Preocupação
A preocupação é uma das maiores armadilhas da vida moderna. Jesus ensinou que a ansiedade nada acrescenta à nossa vida e nos convida a confiar na provisão do Pai celestial.
Não se preocupe
Jesus disse: não andeis ansiosos pela vossa vida. O Pai celestial sabe do que precisamos e cuida de nós com ternura e fidelidade.
"Mweyo, naa mi ambera ci mwa cithzekera yo mwoyo wenu ci ine mwa ku dya nji ku nwa, nji ci ine mwa ku vata. Ene mwoyo ne kadi ukuru mu thsivaka kupita edya, nerama ikuru mu thsivaka kupita evata?
"Mweyo, mwa cithzekera ne honi keyi yo peunthza, inene diyuwa dyo peunthza kenge dya ku keya necithzekera yadyo. Diyuwa no diyuwa di di no mapacaca adyo.
Mbuto thzo ku wera mu makona, thzaa cipitura no munu o ku yuva diywi, unone ecoyoka yo uno mwoyo netumaura yo rufumo yaa di kwangithsa ci dikare no ima.
Ou ya kwamaharire yoihe eyi, tukore na tukore twanu twa ciwanawanine ku ninga ci mane shime aa cidyatadyata ku mauru. Yesu wa amberire tango erongwa yenthzi ci: "Mu mamere mamene Afarithsi, ao mahetaheta o. Kwithsa ethsi thsi na thsikiwa ethsi thsa kukana ku thsikuriwa, kwithsa thso ku horekiwa ethsi thsa kukana ku hokoriwa. Mweyo, eyi mu na ambera mu mirema kenge ya ku yuviwa mutenya, eyi mu na yaayera ku mukunda mu tupingwethzi kenge ya ku kuereriwa peuru thzetuwa yo manthzio.
"Naa mi tongwera amwe mwambushange, mwa yapa awo o kwipaa erama, uno honi munyima thzeyo kwithsa karo ethsi nga a twethsa ku kwama thso kupita ethso. Unone kenge ni mi tongwera oyu mu na roera ku yapa, mu yape Nyambi aye oyu o di nokoro o kwipaa erama no ku i konthzera mu dihere, ii, oyo po yo mu na roera ku yapa. Kadi tundumbu to mutanu twaa urithsiwa ko tuwayawaya twidi? Unone kwithsa shaanga kofoci ku kwato aka a na vurama Nyambi. Shaanga huki thzo ku mitwi thzenu thzi na tariwa. Mweyo, mwa yapa! Amwe po mwaa shimiwa nene kupita tundumbu totungi.
"Naa mi tongwera ci munu yomuhe o ku pa ombangi keyi yange pa meho anu, Mwana Munu naye kenge a ku pa ombangi keyi yenthzi pa meho o tungeru twa Nyambi. Unone o ku ni hamura pa meho anu kenge mba a hamuriwa pa meho o tungeru twa Nyambi. Munu yomuhe o ku amba thsothsimango kwa Mwana Munu kenge a ku teteriwa, unone o ku yengwera Mupepo Oukenu mbera ka a teteriwa.
"Ou a ku mi twara mu masinagoge no ku manguvuru nakwakutumina ku ka mi thzekithsa mwa ku cithzekera omu mwa ku ka citawerera nji eyi mwa ku ka amba. Inene Mupepo Oukenu kenge a ku mi rongithsa mwethso thsikati eyi mwa ku ka amba yoihe."
Munu yumweya mu mbunga wa amberire Yesu ci: "Murongithsi, o ambere mukurwange a ni ere ku rufumo oru a thsiire tata."
Yesu wa mu tawire ci: "Shadi, oyu naa ni pa okoro o ku ratura no ku era rufumo ne edye?" Ngou a wa amberire ci: "Mu mamere! Mu cinyunge ku mishovo thzothzihe thzo rununa, inene mwoyo po ka u di mweyi a na fumu munu."
Wa shumunineko ko ku wa tera kathsimo ci: "Munu yumweya o fumanyi wekarire no dikanda dyo muve o wiro omu a wanine edya yoingi. Wa cipurire yothsinda ci: ‘Ngepi ni tenda? Ka ni di nomu mo ku paka edya yange yoihe.’
"Wa ambire ci: ‘Kenge na ku kwama kenge, kenge na ku umburura eshete yo kare no ku umba yoikuru honi, na ku pakemo vuroto wange netere yange yoihe. Wangu na kwikare pashi no ku ciambera nothsinda ci: "Ame no munu o thsiyauthzi ni di nenu yoingi eyi ya ku shimba myaka thzothzingi kadi ya ku pwa. Ni turumwithse honi, ni dye, ni nwe, ni cikore." ’
"Unone Nyambi wa mu amberire ci: ‘Owe thsitomba! Ouno othsiku waa fa, edye oyu o thsiera yoihe eyi no kwama?’ "
Yesu wa manenenine ku amba ci: "Dyo i di no ku munu o ku cungumekera rufumo unone ka a di no rufumo rweyi ya Nyambi."
Yesu wa amberire erongwa yenthzi ci: "Mweyo, naa mi ambera ci mwa cithzekera yo mwoyo wenu ci ine mwa ku dya, nji yerama yenu ci ine mwa ku vata. Inene mwoyo po ukuru mu thsivaka kupita edya, nerama ikuru mu thsivaka kupita evata. Mu mone mañwarara. Ka a dima nji ku cora, ka a wana etaravo nji eshete. Unone Nyambi aa a rera, amwe po mwakuru nene mu thsivaka ku pita enyunyi. Edye ku kwenu o ku twethsa ku shumuna shaanga thsitunde thsofoci ku mwoyo wenthzi ko ku cithzekera? Ngeci mwaa kwanga enu yoionye kengeyo, ine yo ku coyokera enu yoshokuru?
"Mu mone matemo o mu murundu edi a kura. Ka a fuyuka ku kwama nji ku hota wanda, unone naa mi tongwera ci shaanga Fumu Solomoni mu kutethzima kwenthzi kokuhe ka ekarire nekoveyo yoiwa eci aa matemo. Ngeci Nyambi aa twethsa ku vateka kengeyo muhonyi o mu murundu o kuninga ci rero ko u di, peunthza waa kuheriwa mu dirungu ne, ene nga ka a twethsa ku mi yenga amwe? Mayuwane amwe mwanu mwa shopu thsitawo!
"Karo mwa cithzekera ci ine mwa ku dya nji ci ine mwa ku nwa, mwa cishupwathzeka enu yo kengeyo. Inene eyi yoihe po yodiyo a na randarandanga anu o kaye. Unone Tata wenu po o na dimuka ci yaa fotahara ku kwenu eyi. Uno honi mu fote Kutumina kwenthzi, aye kenge a ku mi pa yoihe eyi enu.
"Wa yapa owe o mutangaana, inene Tata wenu po i na mu nyanyukithsa yo ku mi pa Kutumina. Mu urithse eyi mu di nayo, ao madi mu a pe ahepwe. Mu cipakere epaupau yo kukana ku kurupara, rufumo ro mu wiru ro kukana kwipa, kwithsa mwithzi oyu nga thzako nji ku rwipithsa menje. Oku ru di rufumo rwenu, no micima thzenu kodiyo thzi di.
"Mu ange miya thzenu thzi tanare, karo mu muneke tumbarambara twenu no ku ciroithsera yoihe eyi ya ku mi keyera. Mu cipiture eci anu o ku taterera ñathsire wo ci a ka huke ku ka tunda ku thsidika thso wenga, ci popahe apa a ka hukera kamona ayepo ngongomona, a yokorore ku mu yanthzurwera. Akwathsiyauthzi angamba awa a ku na wana ñathsire wo o kwa kenga ou a ku kuma. Naa mi tongwera yoshemwa ci kenge a ku honya thsikoveyo no ku wekarithsa ku tafure a ku wa ere edya. Awo angamba kenge a kwikara no thsiyauthzi ou a ku na wa wana o kwa kenga ou a ku keya pa kaci kothsiku nji ruura.
"Mu dimuke ci thsinda thsa nthzio nga aa dimukanga thsikati ethsi a keya mwithzi, nga tumba a thsierera mwithzi o ku tuva nthzio thzenthzi. Namwe karo mu ciroithsere, inene ame no Mwana Munu kenge na ku keya thsikati ethsi mu na kana ku dimuka."
Peturu wepurire ci: "Fumu, aka kathsimo ne waa ka tera atwe pohuma nji nanu amweya?"
Fumu wa mu tawire ci: "Edye mupika o munu shemwa nonyanyami, oyu a ku pa ñathsire wenthzi ku endithsa nthzio thzenthzi no ku eranga aenthzenthzi apika edya ko thsikati ethsi thsi na roera? Oyo mupika oyo kenge a kwikara no thsiyauthzi ngeci waa ku na mu wane ñathsire wenthzi o ku tendanga kengeyo, ou a ku ka huka. Naa mi tongwera yoshemwa ci oyo mupika kenge a ku mu pa ku endithsa rufumo rwa ñathsire wenthzi roruhe. Unone honi ngeci oya ngamba waa ku ambe mu mucima wenthzi ci, ‘Ñathsire wange kure a di no ku keya,’ ayepo tateka ku dikauranga aenthzenthzi apika wakwerume nambuyama no ku dya no ku nwa no ku penda. Ñathsire wenthzi diyuwa edi a ku kuma ko thsiundumukera o ku na kana ku dimuka, oya mupika kenge a ku na mu cinaura tupinthzipinthzi no ku mu paka mofoci nakwakukana ku tawa.
"Mupika o ku dimuka eyi a shima ñathsire wenthzi ci nga na i tende, unone kadi wa ku i ciroithsera ku i tenda, kenge a ku piwa humbithso thzo ku furiwa nene. Unone honi oyu na kana ku dimuka, ngeci ayepo tenda eyi i na roera ku piwera humbithso, kenge a ku piwa humbithso thzothzionye. Oyu na piwa yoingi ku kwenthzi ku na tatereriwa ku wanako yoingi pa ku huthsa, oyu naa piwa ekwama yoikuru kenge kwa ku fotiwa yoingi ku kwenthzi.
"Kuma na ni keyera ku na fakara mudiro mu kaye, naa cikumbwethza ci nga u na yuuma kare. Ni di no korovethzo ethzi ni na roera ku korovethziwa, naa thzi cithzekera shime ou thza ku pwa. Ene mwa anekera ci naa keyera ku reta thsiyaro pano pa kaye? Dyombo, naa keya ku na tepa anu. Ku tunda pano mikuta thzothzingi kenge thza ku citepa, akwa mutanu mu dira dyo kenge a ku citepa, ahatu a ku thzimbe aidi, nawo aidi a ku thzimbe waya ahatu.
"Mushemi o mukwerume a ku thzimbe mwanenthzi o mukwerumeana, naye mukwerumeana a ku thzimbe tata wenthzi, mushemi o mbuyama a cithzimbe na mwanenthzi o mbuyamaana, naye mbuyamaana a thzimbe mama wenthzi, ngumwenya munu a cithzimbe na munu wa mwanenthzi, naye munu wa mwanenthzi a thzimbe mama wa munuwenthzi."
Yesu wa thsiurukerire ku mbunga no ku amba ci: "Kamona mu mona mavui o kwa tunderera mu mutoko, mwaa ninga ci mvura pepi a di no ku roka, karo yaa dikara kengeyo. Yoihe mu yuva mupepo o ku u pepa ku tunderera mu mboera mwaa amba ci: ‘Kenge ku pya’, karo yoshemwa dyo ikara. Amwe mwakwamahetaheta! Mwaa kenga pashi no ku wiru no ku dimuka thsikati thso mwaka, mwaa kwanga ngepi ku dimuka yo thsino thsikati edi ya kwikara?
"Ngepi dyo ku kwanga ku hangura eyi i na roera? O ku thza na mukwathsithzimbo thsoe ku kuta, o ereke nene ku ciyuva nenthzi mu dikuñwa. Inene kamona ayepo ka ku kumithsa kwa mukwakuratura, mukwakuratura aye kenge a ka kwithsera tupathso otu tu ka ku twara mu kamenga. Naa ku tongwera ko wa ku tundamo shime ou wa ku manenena ku kura murandu ouhe."
Entregar a ansiedade a Deus
Lançar sobre o Senhor toda ansiedade é um ato de fé. A paz de Deus, que excede todo entendimento, guarda nosso coração e mente.
Mwa cithzekera thsimweya, unone mwinu yoihe mu rombere no ku romba kokanderero ci eyi mu fota i dimukiwe kwa Nyambi. Thsiyaro thsa Nyambi ethsi thsi na piterera kuyuvithsithsa kokuhe, kenge thsa ku nyunga micima no maano enu mwa Krisitu Yesu.
Mu pe ecithzekera yenu yoihe kwa Nyambi, inene aa mi nyunga.
A paz de Cristo
Jesus prometeu sua paz — não como o mundo dá, mas uma paz que transcende as circunstâncias e silencia o medo.
"Naa mi thsiera thsiyaro, naa mi pa thsiyaro thsange. Ka ni mi pire eci edi a na panga anu o kaye. Mwekara no thsorokoto ku micima nji ku yapa.
Yesu ngou a wa amberire ci: "Mwa cithzekera mu micima thzenu. Mu tawe kwa Nyambi no ku tawa noku ku kwange kengeyo.
Ou a ku mi kwata no ku mi twara ku ka mi thzekithsa, mwa ku cithzekera ci ine eyi mu ka amba. Mwa ku ka ambe pohuma eyi mwa ku ka piwa mwethso thsikati, inene kadi yamwe mwa ku ka amba, unone Mupepo Oukenu.
Confiança na provisão divina
Deus é poderoso para suprir abundantemente. O choro pode durar uma noite, mas a alegria vem pela manhã. Sua graça basta.
Nyambi aa twethsa ku mi monithsa thsihemo thsothsihe, ci mwinu yoihe thsikati thsothsihe mwikare nenu yoihe eyi i na fotahara, mane mwikare neyi yoingi yo ku twethsa ku mi kwathsa mwikwama yoihe yoiwa.
Na yuvire diywi dyodikuru ku tunderera ku ngunja ci: "O mone, ndau omu a tunga Nyambi mu kaci kanuenthzi thzi di honi, karo kenge a ku yoyano. Kenge a kwikarano, karo kenge a kwikara anuenthzi, karo aye Nyambi kenge a kwikara Nyambi wo. Kenge a ku porora mihothzi thzothzihe ku meho o. Ka kwa kwikara kufa nji thsidiro nji kudira nji kukora, inene enu yo kare i na pu."