Protecção e segurança

Ka̱shile kaꞋa ubuta̱ u kusheɗeku n katsura ka̱ tsu

1 Ka̱shile kaꞋa ubuta̱ u kusheɗeku u tsu n katsura ka̱ tsu,

a makyan dem ufoɓushi u ɗa wi u ɓa̱nka̱ tsu a ayin atakaci.

Ka̱shile kaꞋa ubuta̱ u kusheɗeku n katsura ka̱ tsu

1 Ka̱shile kaꞋa ubuta̱ u kusheɗeku u tsu n katsura ka̱ tsu,

a makyan dem ufoɓushi u ɗa wi u ɓa̱nka̱ tsu a ayin atakaci.

Ida̱shi a̱ kulu ku vuza vu utsura dem,

1 Vuza na baci wi a̱ ida̱shi a̱

a̱ ubuta̱ u MalaꞋimili dem,

wi ta̱ a kuvuka a̱ kulu ku vuza vu utsura dem,

2 wi ta̱ a kufuɗa kudana Vuzavaguɗu,

<<Avu ɗa ubuta̱ u kusheɗeku u va̱,

m mashilya ma utsura ma̱ va̱,

avu ɗa vuza na vi a ku inda mu,

avu ɗa Ka̱shile ka̱ va̱,

wa̱ nu u ɗa n zuwai ka̱ɗu ka̱ va̱.>>

4 Wi ta̱ a kupala wu tsu na motoku,

ma tsu pala muku n ni n evelyu,

vi ta̱ a̱ kuda̱sa̱ngu m ma̱ta̱na̱ a ɗaka vi le.

Ma̱riki ma̱ ni mi ta̱ ke ere wu,

ka̱ta̱ u shamkpa wu.

7 Uma ka̱kpa̱n i ta̱ a̱ kuyikpa̱ ɗevu n avu,

a̱kpa̱n kupa i ta̱ a̱ kuyikpa̱ e kukiye ku usingai ku nu,

ama avu ko ili yi a̱ kuciya̱ wu ba.

9 A na wo okpoi avu vu danai,

Vuzavaguɗu ɗa ubuta̱ u kusheɗeku u va̱,

MalaꞋimili kpamu ubuta̱ wi ida̱shi i va̱.

10 Babu ma̱dukpa̱ ma na ma̱ kuciya̱ wu,

ko kpamu ili i gbani-gbani i na i kuyaꞋan ɗevu n kpaꞋa ku nu.

Vuzavaguɗu ɗa kutashi ku va̱ n kishi ka̱ va̱

1 Vuzavaguɗu ɗa kutashi ku va̱ n kishi ka̱ va̱,

wovon u yayi n kupana?

Vuzavaguɗu ɗa ubuta̱ u kusheɗeku va̱,

wovon u yayi n kupana?

2 Ka̱shile kaꞋa koci katali ka̱va̱ n kishi ka̱ va̱,

a̱yi ɗa ubuta̱ wu ukanji u va̱, mi a kupana wovon ba.

9 Vuzavaguɗu ɗa ubuta̱ u kusheɗeku wa aza a na a takacikai,

ubuta̱ u kusheɗeku u ɗa a makyan ma atakaci.

3 Ama avu Vuzavaguɗu, avu ɗa vi a̱ kula̱na̱ mu a̱ ubuta̱ dem,

avu ɗa vi ci neke mu ulyaꞋi,

vi kpamu e kuneke mu utsura u ka̱ɗu.

Avasa a usana a̱ kula̱nsa̱ uɓa̱nki

1 Vuzavaguɗu, irala i va̱ yi ta̱ n a̱bunda̱i,

aza a na i a tsurala nu mpa a yimkpa ta̱.

2 n a̱bunda̱i i ta̱ a kadanshi ka̱ va̱, a kudana,

<<Ka̱shile ka ku isa yi ba.>>Kuvuka

3 Ama avu Vuzavaguɗu, avu ɗa vi a̱ kula̱na̱ mu a̱ ubuta̱ dem,

avu ɗa vi ci neke mu ulyaꞋi,

vi kpamu e kuneke mu utsura u ka̱ɗu.

4 N ci yaꞋan ta̱ meɗevile u Vuzavaguɗu adama a̱ uɓa̱nki,

u tsu ushuki mu ta̱ ta na a kusan ku ciɗa ku ni.Kuvuka

5 N tsu vaku ta̱ n lata,

ka̱ta̱ n ɗa̱nga̱ gbaga,

adama a na Vuzavaguɗu ɗa wi a̱ kula̱na̱ mu.

6 Mi a kupana wovon u uma a̱kpa̱n-a̱kpa̱n ba,

aza a na i a tsurala nu mpa ukambu dem.

30 Uye u Ka̱shile wi ta̱ derere,

uzuwakpani u Vuzavaguɗu mayun ɗa.

a̱yi ma̱ra̱ga̱ maꞋa wa aza a na e sheɗeki wa̱ a̱ ni.

35 Vuzavaguɗu vu ere mu ta̱, ɗa vu isai mu,

mo okpoi vuzagbayin, adama a na vu la̱na̱ mu ta̱,

utsura u nu kpamu we erei mu,

36 Vu zuwa mu ta̱ a̱ ubuta̱ u na wi n ma̱ta̱ɗa̱ ba,

n saꞋwa kuyikpa̱ ba.

1 Ucikpi u Vuzavaguɗu a̱yi na wi

katali ke kusheɗeku ka̱ va̱

u piꞋisaka mu ta̱ vishili

ɗa u foɓusoi mu adama o kuvon,

2 a̱yi ɗa Ka̱shile macigi ma̱ va̱ n ke ere ka̱ va̱

mashilya ma̱ va̱ n kawawi ka̱ va̱,

ma̱ra̱ga̱ ma̱ va̱ ma na

mi a̱ kula̱nsa̱ ubuta̱ u kusheɗeku wa̱ ni,

a̱yi ɗa u zuwai uduniyan o tsugono tsu va̱.

10 avu na vu ci neke ngono ulyaꞋi,

vuza na u wawai kagbashi ka̱ ni Dawuda.

o kotokobi ka munuka.

11 YaꞋan aza a na e sheɗeki wa̱ a̱ nu, a yaꞋan ma̱za̱nga̱.

yaꞋan a̱ ka̱na̱ kuyaꞋan ishipa adama a̱ ma̱za̱nga̱.

Vu inda le n ka̱ci ka̱ nu,

adama aza a na a cigai kula ku nu dem

a yaꞋan ma̱za̱nga̱ adama a̱ nu.

12 Mayun, Vuzavaguɗu vu zuwaka ta̱ aza a usuɓi una̱singai,

kasingai ka̱ nu kaꞋa ka kanzai le tsu ma̱ra̱ga̱.

6 N yaꞋan ta̱ avasa wa̱ a̱ nu Ka̱shile,

adama a na avu vu tsu ushuku mu ta̱,

zuwa atsuvu vu pana avasa a̱ va̱.

7 Yotsongu ucigi u mereve u nu,

ucigi u nu u na u tsu sabaꞋa ba,

avu ɗa vu tsu isa aza a na i a̱ kula̱nsa̱ ubuta̱ u kusheɗeku,

aza a na i a̱ kula̱nsa̱ ubuta̱ u kusheɗeku e kukiye ku usingai ku nu,

a̱ ubuta̱ wi irala i le.

8 Ere mu tsu maku ma̱ ka̱shi,

sokongu mu a ɗaka ve evelyu a̱ nu,

9 wa aza a gbani-gbani a na a cigai ku una mu,

n irala i va̱ aza a na i uka̱ra̱Ꞌi nu mpa.

7 Adama a na mogono ma, ma zuwa ta̱ ka̱ɗu wa̱ a̱ ni,

Vuzavaguɗu MalaꞋimili.

Adama a ucigi u nu u na u tsu sabaꞋa ba,

wi ta̱ o ko okpo mogono ko wannai.

8 Kukiye ku nu ki ta̱ e kureme irala i nu ra̱ka̱,

kukiye ku usingai ku nu ki ta e kureme aza a na a iwain nu.

9 Vi ta̱ a kulyaꞋa le tsu melentsu ma akina,

ayin a na baci vu yotsongi ka̱ci ka̱ nu, Vuzavaguɗu.

vi ta̱ a ku una le a̱ ka̱tsuma̱ ka wupa u nu,

akina i ta̱ o kusongu le ra̱ka̱.

7 Avu ɗa ubuta̱ u kusheɗeku u va̱,

vi ta̱ a ku wawa mu atakaci,

mi ta̱ a kucanana ishipa,

adama a wishi u nu.Kuvuka

Vuzavaguɗu ɗa maguɓi ma̱ va̱,

1 Vuzavaguɗu maguɓi ma̱ va̱ maꞋa,

mi a ku namba ili ba.

10 Ali ikawu feu, i tsu namba ta̱ ilikulya a pana kambulu,

ama aza a na i o kutono Vuzavaguɗu,

i a kunamba ili i singai ba.

3 Neke ka̱ɗu u Vuzavaguɗu,

ka̱ta̱ vu yaꞋan kasingai,

ka̱ta̱ vu da̱sa̱ngu a iɗika ya, vu ciya̱ ma̱ta̱na̱.

25 Ali ayin a na mi ishi maku, ama gogo na n kutsa ta̱,

n saꞋawa kene Vuzavaguɗu u vakangi vuza vu usuɓi ba,

ko ene muku n ni ufolu wi ilikulya ba.

7 Kalingata ka̱ ni ki ta̱ e kere,

aza a na i a kupana wovon u Vuzavaguɗu,

wu isai le a̱ ka̱tsuma̱ ka atakaci e le.

22 Vuzavaguɗu wi ta̱ a̱ kushiba̱ wuma wa agbashi a̱ ni.

aza a na a banai wa̱ a̱ ni kula̱nsa̱ ubuta̱ u kusheɗeku, i ta̱ a̱ ku ka̱sukpa̱ le n wuma.

Vuzavaguɗu ɗa ka̱ɓa̱nki ka̱ va̱

1 N ɗengusa̱i a̱shi a̱ va̱ a uɓon wa aginda me ene,

teɗai uɓa̱nki u va̱ wi a̱ ku uta̱?

2 Uɓa̱nki u va̱ wi ta̱ a̱ ku uta̱

a̱ ubuta̱ u Vuzavaguɗu,

a̱yi na u yaꞋin gaɗi n iɗika.

3 Wi a̱ ku ka̱sukpa̱ wu vu yikpa̱ ba,

maguɓi ma nu mi a ku gbaɗika ba.

4 Maguɓi ma aza a Israila

ma tsu gbaɗika ko u lata ba.

5 Vuzavaguɗu ɗa ke eri ka̱ nu,

Vuzavaguɗu kulu ku ɗa wa̱ nu.

6 Vi o kusoꞋo kanna ba,

ko kutashi ku wotoi n kayin ba.

7 Vuzavaguɗu wi ta̱ e ku ere wu

a ka gbani-gbani dem,

wi ta̱ a̱ ku la̱na̱ wuma u nu.

8 Vuzavaguɗu wi ta̱ e ku ere

ku uwa ku nu n ku uta̱ ku nu,

gogo na a kubana ko wannai.

Kuzuwa ka̱ɗu u Vuzavaguɗu

1 Ere mu Ka̱shile,

adama a na avu ɗa ubuta̱ u kusheɗeku u va̱.

Kuzuwa ka̱ɗu u Vuzavaguɗu

1 Ere mu Ka̱shile,

adama a na avu ɗa ubuta̱ u kusheɗeku u va̱.

8 N yeve ta̱ makyan dem Vuzavaguɗu wi ta̱ nu mpa.

Adama a na wi ta̱ e kukiye ku singai ku va̱,

mi a̱ kurikpa̱ ba.

8 N yeve ta̱ makyan dem Vuzavaguɗu wi ta̱ nu mpa.

Adama a na wi ta̱ e kukiye ku singai ku va̱,

mi a̱ kurikpa̱ ba.

Avasa a̱ kula̱nsa̱ ulyaꞋi

1 YaꞋan Vuzavaguɗu wu ushuku wu a ayin atakaci,

yaꞋan kula ku Ka̱shile ka Yakubu ke ere wu,

2 YaꞋan u suꞋuku n uɓa̱nki ɗe a̱ ubuta̱ u ciɗa u ni,

ka̱ta̱ u zuwaka wu kukiye a Sihiyona.

20 Ere mu ka̱ta̱ vu wawa mu,

ka̱ta̱ vu ka̱sukpa̱ m pana wono ba,

adama a na wa̱ a̱ nu u ɗa n ta̱wa̱i kusheɗeku.

21 YaꞋan kasingai n kamayun ke ere mu,

adama a na n zuwa ta̱ ka̱ɗu ka̱ va̱ wa̱ a̱ nu.

17 Kuneke ku ka̱ɗu o kodoku ko kuvon, ili gbani i ɗa,

n utsura u ni ra̱ka̱, wi a ku isa vuma ba.

18 Ama a̱shi a Vuzavaguɗu i ta̱ a ku inda aza a na i a kupana wovon u ni,

aza a na e keɗei a̱pa̱Ꞌa̱ e le

a ucigi u ni u na u tsu sabaꞋa ba.

19 U tsu isa le ta̱ a̱ ubuta̱ wu ukpa̱,

ka̱ta̱ u zuwa le o yongo n wuma a ayin a kambulu.

20 U Vuzavaguɗu u ɗa tsu keɗei a̱pa̱Ꞌa̱,

a̱yi ɗa ma̱ra̱ga̱ ma̱ tsu n ka̱ɓa̱nki ka̱ tsu.

6 Vuzavaguɗu wi ta̱ koɓolo nu mpa,

mi a kupana wovon ba.

yiɗa̱i vuma u kufuɗa kuyaꞋanka mu?

8 U laꞋa ta̱ n kugaꞋan vu sheɗeku u Vuzavaguɗu,

a na va ku lemece ke vuma ma̱tsa̱n.

10 Kula ku Vuzavaguɗu tsu mashilya mu utsura ma a,

vuma vu usuɓi u tsu suma ta̱ u uwa u da̱sa̱ngu n ma̱ta̱na̱.

10 Kula ku Vuzavaguɗu tsu mashilya mu utsura ma a,

vuma vu usuɓi u tsu suma ta̱ u uwa u da̱sa̱ngu n ma̱ta̱na̱.

26 A̱yi vuzana wi n wovon u u Vuzavaguɗu wi ta̱ a̱ kuciya̱ ida̱shi i ma̱ta̱na̱,

kpamu Vuzavaguɗu wi ta̱ o ku okpo ubuta̱ u kusheɗeku u muku n ni.

26 Vuzavaguɗu wi ta̱ a ku ere wu,

wi a ku ka̱sukpa̱ wu vu a za a maza ba.

9 Vuza na dem wi an nwalu a̱ ka̱tsuma̱ ku usuɓi, utsu yaꞋan ta̱ nwalu n ni m ma̱ta̱na̱.

ama vuza vu unambi usuɓi a tsu yeve yi ta̱.

5 Kadanshi ka Ka̱shile ra̱ka̱ mayun ɗa,

ma̱ra̱ga̱ ma a, wa aza na a̱ la̱nsa̱i kusheɗeku wa̱ a̱ ni.

5 Kadanshi ka Ka̱shile ra̱ka̱ mayun ɗa,

ma̱ra̱ga̱ ma a, wa aza na a̱ la̱nsa̱i kusheɗeku wa̱ a̱ ni.

6 Usuɓi u tsu ere ta̱ vuza vu babu unushi,

ama ka gbani-gbani ka tsu vakangu ta̱ vuza vu u nushi.

25 Vuma vu usuɓi u tsu lyaꞋa ta̱ ilikulya ali u cuwa̱,

ama vuma gbani-gbani, n kambulu kaꞋa utsu yongo ayin tutu.

6 Adama a na Vuzavaguɗu ɗa u tsu neke cicoꞋo,

kuyeve n cicoꞋo kpamu,

a una̱ u ni u ɗa ku tsu uta̱.

7 U tsu neke ta̱ aza a na

i o kutono mejege cicoꞋo,

a̱yi ɗa ma̱ra̱ga̱ wa aza

a na i o kutono derere.

8 Adama a na utsu la̱na̱ ta̱

ukuna wa afada a mayun,

u tsu ere ta̱ uye wa aza a na i a kuciga yi.

12 Vuza vu ugboji u tsu ene ta̱ ka gbani-gbani ka̱ ta̱ u suma,

ama vuza vu unambi wu ugboji u tsu bana ta̱ ka̱ta̱ tana u takacika.

31 A tsu foɓo so ta̱ ko odoku adama a kanna ka kuvon,

ama ulyai u Ka̱shile u ɗa.

23 Ere ka̱ɗu ka̱ nu n utsura u nu ra̱ka̱,

adama ana a̱ ka̱tsa̱ma̱ ka̱ ni ka wuma u tsu uta̱ tsu mini.

6 YaꞋin ka̱ɗu i shamgba n utsura, ka̱ta̱ i pana wovon ko i jeꞋeke ikyamba adama e le ba. Adama a na Vuzavaguɗu Ka̱shile ka̱ ɗa̱ wi ta̱ koɓolo n a̱ɗa̱. A̱yi wi a̱ kuka̱sukpa̱ ɗa̱ ko u varuku ɗa̱ ba.>>

27 Ka̱shile ku Uba̱nga̱ri a̱yi ɗa ubuta̱ wi ida̱shi u nu,

kpamu utsura u babu uteku u ni wi ta̱ a̱ kuɓa̱nka̱ wu,

wi ta̱ o kulokoko wu irala i nu,

ka̱ta̱ u dana, <Unai le.>

12 Adama a Bayami tamkpamu, ɗa u danai,

<<Ka̱sukpa̱ macigi ma Vuzavaguɗu mo yongo m ma̱ta̱na̱ mayin wa̱ ni,

adama na Vuzavaguɗu u kanza le ta̱ kanna dem,

a̱yi ɗa vuza na ucigi u Vuzavaguɗu u da̱sa̱ngi avangatsu a̱ ni.>>

17 Vuzavaguɗu u danai, babu ucanuku u munuka u na a kuyaꞋan adama a̱ ɗa̱ ka̱ta̱ u ɗa u lyaꞋa ɗa̱,

ka̱ta̱ kpamu i ɓa̱ya̱ngu kelentsu dem ka na ka kubanka ɗa̱ nu nsata.

Na va ɗaɗa agadu a kagbashi ka Vuzavaguɗu,

ɗaɗa kpamu wishi u na wu uta̱i wa̱ va̱.>>

3 Avu zuwa yi u yongo m ma̱ta̱na̱

a̱yi na ka̱ɗu ka̱ ni ki ida̱shi wa̱ nu,

adama a na u zuwa ta̱ katsura wa̱ nu.

4 Ali n ayin a tsukutsa a̱ ɗa̱

Mpa ɗa a̱yi, ali a kubana a ayin a na i kuta̱ ka̱nji ka̱ri, mi ta̱ a kuɗika utsura u ɗa̱.

Mpa ɗa n yaꞋin ɗa̱ mi ta̱ a̱ kula̱na̱ ɗa̱,

mi ta̱ a kinda ɗa̱ ka̱ta̱ mi isa ɗa̱.

5 Tsu na nnu n tsu imkpa gaɗi,

nannai ɗa Vuzavaguɗu MalaꞋimili u kisa Urishelima,

wi ta̱ a̱ kula̱na̱ i ɗa ka̱ta̱ wi isa i ɗa̱,

wi ta̱ a kukpada kawuya ka na ka̱ kuta̱wa̱ punu.>>

17 piꞋisai kuyaꞋan ku kasingai,

la̱nsa̱i nwalu n singai,

ɓa̱nka̱i aza a na i o kusoꞋo atakaci.

Ɓa̱nka̱i mkpan,

koɓolo n agapa.

19 Yu ushuku baci ɗa i tonoi,

yi ta̱ a kulyaꞋa ili i na i laꞋi n kugaꞋan a iɗika ya,

20 ama i iwan baci ɗa i yaꞋin ugbamukaci,

kotokobi ki ta̱ e kupeɗe mpasa n ɗa̱.>>

Ɗaɗa ili i na yu uta̱i a̱ una̱ u Vuzavaguɗu.

14 Vuzavaguɗu n ka̱ci ka̱ ni wi ta̱ a̱ kushilika̱ka̱ ɗa̱, a̱ɗa̱ ka̱ta̱ i yaꞋan ili i yoku ba.>>

7 Vuzavaguɗu vuza singai ɗa,

ubuta̱ u kusheɗeku u ɗa wi a kanna ka atakaci.

U tsu ere ta̱ aza a na a̱ tsu sheɗeku wa̱ a̱ ni.

32 <<Vuzavaguɗu a̱yi ɗa Ka̱shile koci,

Ka̱shile kaꞋa koci ubuta̱ u kusheɗeku u tsu.

29 Gogo na n folono wu ta̱, zuwaka kagbashi ka̱ nu n kpaꞋa ku ni ra̱ka̱ una̱singai, u ciya̱ kulyaꞋa ku kelime ali a kubana ayin babu uteku. Adama a na avu Vuzavaguɗu MalaꞋimili, avu ɗa vi yaꞋin kadanshi, adama a na avu vu zuwaka ta̱ kpaꞋa ku kagbashi ka̱ nu una̱singai, u ɗa wi ta̱ tana o kokpo yi n una̱singai ali a kubana ayin babu uteku.>>

6 Ɗa Dawuda va u zuwai a̱tsura̱ osoji a̱ ni a Siriya vu Dimaska, ɗa aza a Siriya okpoi agbashi a̱ ni, ɗa a̱ ka̱na̱i ku ta̱wa̱sa̱ka̱ yi n utafu. Vuzavaguɗu u tsu neke ta̱ Dawuda ulyaꞋi a̱ ubuta̱ dem u na u banai.

18 <<Ɗa baci i tonoi kadanshi ka̱ va̱ m wila̱ u va̱, yi ta̱ a̱ kuda̱sa̱ngu m ma̱ta̱na̱ a iɗika ya.

11 Gogo na, n zuwa ta̱ uzuwakpani u va̱ n a̱ɗa̱, mi o kudoku ma kuna ili i wuma dem m mini ba. Mini kpamu mi o kudoku ma lyaꞋa aduniyan ba.>>

11 Vuzavaguɗu,

ka̱ta̱ vu ka̱sukpa̱ kupana asuvayali a̱ va̱ ba.

ucigi u nu u na u tsu sabaꞋa ba n kamayun ka̱ nu,

i ta̱ e ku ere mu makyan dem.

22 Banka Vuzavaguɗu atakaci a̱ nu,

wi ta̱ a̱ kuɓa̱nka̱ wu.

wi a̱ ku ka̱sukpa̱, a lyaꞋa kelime ka vuza vu usuɓi ba.

16 Ama mpa mi ta̱ a kucanana ishipa a ukuna wu utsura u nu,

usana mi ta̱ a kucanana ishipa adama a ucigi u nu u na u tsu sabaꞋa ba.

Adama a na avu ɗa ubuta̱ wu ukanji va̱,

ubuta̱ u kusheɗeku u va̱ a makyan ma atakaci.

11 Mogono mi ta̱ a kuyaꞋan ma̱za̱nga̱ n Ka̱shile,

aza a na a yaꞋin uzuwakpani,

n kula ku Ka̱shile i ta̱ a kucikpa yi,

Ka̱shile ki ta̱ a̱ kuɓa̱ya̱ngu una̱ wa aza aꞋuwa.

4 Cananai ishipa u Ka̱shile,

yaꞋin ishipa i kucikpa kula ku ni,

lapulai uye adama a̱ ni, vuzana wi e ku wala eleshu.

Kula ku ni ku ɗa Vuzavaguɗu,

i za̱nga̱na̱ e kelime ka̱ ni.

5 Ka̱shile vuza na wi a ida̱shi a̱ ubuta̱ u ciɗa u ni,

esheku a mkpaꞋan a ɗa,

n ke eri ka agapa a̱ma̱ci.

19 Una̱singai u Vuzavaguɗu,

a̱yi na u ci ɗika a̱miki a̱ tsu a kanna dem,

a̱yi ɗa Ka̱shile vuza na u wawai tsu. Kuvuka

10 Mpa ɗa Vuzavaguɗu Ka̱shile ka̱ ɗa̱,

vuza na wu utuka̱i ɗa̱ a iɗika i Masar,

apukai una̱ u ɗa̱, mi ta̱ a ku lyatangu ɗa̱.

11 Vuzavaguɗu Ka̱shile,

a̱yi ɗa kutashi ku tsu m ma̱ra̱ga̱ ma̱ tsu,

u tsu zuwaka tsu ta̱ una̱singai

n kasingai n tsugbayin,

u sa̱nka̱ aza a na i a kuyaꞋan ili i mejege

ili singai ba.

10 YaꞋan aza a na a cigai Vuzavaguɗu a iwain ka gbani-gbani,

adama a na u tsu ere ta̱ wuma u uma a̱ ni,

kpamu u tsu uta̱ka̱ le ta̱ ekiye a uma a gbani-gbani.

6 Vuzavaguɗu u tsu ere ta̱

aza a na o goyoi ka̱ci ke le.

A makyan ma na mi a̱ kula̱nsa̱ uɓa̱nki,

u wawai mu.

7 Ka̱ɗu ka̱ va̱ vaꞋanku,

Vuzavaguɗu vuza kasingai ɗa wa̱ nu.

8 Adama a na Vuzavaguɗu, vu wawa ta̱,

wuma u va̱ a̱ ukpa̱,

a̱shi a̱ va̱ a̱ ubuta̱ u ku uta̱ka̱ kujilya

ene a̱ va̱ adama a̱ kuta̱ɗa̱tsa̱.

9 Adama a na n fuɗa n wala

e kelime ka Vuzavaguɗu,

a iɗika ya aza a wuma.

114 Avu ɗa ubuta̱ u kusheɗeku u va̱

m ma̱ra̱ga̱ ma̱ va̱,

n keɗe ta̱ a̱pa̱Ꞌa̱ a kadanshi ka̱ nu.

Ucikpi u kasingai ka̱ Ka̱shile

1 Vuzavaguɗu ɗa baci u maꞋin kpaꞋa ba,

ulinga wa aza a kumaꞋa gbani ɗa.

Vuzavaguɗu ɗa baci we erei likuci ba,

gbani ɗa a zuwa aza a kindi.

17 Ta punu n kuzuwa vuza te

a̱ ka̱tsuma̱ ka ntsukaya n Dawuda

wo okpo mogono ma gbayin,

ta punu kpamu n kuzuwa tsugono tsu mazagbi

ci lyaꞋa kelime ko wannai.

18 Mi ta̱ a kuzuwa irala i ni yi okpo n wono,

ama tsugono ci ni ci ta̱

a kulyaꞋa kelime ci shamgba mayin.>>

8 Vuzavaguɗu wi ta̱ a kushatangu kusheshe ku ni wa̱ a̱ va̱.

Vuzavaguɗu,

ucigi u nu u na u tsu sabaꞋa ba

wi ta̱ lo ko wannai.

Ka̱ta̱ vu ka̱sukpa̱ ulinga we ekiye a̱ nu ba.

16 Vu tsu neke le ta̱ ili n a̱bunda̱i,

ili i na a cigai dem.

7 U tsu kiɗa ta̱ afada e mejege wa aza a na o doroi,

u ci neke ta̱ ilikulyaꞋa wa aza a kambulu,

Vuzavaguɗu u tsu uta̱ka̱ ta̱ aza a ugbashi.

8 Vuzavaguɗu u tsu zuwa ta̱ a̱yimba̱ ene,

Vuzavaguɗu u tsu ɗa̱ngusa̱ ta̱ aza a na o doroi,

Vuzavaguɗu wi ta̱ a kuciga aza a usuɓi.

9 Vuzavaguɗu u tsu ere ta̱ omoci

u tsu la̱na̱ ta̱ mkpaꞋan n agapa a̱ma̱ci,

ama u tsu la̱nga̱sa̱ ta̱

ukuna wa aza a gbani-gbani.

8 Mi ta̱ a kuvaku, n lata m ma̱ta̱na̱,

adama a na avu ɗa koci Vuzavaguɗu vi e ku ere mu.

8 Vuma wi ta̱ a kufuɗa kudoro Ka̱shile? Ama a̱ɗa̱ yi o kudoro mu, ɗa yi a kudana kpamu, <Nini ɗai tsu doroi nu?> A̱ ubuta̱ wi ili i te a̱ ka̱tsuma̱ ka kupa koɓolo n kuneꞋe ɗa yi o kudoro mu. 9 Aza a una̱uwuya u ɗa a̱ɗa̱ a ulinga u ɗa̱ ra̱ka̱, adama a na yi ta̱ o kudoro mu. 10 Tuka̱i n ili i te a̱ ka̱tsuma̱ ka kupa ra̱ka̱ a̱ kunu ku kuzuwa ku va̱, adama a na ilikulyaꞋa i yimkpa a kpaꞋa ku va̱. Kondoi mu, yi ta̱ tana e kene, mi ta̱ a̱ kuɓa̱yuwa̱ atusu a gaɗi, n tsuwa̱n ka̱ ɗa̱ una̱singai wa̱ a̱bunda̱i u mayun.

12 Ugboji, u tsu ere ta̱ vuma,

tsu na ikebe i ci ere vuma,

ama ugaꞋin u kuyeve u ɗaɗa,

ugboji u tsu ɓa̱nka̱ ta̱ wuma u vuza na wi n u ɗa.

25 A dama na n ku cuwa̱ ta̱ngu ta̱ a̱ɗu a wuma a na oꞋoi, ka̱ta̱ kpamu n lapulusuka a̱ɗu aza na a lumbai.>>