Gravidez e maternidade

14 ఇతర ప్రజలకన్నా అధికంగా మీరు ఆశీర్వదించబడతారు; మీలో పురుషులలో కాని స్త్రీలలో కాని సంతానలేమి ఉండదు, మీ పశువుల్లో కూడా ఉండదు.

7 అయితే ఇశ్రాయేలీయులు అత్యధికంగా ఫలించారు; వారు గొప్పగా విస్తరించారు, అభివృద్ధి చెందారు, వారి సంఖ్య అంతకంతకు అభివృద్ధి పొంది వారున్న ప్రదేశం వారితోనే నిండిపోయింది.

2 వారి పిల్లలు భూమిపై బలవంతులుగా ఉంటారు;

యథార్థవంతుల తరం దీవించబడుతుంది.

13 నా అంతరంగాన్ని మీరు సృష్టించారు;

నా తల్లి గర్భంలో మీరు నన్ను ఒక్కటిగా అల్లారు.

14 నేను అద్భుతంగా, ఆశ్చర్యంగా సృజించబడ్డాను కాబట్టి మీకు కృతజ్ఞతాస్తుతులు చెల్లిస్తున్నాను.

మీ క్రియలు ఆశ్చర్యకరమైనవి,

అది నాకు పూర్తిగా తెలుసు.

15 రహస్య స్థలంలో నేను రూపొందించబడినప్పుడు,

భూమి అగాధ స్థలాల్లో నేను ఒక్కటిగా అల్లబడినప్పుడు,

నా రూపము మీ నుండి మరుగు చేయబడలేదు.

16 నేను పిండంగా ఉన్నప్పుడు మీ కళ్లు నన్ను చూశాయి;

నాకు నియమించబడిన రోజుల్లో ఒక్కటైనా రాకముందే

అవన్నీ మీ గ్రంథంలో వ్రాయబడ్డాయి.

3 పిల్లలు యెహోవా ఇచ్చే స్వాస్థ్యం,

గర్భఫలం ఆయన ఇచ్చే బహుమానం.

9 నేను ప్రసవవేదన కలిగించి

జన్మనివ్వకుండా ఉంటానా?"

అని యెహోవా అడుగుతున్నారు.

"పుట్టుక వరకు తీసుకువచ్చి

గర్భాన్ని మూస్తానా?"

అని నీ దేవుడు అడుగుతున్నారు.

13 నన్ను బలపరిచే ఆయనలోనే నేను ఇవన్నీ చేయగలను.

9 అందుకు, "నా కృప నీకు చాలు, బలహీనతలో నా శక్తి పరిపూర్ణమవుతుంది" అని ఆయన నాతో చెప్పారు. అందువల్ల క్రీస్తు శక్తి నా మీద నిలిచి ఉండేలా నా బలహీనతల్లోనే నేను గర్విస్తాను.

2 మీరు నా వైపు చెవియొగ్గి,

నన్ను విడిపించడానికి త్వరగా రండి;

నా ఆశ్రయదుర్గమై,

బలమైన కోటవై నన్ను కాపాడండి.

2 భూదిగంతాలలో నుండి నేను మీకు మొరపెడతాను,

నా హృదయం క్రుంగినప్పుడు నేను మొరపెడతాను;

నాకన్నా ఎత్తైన కొండ వైపు నన్ను నడిపించండి.

11 గొర్రెల కాపరిలా ఆయన తన మందను మేపుతారు;

తన చేతితో గొర్రెపిల్లలను చేర్చుకుని

తన హృదయానికి ఆనించి వాటిని మోస్తారు;

పాలిచ్చే గొర్రెలను ఆయన నెమ్మదిగా నడిపిస్తారు.

3 "యాకోబు వారసులారా, నా మాట వినండి,

ఇశ్రాయేలు ప్రజల్లో మిగిలిన వారలారా, నా మాట వినండి,

మీ పుట్టుక నుండి నేను మిమ్మల్ని నిలబెట్టాను,

మీరు పుట్టినప్పటి నుండి నేను మిమ్మల్ని మోసాను.

4 మీ వృద్ధాప్యం వరకు, వెంట్రుకలు తెల్లగా అయ్యేవరకు

నేను, నేనే మిమ్మల్ని నిలబెడతాను.

నేనే మిమ్మల్ని చేశాను, నేనే మిమ్మల్ని మోస్తాను.

నేనే మిమ్మల్ని నిలబెడతాను, నేనే మిమ్మల్ని రక్షిస్తాను.

15 అయితే స్త్రీలు వివేకం కలిగి విశ్వాసంలో, ప్రేమ, పరిశుద్ధతలో కొనసాగుతూ జీవిస్తే, పిల్లలను కనుట ద్వారా వారు రక్షించబడతారు.

28 ఆమె పిల్లలు లేచి ఆమెను ధన్యురాలు అని పిలుస్తారు;

ఆమె భర్త కూడా, ఆమెను పొగడ్తారు:

కయీను హేబెలు

1 అటు తర్వాత ఆదాము హవ్వను లైంగికంగా కలుసుకున్నప్పుడు ఆమె గర్భవతియై కయీనుకు* జన్మనిచ్చింది. "యెహోవా సహాయంతో నేను కుమారున్ని సంపాదించుకున్నాను" అని ఆమె అన్నది.

ఇస్సాకు పుట్టుక

1 యెహోవా తాను చెప్పినట్టే శారా పట్ల కృప చూపించారు, శారాకు వాగ్దానం చేసినట్టే యెహోవా చేశారు. 2 సరిగ్గా దేవుడు వాగ్దానం చేసిన నిర్ణీత కాలంలో శారా గర్భవతియై, వృద్ధాప్యంలో ఉన్న అబ్రాహాముకు కుమారున్ని కన్నది.

21 రిబ్కాకు సంతానం కలుగలేదు కాబట్టి ఇస్సాకు ఆమె గురించి యెహోవాకు ప్రార్థన చేశాడు, యెహోవా అతని ప్రార్థనకు జవాబిచ్చారు, అతని భార్య రిబ్కా గర్భవతి అయ్యింది.

20 అలా కొంతకాలం గడిచాక హన్నా గర్భవతియై ఒక కుమారుని కన్నది. "నేను అతని కోసం యెహోవాను అడిగాను" అని అంటూ ఆమె అతనికి సమూయేలు* అని పేరు పెట్టింది.

1 మహోన్నతుడైన దేవుని చాటున నివసించేవారు

సర్వశక్తిమంతుని* నీడలో స్థిరంగా ఉంటారు.

2 యెహోవా గురించి నేను చెప్పేదేమంటే, "ఆయనే నా ఆశ్రయం నా కోట,

నా దేవుడు, ఆయననే నేను నమ్ముకున్నాను."

7 సమస్త హాని కలుగకుండా యెహోవా నిన్ను కాపాడతారు

ఆయన నీ ప్రాణాన్ని కాపాడతారు.

8 ఇప్పటినుండి నిరంతరం నీ రాకపోకలలో

యెహోవా నిన్ను కాపాడును.

5 "గర్భంలో నేను నిన్ను రూపించక ముందే నీవు నాకు తెలుసు,

నీవు పుట్టకముందే నేను నిన్ను ప్రత్యేకపరచుకున్నాను;

దేశాలకు నిన్ను ప్రవక్తగా నియమించాను"

అని చెప్పింది.

22 "ఒకవేళ ప్రజలు పోట్లాడుకుంటూ గర్భవతియైన స్త్రీని కొట్టినప్పుడు ఆమె అకాల జన్మనిస్తే* ఆమెకు గర్భస్రావమై మరి ఏ ఇతర గాయాలు కాకపోతే, దానికి కారణమైనవాడు ఆమె భర్త అడిగిన నష్టపరిహారాన్ని న్యాయాధిపతులు నిర్ణయించిన ప్రకారం చెల్లించాలి. 23 తీవ్రమైన గాయాలు అయినప్పుడు మీరు విధించవలసిన శిక్షలు: ప్రాణానికి ప్రాణం

15 "తల్లి తన చంటిబిడ్డను మరచిపోతుందా?

తాను కన్న బిడ్డ మీద జాలిపడకుండ ఉంటుందా?

తల్లియైన మరచిపోవచ్చు కాని

నేను నిన్ను మరవను!

11 వాగ్దానం చేసినవాడు నమ్మదగిన వాడని శారా నమ్మింది కాబట్టి శారాకు పిల్లలను కనే వయస్సు దాటిపోయినా, విశ్వాసం ద్వారానే ఆమె* బిడ్డను కనగలిగింది.

45 ప్రభువు తనకు చేసిన వాగ్దానం తప్పక నెరవేరుతుందని నమ్మిన స్త్రీ ధన్యురాలు!" అని చెప్పింది.

మరియ గీతం

46 అందుకు మరియ:

"నా ఆత్మ ప్రభువును మహిమపరుస్తుంది.

47 నా రక్షకుడైన దేవునిలో నా ఆత్మ సంతోషిస్తుంది.

48 తన సేవకురాలి దీనస్థితిని

ఆయన గమనించారు.

ఇది మొదలుకొని తరతరాల వారు నన్ను ధన్యురాలు అంటారు,

49 ఎందుకంటే మహాఘనుడు నా కోసం గొప్ప కార్యాలను చేశారు,

పరిశుద్ధుడని ఆయనకు పేరు.

9 అతడు సంతానం లేని స్త్రీని

తన ఇంట్లో సంతోషంగా ఉన్న తల్లిగా స్థిరపరుస్తారు.

యెహోవాను స్తుతించండి.

16 నేను ఖచ్చితంగా ఆమెను ఆశీర్వదిస్తాను, ఆమె ద్వార నీకు కుమారున్ని ఇస్తాను. ఆమె జనాంగాలకు తల్లిగా ఉండేలా తనను ఆశీర్వదిస్తాను; అనేక జనాంగాల రాజులు ఆమె నుండి వస్తారు."

3 మీ ఇంట్లో మీ భార్య

ఫలించే ద్రాక్షతీగెలా ఉంటుంది;

మీ భోజనపు బల్లచుట్టూ మీ పిల్లలు

ఒలీవ మొక్కల్లా ఉంటారు.