1 Mwari ndiye utiziro hwedu nesimba redu,

ndiye mubatsiri anogara aripo panguva yokutambudzika.

1 Mwari ndiye utiziro hwedu nesimba redu,

ndiye mubatsiri anogara aripo panguva yokutambudzika.

1 Uyo anogara panzvimbo yokuvanda yeWokumusoro-soro

achazorora mumumvuri weWamasimba Ose.

2 Ndichati pamusoro paJehovha, "Ndiye utiziro hwangu nenhare yangu,

Mwari wangu, wandinovimba naye."

4 Achakufukidza neminhenga yake,

uye uchawana utiziro pasi pamapapiro ake;

kutendeka kwake kuchava nhoo yako norusvingo rwako.

7 Chiuru chingawa parutivi rwako,

zviuru gumi kurudyi pako,

asi hazvingaswederi kwauri.

9 Kana ukaita Wokumusoro-soro ugaro hwako,

kunyange Jehovha, iye utiziro hwangu,

10 ipapo hapana chakaipa chichakuwira,

hakuna njodzi ichasvika patende rako.

1 Jehovha ndiye chiedza changu noruponeso rwangu,

ndichagotya aniko?

Jehovha ndiye nhare youpenyu hwangu,

ndianiko wandingatya?

2 Iye oga ndiye dombo rangu noruponeso rwangu;

ndiye nhare yangu, handingambozungunuswi.

9 Jehovha ndiye nhare yavakamanikidzwa,

nhare yakasimba panguva yokutambudzika.

3 Asi imi Jehovha, muri nhoo yakandipoteredza;

munoisa rukudzo pandiri uye munosimudza musoro wangu.

1 Haiwa Jehovha, vadzivisi vangu vakawanda sei!

Vakawanda sei vanondimukira!

2 Vazhinji vanoti kwandiri,

"Mwari haangamudzikinuri." Sera

3 Asi imi Jehovha, muri nhoo yakandipoteredza;

munoisa rukudzo pandiri uye munosimudza musoro wangu.

4 Kuna Jehovha ndinodana nenzwi guru,

uye anondipindura ari pagomo rake dzvene. Sera

5 Ndinovata pasi ndigokotsira;

ndinomukazve, nokuti Jehovha anonditsigira.

6 Handizotyi makumi ezviuru

vakandikomba kuti vandirwise.

30 Kana ari Mwari, nzira yake yakakwana;

shoko raJehovha harina charingapomerwa.

Ndiye nhoo

yavose vanovanda maari.

35 Munondipa nhoo yenyu yokukunda,

uye ruoko rwenyu rworudyi runonditsigira;

munokotama pasi kuti mundiite mukuru.

36 Munondiitira nzira yakapamhama pasi pangu,

kuitira kuti zvitsitsinho zvangu zvirege kutedzemuka.

1 Jehovha Dombo rangu ngaarumbidzwe,

iye anodzidzisa

maoko angu kurwa.

2 Ndiye Mwari anondida uye nhare yangu,

shongwe yangu nomudzikinuri wangu,

nenhoo yangu uye ndinovanda maari,

iye anoisa marudzi pasi pangu.

10 iye anopa kukunda kumadzimambo,

anorwira muranda wake Dhavhidhi kubva pamunondo unouraya.

11 Asi vose vanovanda mamuri ngavafare;

ngavagare vachiimba nomufaro.

Tambanudzirai pamusoro pavo kudzivirira kwenyu,

kuitira kuti vaya vanoda zita renyu vafare mamuri.

12 Nokuti zvirokwazvo, imi Jehovha, munoropafadza vakarurama;

munovakomberedza nenyasha dzenyu sokunge nenhoo.

6 Haiwa Mwari, ndinodana kwamuri, nokuti muchandipindura;

rerekerai nzeve yenyu kwandiri, munzwe munyengetero wangu.

7 Ratidzai kushamisa kworudo rwenyu rukuru,

imi munoponesa noruoko rwenyu rworudyi,

avo vanovanda vavengi vavo mamuri.

8 Ndichengetei semboni yeziso renyu;

ndivanzei pasi pomumvuri wamapapiro enyu,

9 kubva kuno wakaipa anondirwisa,

kubva kuvavengi vangu, vanoda kundiuraya, vakandikomberedza.

7 Nokuti mambo anovimba naJehovha;

nokuda kworudo rusingaperi rwoWokumusoro-soro,

iye haangazungunuswi.

8 Ruoko rwenyu ruchabata vavengi venyu vose;

ruoko rwenyu rworudyi ruchabata vavengi venyu.

9 Panguva yokuonekwa kwenyu

muchavaita sevira romoto.

Jehovha achavamedza nehasha dzake,

uye moto wake uchavaparadza.

7 Ndimi nzvimbo yangu yokuvanda;

muchandidzivirira panhamo

uye muchandipoteredza nenziyo dzorusununguko. Sera

1 Jehovha ndiye mufudzi wangu, hapana chandingashayiwa.

10 Shumba dzinopera simba uye dzinofa nenzara,

asi avo vanotsvaka Jehovha havashayiwi chinhu chakanaka.

3 Vimba naJehovha uite zvakanaka;

gara panyika ufarikane pamafuro manyoro.

25 Ndakanga ndiri muduku uye zvino ndakwegura,

asi handina kumboona vakarurama vachiraswa,

kana vana vavo vachipemha chingwa.

19 Uye Mwari wangu achazadzisa zvamunoshayiwa zvose maererano nokubwinya kwepfuma yake muna Kristu Jesu.

13 Ndinogona kuita zvinhu zvose kubudikidza naiye anondipa simba.

33 Asi tangai kutsvaka umambo hwake nokururama kwake, uye zvinhu zvose izvi zvichapiwawo kwamuri.

8 Musafanana navo nokuti Baba venyu vanoziva zvamunoshayiwa musati mavakumbira.

7 "Kumbirai mugopiwa, tsvakai mugowana, gogodzai mugozarurirwa. 8 Nokuti munhu wose anokumbira anopiwa, anotsvaka anowana; uye anogogodza anozarurirwa musiwo.

11 Zvino imi, kunyange zvenyu makaipa, muchiziva kupa zvipo zvakanaka kuvana venyu, Baba venyu vari kudenga vachapa zvipo zvakanaka sei kuna avo vanokumbira!

7 Mutumwa waJehovha anokomberedza avo vanomutya,

uye anovasunungura.

22 Jehovha anodzikinura varanda vake;

hapana kana mumwe anovanda maari achapiwa mhosva.

1 Ndinosimudzira meso angu kumakomo,

kubatsirwa kwangu kunobvepiko?

2 Rubatsiro rwangu runobva kuna Jehovha,

muiti wokudenga napasi.

3 Haangatenderi rutsoka rwako kuti rutedzemuke,

muchengeti wako haangakotsiri;

4 zvirokwazvo, muchengeti waIsraeri

haangakotsiri kana kuvata.

5 Jehovha anokurinda,

Jehovha ndiye mumvuri wako kuruoko rwako rworudyi;

6 zuva haringakubayi masikati,

kana mwedzi usiku.

7 Jehovha achakuchengeta pane zvose zvinokuvadza,

iye acharinda upenyu hwako;

8 Jehovha achakurinda pakubuda kwako napakupinda kwako,

kubva zvino uye nokusingaperi.

1 Ndichengetedzei, imi Mwari,

nokuti ndinovanda mamuri.

1 Ndichengetedzei, imi Mwari,

nokuti ndinovanda mamuri.

8 Ndakaisa Jehovha pamberi pangu nguva dzose.

Nokuti ari kurudyi rwangu,

handingatongozungunuswi.

8 Ndakaisa Jehovha pamberi pangu nguva dzose.

Nokuti ari kurudyi rwangu,

handingatongozungunuswi.

1 Jehovha ngaakupindure paunotambudzika;

zita raMwari waJakobho ngarikudzivirire.

2 Ngaakutumire rubatsiro runobva panzvimbo tsvene,

uye akupe rutsigiro runobva kuZioni.

20 Rindai upenyu hwangu mugondinunura;

ndirege kunyadziswa,

nokuti ndinovanda mamuri.

21 Kusanyengera nokururama ngazvindichengete,

nokuti tariro yangu iri mamuri.

17 Bhiza itariro isina maturo pakurwirwa;

harigoni kuponesa kunyange rine simba guru.

18 Asi meso aJehovha ari pamusoro paavo vanomutya,

napamusoro paavo vakaisa tariro yavo murudo rwake rusingaperi,

19 kuti avarwire parufu

nokuvararamisa panzara.

20 Tinomirira Jehovha netariro;

ndiye mubatsiri wedu nenhoo yedu.

6 Jehovha aneni; handingatyi.

Munhu angandiiteiko?

8 Zviri nani kutizira kuna Jehovha

pano kuvimba nomunhu.

10 Zita raJehovha inhare yakasimba;

vakarurama vanomhanyira kwariri vagochengetedzwa.

10 Zita raJehovha inhare yakasimba;

vakarurama vanomhanyira kwariri vagochengetedzwa.

26 Uyo anotya Jehovha ane nhare yakasimba,

uye ichava utiziro kuvana vake.

26 nokuti Jehovha achava chivimbo chako

uye achachengeta rutsoka rwako kuti rurege kubatwa.

9 Munhu akarurama anofamba akachengetedzeka,

asi uyo anofamba nenzira dzakaminama achabatwa.

5 "Shoko rimwe nerimwe raMwari nderechokwadi;

iye chidzitiro kuna avo vanovanda maari.

5 "Shoko rimwe nerimwe raMwari nderechokwadi;

iye chidzitiro kuna avo vanovanda maari.

6 Kururama kunorinda munhu ane unhu hwakanaka,

asi kuipa kunowisira mutadzi pasi.

25 Vakarurama vanodya zvinogutsa mwoyo yavo,

asi dumbu reakaipa richanzwa nzara.

6 Nokuti Jehovha anopa uchenjeri,

uye mumuromo make munobuda zivo nokunzwisisa.

7 Anochengetera vakarurama kukunda,

iye ndiye nhoo kuna avo vane mufambiro usina chaunopomerwa,

8 nokuti anochengetedza nzira yavakarurama,

uye anodzivirira nzira yavakatendeka vake.

12 Munhu akangwara anoona njodzi agovanda,

asi asina mano anoramba achienda uye agokuvadzwa nayo.

31 Bhiza rinogadzirirwa zuva rokurwa,

asi kukunda kunobva kuna Jehovha.

23 Pamusoro pazvo zvose, chengetedza mwoyo wako,

nokuti ndicho chitubu choupenyu.

6 Simbai mutsunge mwoyo. Musatya kana kuvhundutswa nokuda kwavo, nokuti Jehovha Mwari wenyu achaenda nemi; haangakusiyei kana kukurasai."

27 Mwari anogara nokusingaperi ndiye utiziro hwako,

uye pasi pake pane maoko anogara nokusingaperi.

Achadzinga vavengi vako kubva pamberi pako,

achiti, ‘Muparadzei!’

12 Pamusoro paBhenjamini akati:

"Regai mudikanwa waJehovha agare norugare maari,

nokuti anomudzivirira zuva rose,

uye regai uyo anodikanwa naJehovha agare pakati pamapfudzi ake."

17 hapana munondo ucharwisana newe ukakunda,

uye uchakonesa rurimi rumwe norumwe runokupomera mhosva.

Iyi ndiyo nhaka yavaranda vaJehovha,

uye uku ndiko kururamisirwa kwavo kunobva kwandiri,"

ndizvo zvinotaura Jehovha.

3 Muchachengeta murugare

rwakakwana munhu ane mufungo wakasimba,

nokuti anovimba nemi.

4 Kunyange kusvikira pakuchembera kwenyu,

bvudzi rachena, ndini iye, ndini ndichakururamisai.

Ndakakuitai uye ndichakutakurai;

ndichakuraramisai uye ndichakununurai.

5 Seshiri dzinobhururuka napamusoro,

Jehovha Wamasimba Ose achadzivirira Jerusarema;

acharidzivirira, acharirwira,

achadarika pamusoro paro uye acharisunungura."

17 dzidzai kuita zvakarurama.

Tsvakai kururamisira,

kurudzirai vakamanikidzwa.

Dzivirirai nherera,

mukumbirire chirikadzi.

19 Kana muchida uye muchiteerera

muchadya zvakanakisa zvenyika;

20 asi kana muchiramba uye muchindimukira,

muchaparadzwa nomunondo."

Nokuti muromo waJehovha wazvitaura.

14 Jehovha achakurwirai; imi ingonyararai bedzi."

7 Jehovha akanaka,

utiziro panguva dzokutambudzika.

Anochengeta avo vanovimba naye,

29 Ko, shiri duku mbiri hadzitengeswi nesendi here? Kunyange zvakadaro hapana imwe chete yadzo inowira pasi kunze kwokunge Baba venyu vazvibvumira. 30 Uye kunyange nebvudzi riri mumusoro yenyu rakaverengwa. 31 Naizvozvo musatya nokuti munokosha kupfuura shiri duku zhinji.

22 Kana muchitenda, muchagamuchira zvose zvamunokumbira mukunyengetera."

17 Vanhu vose vachakuvengai nokuda kwangu. 18 Asi hapana bvudzi romusoro wenyu richaparara. 19 Nokutsungirira kwenyu, muchawana upenyu.

35 Ipapo Jesu akabvunza akati, "Pandakakutumai musina chikwama, hombodo kana shangu pane chinhu chamakashayiwa here?"

Ivo vakati, "Hapana."

31 Zvino tichatiiko pazvinhu izvi? Kana Mwari ari kurutivi rwedu, ndiani angatirwisa?

6 Saka tinotsunga mwoyo, tichiti:

"Ishe ndiye mubatsiri wangu, handingatyi.

Munhu angandiiteiko?"

7 Zviisei zvino, pasi paMwari. Dzivisai dhiabhori, uye achatiza kwamuri.

6 Saka zvino, ngatiregei kuita savamwe vavete, asi ngatisvinurei uye tive vanozvidzora.

3 Asi Ishe akatendeka, uye achakusimbisai nokukudzivirirai kubva kune akaipa.

22 uye tinogamuchira kubva kwaari zvose zvatinokumbira, nokuti tinoteerera mirayiro yake uye tinoita zvinomufadza.

14 Ndiko kusatya kwatinako mukuswedera kwedu kuna Mwari: kuti kana tichikumbira chinhu chipi nechipi nokuda kwake, anotinzwa. 15 Uye kana tichiziva kuti anotinzwa pazvose zvatinokumbira, tinoziva kuti tava nazvo zvatakumbira kwaari.

18 Tinoziva kuti mumwe nomumwe akaberekwa naMwari haarambi achiita chivi; uyo akaberekwa naMwari anomuchengeta zvakanaka, uye akaipa haagoni kumukuvadza.

11 Ini handichagarizve munyika, asi ivo vachiri munyika, uye ini ndiri kuuya kwamuri. Baba Vatsvene, vadzivirirei nesimba rezita renyu, zita ramakandipa, kuti vave vamwe sesu tiri vamwe. 12 Pandainge ndiinavo, ndakavadzivirira uye ndikavachengeta zvakanaka nezita ramakandipa. Hakuna akarasika kunze kwouyo akatongerwa kuparadzwa kuitira kuti Rugwaro ruzadziswe.

15 Munyengetero wangu hausi wokuti muvabvise panyika asi kuti muvadzivirire pane akaipa.

32 Nokuti ndianiko Mwari kunze kwaJehovha?

Uye ndianiko Dombo kunze kwaMwari wedu?

29 Zvino ngazvikufadzei kuti muropafadze imba yomuranda wenyu, kuti irambe iri pamberi penyu nokusingaperi; nokuti imi Jehovha Mwari, mazvitaura, uye namaropafadzo enyu, imba yomuranda wenyu icharopafadzwa nokusingaperi."

6 Akaisa mapoka avarwi munyika yavaAramu yeDhamasiko, vaAramu vakava varanda vake vakabvisiswa mutero. Jehovha akaita kuti Dhavhidhi akunde kwose kwose kwaakaenda.

8 Ndakanga ndinewe kwose kwawaienda uye ndakauraya vavengi vako vose pamberi pako. Zvino ndichaita kuti zita rako rive samazita avarume vakuru kwazvo panyika.

18 " ‘Teverai mitemo yangu mugochenjerera kuti muteerere mirayiro yangu, ipapo muchagara makachengetedzeka munyika.

11 Ndiri kusimbisa sungano yangu newe: Zvipenyu zvose hazvichatongoparadzwizve nemvura yamafashamu; hakuchatongovizve namafashamu okuti aparadze nyika."

7 Zvirokwazvo, Ishe Jehovha haaiti chinhu

asina kuzivisa varanda vake,

vaprofita, zvakavanzika zvake.

11 Regai kundinyima ngoni dzenyu, imi Jehovha;

rudo rwenyu nechokwadi chenyu ngazvindidzivirire nguva dzose.

22 Kanda kufunganya kwako pana Jehovha

uye iye achakusimbisa;

haazombotenderi vakarurama kuti vawire pasi.

16 Asi ini ndichaimba nezvesimba renyu,

ndichaimba nezvorudo rwenyu mangwanani;

nokuti imi muri nhare yangu,

utiziro hwangu panguva dzokutambudzika.

11 Asi mambo achafara muna Mwari;

vose vanopika nezita raMwari vachamurumbidza,

asi miromo yavanoreva nhema ichafumbirwa.

4 Imbirai Mwari, imbirai zita rake nziyo dzokurumbidza,

murumbidzei zvikuru iye anofamba pamusoro pamakore,

zita rake ndiJehovha,

uye farai pamberi pake.

5 Baba venherera, mudziviriri wechirikadzi,

ndiye Mwari ari paugaro hwake utsvene.

19 Ishe ngaarumbidzwe, Mwari Muponesi wedu,

anotakura mitoro yedu zuva nezuva. Sera

10 Ndini Jehovha Mwari wako,

akakubudisa kubva munyika yeIjipiti.

Shamisa muromo wako kwazvo, ndigouzadza.

11 Nokuti Jehovha Mwari ndiye zuva nenhoo;

Jehovha anopa nyasha nokukudzwa;

hapana chinhu chakanaka chaanganyima

avo vanofamba zvakarurama.

10 Vanoda Jehovha ngavavenge zvakaipa,

nokuti anorinda upenyu kwavanhu vake vakatendeka

uye anovarwira muruoko rwowakaipa.

6 Jehovha anodzivirira vakatendeka pamwoyo;

pandakanga ndiri pakushayiwa kukuru, iye akandiponesa.

7 Haiwa mweya wangu, chizorora zvakare,

nokuti Jehovha akakuitira zvakanaka.

8 Nokuti imi, iyemi Jehovha, makarwira mweya wangu parufu,

meso angu pamisodzi,

uye makumbo angu pakugumburwa,

9 kuti ndifambe pamberi paJehovha

munyika yavapenyu.

114 Imi muri utiziro hwangu nenhoo yangu;

ndakaisa tariro yangu pashoko renyu.

1 Kana Jehovha asingavaki imba,

vavaki vayo vanoshandira pasina.

Kana Jehovha asingachengeti guta,

varindi vanomira vakarinda pasina.

17 "Pano ndipo pandichameresa nyanga yaDhavhidhi,

uye ndichatungidza mwenje womuzodziwa wangu.

18 Ndichafukidza vavengi vake nenyadzi,

asi korona yake ichabwinya kwazvo."

8 Jehovha achazadzisa zvirongwa zvake neni;

rudo rwenyu, imi Jehovha, runogara nokusingaperi,

musasiya mabasa amaoko enyu.

16 Munozarura ruoko rwenyu, uye munogutsa zvisikwa zvipenyu zvose nezvazvinoda.

7 Anomiririra zvinodiwa nevakadzvinyirirwa,

uye anopa zvokudya vane nzara.

Jehovha anosunungura vasungwa.

8 Jehovha anosvinudza mapofu,

Jehovha anosimudza avo vakakotamiswa pasi,

Jehovha anoda vakarurama.

9 Jehovha anorinda vatorwa

uye anoriritira nherera nechirikadzi,

asi anokonesa nzira dzavakaipa.

8 Ndichavata pasi ndigokotsira norugare,

nokuti imi moga, Jehovha,

munoita kuti ndigare pakasimba.

11 Shongai nhumbi dzose dzokurwa nadzo dzaMwari kuti mugogona kumira muchirwa namano adhiabhori.

11 Shongai nhumbi dzose dzokurwa nadzo dzaMwari kuti mugogona kumira muchirwa namano adhiabhori. 12 Nokuti hatirwi nenyama neropa, asi navabati, navanesimba, namasimba enyika ino yerima uye namasimba emweya yakaipa ari muchadenga.

8 "Ko, munhu angabire Mwari here? Kunyange zvakadaro munondibira.

"Asi munobvunza muchiti, ‘Tinokubirai pane zvipi?’

"Pazvegumi nezvipiriso. 9 Makatukwa, rudzi rwenyu rwose, nokuti muri kundibira. 10 Uyai nezvegumi zvose kudura, kuti mumba mangu mugova nezvokudya. Ndiedzei muna izvozvi," ndizvo zvinotaura Jehovha Wamasimba Ose, "muone kana ndisingakuzarurirei mawindo okudenga, uye ndigokudururirai maropafadzo mazhinji zvokuti muchashayiwa pokuaisa.

26 Ndichaaropafadza nenzvimbo dzakapoteredza chikomo changu. Ndichanayisa mvura nenguva yayo; pachava nemibvumbi yamaropafadzo.

12 Uchenjeri hunodzivirira sokudzivirira kunoita mari,

asi kunakisa kworuzivo ndokuku:

kuti uchenjeri hunochengetedza

upenyu hwomunhu anahwo.

14 Saizvozvowo, Ishe akarayira kuti vanoparidza vhangeri vanofanira kuwana zvinovararamisa kubva pavhangeri.

10 Nokuti kuda mari ndiwo mudzi wezvakaipa zvose. Vamwe vanhu vanoda mari zvikuru, vakatsauka kubva pakutenda uye vakazvibaya neshungu zhinji.

25 Ndichasimbisa vanenge vaneta uye ndichagutsa vanenge vaziya."

12 Ndokusaka ndichitambudzika sezvandiri kuita. Asi handinyadziswi, nokuti ndinoziva wandakatenda, uye ndinoziva kwazvo kuti anogona kuchengeta chandakamupa kusvikira zuva iroro.