Preservação das escrituras
A Palavra de Deus permanece para sempre. As Escrituras foram preservadas por Deus ao longo dos milênios para instrução, consolação e guia de todas as gerações.
A Palavra eterna
Céus e terra passarão, mas as palavras de Deus jamais passarão. Sua Palavra é eterna, infalível e imutável — a verdade que sustenta tudo.
Diyilu ayi ntoto biela vioka vayi mambu mama malendi vioka ko !
Bila bukiedika ndikulukamba : sumbu Diyilu ayi ntoto bikidi zingi buna kadi kima kimosi kilendi botolo ko mu Mina ; ka diambu ko sono kimosi kifioti. Vayi nate mamoso mela vangama.
Bila disonama ti :
Woso mutu widi banga kiti ki nsitu
Nkembo woso wu batu widi banga teka ki zitsola
Kiti kieti yuma ayi teka kiandi kieti bua.
Vayi mambu ma Pfumu manzingilanga mu zithangu zioso.
Muaki mambu beni wawu Nsamu Wumboti wowo balulonga.
beno lubutuka mbutuka yimona, bika sia ti mu lulendo lu nkuna weti fuanga vayi mu lulendo lu nkuna wowo ka wufuanga ko ; mu mambu ma moyo ma Nzambi, momo madi mu zithangu zioso. Bila disonama ti :
Woso mutu widi banga kiti ki nsitu
Nkembo woso wu batu widi banga teka ki zitsola
Kiti kieti yuma ayi teka kiandi kieti bua.
Vayi mambu ma Pfumu manzingilanga mu zithangu zioso.
Muaki mambu beni wawu Nsamu Wumboti wowo balulonga.
A inspiração divina
Toda Escritura é inspirada por Deus. Homens santos falaram da parte do Senhor, e a Palavra escrita é a expressão fiel da vontade divina.
Mu mamo momo bika lutuama zaba ti kadi mutu wumosi kalendi sudikisa ko kadi mbikudulu yimosi yi masonoko mu diela diandi veka. Bila mbikudulu yiyizilanga mu luzolo lu mutu ko vayi batu banlongo ba Nzambi bayoluka bu badiatusu kuidi pheve Yinlongo.
Nzambi wukimonikisa mu Muanꞌandi
Mu zikhumbu ziwombo ayi mu zinzila ziwombo, Nzambi wuyolukila mutsi khulu, bakulu beto mu nzila yi mimbikudi. Vayi mu bilumbu biabi bi tsuka Nzambi wutuyolukila mu Muanꞌandi, mutu wowo kabieka mvingidi wu bima bioso ayi mu niandi kavangila bima bioso. Muana beni wulembo monikisa lezama ku nkembo wu Nzambi ayi niandi mfikula yimonisa bumboti bumutu buandi. Niandi weta kindisa bima bioso mu mambu mandi ma lulendo. Bu kamanisa kubika tsukudulu yi masumu ; buna wuvuanda ku Diyilu va koko ku lubakala lu Nzambi, nkua ngolo yoso.
Diambu dikituka nsuni ayi diyiza zinga va khatitsikꞌeto. Beto tumona nkembo andi ; banga nkembo wu Muana wumosi kaka wowo wuba kuidi Tata. Nkembo beni wuba wuwala mu nlemvo ayi mu kiedika.
A Palavra como guia e tesouro
A Palavra de Deus é lâmpada para os pés, espada do Espírito e tesouro para o coração. Guardá-la e meditá-la nos protege do pecado.
Ndisimbidila mambu maku mu ntimꞌama
mu diambu ndibika vola masumu kuidi ngeyo.
Zitsongolo zizole zi Nzambi
Diyilu dieti samuna nkembo wu Nzambi
ayi matuti meti yamikisa kisalu ki mioko miandi.
Kadika Lumbu kinyamikisa mambu beni
kuidi lumbu kinkaka ;
ayi builu bumosi bueti ma zabikisa
kuidi builu bunkaka.
Kuisi ko mambu mayoluka voti mambu masadila ;
Kunkambu wakana zimbembo ziawu.
Zimbembo ziawu zieti wakana va ntoto wumvimba.
Mambu mawu beti yoluka
meti tula nate ku sukisina nza.
Ku diyilu katungila nzo yi ngoto
mu diambu di thangu :
Yawu yidi banga dibakala dikuela
dintotuka va ntuala vinga kiandi,
banga dikesa, dieti mona khini mu zawula thinu ;
Yintotukilanga ku tsongi yi Diyilu,
bosi ku tsongi yinkaka
kuawu kamanisinanga nzietolo andi.
Kuisiko kima kinsuamanga va ntuala diamu diandi.
Mina mi Yave midi mifuana,
mieti vananga diaka muela luzingu
Zinzengolo zi Yave zidi zi kiedika
Zinkitulanga mutu wu phamba mutu wu nduenga.
Minsiku mi Yave midi mi songa,
minyangidikanga ntima.
Zithumunu zi Yave zidi zivedila,
zinkienzulanga meso.
Mambu ma Yave madi mavedila banga palata
kioki bavedisidi mu mbazu,
kivedosolo mu tsambuadi di zikhumbu.
Yave ngeyo wela kutu keba mu luvovomo
wela kutu kaka mu diambu di ntindu wu batu baba,
mu thangu yi kayimani.
Vayi mbi dintuba e ? Mambu ma Nzambi mafikimini ; madi mu munuꞌaku ayi mu ntimꞌaku.
Mambu mama madi mambu ma minu ayi mawu tueti longa.
Diawu minu kieti kuizila mu mambu momo tueti wa ayi momo tueti wa meti kuizila mu mambu ma Klisto.
Vayi minu thubidi : basia wa ko e ? Nyinga, bawa kuawu bila dusonama ti :
Zimbembo ziawu ziwakana va ntoto wumvimba
mambu mawu mayenda nate mu zitsongi zi nza yimvimba.
Bila mambu moso mama masonama thama, masonimina mu Minkanda mu diambu di kutulonga muingi tubaka diana mu mvibudulu ayi mu lubombolo lueti totukilanga mu masonoko.
ayi zabila luzolo beni ti luawu luviatukidi nzayulu yoso ayi muingi luba bafuluka mu kinzambi kioso ki Nzambi.
Bila didi diambu di mboti ayi di monisanga Nzambi, Mvulusi eto, khini. Niandi tidi ti batu boso bavuka ayi batula ku diela di zabila mambu ma kiedika.