Proteção e segurança: refúgio e amparo nas crises

1 Mungu kwetu sisi ni kimbilio na nguvu,

msaada utakaoonekana tele wakati wa mateso.(Zaburi 46:1)

1 Yeye akaaye mahali pa salama pake Yeye Aliye Juu Sana,

atadumu katika uvuli wake Mwenyezi.*

2 Nitasema kumhusu Bwana, "Yeye ndiye kimbilio langu na ngome yangu,

Mungu wangu, ambaye ninamtumaini."(Zaburi 91:1,2)

4 Atakufunika kwa manyoya yake,

chini ya mbawa zake utapata kimbilio,

uaminifu wake utakuwa ngao na kinga yako.(Zaburi 91:4)

7 Ijapo watu elfu wataangukia kando yako,

kumi elfu mkono wako wa kuume,

lakini haitakukaribia wewe.(Zaburi 91:7)

9 Kama ukimfanya Aliye Juu Sana kuwa makao yako:

naam, Bwana ambaye ni kimbilio langu,

10 basi hakuna madhara yatakayokupata wewe,

hakuna maafa yataikaribia hema yako.(Zaburi 91:9,10)

1 Bwana ni nuru yangu na wokovu wangu,

nimwogope nani?

Bwana ni ngome ya uzima wangu,

nimhofu nani?(Zaburi 27:1)

2 Yeye peke yake ndiye mwamba wangu na wokovu wangu;

yeye ni ngome yangu, sitatikisika kamwe.(Zaburi 62:2)

9 Bwana ni kimbilio la watu wanaoonewa,

ni ngome imara wakati wa shida.(Zaburi 9:9)

3 Lakini wewe, Ee Bwana, ni ngao pande zote;

umeniwekea utukufu na kuinua kichwa changu.(Zaburi 3:3)

1 Ee Bwana, tazama adui zangu walivyo wengi!

Ni wengi kiasi gani wanaoinuka dhidi yangu!

2 Wengi wanasema juu yangu,

"Mungu hatamwokoa."

3 Lakini wewe, Ee Bwana, ni ngao pande zote;

umeniwekea utukufu na kuinua kichwa changu.

4 Ninamlilia Bwana kwa sauti kuu,

naye ananijibu kutoka mlima wake mtakatifu.

5 Ninajilaza na kupata usingizi;

naamka tena, kwa maana Bwana hunitegemeza.

6 Sitaogopa makumi elfu ya adui,

wanaojipanga dhidi yangu kila upande.(Zaburi 3:1-6)

30 Kuhusu Mungu, njia yake ni kamilifu,

neno la Bwana halina dosari.

Yeye ni ngao kwa wote

wanaokimbilia kwake.(Zaburi 18:30)

35 Hunipa ngao yako ya ushindi,

nao mkono wako wa kuume hunitegemeza,

unajishusha chini ili kuniinua.

36 Huyapanua mapito yangu,

ili miguu yangu isiteleze.(Zaburi 18:35,36)

11 Lakini wote wakimbiliao kwako na wafurahi,

waimbe kwa shangwe daima.

Ueneze ulinzi wako juu yao,

ili wale wapendao jina lako

wapate kukushangilia.

12 Kwa hakika, Ee Bwana, unawabariki wenye haki,

unawazunguka kwa wema wako kama ngao.(Zaburi 5:11,12)

6 Ee Mungu, ninakuita, kwa kuwa utanijibu,

nitegee sikio lako na usikie ombi langu.

7 Uonyeshe ajabu ya upendo wako mkuu,

wewe uokoaye kwa mkono wako wa kuume

wale wanaokukimbilia kutokana na adui zao.

8 Nilinde kama mboni ya jicho lako,

unifiche chini ya kivuli cha mbawa zako

9 kutokana na waovu wanaonishambulia,

kutokana na adui wauaji wanaonizunguka.(Zaburi 17:6-9)

7 Wewe ndiwe mahali pangu pa kujificha,

utaniepusha na taabu

na kunizunguka kwa nyimbo za wokovu.(Zaburi 32:7)

1 Sifa ni kwa Bwana Mwamba wangu,

aifundishaye mikono yangu vita,

na vidole vyangu kupigana.

2 Yeye ni Mungu wangu wa upendo na boma langu,

ngome yangu na mwokozi wangu,

ngao yangu ninayemkimbilia,

ambaye huwatiisha mataifa chini yangu.(Zaburi 144:1,2)

1 Bwana ndiye mchungaji wangu,

sitapungukiwa na kitu.(Zaburi 23:1)

10 Wana simba wenye nguvu

hutindikiwa na kuona njaa,

bali wale wamtafutao Bwana

hawatakosa kitu chochote kilicho chema.(Zaburi 34:10)

3 Mtumaini Bwana na utende yaliyo mema;

Kaa katika nchi ukafurahie malisho salama.(Zaburi 37:3)

25 Nilikuwa kijana na sasa ni mzee,

lakini sijaona kamwe wenye haki wameachwa

au watoto wao wakiombaomba chakula.(Zaburi 37:25)

8 Msiwe kama wao, kwa sababu Baba yenu anajua kile mnachohitaji kabla hamjamwomba.(Mathayo 6:8)

33 Lakini utafuteni kwanza Ufalme wa Mungu na haki yake, na haya yote atawapa pia.(Mathayo 6:33)

13 Naweza kuyafanya mambo yote katika yeye anitiaye nguvu.(Wafilipi 4:13)

19 Naye Mungu wangu atawajaza ninyi na kila mnachohitaji kwa kadiri ya utajiri wake katika utukufu ndani ya Kristo Yesu.(Wafilipi 4:19)

1 Nayainua macho yangu nitazame vilima,

msaada wangu utatoka wapi?

2 Msaada wangu hutoka kwa Bwana,

Muumba wa mbingu na dunia.

3 Hatauacha mguu wako uteleze,

yeye akulindaye hatasinzia,

4 hakika, yeye alindaye Israeli

hatasinzia wala hatalala usingizi.

5 Bwana anakulinda,

Bwana ni uvuli wako mkono wako wa kuume,

6 jua halitakudhuru mchana,

wala mwezi wakati wa usiku.

7 Bwana atakukinga na madhara yote,

atayalinda maisha yako,

8 Bwana atakulinda unapoingia na unapotoka,

tangu sasa na hata milele.(Zaburi 121:1-8)

7 Malaika wa Bwana hufanya kituo

akiwazunguka wale wamchao,

naye huwaokoa.(Zaburi 34:7)

22 Bwana huwakomboa watumishi wake,

yeyote anayemkimbilia yeye

hatahukumiwa kamwe.(Zaburi 34:22)

1 Ee Mungu, uniweke salama,

kwa maana kwako nimekimbilia.(Zaburi 16:1)

8 Nimemweka Bwana mbele yangu daima.

Kwa sababu yuko mkono wangu wa kuume,

sitatikisika.(Zaburi 16:8)

1 Bwana na akujibu unapokuwa katika dhiki,

jina la Mungu wa Yakobo na liwe kinga yako.

2 Na akutumie msaada kutoka patakatifu

na akupatie msaada kutoka Sayuni.(Zaburi 20:1,2)

20 Uyalinde maisha yangu na uniokoe,

usiniache niaibike,

kwa maana nimekukimbilia wewe.

21 Uadilifu na uaminifu vinilinde,

kwa sababu tumaini langu ni kwako.(Zaburi 25:20,21)

17 Farasi ni tumaini la bure kwa wokovu,

licha ya nguvu zake nyingi, hawezi kuokoa.

18 Lakini macho ya Bwana yako kwa wale wamchao,

kwa wale tumaini lao liko katika upendo wake usio na kikomo,

19 ili awaokoe na mauti,

na kuwahifadhi wakati wa njaa.(Zaburi 33:17-19)

20 Sisi tunamngojea Bwana kwa matumaini,

yeye ni msaada wetu na ngao yetu.(Zaburi 33:20)

6 Bwana yuko pamoja nami, sitaogopa.

Mwanadamu anaweza kunitenda nini?(Zaburi 118:6)

8 Ni bora kumkimbilia Bwana

kuliko kumtumainia mwanadamu.(Zaburi 118:8)

10 Jina la Bwana ni ngome imara,

wenye haki huikimbilia na kuwa salama.(Mithali 18:10)

26 kwa kuwa Bwana atakuwa tumaini lako

na kuepusha mguu wako kunaswa katika mtego.(Mithali 3:26)

9 Mtu mwadilifu hutembea salama,

lakini mtu aendaye katika njia zilizopotoka atagunduliwa.(Mithali 10:9)

26 Yeye amchaye Bwana ana ngome salama,

na kwa watoto wake itakuwa kimbilio.(Mithali 14:26)

5 "Kila neno la Mungu ni kamilifu;

yeye ni ngao kwa wale wanaomkimbilia.(Mithali 30:5)

6 Kwa maana Bwana hutoa hekima,

na kinywani mwake hutoka maarifa na ufahamu.

7 Anahifadhi ushindi kwa ajili ya mwadilifu,

yeye ni ngao kwa wale wasio na lawama,

8 kwa kuwa hulinda mwenendo wa mwenye haki

na kuhifadhi njia ya waaminifu wake.(Mithali 2:6-8)

6 Kuweni imara na moyo wa ushujaa. Msiogope wala msifadhaike kwa sababu yao, kwa kuwa Bwana Mungu wenu anakwenda pamoja nanyi; kamwe hatawaacha wala hatawatupa ninyi."(Kumbukumbu La Torati 31:6)

27 Mungu wa milele ni kimbilio lako,

na chini kuna mikono ya milele.

Atamfukuza adui yako mbele yako,

akisema, ‘Mwangamize yeye!’(Kumbukumbu La Torati 33:27)

14 Bwana atawapigania ninyi, nanyi mnatakiwa kutulia tu."(Kutoka 14:14)

3 Utamlinda katika amani kamilifu

yeye ambaye moyo wake ni thabiti

kwa sababu anakutumaini wewe.(Isaya 26:3)

4 Hata mpaka wakati wa uzee wenu na mvi, Mimi ndiye,

Mimi ndiye nitakayewasaidia ninyi.

Nimewahuluku, nami nitawabeba,

nitawasaidia ninyi na kuwaokoa.(Isaya 46:4)

17 Hakuna silaha itakayofanyizwa dhidi yako

itakayofanikiwa,

nawe utauthibitisha kuwa mwongo

kila ulimi utakaokushtaki.

Huu ndio urithi wa watumishi wa Bwana

na hii ndiyo haki yao itokayo kwangu,"

asema Bwana.(Isaya 54:17)

7 Bwana ni Mwema,

kimbilio wakati wa taabu.

Huwatunza wale wanaomtegemea,(Nahumu 1:7)

29 Je, shomoro wawili hawauzwi kwa senti moja tu? Lakini hakuna hata mmoja wao atakayeanguka chini pasipo Baba yenu kujua. 30 Hata nywele za vichwa vyenu zote zimehesabiwa. 31 Hivyo msiogope; kwa maana ninyi ni wa thamani kubwa kuliko shomoro wengi.(Mathayo 10:29-31)

31 Tuseme nini basi kuhusu haya? Ikiwa Mungu yuko upande wetu, ni nani awezaye kuwa kinyume chetu?(Warumi 8:31)

6 Kwa hiyo tunaweza kusema kwa ujasiri,

"Bwana ni msaada wangu; sitaogopa.

Mwanadamu anaweza kunitenda nini?"(Waebrania 13:6)

3 Lakini Bwana ni mwaminifu, naye atawaimarisha ninyi na kuwalinda kutokana na yule mwovu.(2 Wathesalonike 3:3)

15 Siombi kwamba uwaondoe ulimwenguni, bali uwalinde dhidi ya yule mwovu.(Yohana 17:15)

18 Tunajua ya kuwa yeye aliyezaliwa na Mungu hatendi dhambi, bali aliyezaliwa na Mungu hujilinda, wala yule mwovu hawezi kumdhuru.(1 Yohana 5:18)

8 Nitajilaza chini na kulala kwa amani,

kwa kuwa wewe peke yako, Ee Bwana,

waniwezesha kukaa kwa salama.(Zaburi 4:8)

22 Mtwike Bwana fadhaa zako,

naye atakutegemeza,

hatamwacha kamwe mwenye haki wake aanguke.(Zaburi 55:22)

16 Lakini mimi nitaziimba nguvu zako,

asubuhi nitaimba juu ya upendo wako;

kwa maana wewe ndiwe ngome yangu

na kimbilio langu wakati wa shida.(Zaburi 59:16)

114 Wewe ni kimbilio langu na ngao yangu,

nimeweka tumaini langu katika neno lako.(Zaburi 119:114)

8 Bwana atatimiza kusudi lake kwangu,

Ee Bwana, upendo wako wadumu milele:

usiziache kazi za mikono yako.(Zaburi 138:8)

25 Nitawaburudisha waliochoka na kuwatuliza walio na huzuni."(Yeremia 31:25)

12 Hii ndiyo sababu ninateseka namna hii, lakini sioni haya kwa maana ninamjua yeye niliyemwamini, na kusadiki ya kuwa anaweza kukilinda kile nilichokiweka amana kwake hadi siku ile.(2 Timotheo 1:12)