Preservação das escrituras

35 Agir mǝnana a bumkuli andǝa mǝnana a nzali ka teà nǝ̀ malâ, sǝ cau mem ngga tè pà nǝ̀ mal ɗang.

18 Ən nggǝ na wun mǝsǝcau, ɓǝ̀ kùli andǝ nzali ka tea mal raka, kǝ muna-cau pà kàm, sǝ ɓè kǝgìr bǝti pà kàm aɓa Nggurcau mala Musa mǝnana nǝ̀ ndǝrmi ka ɗàng, she ɓǝ̀ nê malea kat lùmsǝ̀nà ka.*

24 Amur mǝnia ka, à gilǝ ama,

<<Ɓwapǝndǝa kat ka,

à nda kǝla bondo,

aɓoarɓwa malea kat ka,

à nda kǝla apwasǝo-bondo;

bondo kǝ wuli,

sǝ pwasǝe kǝ kpa,

25 sǝ cau mala Mǝtalabangŋo ka,

masǝlǝate pà kàm ɗàng.>>*

Sǝ mǝnia yì cau ka, nda Cau Amsǝban mǝnana à hamba wunì ka.

23 *Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗàng, pur aɓa mǝsǝɓeale mala cau mǝyilǝmuì mala Ɓakuli, yì cau male mana tè malkiyi raka. 24 Amur mǝnia ka, à gilǝ ama,

<<Ɓwapǝndǝa kat ka,

à nda kǝla bondo,

aɓoarɓwa malea kat ka,

à nda kǝla apwasǝo-bondo;

bondo kǝ wuli,

sǝ pwasǝe kǝ kpa,

25 sǝ cau mala Mǝtalabangŋo ka,

masǝlǝate pà kàm ɗàng.>>*

Sǝ mǝnia yì cau ka, nda Cau Amsǝban mǝnana à hamba wunì ka.

20 Gìr mǝnana kutibanì kat ka, wu sǝlǝ ama ɓekǝ ɓangnǝa pa kàm aɓa Malǝmce mǝnana pur nǝ ɓá mǝngicau mala mǝɓangnǝa ka ɗàng. 21 Acemǝnana na gi Ɓakuli ka, kǝ pur aɓa kani mala mǝɓangnǝa ɗang. Amǝno yì amǝ’ɓangnǝa ka, Bangŋo Mǝfele na gingnǝia sǝ à nacau mǝnana pur nǝban Ɓakuli ka.

Ɓakuli nacau nǝ mburkun amǝ’ɓangnǝa male

1 A pwarian ngga, Ɓakuli nacau nǝ aká sǝm kusǝ pas arǝ anjargula ɗàngɗáng, nǝ mburkun amǝ’ɓangnǝa male. 2 Sǝ a masǝlǝata nza man ngga, yi nacau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka. 3 Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ’rǝcandǝe sǝ bwal agirbunda kat a banɓwáná.

Anzǝm mana yi langŋǝna acauɓikea ma’sǝm ngga, pǝlǝa do a kùli a bù-mǝlì mala Ɓakuli mǝnana Karban kat ka.

14 Mǝnia yì Cau ka

yi duk ɓwamǝpǝndǝe,

sǝ yi duk zuku aɓalǝ sǝm.

Sǝm sǝna gulo male,

gulo mala kǝ̀ Muna

mwashat ɓǝ̀rɓǝ̀r, mana pur

nǝban Tárrí Ɓakuli ka,

lùmsǝo nǝ ɓwamuru

andǝ mǝsǝcau.

8 Cau mala Amsǝban mǝnana à nǝ̀ kumi nǝ gūlì arǝ Kǝrǝsti, mana nda cau mǝnana sǝm nggǝ hamnǝi ka, pà kuko ɗàng. Yàle Malǝmce mala Ɓakuli ka bang ama: <<Ceì ka nda a bano tù, nda a mburkuno, sǝ nda a ɓabumo.>>*

17 Ace mani ka, paɓamuru ka kǝ yiu aɓa ok cau mala Ɓakuli, yì Cau Amsǝban mala Kǝrǝsti mǝnana à hamnǝi ka.* 18 Sǝ ǝn ɗiban nǝma: nggearǝì ka, à ok ce re? E, à ongŋǝna. Malǝmce ka bang ama:

<<Cau ka angŋǝna ɓanza kat,

acau malea kutikina arǝ aban,

kya bwal masǝlǝata ɓanza.>>*

4 Agir mǝnana à gilǝia kat aɓa Malǝmce ɗiɗyal ka, à gilǝia ace kwarkir sǝm, ace mǝnana nǝ́ gandǝrǝu andǝ ɓakɓabum mana sǝm nǝ̀ kùmô aɓa cau mala Malǝmce ka, sǝm nǝ̀ dumnǝ tsǝkɓalǝu.*

6 Amǝnia yì anzongcau mana ǝn nggǝ hamba wun nǝia yalung ngga, dumǝna púp wun nǝ̀ tsǝia a ɓabum wun. 7 Wu kànî amuna ma’wun nǝ tsǝkiru. Wun nǝ̀ nggǝ bangcau amúrià lang wu dumnǝdo a ɓala, sǝ aban gya amur njar, sǝ a ban nongŋo ma’wun, sǝ lang wu loapi ntulo ka. 8 Wu kùria a myalbu wun kǝla gìr’lǝmdǝa, sǝ a kúndǝm wun a nre ka amǝsǝ wun. 9 Wu gilǝia amur anggun-kúnakurǝm mala aɓala ma’wun sǝ arǝ akunɓala ma’wun.

Nunkiru amur ɗwanyi okiru

Musa lidǝmba nǝ ne amǝ Isǝrayila cau ama:

19 Ən nggǝ zǝmba ama ɓǝ̀ wu súrǝ̀ earcearǝu mala Kǝrǝsti, mǝnana gul kǝ̀rkǝ́r, à pà nǝ̀ gandǝ bwalte kat raka, ace mǝnana ɓǝ̀ wu kum lùmsǝo pepe nǝ pa mala Ɓakuli arǝ anjar kat.

3 Mǝnia ka ndanǝ ɓoaro, sǝ kǝ pwasǝbum Ɓakuli Mǝ’amsǝ sǝm, 4 mǝnana eare male na koyan ngga, ɓǝ̀ kum àwá sǝ ɓǝ̀ súrǝ̀ mǝsǝcau ka.