu na luzingu ya muntu,

15 Kento lenda zimbana mwana ya yandi,

yina yandi ke na kupesa mabene?

Yandi kele ve na kyadi ya mwana yina me basika na kivumu ya yandi?

Ata ti mama zimbana mwana ya yandi,

kasi munu, mu ke zimbana nge ve!

11 Samu na kiminu, Saala kuzwaka mwana na lulendo ya Nzambi, ata ti yandi vwandaka buta ve mpe ti yandi vwandaka me nuna. Yandi vwandaka na kivuvu ti nsilulu yina Nzambi pesaka yandi ke salama.

45 Kyese mingi samu na nge samu ti nge me sala kiminu ti mambu yina Mfumu me zabisa nge, ke salama.»

Mukunga ya nkembo ya Maliya

46 Na yina, Maliya tubaka:

«Mwela ya munu ke na kukembila Mfumu,

47 mpe mpeve ya munu kele ya kufuluka na nsayi

samu na Nzambi, Muvuukisi ya munu.

48 Ya tsyelika, yandi me ndima na kusikika meso ya yandi na munu,

kisadi ya yandi ya kukuluka.

Ni yawu yina, katuka bubu yayi,

bantu ya bantangu nyonso ke bokila munu: kento ya kyese,

49 samu ti Nzambi ya lulendo me sala mambu ya nene samu na munu.

Nkumbu ya yandi kele ya longo.

9 Yave ke salaka ti kisita kuvwanda na yinzo ya makwela,

mutindu kento ya nsayi na kati-kati ya bana ya yandi.

Aleluya!

16 Mu ke sakumuna yandi, mpe yandi ke butila nge mwana ya bakala. Mu ke sakumuna yandi, mpe yandi ke buta makanda mingi, bantinu ya makanda ke butuka na yandi."»

3 Kento ya nge kele mutindu bilanga ya bayinti ya vinu yina me buta bambuma,

na kati ya yinzo ya nge,

bana ya nge kele mutindu mwa bayinti ya olive,

yina me zunga mesa ya nge.