Protecção e segurança

Yave yina yidikaka yinza kele na beto

1 Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.

Yave yina yidikaka yinza kele na beto

1 Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.

Nzambi nkebi ya beto

1 Muntu yina ke zingaka na kisika yina Nzambi ya Kulutila Kuzangama ke bumbamaka,

yandi ke pemaka na mpewo ya Nzambi-Mpungu.

2 Mu me tuba na Yave: «Nge kele kiswamunu ya munu, kibaka ya lukengolo ya munu,

Nzambi ya munu yina mu ke sadilaka kivuvu!»

4 Nzambi ke fuka nge na bansala ya yandi,

nge ke kuzwa kiswamunu na yisi ya mapapu ya yandi.

Kukwikama ya yandi ke keba nge mutindu kinwanunu ya nene yina ke kebaka ntulu.

7 Ata ti funda mosi (1 000) ya bantu kufwa na lweka ya nge ya lumoso

to mafunda kumi (10 000) na lweka ya nge ya lubakala,

ata mpasi mosi ve ke kumina nge.

9 Ya tsyelika, nge Yave, nge kele kibumbamanu ya munu.

Sala ti Nzambi ya Kulutila Kuzangama kuvwanda kiswamunu ya nge.

10 Ata mpasi mosi ve ke kumina nge,

kiyoolo mosi ve ke belama na yinzo ya nge ya lele.

Lukengolo ya munu kele na Yave

1 Mukunga ya Davidi.

Yave kele Nsemo mpe Muvuukisi ya munu,

mu ke vwanda na boma ya nani?

Yave kele Kiswamunu ya munu,

mu ke vwanda na boma ya nani?

2 Kaka ni na sika ya Nzambi mu ke kuzwaka kizunu,

mpulusu ya munu ke katukaka na sika ya yandi.

9 Ni yandi ke fundisaka yinza na ludedomo,

yandi ke fundisaka makanda ya bantu na kusungama nyonso.

3 Na yina me tadila munu, mingi ke na kutuba:

«Nzambi ke vuukisa ve yandi!» Kupema

Mpulusu ke katukaka na Yave

1 Mukunga yina Davidi yimbilaka na ntangu yina yandi vwandaka kima Abesalome, mwana ya yandi✝.

2 Yave, mitantu ya munu kele mingi!

Bayina ke na kunwanisa munu, bawu kele mingi!

3 Na yina me tadila munu, mingi ke na kutuba:

«Nzambi ke vuukisa ve yandi!» Kupema

4 Kasi nge Yave, nge kele kinwanunu ya munu yina ke kebaka nzutu ya munu.

Nge kele nkembo ya munu, nge ke pesaka munu lunungu.

5 Ntangu mu ke lookaka na sika ya Yave,

yandi ke pesaka munu mvutu, katuka kuna na mongo ya yandi ya longo. Kupema

6 Ntangu mu ke lalaka, mu ke kuzwaka mpongi,

mu ke vumbukaka, samu ti Yave kele kiyekamanu ya munu.

30 Kintwadi na nge, mu ke nwanisaka na nswalu nkonga ya binwani ya bambeni.

Kintwadi na nge Nzambi ya munu, mu ke yulukaka bibaka.

35 Yandi ke lakisaka munu mutindu ya kunwana mvita.

Yandi ke pesaka munu

ngolo ya kusadila munani ya kisengo ya mbwaki.

36 Nge me pesa munu mpulusu mutindu kinwanunu ya kisengo yina ke kebaka nzutu.

Diboko ya nge ya lubakala me simba munu.

Nge ke na kukulisaka munu na bumbote ya nge.

Lusambulu ya ntinu

1 Mukunga ya Davidi.

Nkembo na Yave, yandi kele ditadi ya nene ya munu.

Ni yandi ke lakisaka maboko na misapi ya munu

mutindu ya kunwana mvita.

2 Nge yina ke sadilaka munu mambu ya mbote,

nge kibaka ya munu ya lukengolo,

kiswamunu ya munu, kikuudi ya munu,

kinwanunu ya munu ya kisengo yina ke kebaka nzutu, nge kibumbamanu ya munu.

Nge tula bantu ya munu na yisi ya lutumu ya munu!

10 «Nzambi ke pesaka mpulusu na bantinu,

yandi kuulaka Davidi kisyelo ya yandi na mbele ya mvita yina ke pesaka lufwa.»

11 Nzambi, futisa bawu yimbi ya bawu.

Bika ti mabanza ya bawu kubwisa bawu.

Losa bawu samu na yimbi ya bawu ya mingi-mingi,

samu ti bawu me balukila nge.

12 Na yina, bayina nyonso ke kuzwaka kiswamunu na sika ya nge ke yangalala.

Bantangu nyonso ya luzingu ya bawu, bawu ke vwanda na kyese.

Nge ke keba bawu,

nge ke vwanda kyese ya bayina ke zolaka Nkumbu ya nge.

6 Mu ke na kubokila nge, samu ti nge Nzambi,

nge ke kuwaka lusambulu ya munu!

Teka dikutu ya nge na munu,

kuwa mambu ya munu!

7 Lakisa mambu yina nge ke salaka na kukwikama ya nge,

nge yina ke vuukisaka bayina ke kuzwaka

kiswamunu ya bawu na diboko ya nge ya lubakala,

ntangu bambeni ke talisaka bawu mpasi.

8 Bumba munu mutindu yingo ya disu,

keba munu na yisi ya mapapu ya nge.

9 Kuula munu na maboko ya bantu ya yimbi,

bayina ke na kubula munu,

mpe na maboko ya mitantu yina me zunga munu na nkele.

7 Nge me sala ti yandi kuvwanda muntu ya lusakumunu bantangu nyonso.

Nge me fulusa yandi na nsayi na ntadisi ya nge.

8 Ya tsyelika, ntinu ke tulaka kivuvu ya yandi na Yave.

Samu na kukwikama ya Nzambi ya Kulutila Kuzangama,

yandi lenda kubwa ve.

9 Nge ke bwila bambeni ya nge nyonso,

diboko ya nge ya lubakala ke simba bayina ke yinaka nge.

7 Nge kele kiswamunu ya munu,

nge ke kebaka munu na ntangu ya mpasi,

nge ke zungaka munu na milolo ya nkudulu. Kupema

Yave kele Muvungi ya munu

1 Mukunga ya Davidi.

Yave kele Muvungi ya munu,

mu ke kondwa kima ve.

10 Beno zitisa Yave, beno yina kele bantu ya yandi ya longo!

Ya tsyelika, bayina ke zitisaka yandi ke kondwaka kima ve!

3 Tula kivuvu ya nge na Yave mpe sadila mambu ya mbote.

Vwanda na kati ya yinsi mpe ti kukwikama kuvwanda mutindu madya ya nge.

25 Mu vwandaka ntwenya, awa mu me nuna.

Mu me talaka ve ti Nzambi me bika muntu ya kudedama,

to bana ya yandi na kwendaka lomba dimpa.

19 Nzambi ke pesa beno nyonso yina kele na beno nsatu na kimvwama ya yandi ya nene yina kele na Yesu-Klisto.

13 Mu lenda kusala mambu nyonso yayi na lusalusu ya muntu yina ke pesaka munu ngolo.

33 Beno sosa ntete Kimfumu ya Nzambi mpe mambu ya kudedama yina Nzambi ke zolaka. Na manima, Nzambi ke pesa beno mpe bima nyonso yina me bikana.

8 Beno sala ve mutindu bawu samu ti Tata ya beno zaba nyonso yina ke na beno nsatu ntete beno lomba yandi yawu.

Beno lomba mpe ba ke pesa beno

7 «Beno lomba mpe ba ke pesa beno. Beno sosa mpe beno ke kuzwa. Beno konkota na mwelo mpe ba ke zibudila beno. 8 Ya tsyelika, ba ke pesaka na konso muntu yina ke lombaka. Muntu yina ke sosaka ke kuzwaka, mpe ba ke zibulaka mwelo na muntu yina ke konkotaka.

11 Ata ti beno kele bantu ya yimbi, kasi beno zaba kupesa bima ya mbote na bana ya beno. Na yina, samu na yinki Tata ya beno yina kele na mazulu ke manga na kupesa bima ya mbote na bayina ke lombaka yandi yawu?

7 Ntangu mputu ke lookaka,

Yave ke kuwaka yandi,

yandi ke katulaka mputu na kati ya bampasi ya yandi nyonso.

22 Bampasi ke kufwaka muntu ya yimbi.

Bambeni ya muntu ya kudedama ke kuzwaka kitumbu.

Yave nkebi ya munu

1 Mukunga ya kuyuluka.

Mu me vumbula meso na kutala na myongo,

wapi kisika ke katuka lusalusu ya munu?

2 Lusalusu ya munu ke katuka na sika ya Yave,

yandi yina yidikaka zulu na ntoto.

3 Yandi ke bika ve ti makulu ya nge kubula mabaku,

Nzambi yina ke bumbaka nge ke nonginaka ve,

4 Ve, Nzambi yina ke kebaka Isayeli,

yandi ke nonginaka ve, mpe yandi ke lalaka ve.

5 Ni Yave ke kebaka nge,

yandi kele mpewo ya nge na lweka ya nge ya lubakala,

6 Na ntangu, ntangu ke talisa nge mpasi ve,

na mpimpa, ngonda mpe ke talisa nge mpasi ve.

7 Yave ke keba nge na mambu nyonso ya yimbi,

yandi ke keba luzingu ya nge.

8 Yave ke keba nge ntangu nge ke basika mpe ntangu nge ke vutuka,

kubanda bubu yayi tii bantangu nyonso.

Nzila ya luzingu

1 Mukunga ya Davidi.

Oo Nzambi bumba munu.

Ni nge kele kiswamunu ya munu.

Nzila ya luzingu

1 Mukunga ya Davidi.

Oo Nzambi bumba munu.

Ni nge kele kiswamunu ya munu.

8 Mu ke na kutala Yave ntangu nyonso na mantwala ya munu,

ntangu yandi kele na lubakala ya munu, mu lenda kubwa ve.

8 Mu ke na kutala Yave ntangu nyonso na mantwala ya munu,

ntangu yandi kele na lubakala ya munu, mu lenda kubwa ve.

Lusambulu samu na ntinu

1 Mukunga ya mfumu ya miyimbidi. Mukunga ya Davidi.

2 Bika ti Yave kupesa nge mvutu na kilumbu ya mpasi!

Bika ti Nkumbu ya Nzambi ya Yakobi kukeba nge!

20 Bumba luzingu ya munu mpe kuula munu!

Mu kutala nsoni ve,

ni nge kele kiswamunu ya munu.

21 Kusungama mpe ludedomo kubumba munu,

ni na nge mu me tula kivuvu ya munu.

17 Mpunda ke vuukisaka?

Ve ya kele ya luvunu!

Ngolo nyonso ya mpunda lenda kuula ve!

18 Kasi Yave ke sikikaka meso ya yandi na bayina ke zitisaka yandi,

na bayina ke tulaka ntima na bumbote ya yandi,

19 samu na kukuula bawu na lufwa,

samu ti bawu kuzinga ata na ntangu ya nsatu.

20 Beto ke tulaka ntima na Yave,

yandi kele lusalusu ya beto,

yandi kele kinwanunu ya beto yina ke kebaka nzutu.

6 Yave kele na lweka ya munu, mu ke na boma ve.

Yinki muntu lenda kusala munu?

8 Ya me lutila mbote na kuzwa kiswamunu na sika ya Yave,

kasi kutula ve kivuvu ya nge na muntu.

10 Nkumbu ya Yave kele kibaka ya lukengolo, muntu ya kudedama ke kimaka na kwenda bumbamaka kuna.

10 Nkumbu ya Yave kele kibaka ya lukengolo, muntu ya kudedama ke kimaka na kwenda bumbamaka kuna.

26 Muntu yina ke zitisaka Yave kele na kiminu ya ngolo, mpe yandi ke vwanda kiswamunu ya bana ya yandi.

26 Samu ti Yave ke keba nge, yandi ke sala ti makulu ya nge kukangama ve na mutambu.

9 Muntu yina ke tambulaka na kusungama nyonso ke tambulaka na lukengolo, kasi muntu yina ke landaka banzila ya kutengama ke vwanda ve ya kubumbama.

5 «Mambu nyonso ya Nzambi kele ya kuvedila. Yandi kele mutindu kinwanunu yina ke kebaka nzutu samu na bayina ke bumbamaka na yandi.

5 «Mambu nyonso ya Nzambi kele ya kuvedila. Yandi kele mutindu kinwanunu yina ke kebaka nzutu samu na bayina ke bumbamaka na yandi.

6 Ludedomo ke kebaka muntu ya kusungama, kasi yimbi ke nataka musumuki na lufwa.

25 Muntu ya kudedama ke kudyaka mpe ke yukutaka, kasi muntu ya yimbi ke kufwa nsatu.

6 Samu ti Yave ke pesaka ndwenga,

luzabu mpe mayela ke basikaka na yinwa ya yandi✝.

7 Yandi ke kubikaka lusalusu ya yandi

samu na bantu ya kusungama,

yandi kele kinwanunu yina ke kebaka nzutu

samu na bayina ke na ndyatulu ya kulunga.

8 Yandi ke sadisaka bayina kele na ndyatulu ya kusungama,

yandi ke kengidilaka bayina kele ya kukwikama na yandi.

12 Muntu ya mayela ke talaka mpasi yina ke na kwiza mpe yandi ke bumbamaka, kasi bizoba ke landaka kaka nzila ya bawu mpe bawu ke sukaka yimbi.

31 Ba ke kubikaka mpunda samu na kilumbu ya mvita, kasi ni Yave ke nungisaka!

23 Keba ntima ya nge mbote kulutila bima nyonso, samu ti na kati ya yawu ke katukaka bayinto ya luzingu.

6 Beno vwanda na ngolo mpe na kibakala. Beno kuvwanda ve na boma. Beno kubika ve ti bawu kutalisa beno boma. Yandi mosi Yave Nzambi ya beno ke tambula na mantwala ya beno. Yandi ke bika beno ve, yandi ke yambula beno ve.»

27 Nzambi ya bantangu nyonso kele kiswamunu.

Kubanda seko, yandi kele Muvuukisi awa na ntoto.

Na mantwala ya nge, yandi me bingisa bambeni.

Yandi tubaka: "Manisa na kufwa bawu!"»

12 Na yina me tadila Bezame, Moyize tubaka mutindu yayi:

«Yandi kele kifumba ya kuzolakana na Yave.

Yandi ke vwandaka na yisi ya lukengolo na sika ya Yave.

Yave ke kebaka yandi ntangu nyonso.

Yandi ke vwandaka na magembo ya Yave.»

17 Konso kinwanunu yina ba yidikaka samu na kutalisa nge mpasi,

yawu ke sala nge ata kima ve.

Kana bantu nata nge na yinzo ya lusambusu,

nge ke bedisa bawu.»

«Yina kele ni mvwilu ya bisyelo ya Yave,

mpe ni mutindu yina mu ke nungisa bawu.

Ni Yave me tuba yawu.»

3 Na muntu yina mabanza ya ntima ke sobaka ve,

nge ke pesaka yandi kizunu,

kizunu samu ti yandi ke tulaka kivuvu ya yandi na nge.

4 Mu ke soba ve tii ntangu beno ke nuna,

mu ke syamisa beno tii ntangu bansuki ya beno ke kuma mpembe.

Ni munu ke syamisa beno,

mpe mu ke nata beno,

ya tsyelika, mu ke syamisa beno mpe mu ke kuula beno.

5 Mutindu bandeke ke fungulaka mapapu ya bawu,

ni mutindu yina mpe Yave Mfumu ya Binwani ke kengidila Yelusalemi,

yandi ke kenga mpe ke kuula,

yandi ke katula na mpasi mpe yandi ke vuukisa.

17 Beno longoka na kusala mbote,

beno sadila ludedomo,

beno sungika muntu yina ke nyokolaka bampangi,

beno sadila nsaana lufundusu ya mbote,

beno nwanina mufwidi.»

19 Kana beno baka lukanu ya kuwila munu,

beno ke kudya madya ya kitoko ya ntoto ya yinsi yayi.

20 Kasi kana beno manga, kana beno sala yintu ngolo,

beno ke kufwa na mbele ya mvita.»

Ni yinwa ya Yave me tuba yawu.

14 Yave ke nwanina beno. Beno, beno vwanda kaka swii.»

7 Yave kele mbote,

yandi kele kiswamunu na ntangu ya mpasi,

yandi ke bakaka bunkete ya bayina ke bumbamaka na sika ya yandi,

29 Ba ke tekisaka ve banswini zole na ntalu ya fyoti mingi? Kasi ata mosi na kati ya bawu lenda kubwa na ntoto kana Tata ya beno zaba yawu ve. 30 Kasi na yina me tadila beno, ata bansuki ya beno ya yintu, Nzambi zaba lutangu ya yawu. 31 Na yina, beno vwanda ve na boma samu ti beno me lutila banswini mingi mfunu.»

22 Bima nyonso yina beno ke lomba na lusambulu na kusala kiminu, beno ke kuzwa yawu.»

17 Bantu nyonso ke yina beno samu na munu. 18 Kasi ata nsuki mosi ke katuka na bayintu ya beno. 19 Beno tatamana! Ni na mutindu yina beno ke vuukisa luzingu ya beno.»

Mbongo, nkutu mpe mbele ya mvita

35 Na manima, Yesu zabisaka bawu: «Ntangu mu fidisaka beno ata kupesa beno mbongo, nkutu, mpe mapapa, yinki kondwaka beno?» Bawu vutulaka: «Ata kima kondwaka beto.»

Bunene ya luzolo ya Nzambi

31 Yinki beto lenda kutuba dyaka? Kana Nzambi kele na ndambu ya beto, nani lenda kusala beto yimbi?

6 Na yina, beto lenda kutuba na kivuvu nyonso:

«Mfumu kele kisadisi ya munu

mpe mu ke vwanda ve na boma ya kima.

Yinki muntu lenda kusala munu✝?»

7 Na yina, beno tumama na Nzambi. Beno tatamana na kumanga Satana, mpe yandi ke kima ntama na beno.

6 Na yina, beto lala pongi ve mutindu bantu ya nkaka. Kasi beto kyelola meso mpe beto vwanda na nkebolo.

3 Kasi Mfumu kele ya kukwikama. Yandi ke pesa beno ngolo mpe ke keba beno, samu ti Mfumu ya Yimbi kubwisa beno ve.

22 Beto ke kuzwaka bima nyonso yina beto ke lombaka yandi, samu ti beto ke tumamaka na misiku ya yandi, mpe beto ke salaka mambu yina yandi ke zolaka.

14 Beno tala samu na yinki beto ke vwandaka na kivuvu na ntwala ya Nzambi: beto zaba ti yandi ke kuwaka beto kana beto lomba yandi kima yina kele ya kudedama na luzolo ya yandi. 15 Na yina, mutindu beto zaba ti yandi ke kuwaka beto ntangu beto ke lombaka yandi kima, beto zaba mpe ti beto ke kuzwaka yina beto ke lombaka yandi.

18 Beto zaba ti muntu yina butukaka na Nzambi ke salaka dyaka ve masumu, samu ti Mwana ya Nzambi ke kebaka yandi, mpe Mfumu ya Yimbi lenda kusala yandi ata kima.

11 «Mu ke vwanda dyaka ve na yinza. Mu ke vutuka na sika ya nge. Kasi bawu, ba ke bikana na yinza. Tata ya Longo, keba bawu na lulendo ya Nkumbu ya nge yina nge pesaka munu, samu ti bawu vwanda kaka muntu mosi mutindu mu kele muntu mosi na nge. 12 Ntangu nyonso yina mu me vwanda na bawu, mu me keba bawu na lulendo ya Nkumbu ya nge yina nge pesaka munu. Mu me keba bawu mbote. Kaka mosi ya bawu me zimbana, ni muntu yina fwanaka zimbana, samu ti mambu yina ba sonikaka na Dibuku ya Nzambi, salama.»

15 Mu ke na kulomba ve ti nge katula bawu na yinza, kasi nge keba bawu samu ti Mfumu ya Yimbi kubwisa bawu ve.

32 Ya kele ve na Nzambi ya nkaka,

kaka ni nge Yave.

Ya kele ve na ditadi ya nkaka ya nene,

kaka ni Nzambi ya beto.

29 Bika ti nge sakumuna dikanda ya kisyelo ya nge, samu ti yawu kuvwanda ya kutelama bantangu nyonso na ntadisi ya nge. Samu ti ni nge Yave Mfumu tubaka yawu, mpe na lusakumunu ya nge, dikanda ya kisyelo ya nge ke vwanda na lusakumunu bantangu nyonso!»

6 Davidi tulaka bankonga ya binwani samu na kutwadisa bizunga yina ya Alame, kuna na Damase. Ba-Alame kumaka na yisi ya lutumu ya Davidi mpe bawu bandaka na kufuta mpaku. Yave vwandaka nungisa Davidi bisika nyonso yina yandi vwandaka kwenda.

8 Bisika nyonso yina nge vwandaka kwenda, mu vwandaka na nge. Mu kufwaka bambeni ya nge nyonso na mantwala ya nge. Mu ke sala ti nge vwanda muntu ya nene mutindu bamfumu ya ntoto.

18 Beno landa bansalulu ya misiku ya munu. Beno keba mpe beno sadila misiku ya munu. Na yina beno ke zinga na kati ya ntomosono na yinsi.

11 Mu ke sala ngwisani ya munu na beno: mu ke kufwa dyaka ve ata kima ya moyo na maza ya mingi. Bamvula ya nene yina lenda dyamisa ntoto ke noka dyaka ve.»

7 Ya tsyelika, Yave Mfumu lenda sala ata dyambu mosi ve kana yandi me lakisa ntete ve mansweki ya yandi na bisyelo ya yandi, mimbikudi.

11 Mu ke bumbaka ve na ntima ya munu, mambu ya kudedama yina nge me sala na munu.

Mu ke samunaka butsyelika mpe mpulusu ya nge.

Na kati ya mukangu ya nene ya bantu, mu ke bikaka ve na kuzonzila bumbote mpe kukwikama ya nge.

22 Yinwa ya yandi me lutila lembami na mafulu ya miliki,

kasi kaka mambu ya mvita ke na ntima ya yandi.

Mambu yina ke basikaka na yinwa ya yandi,

me lutila lembami na mafuta,

na kutala mbote,

yawu kele mbele ya mvita yina kele ve na kati ya nkutu ya yawu.

16 Bawu ke na kwenda yima-yima na kwendaka sosa kima ya kudya.

Bawu ke na kulutisa mpimpa ata kuyukuta.

11 Bawu ke kufwa na mbele ya mvita,

bawu ke kuma madya ya mibaku.

4 Kasi bantu ya kudedama ke na kuyangalala,

bawu ke na kubina na nsayi nyonso na mantwala ya Nzambi.

Bawu me fuluka na kilengi.

5 Beno yimbila samu na Nzambi,

beno yimbidila Nkumbu ya yandi na mikunga,

beno yidika nzila ya muntu yina ke tambulaka na zulu ya matuti, mutindu na zulu ya mpunda.

Nkumbu ya yandi Yave, beno yangalala na mantwala yandi.

19 Nzambi, nge me kwenda na bisika ya kuzangama, nge me nata bankole,

nge me baka makabu na kati-kati ya bantu,

bantu yina ke tumamaka ve na nge,

bawu mpe ke vwanda pene-pene ya Yave Nzambi.

10 Ba kutala ve nzambi ya nkaka na sika ya nge!

Kufukimina ve banzambi ya nzenza!

11 Kulutisa kilumbu mosi na kati ya ngaanda ya lupangu ya Yinzo ya Nzambi,

yawu me lutila funda ya bilumbu na bisika ya nkaka.

Mu me soola na kuvwanda na mwelo ya Yinzo ya Nzambi ya munu,

yawu me lutila na kuvwanda na bayinzo ya lele ya bantu ya yimbi.

10 Beno bayina ke zolaka Yave, beno kuyina yimbi!

Yandi ke bumbaka luzingu ya bantu yina kele ya kukwikama na yandi,

yandi ke kuulaka bawu na maboko ya bantu ya yimbi.

6 Yave ke bumbaka bantu ya mpamba,

mu vwandaka ya kulemba, yandi vuukisaka munu.

7 Bika ti mwela ya munu kuzwa luvundulu,

samu ti Yave me sadila munu mambu ya mbote.

8 Ya tsyelika, nge me kuula mwela ya munu na lufwa,

nge me kusuna mansangasa ya meso ya munu,

nge me sala ti mu kubwa ve.

9 Mu ke tambula na mantwala ya Yave,

awa na yinsi ya bantu ya moyo.

114 Nge kele kiswamunu ya munu, mpe kinwanunu ya munu yina ke kebaka nzutu.

Kivuvu ya munu ke kaka na mambu ya nge.

Ni Yave ke tungaka yinzo

1 Mukunga ya kuyuluka. Mukunga ya Salomoni.

Kana Yave kutunga ve yinzo,

bayina ke tunga yawu,

bawu ke sala kaka kisalu ya mpampa,

kana Yave kukeba ve mbanza,

bayina ke keba yawu, bawu ke sala kaka kisalu ya mpampa.

17 Kuna na Siyone, mu ke sala ti na dikanda ya Davidi ya vwanda na ntinu ya lulendo,

mu ke kubikila yandi muntu yina ke yingana na kisika ya muntu yina mu soolaka na kudukula yandi mafuta.

18 Mu ke fulusa bambeni ya yandi na nsoni,

kasi samu na ntinu, yimpu ya yandi ya kintinu ke lema.»

8 Yave, nge ke manisa yina nge bandaka na kusala samu na munu,

Yave kukwikama ya nge ke zingilaka bantangu nyonso,

kubika beto ve, bantu ya nge yina nge yidikaka!

16 Nge ke fungulaka diboko ya nge

mpe nge ke fulusaka bantu ya moyo na nyonso yina bawu ke vwandaka na yawu nsatu.

7 Yandi ke nungisaka bantu yina ba ke nyokolaka,

Yandi ke pesaka madya na bayina ke na nsatu.

Yave pesaka kimpwanza na bankole.

8 Yave ke fungulaka meso ya bampofo,

Yave ke sungikaka bayina kele ya kukondama,

Yave ke zolaka bantu ya kudedama.

9 Yave ke kebaka banzenza,

yandi ke sadisaka bansaana mpe mifwidi,

kasi yandi ke salaka ti bantu ya yimbi kulenda ve na yina bawu zola kusala.

8 Nge ke fulusaka ntima ya munu na nsayi kulutila bawu,

ntangu bawu ke vwandaka na bambuma ya faline mpe vinu ya mingi ya malu-malu.

11 Beno baka binwanunu nyonso ya Nzambi samu na kukanga nzila na mavanga ya Satana.

11 Beno baka binwanunu nyonso ya Nzambi samu na kukanga nzila na mavanga ya Satana. 12 Beto ke na kunwana ve na bima ya kimuntu. Kasi beto ke na kunwana na bima ya kimpeve: bamfumu, bayina nyonso kele na lulendo, bantinu ya yinza yayi ya kitombe, mpe bampeve ya yimbi yina kele na kati-kati ya zulu na ntoto.

8 Muntu lenda vuna Nzambi? Kasi beno ke na kuvuna munu! Beno ke na kutuba: "Na yinki beto ke na kuvuna nge? Beno ke na kuvuna munu na yina me tadila badime mpe makabu ya nkaka. 9 Beno kele ya kusiingwa, samu ti ni munu beno ke na kuvuna, beno bantu nyonso ya yinsi. 10 Beno nata badime nyonso ya mvwilu ya beno na kati ya bibumbulu ya bimvwama ya munu, samu ti madya kukondwa ve konso ntangu na yinzo ya munu. Beno meka munu, samu na kutala kana mu ke fungula ve banela ya mazulu, mpe kana mu ke kulumuna ve lusakumunu ya kulutila na beno. Ni Yave, Nzambi ya Binwani, me tuba yawu.

26 Mu ke sakumuna bawu na bisika yina kele pene-pene ya mongo ya munu ya fyoti. Mu ke nokisa mvula na ntangu ya yawu, yawu ke vwanda bamvula ya lusakumunu.

12 Samu ti lusalusu yina ndwenga ke pesaka kele mutindu lusalusu yina mbongo ke pesaka. Ndwenga ke kebaka luzingu na muntu yina kele na yawu. Yina ni ndandu ya luzabu.

14 Mutindu mosi mpe, Mfumu pesaka lutumu na bayina ke zabisaka Nsangu ya Mbote na kuzwa madya ya bawu na kisalu yina✝.

10 Mwanzi ya mambu nyonso yayi ya yimbi ni kuzola mbongo. Bantu mingi vwandaka dyaka ve ya kukwikama na kiminu, mpe talisaka banzutu ya bawu bampasi ya konso mutindu ntangu bawu tulaka ntima ya bawu na mbongo.

25 Samu ti mu ke pesa maza na bayina me lemba, mu ke pesa madya na bayina kele dyaka ve na ngolo.

12 Ni samu na yawu mu ke na kutala bampasi yayi. Kasi mu ke na kutala ve nsoni, samu ti mu zaba ti mu me sala kiminu na Nzambi, mpe mu zaba ti yandi kele na ngolo ya kubumba kisalu yina yandi pesaka munu tii ntangu kilumbu yina ke kuma.