1 Nyasaye e kar pondowa kendo tekowa,

en e kar konyruok man kodwa seche duto.

1 Nyasaye e kar pondowa kendo tekowa,

en e kar konyruok man kodwa seche duto.

1 Ngʼat modak ei kar pondo mar Nyasaye Man Malo Moloyo

biro yudo yweyo e bwo tipo mar Jehova Nyasaye Maratego.

2 Ngʼat ma kamano nyalo wacho kuom Jehova Nyasaye niya,

"En e kar pondona kendo en e ohingana,

en e Nyasacha ma ageno kuome."

4 Obiro umi gi bwombene,

kendo ibiro yudo konyruok e bwo bwombene;

adierane biro bedoni ka okumba kendo ka siro.

7 Ji alufu achiel nyalo podho e bathi,

ee, ji alufu apar nyalo riere e badi korachwich,

to in onge moro ma nochop buti.

9 Ka iwacho niya, "Jehova Nyasaye e kar pondona,"

kendo iketo Nyasaye Man Malo Moloyo kar dakni,

10 to onge gimoro amora marach ma notimreni,

kendo onge masira ma nosud machiegni gi odi.

1 Jehova Nyasaye e lerna kendo e warruokna;

en ngʼa ma daluor?

Jehova Nyasaye e kama ngimana opondoe.

En ngʼa ma dibwoga?

2 En kende ema en lwandana kendo warruokna;

en e ohingana, onge gima biro bwoga.

9 Jehova Nyasaye en kar pondo ne joma idiyo,

en e kar pondo e kinde mag chandruok.

3 To In e okumbana mogengʼa, yaye Jehova Nyasaye;

In ema imiyo alocho, kendo isetingʼo wiya malo.

1 Yaye Jehova Nyasaye, mano kaka wasika thoth!

Mano kaka joma lawa ngʼeny!

2 Ji mangʼeny wuoyo kuoma, kagiwacho ni,

"Nyasaye ok bi rese." Sela*

3 To In e okumbana mogengʼa, yaye Jehova Nyasaye;

In ema imiyo alocho, kendo isetingʼo wiya malo.

4 Aywak matek ka alemo ni Jehova Nyasaye,

kendo odwoka gie gode maler. Sela

5 Ariera piny mondo anindi;

kendo achako aa malo, nikech Jehova Nyasaye orita.

6 Ok abi luoro ji gana gi gana

molwora mondo otimna marach.

30 Nyasaye to yore longʼo chuth;

wach Jehova Nyasaye onge rem moro amora.

En okumba

ne ji duto ma pondo kuome.

35 Isemiya okumba mar warruokni,

kendo lweti korachwich osesira;

kony mari osemiyo abedo gi duongʼ.

36 Imiyo yo mawuothoe bedo malach,

mondo tiendena kik ba yo.

1 Pak obed ni Jehova Nyasaye ma en Lwandana,

pakeuru en motego lwetena ne lweny,

kendo en momiyo lith lwetena bedo mongʼith e kedo.

2 En Nyasacha ma jahera kendo en ohingana,

bende en kar pondona kendo en jakonyna.

En okumbana ma agengʼorago,

kendo en ema oloyona joma ni e bwoya.

10 abiro werne Jal mamiyo ruodhi locho,

kendo makonyo Daudi jatichne e dho ligangla mager.

11 We ji duto moketi kar pondo margi obed mamor;

we gisiki ka giwer gimor.

Umgi gi rit mari,

mondo joma ohero nyingi omor kodi.

12 Nikech igwedho joma kare adier, yaye Jehova Nyasaye;

igengʼogi gi hapi mana ka okumba.

6 Aluongi, yaye Nyasaye, nikech ibiro dwoka;

chik iti kendo winj lamona.

7 Nyisie teko mar herani maduongʼ,

in ma ireso ji gi lweti ma korachwich,

joma pondo ne wasikgi kuomi.

8 Rita adimba kaka tong wangʼi,

panda e bwo tipo mar bwombi,

9 mondo atony e lwet joma richo ma lawa,

mondo atony e lwet wasika ma dhano molwora.

7 Nikech ruoth ogeno kuom Jehova Nyasaye;

kuom hera ma ok rum mar Nyasaye Man Malo Moloyo,

ok obi yiengni.

8 Lweti biro mako wasiki duto;

lweti ma korachwich biro ndhiyo joma kedo kodi.

9 E sa ma ibiro chopoe,

to ibiro miyo gichal gi kendo mar mach mager.

Jehova Nyasaye biro mwonyogi kuom mirimbe mager,

kendo mach mare biro tiekogi.

7 In e kar pondona;

ibiro rita e chandruok,

kendo ibiro lwora gi wende mag loch. Sela

1 Jehova Nyasaye e jakwadha, ok anachand gimoro.

10 Sibuoche nyalo ool kendo kech nyalo kayogi,

to joma manyo Jehova Nyasaye ok ochando gima ber moro amora.

3 Gen kuom Jehova Nyasaye kendo tim maber.

Eka inidag e piny kendo inichiem gi mor e lek maber.

25 Nyaka aa e tin-na mi koro adoko ngʼama duongʼ

pok aneno ka joma kare ojwangʼ,

kata ka nyithindgi kwayo chiemo.

19 To Nyasacha biro miyou gik moko duto muchando, kogolo kuom mwandune maduongʼ manie Kristo Yesu.

13 Anyalo timo gik moko duto kuom Kristo mamiya teko.

33 To mokwongo, dwaruru pinyruoth Nyasaye kod timne makare eka gigi duto bende nomiu kaachiel gi mago.

8 Kik uchal kodgi, nikech Wuonu ongʼeyo gik muchando kata kapok ukwaye.

7 "Kwauru to nomiu; dwaruru to unuyudi; kendo dwongʼuru to noyawnu dhoot. 8 Nimar ngʼato ka ngʼato mokwayo imiyo; ngʼato madwaro nwangʼo; kendo ngʼama dwongʼo, noyawne dhoot.

11 Ka un ma un joricho kamano, ungʼeyo miyo mich mabeyo ne nyithindu, koro Wuonu manie polo donge nyalo chiwo ne joma okwaye mich mabeyo nyadi mangʼeny!

7 Malaika mar Jehova Nyasaye oumo alwora mar jogo momiye luor

kendo oresogi.

22 Jehova Nyasaye reso jotichne;

onge ngʼato kata achiel mopondo kuome ma bura biro loyo.

1 Atingʼo wangʼa ka arango gode,

ere kuma konyruokna biro aye?

2 Konyruokna aa kuom Jehova Nyasaye,

Jachwech polo gi piny.

3 Ok obi weyo tiendi kier,

Jal ma riti ok bi nur;

4 adier, Jal marito Israel

ok nur kendo ok nindi.

5 Jehova Nyasaye riti,

Jehova Nyasaye e tipo moumi gi yo badi korachwich;

6 omiyo chiengʼ ok nochami godiechiengʼ

kendo dwe ok notimi gimoro gotieno.

7 Jehova Nyasaye biro riti

mondo gimoro amora kik ohinyi.

8 Jehova Nyasaye biro riti kidonjo kendo kiwuok,

obiro timo kamano sani kendo nyaka chiengʼ.

1 Rita maber, yaye Nyasaye

nikech in e kar pondona.

1 Rita maber, yaye Nyasaye

nikech in e kar pondona.

8 Asiko aketo Jehova Nyasaye e nyima ndalo duto.

Nikech ka entie e lweta korachwich,

to onge gima nyalo yienga.

8 Asiko aketo Jehova Nyasaye e nyima ndalo duto.

Nikech ka entie e lweta korachwich,

to onge gima nyalo yienga.

1 Mad Jehova Nyasaye dwoki ka in e chandruok;

mad nying Nyasach Jakobo riti.

2 Mad oorni kony moa kare maler mar lemo

kendo omiyi kony moa Sayun.

20 Rit ngimana kendo iresa;

kik iwe ane wichkuot,

nikech in ema apondo kuomi.

21 Mad bidhruok gi ngima moriere rita

nikech genona ni kuomi.

17 Geno yudo resruok kuom faras en gima nono

kata obedo ni en giteko mangʼeny to ok onyal reso ngʼato.

18 To wangʼ Jehova Nyasaye neno jogo momiye luor,

orango joma geno margi ni kuom herane ma ok rem,

19 mondo oresgi e tho

kendo oritgi gibed mangima e ndalo mag kech.

20 Warito Jehova Nyasaye gi geno;

en e konyruokwa kendo okumbawa.

6 Jehova Nyasaye ni koda, omiyo ok analuor.

Ere gima dhano ditimna?

8 Ber pondo kuom Jehova Nyasaye

moloyo geno kuom dhano.

10 Nying Jehova Nyasaye en ohinga maratego,

ngʼat makare ringo ma pond kanyo kendo yud resruok.

10 Nying Jehova Nyasaye en ohinga maratego,

ngʼat makare ringo ma pond kanyo kendo yud resruok.

26 Ngʼat moluoro Jehova Nyasaye nigi ohinga motegno,

kendo nyithinde noyud kar pondo.

26 nimar Jehova Nyasaye ema nomi ibed jachir

kendo norit tiendi mondo kik odonji e obadho.

9 Ngʼat mobidhore wuotho kaonge luoro,

to ngʼatno maluwo yore mobam ibiro yudo mapiyo.

5 "Wach ka wach moa kuom Nyasaye en adier;

Nyasaye en okumba ne jogo mopondo kuome.

5 "Wach ka wach moa kuom Nyasaye en adier;

Nyasaye en okumba ne jogo mopondo kuome.

6 Tim makare rito ngʼat mobidhore,

timbe maricho to tieko jaricho.

25 Joma kare chiemo moromo kaka chunygi dwaro,

to ii ngʼat marach nigi kech.

6 Jehova Nyasaye chiwo rieko

kendo ngʼeyo gi winjo aa e dhoge.

7 Oiko loch ni joma kare,

en okumba ni jogo ma wuodhgi ler,

8 nimar en okumba mar joma kare

kendo orito yor joge ma jo-adiera.

12 Ngʼat mariek neno masira kabiro kendo opondo,

to ngʼat mofuwo dhiyo adhiya nyime ma ohinyre.

31 Inyalo yiko faras ne ndalo mar lweny;

to loyo lweny en mar Jehova Nyasaye.

23 To moloyo duto, rit chunyi,

nikech en e soko mar ngima.

6 Beduru gi chir kendo motegno. Kik uluorgi kendo kik gimi chunyu nyosre, nimar Jehova Nyasaye ma Nyasachu biro dhi kodu; ok enoweu kata jwangʼou."

27 Nyasaye manyaka chiengʼ e kar konyruoku

kendo tekone osiko manyaka chiengʼ.

Obiro riembo wasiku duto ka uneno

kowacho ni, ‘Tiekgiuru!’

12 Kuom jo-Benjamin, Musa nowuoyoe kama:

"Weuru joma oluoro Jehova Nyasaye obed gi kwe,

nimar oritogi kinde duto,

bende ngʼatno ma Jehova Nyasaye ohero yudo yweyo kuome."

17 onge gige lweny molosi ne in mano hinyi,

kendo inilo buche duto modonjnie.

Ma e pok ma jotich Jehova Nyasaye yudo,

kendo ma bende e gweth ma asemiyou,"

Jehova Nyasaye owacho.

3 Inirit gi kwe ngʼatno ma parone oriere tir,

nikech ogeno kuomi.

4 Kata ka udoko moti ma wiu otimo lwar,

to pod An mana en, An ema abiro tingʼou mi aresu.

5 Mana kaka winy mafuyo malo,

e kaka Jehova Nyasaye Maratego nochiel Jerusalem;

nogengʼe kendo norese, noume kendo nokonye.

17 Weuru timbeu maricho;

to upuonjru timbe mabeyo!

Dwaruru tim makare,

kendo jiwuru joma ithiro.

Bende nyaka une ni nyithind kiye

kod mon ma chwogi otho oyal buchegi e yo makare kare.

19 Ka uyie kuoma muboloru kendo umako chikena duto,

to unucham gik mabeyo mag piny;

20 to ka udagi kendo ungʼanyo

to ligangla notieku."

Nimar an Jehova Nyasaye ema asewacho.

14 Jehova Nyasaye biro kedonu; owinjore ubed gi kwe."

7 Jehova Nyasaye ber,

Jehova Nyasaye e kar pondo e kinde mag chandruok,

orito joma ogeno kuome.

29 Oyundi ariyo donge ingʼiewo otonglo achiel? To kata kamano kata achiel kuomgi ok nyal lwar piny e lowo ka ok Wuonu ema oyie. 30 Bende, kata mana yie wiu duto osekwan mongʼe kar rombgi. 31 Omiyo kik uluor, nikech uloyo oyundi nyadi mangʼeny.

22 Ka uyie to unuyud gimoro amora mukwayo kulamo."

17 Ji duto biro sin kodu nikech an. 18 To kata mana yie wiu achiel onge manolal. 19 Ka uchungo motegno to ubiro reso ngimau.

35 Eka Yesu nopenjogi niya, "Kane aorou maonge ofuku mar pesa, kata sanduku kod wuoche, ne uchando gimoro koso?"

Negidwoko niya, "Onge."

31 Koro en angʼo ma wanyalo wacho kuom wachni? Ka Nyasaye en jakorwa, to en ngʼa ma diked kodwa mi lowa?

6 Omiyo wanyalo wacho gi chir niya,

"Jehova Nyasaye e jakonyna omiyo ok analuor,

ere gima dhano ditimna?"*

7 Omiyo bolreuru e bwo Loch Nyasaye. Kweduru Satan, eka noringu.

6 Kuom mano, kik wachal gi ji mamoko ma nindo, to wabeduru motangʼ ka wan gi ritruok.

3 Ruoth en ja-adiera, omiyo obiro miyou teko kendo obiro ritou e lwet Ngʼama Rach.

22 To wayudo koa kuome, gimoro amora mwakwaye nikech wamako chikene kendo watimo gik mamore.

14 Ma e chir ma wan-go ka wadhi e nyim Nyasaye ni ka wakwaye gimoro mowinjore gi dwache to owinjowa. 15 To ka wangʼeyo ni owinjowa kwakwaye gimoro, to wangʼeyo ni waseyudo gima wakwayono.

18 Wangʼeyo ni ngʼama Nyasaye onywolo ok sik katimo richo, nikech Wuod Nyasaye orite kendo ngʼama rach ok nyal mule.

11 Koro ndalona mag bet e piny orumo, nimar abiro iri, to gin pod gin e piny. Yaye Wuoro Maler, ritgi gi teko mar nyingi mane imiya, mondo gibed achiel mana kaka wan kodi wan achiel. 12 Kane pod an kodgi, to nachikogi kendo naritogi maber gi nying mane imiya. Onge kata achiel kuomgi moselal, makmana ngʼatno mane ochan ni nyaka lal mondo Ndiko ochop kare.

15 Ok alam mondo igolgi oko e piny, to alamo ni iritgi mondo kik Ngʼama Rach timnegi marach.

32 Ere Nyasaye moro makmana Jehova Nyasaye?

Kendo en ngʼatno ma en Lwanda makmana Nyasachwa?

29 To koro yie mondo igwedh od jatichni, mondo osik e nyimi nyaka chiengʼ; nimar, yaye Jehova Nyasaye Manyalo Gik Moko Duto, isewuoyo to gi gwethni, isegwedho dhood jatichni gweth mosiko."

6 Noketo kambi mag jolwenje e dala maduongʼ mar Damaski e piny jo-Aram kendo jo-Aram nobedo e bwo lochne kendo negikelone osuru. Jehova Nyasaye nomiyo Daudi olocho kamoro amora mane odhiye.

8 Asebedo kodi kuonde duto misedhiye, kendo asetieko wasiki duto e nyimi. Koro abiro miyo nyingi bed kaka humb jomadongo manie piny.

18 Rituru buchena kendo une ni uluwo chikena, eka mondo udag gi kwe e pinyno.

11 Atimo singruok kodi ni: Ok nachak atiek gik mangima kod pi bende ok nachak aketh piny kuom pi."

7 Adier, onge gima Jehova Nyasaye Manyalo Gik Moko Duto nyalo timo e dala

ma ok ofwenyo, ne jotichne ma jonabi.

11 Kik itamri kecha, yaye Jehova Nyasaye;

mad herani gi adierani osik ka rita.

22 Ket pek manie chunyi ne Jehova Nyasaye

to obiro riti;

ok obi weyo ngʼat makare podhi.

16 Anto abiro wer kuom tekoni

abiro wero herani gokinyi;

nikech in e ohingana,

in e kar pondona e kinde mag thagruok.

11 To ruoth to biro bedo moil kuom Nyasaye;

ji duto masingore e nying Nyasaye biro pake,

to dho jo-miriambo ibiro um mi lingʼ.

4 Weruru ne Nyasaye, weruru wende pak ne nyinge,

miyeuru duongʼ, En moriembo gechene e boche polo,

nyinge en Jehova Nyasaye,

beduru moil e nyime.

5 Nyasaye modak kare kama ler.

En wuoro ne joma onge gi wuonegi kendo en jachwak mon ma chwogi otho.

19 Pak odog ne Ruoth, ma en Nyasaye ma Jawarwa,

Nyasaye matingʼonwa pekwa ndalo duto. Sela

10 An Jehova Nyasaye, ma Nyasachu, mane ogolou Misri.

Ngʼamuru dhou malach mondo apongʼe.

11 Nimar Jehova Nyasaye en chiengʼ kendo en okumba;

Jehova Nyasaye chiwo ngʼwono gi duongʼ;

ok otuon joma wuodhgi oriere tir

gimoro amora maber.

10 Joma ohero Jehova Nyasaye mondo osin gi gik maricho

nimar orito ngima joge ma jo-adiera,

kendo oresogi e lwet joma richo.

6 Jehova Nyasaye rito joma chunygi obolore;

kane an-gi chando maduongʼ to ne oresa.

7 Bed abeda mos, yaye chunya,

nimar Jehova Nyasaye osebedo katimoni maber ndalo duto.

8 Nimar in ema isegolo chunya e tho, yaye Jehova Nyasaye,

wengena bende isereso e ywak,

kendo tiendena isegengʼo mondo kik okier,

9 isetimo kamano mondo awuothi e nyim Jehova Nyasaye,

e piny joma ngima.

114 In e ohingana kendo okumbana;

omiyo aseketo genona e wachni.

1 Ka Jehova Nyasaye ok ema ger ot,

to joma gere nyagore gi tich matek kayiem nono.

Ka Jehova Nyasaye ok ema orito dala,

to jorito ochungʼ karito kayiem.

17 "Ka eni ema abiro miyo tung moro donge ne Daudi

kendo abiro chungo taya ne ngʼata mowir.

18 Abiro bako wasike gi wichkuot,

to en osimbo manie wiye biro medo rieny."

8 Jehova Nyasaye biro chopona chenroge;

yaye Jehova Nyasaye, herani osiko nyaka chiengʼ:

kik ijwangʼ tije ma iloso gi lweti.

16 Ka iyawo lweti

to gik mangima duto yudo konyruokgi duto.

7 Ochwako ngʼat misando

kendo ochiwo chiemo ne joma odenyo.

Jehova Nyasaye gonyo joma otwe mi gibed thuolo,

8 kendo Jehova Nyasaye miyo muofni neno.

Jehova Nyasaye miyo joma piny otaro aa malo,

kendo ohero joma kare.

9 Jehova Nyasaye rito jadak

kendo okonyo nyathi kich gi dhako ma chwore otho,

to yore mag ngʼama timbene richo to orocho.

8 Abiro riera piny mi anind gi kwe,

nikech in kendi, yaye Jehova Nyasaye,

in ema imiyo adak gi kwe.

11 Manreuru gi gige lweny duto mag Nyasaye, mondo eka uchungʼ motegno kutangʼ ne wuond mar Jachien.

11 Manreuru gi gige lweny duto mag Nyasaye, mondo eka uchungʼ motegno kutangʼ ne wuond mar Jachien. 12 Nikech wasigu mwakedogo ok gin dhano, to wakedo gi jotelo, kod ruodhi mag piny motimo mudhoni, kaachiel gi lang chuny maricho modak e kor polo.

8 "Bende dhano nyalo mayo Nyasaye? To kata kamano, umaya.

"Umedo penjo ni, ‘Kare ere kaka wamayi?’

"Umaya kuom chiwo mar achiel kuom apar kod chiwo mamoko. 9 Okwongʼ, ogandau duto, nikech umaya." 10 Jehova Nyasaye Maratego wacho niya, "Keluru achiel kuom apar duto e od keno, mondo chiemo obed e oda. Tema uruane mondo une-ane ka donge dayawnu dirise mag dhorangeye polo mi aolnu gweth mogundho ma ok unyal yudo thuolo kama dukanie.

26 Abiro gwedhogi, kaachiel gi kuonde molworo goda matin. Abiro oro koth machwe piyo kinde ma idware; adier, gweth miwuoro nobedie.

12 Rieko en tipo

mana kaka pesa bende en tipo,

nimar rieko kelo

ngima ni ngʼama ni kode.

14 Kamano bende e kaka Ruoth Nyasaye nochiko mondo joma lando Injili oyud konyruok duto mag ngimagi koa kuom Injili ma giyalo.

10 Nikech hero pesa e chakruok mar kit richo duto. Jomoko ma chunygi osegedo e yore mag yudo pesa oseweyo yie mi gichwowo chunygi giwegi gi masiche mathoth.

25 Anami joma ool teko kendo joma chunygi onyosore anajiw."

12 Mano emomiyo asandora kama. To wiya ok kuodi, nikech angʼeyo Jal ma aseyie kuome, kendo angʼeyo chutho ni onyalo rito ngimana gi chunya ma asechiwone nyaka ndalo nogono.