14 तुम्ही इतर लोकांपेक्षा अधिक आशीर्वादित व्हाल; तुमच्यापैकी कोणीही पुरुष वा स्त्री निःसंतान राहणार नाही किंवा तुमच्या पशूंपैकी कोणीही वांझ राहणार नाही.

7 परंतु इस्राएली लोक अत्यंत फलद्रूप झाले; ते बहुगुणित होऊन त्यांना पुष्कळ संतती झाली आणि त्यांची संख्या वाढून, लवकरच ते इतके असंख्य झाले की संपूर्ण देश त्यांनी व्यापून टाकला.

2 त्यांची संतती पृथ्वीवर अतिथोर होईल;

नीतिमानाची पिढी आशीर्वादित होईल.

13 माझ्या शरीरातील अंतरंगाची घडण तुम्हीच केली आहे;

माझ्या मातेच्या उदरात माझी देहरचना केली.

14 मी तुमची स्तुती करतो,

कारण तुम्ही मला भयपूर्ण व अद्भुत रीतीने निर्माण केले आहे;

तुमचे हे कार्य किती अद्भुत आहे,

हे मी पूर्णपणे जाणतो.

15 गुप्तस्थानी माझी निर्मिती होत असताना,

जेव्हा माझा सांगाडा तुमच्यापासून लपलेला नव्हता,

जेव्हा पृथ्वीच्या गर्भामध्ये माझी घडण होत होती.

16 तुमच्या नेत्रांनी मला पिंडरूपात पाहिले;

माझा एकही दिवस उगविण्यापूर्वी माझ्या

आयुष्याच्या प्रत्येक दिवसाची तुम्ही लेखी नोंद केली.

3 मुले, ही याहवेहकडून मिळालेला वारसा आहे,

प्रसवशील कूस, हे याहवेहकडून लाभणारे प्रतिफळ आहे.

9 जन्म देण्याच्या क्षणापर्यंत आणल्यावर,

मी प्रसूत करणार नाही काय?"

असे याहवेह म्हणतात.

"प्रसूतीस आणल्यावर

मी गर्भाशय बंद करतो काय?"

असे परमेश्वर म्हणतात.

13 जे मला शक्ती देतात त्यांच्याद्वारे सर्वकाही करण्यास मी समर्थ आहे.

9 त्यांनी म्हटले, "माझी कृपा तुला पूर्ण आहे. कारण माझे सामर्थ्य अशक्तपणात पूर्णत्वास येते." कारण माझ्या अशक्तपणाबद्दल मी प्रौढी मिरवीन, म्हणजे ख्रिस्ताचे सामर्थ्य माझ्यावर राहील.

2 तुम्ही आपले कान माझ्याकडे लावा;

त्वरेने येऊन मला सोडवा;

माझ्या आश्रयाचे खडक व्हा,

मला वाचवण्यासाठी बळकट दुर्ग व्हा.

2 दिगंतापासून मी तुमचा धावा करतो

माझे हृदय व्याकूळ झाले असताना;

तुम्हीच मला उंच खडकावर न्या.

11 ते मेंढपाळाप्रमाणे त्यांच्या कळपाचे संगोपन करतात:

ते कोकरांना त्यांच्या कवेत एकत्र करतात

आणि आपल्या हृदयाजवळ ठेवतात;

जे अजून पिल्ले आहेत, त्यांना ते सौम्यपणाने नेतात.

3 "याकोबाच्या वंशजांनो,

इस्राएलच्या सर्व अवशिष्ट लोकांनो, माझे ऐका,

तुम्ही जन्माला आल्यापासून मीच तुमचे संगोपन केले आहे,

आणि तुमच्या जन्मापासून मीच तुमची काळजी घेतली आहे.

4 वयस्कर होऊन तुमचे केस पांढरे होईपर्यंत

तो मी आहे, तो मी आहे जो तुम्हाला आधार देईल.

मी तुम्हाला निर्माण केले आहे व मी तुमचा सांभाळ करेन;

मी तुम्हाला आधार देईन व तुम्हाला सोडवेन.

15 म्हणून मुलांना जन्म देताना तिचे तारण होईल, ती नेमस्तपणाने विश्वास, प्रीती आणि पवित्रपण यामध्ये राहिल्याने हे होईल.

28 तिची मुले उठतात आणि तिला आशीर्वादित म्हणतात;

आणि तिचा पतीसुद्धा तिची प्रशंसा करतो:

1 मग आदामाने आपली पत्नी हव्वा हिच्याशी प्रीती संबंध केला, तेव्हा ती गर्भवती झाली आणि तिने काईन* नावाच्या मुलाला जन्म दिला. ती म्हणाली, "याहवेहच्या साहाय्याने मी एका पुरुषाला प्राप्त केले आहे."

1 यानंतर याहवेहने आपल्या म्हणण्याप्रमाणे साराहवर अनुग्रह केला आणि तिला दिलेले वचन पूर्ण केले. 2 साराह गर्भवती झाली आणि परमेश्वराने नियुक्त केलेल्या वेळी अब्राहामाला त्याच्या वृद्धापकाळात तिच्यापासून एक पुत्र झाला.

21 इसहाकाने याहवेहची प्रार्थना करून रिबेकाहला मूल देण्याची विनंती केली, कारण तिला मूल नव्हते. याहवेहने त्याची विनवणी ऐकली आणि त्याची पत्नी रिबेकाह गर्भवती झाली.

20 तेव्हा नेमलेल्या काळात हन्नाह गर्भवती झाली आणि एका पुत्राला जन्म दिला. तिने त्याचे नाव शमुवेल* असे ठेवले, ती म्हणाली, "कारण याहवेहकडे मी याला मागितले होते,"

1 जो परमोच्चाच्या आश्रयाखाली राहतो,

तो सर्वसमर्थाच्या सावलीत राहील.

2 मी याहवेहला म्हणेन, "तेच माझा आश्रय व माझा दुर्ग आहेत,

माझे परमेश्वर, ज्यांच्यावर मी भरवसा ठेवला आहे."

7 याहवेह सर्व अनिष्टांपासून तुला सुरक्षित ठेवतील—

आणि तुझ्या जिवाचे रक्षण करतील.

8 तुझे आता आणि सर्वकाळ येणे व जाणे,

यावर याहवेह बारकाईने लक्ष ठेवतील.

5 "मी तुला गर्भाशयात घडविण्याच्या पूर्वीपासून ओळखतो*,

तुझा जन्म होण्यापूर्वीच मी तुला समर्पित केले आहे;

आणि राष्ट्रांकरिता माझा संदेष्टा म्हणून तुझी नेमणूक केली आहे."

22 "कोणी मारामारी करीत असताना एखाद्या गरोदर स्त्रीला धक्का लागला व त्यामुळे तिचा गर्भपात झाला, पण तिला गंभीर इजा झाली नाही, तर तिचा पती मागेल व न्यायाधीश मान्य करेल तितकी रक्कम अपराध्याने द्यावी. 23 परंतु इजा जर गंभीर आहे, तर तुम्ही जिवाबद्दल जीव,

15 "आईला आपल्या दुधपित्या तान्ह्या बाळाचा विसर पडेल का

आपल्या जन्मदात्या मुलावरील तिची माया कधी आटेल का?

ती कदाचित विसरेल,

पण मी तुम्हाला विसरणार नाही.

11 विश्वासाद्वारे सारा देखील वृद्धापकाळात माता होऊ शकली. परमेश्वर आपल्या अभिवचनाप्रमाणे करतीलच हे तिला माहीत होते.

45 धन्य आहे ती, कारण प्रभूने तिला दिलेल्या वचनाची ते पूर्णता करतील असा तिने विश्वास ठेवला."

46 मरीया म्हणाली:

"माझा आत्मा प्रभूचे गौरव करतो

47 माझा आत्मा माझ्या तारणार्‍या परमेश्वरामध्ये आनंद करतो,

48 कारण आता त्यांनी त्यांच्या

दासीच्या लीन अवस्थेकडे दृष्टी टाकली आहे.

यापुढे सर्व पिढ्या मला धन्य म्हणतील.

49 कारण ज्या सर्वशक्तिमान परमेश्वराने माझ्यासाठी महान कृत्ये केली आहेत,

त्यांचे नाव पवित्र आहे.

9 ते निपुत्रिक गृहिणीला तिच्या घरात स्थिरावतात,

आणि तिला मुले देऊन आनंदी माता बनवितात.

याहवेहचे स्तवन करा.

16 मी तिला आशीर्वाद देईन आणि तिच्यापासून तुला निश्चितच एक पुत्र देईन. मी तिला आशीर्वादित करेन आणि तिला अनेक राष्ट्रांची माता करेन; तिच्यातून लोकांचे राजे उत्पन्न होतील."

3 तुझी पत्नी तुझ्या घरात

सफल द्राक्षवेलीसारखी होईल;

तुझी मुले तुझ्या मेजाभोवती

जैतुनाच्या रोपांसारखी होतील.