Protecção e segurança

Nzambi widi suamunu kieto

1 Nzambi niandi suamunu kieto

ayi zingolo zieto ;

niandi nsadisi wu zithangu zioso mu ziphasi.

Nzambi widi suamunu kieto

1 Nzambi niandi suamunu kieto

ayi zingolo zieto ;

niandi nsadisi wu zithangu zioso mu ziphasi.

Suamunu ki kiedika

1 Mutu wowo wumvuandanga ku tsi suamunu ki Nzambi yizangama,

wela vundila ku tsi kitsusula ki Nzambi

ngolo yoso.

2 Ndiela tuba mu diambu di Yave :

Niandi suamunu kiama ayi suamunu kiami kingolo.

Nzambi ama, mu niandi ndintula diana.

4 Wela ku fukidila mu zitsala ziandi

ayi ku tsi mavavi mandi, wela bakula suamunu.

Kikhuikizi kiandi kiela ba nkaku aku

ayi baka kiaku kizangama.

7 Mili yimosi yilenda bua va ndambu aku

voti dikumi di mili va koko kuaku ku lubakala,

vayi kadi diambu dimosi dilendi fikama ko va widi.

9 Enati kitudi Nzambi yizangama buangu kiaku weti vuanda

bosi Yave, suamunu kiama.

10 Buna kadi mbimbi yimosi yilendi kubuila ko

ayi kadi vuku kimosi kilendi fikama va nzoꞌaku yi ngoto ko.

Ndidi mu ndembama vadi Nzambi

1 Yave niandi kiezila kiama ayi phulusu ama.

Nani ndilenda mona tsisi e ?

Yave niandi suamunu kingolo mu luzingu luama.

Nani ndilenda mona boma e ?

2 Niandi kaka ditadi diama

ayi phulusu ama ;

niandi suamunu kiama kingolo ;

Ndilendi bulangana ko.

9 Yave niandi suamunu ki mutu weti yamusu ;

suamunu kingolo mu thangu yi ziphasi.

3 Vayi ngeyo, widi nkaku ama, a Yave.

Ngeyo nkemboꞌama, ngeyo wumvumbulanga ntu ama.

Kuidi Yave kumbanga phulusu

1 A Yave, tala buevi badidi woka bobo bandendidi ;

batu bawombo balembo ndiendila manenga.

2 Bawombo balembo tubi mu diambu diama :

"Nzambi kalendi kunkula ko."

3 Vayi ngeyo, widi nkaku ama, a Yave.

Ngeyo nkemboꞌama, ngeyo wumvumbulanga ntu ama.

4 Ndinyamikinanga kuidi Yave.

Niandi wukuphutudilanga mvutu tona ku mongo andi wunlongo.

5 Ndinlambadala, ndinleka tulu ayi ndinkotukanga ;

bila Yave niandi wukukhebanga.

6 Nditinanga ko tsisi yi makabu mawombo-wombo

ma batu bobo banzungididi ndambu ayi ndambu.

30 Kuidi Nzambi, nzilꞌandi yidi yi fuana,

mambu ma Yave madi ma kiedika.

Niandi nkaku wu batu boso bobo

bansuaminanga mu niandi.

35 Wuphana nkaku aku wu ndungunu,

ayi koko kuaku ku lubakala kukhindisa

ayi wukuluka mu diambu di kukhitula mutu wunneni.

36 Ngeyo wukubikidi nsolo wuyalumuka

ku tsi bitambi biama,

muingi bikodi biama bibika visuka.

Batu baku badi mu khini

1 Bika, nzitusu wuba kuidi Yave, ditadi diama ;

weti longa mioko miama mu nuana mvita

ayi minlembo miama mu nuana khindu.

2 Niandi Nzambi ama yi luzolo ayi tinunu kiama

niandi suamunu kiama kingolo ayi niandi nkuidi ama,

niandi nkaku ama ;

mu niandi ndieti suamina

ayi niandi wuntulanga batu ku tsi luyalu luama.

10 Kuidi mutu wowo wumvananga kuidi mintinu ndungunu,

mutu wowo wunkulanga kisadi kiaku Davidi mu sabala kimvondanga.

11 Vayi bika babo bantomba suamunu mu ngeyo bamona khini.

Wuba bika bayimbila mu khini mu zithangu zioso ayi bika wuba keba.

Muingi bobo beti zola dizina diaku,

bamona khini mu ngeyo.

12 Bila bukiedika ngeyo Yave wunsakumunanga mutu wusonga ;

Wubazungidila mu mamboti maku banga nkaku.

6 A Nzambi, ndikutela bila ngeyo wela kuphana mvutu.

Yinika dikutu diaku ku ndidi

ayi wa lusambulu luama.

7 Monisa matsiminanga ma luzolo luaku lunneni,

ngeyo wuphukisanga mu koko kuaku ku lubakala

bobo bansuaminanga mu ngeyo,

mu bobo bakubalendanga.

8 Wukheba banga ngengele yi dieso diaku ;

wutsueki ku tsi kitsusula ki mavavi maku,

9 mu diambu di batu bambimbi beti kundiamisa,

mu diambu di bambeni ziama zieti kunzungidila ;

ziosi zintomba lufua luama.

7 Bila Ntinu wuntulanga diana diandi mu Yave ;

Ayi mu diambu di luzolo lu ngolo Nzambi yizangama,

kalendi bulangana ko.

8 Koko kuaku kuela buila bambeni ziaku zioso.

Koko kuaku ku lubakala kuela buila

bobo beti ku lenda.

9 Wela kuba kitula banga mfulu makala ma mbazu,

mu thangu yoyi wela kukimonikisa.

Yave wela kuba sikisa mu nganzi andi.

Ayi mbazu yela kuba zinisa.

7 Ngeyo buangu kiama kieti kutsueka ;

ngeyo weti kukheba mu ziphasi.

Ngeyo wukunzungidilanga mu minkunga mi khudulu.

Pfumu niandi nsungi ama

1 Yave niandi nsungi ama,

ndilendi kambu kadi kima ko.

10 Zikhosi zimvonganga

ayi zimfuanga nzala vayi bobo bantombanga Yave

balendi kambu kima ko.

3 Tula diana diaku mu Yave ayi vanga mamboti ;

buna wela vuanda mu tsi ayi wela zingila mu ndembama.

25 Ndiba ditoko, buabu ndieka nunu ;

vayi ndisia mona ko mutu wusonga wuyekolo

voti ndisia mona ko bana bandi balomba dipha.

19 Nzambiꞌama wela yukutisa zitsatu zieno ; boso buididi kimvuama kiandi ki nkembo mu Klisto Yesu.

13 Minu ndilenda vanga mambu mamo mu diambu di mutu wowo wukukhindisanga.

33 Vayi lutomba theti Kipfumu ki Nzambi ayi busonga buandi, buna bela kulubuedila bima bioso biobi.

8 Lubika basokudila. Bila Dise dieno zebi mbi luvuidi mfunu, beno mu kambu teka kunlomba.

Kadi vonga mu lomba ayi mu tomba

7 —Lulomba ayi bela kuluvana. Lutomba ayi luela mona ; lukokuta ayi luela zibudulu. 8 Bila woso wunlombanga niandi wuntambulanga. Woso wuntombanga niandi wumonanga woso wunkokutanga niandi wunzibudulungu.

11 Enati beno batu bambimbi, luzebi vana bima bimboti kuidi bana beno, buna Dise dieno di Diyilu diela luta vana bima bimboti kuidi bobo bakunlombanga.

7 Mbasi Yave yinzungidilanga bobo bankinzikanga Yave

ayi wukubakulanga.

22 Yave wunkulanga bisadi biandi,

ayi kadi wumosi mu babo bobo bansuaminanga mu niandi

kalendi bedoso ko.

Lusadusu luama kuidi Yave lueta ba

1 Ndimvumbulanga meso mama ku miongo,

kuevi kuela totukila lusadusu luama e ?

2 Lusadusu luama luntotukila kuidi Yave ;

mvangi wu diyilu ayi ntoto.

3 Kalendi bika ko kulu kuaku kusialumuka ;

mutu wowo weti kukebanga kalendi niungina ko.

4 Bukiedika, mutu wowo weti sunga Iseli,

kalendi niungina ko voti leka tulu ko

5 Yave niandi wukusunganga,

niandi kitsusula kiaku va koko kuaku ku lubakala.

6 Thangu yilendi ku vanga ko mbimbi va muini

voti ngondi va builu.

7 Yave wela kukebanga mu mambimbi moso,

niandi wela sunganga luzingu luaku.

8 Yave wela kusunga mu kuiza kuaku ayi mu kuenda kuaku

tona buabu nate mu zithangu zioso.

Nzila yi luzingu

1 A Nzambi, wukheba mu luvovomo

bila kuidi ngeyo nditombila suamunu.

Nzila yi luzingu

1 A Nzambi, wukheba mu luvovomo

bila kuidi ngeyo nditombila suamunu.

8 Ndieti tula Yave ku ntualꞌama mu zithangu zioso

bila widi ku koko kuama ku lubakala,

ndilendi nikuka ko.

8 Ndieti tula Yave ku ntualꞌama mu zithangu zioso

bila widi ku koko kuama ku lubakala,

ndilendi nikuka ko.

Yave nungisa ntinu eto

1 Bika Yave kavana mvutu bu widi mu ziphasi,

bika dizina di Nzambi yi Yakobi dikeba.

2 Bika kafidisa lusadusu bu kadi ku buangu kinlongo

Bika kakindisa bu kadi ku Sioni.

20 Keba luzingu luama ayi khudi !

Kadi tala ti ndifua tsoni bila mu ngeyo ndisuamina.

21 Bika fuanana ayi lulama bikheba,

bila mu ngeyo ntudidi diana diama.

17 Phunda yidi diana di phamba mu diambu di khudulu ;

Ka diambu ko zingolo ziandi zinneni, yilendi vukisa ko.

18 Vayi meso ma Yave madi kuidi bawu beti kunkinzika ;

kuidi bawu bantulanga diana mu luzolo luandi lungolo,

19 mu diambu di kuba kula mu lufua

ayi mu diambu di kuba keba bamoyo

mu thangu yi kanda.

20 Tulembo vingila mu diana kuidi Yave.

Niandi nsadisi eto ayi nkaku eto.

6 Yave widi ku ndambuꞌama, ndilendi mona tsisi ko.

Buna mutu mbi kalenda ku phanga e ?

8 Bulutidi mboti mu suaminanga mu Yave

viokila mu tula diana mu mutu.

29 A buevi, basumbisanga ko zitsiodila zizole mu thalu yimosi yi fioti e ? Vayi kuisi ko yimosi yela bua va ntoto mu kambu luzolo lu dise dieno. 30 Vayi mu diambu dieno, luzebi ti zitsuki zieno zioso zidi zitangu. 31 Diawu lubika mona boma ! Bila lulutidi nkangu wu zitsiodila mu luvalu.

22 Mambu mamo malunlomba mu lusambulu, luela matambula enati luwilukidi.

17 Batu boso bela ku lulenda mu diambu di dizina diama. 18 Vayi kadi lusuki lumosi lu mintu mieno lulendi zimbala ko. 19 Lukindama buna luela tambula luvulusu.

Yesu wusambila ku mongo minti mi Olive

35 Buna wuba kamba :

—Mu thangu ndilutuma mu kambu nata photomoni, mu kambu sakosi, mu kambu nata zisapatu ; a kima mbi lukambu e ?

Bawu bamvutudila ti :

—Kadi kima tusia kambu ko.

Luzolo lu Nzambi luawu diana di kiedika

31 Mambu mbi tulenda diaka tuba mu diambu di mambu mama e ? Enati Nzambi widi ku ndambu eto, buna nani wulenda ba mbeniꞌeto e ?

6 Diawu tubeki bu tubila mu diana dioso, ti :

Pfumu niandi wukutsadisanga,

ndilendi mona tsisi ko.

Mutu mbi kalenda kuphanga e ?

7 Diawu, bika lutumukinanga Nzambi, vayi lunuanisa satana, buna wela kulutina.

6 Diawu tubika leka tulu banga bankaka vayi tuzibula meso ayi tubika ba phulu yi dia ayi yi nua.

3 Vayi Pfumu wukuikama, niandi wela kulukindisa ayi kulukeba mu mutu wumbimbi.

22 Ayi kioso kuandi tunlomba, tuela kitambula kuidi niandi mu diambutunkebanga zithumunu ziandi ayi tumvanganga mambu makumonisanga khini.

14 Ayi tala diana diodi tuidi mu Nzambi : enati tulombidi diambu dimosiboso buididi luzolo luandi, niandi wukutuwilanga. 15 Ayi enati tuzebi ti niandi wukutuwilanga, buna kioso kuandi tunlomba buna tuzebi ti tutambudi kiawu.

18 Tuzebi ti woso mutu wubutu kuidi Nzambi kavolanga masumu ko vayi woso wubutu kuidi Nzambi wukukikebanga niandi veka ayi pheve yimbimbikalendi kunsimba ko.

11 Ndisiedi diaka va nza ko, vayi baba badi va nza, minu ndieka kuizakuidi ngeyo. Tata di Nlongo, bika wuba keba mu lulendo lu dizina diaku, dizina diodi wuphana, muingi baba mutu wumosi, banga beto butuididi mutu wumosi. 12 Bu ndibedi yawu va kimosi ndibakebidi mu dizina diaku diodiwuphana. Ndibalundidi, kadi mutu wumosi mu bawu kasia zimbala ko ; botula kaka wumosi : muana wu bulungi muingi masonuku madedakana.

15 Ndikadi kulomba ti wuba botula va nza vayi wuba keba mu nkua wumbi.

11 Kadi zimbakana kumbonanga kiadi, a Yave.

Bika Luzolo luaku ayi kiedika kiaku

bikhebanga mu zithangu zioso.

22 Yekula bizitu biaku kuidi Yave,

niandi wela kukindisa ; kalendi tala ko

ti mutu wusonga kabua.

16 Vayi minu, ndiela yimbidila zingolo ziaku ;

muna nsuka, ndiela yimbidila luzolo luaku

bila ngeyo tinunu kiama kingolo

ayi suamunu mu zithangu zi ziphasi.

11 Vayi Ntinu wela mona khini mu Nzambi ;

baboso bobo banleva ndefi mu dizina di Nzambi bela kunzitisa.

Bila miunu mi bankua luvunu miela kangama.

4 Yimbidilanu Nzambi ; yimbidilanu minzitusu mu diambu di dizina diandi ;

yayisanu mutu wowo wundiatila va phunda mu matuti

Dizina diandi Yave ;

ayi lumona khini va ntualꞌandi.

5 Nzambi niandi widi dise di bisana ayi

niandi weti nuanina mafuola.

Mu buangu kiandi kinlongo kioki keti vuanda.

19 Nzitusu kuidi Yave, kuidi Nzambi mvulusi eto.

Niandi weti kutunatina bizitu bieto lumbu ka lumbu.

Niandi Nzambi wukutuvananga phulusu.

10 Minu ndidi Yave, Nzambi,

yoyi yilutotula mu tsi Ezipite ;

zibula bumboti munu aku ayi ndiela ku wuwesa.

11 Bila Yave Nzambi niandi thangu ayi nkaku,

Yave wela vana nlemvo ayi nzitusu,

kadi kima kimosi kimboti kalendi yimina ko

bobo bandiatilanga mu kambu tsembolo.

10 Bika babo beti zola Yave, balenda mambimbi.

Bila weti keba luzingu lu banlongo bandi.

Niandi wukubakulanga mu mioko mi batu bambimbi.

6 Yave wunkebanga batu badi bakuluka mu mintima ;

bu ndiba mu nkinza wu ngolo niandi wuphukisa.

7 Ba mu luvundulu mu zithangu ziwombo, a muelꞌama

bila Yave wuba wumboti kuidi ngeyo.

8 Bila ngeyo, a Yave, wukula muelꞌama mu lufua ;

meso mama mu matsuela,

malu mama mu bumina thutu

9 muingi ndibaka bu diatila va ntuala Yave,

va mbata ntoto wu batu badi moyo.

114 Ngeyo suamunu kiama ayi nkakuꞌama ;

nditula diana diama mu mambu maku.

Niandi weti vanga mambu moso

1 Enati Yave kakadi tunga nzo,

buna batu bobo balembo tungi mu phamba kuandi balembu sadila.

Enati Yave kakadi sunga divula

buna batu bobo balembo disungi mu phamba kuandi balembo disungila.

17 Vava ndiela vanga phoka yi yunduka mu diambu Davidi

ayi kubika muinda mu diambu di mutu ama ndivinda mafuta.

18 Ndiela vuika bambeni ziandi tsoni

vayi budu ki kipfumu kiela lezamanga. Va mbata ntu andi."

8 Yave wela dukisa mambu momo keti tomba mu minu.

Luzolo luaku, a Yave, lunzingilanga mu zithangu zioso.

Kadi yekula bisalu bi mioko miaku.

16 Ngeyo wunzibulanga koko kuaku

ayi wunyukutisanga zitsatu zi kadika kima kidi moyo.

7 Niandi weti vavila mambu ma bobo beti yamusu,

ayi wumvananga bidia kuidi bobo badi nzala ;

Yave niandi weti totula batu bobo badi mu nloko.

8 Yave weti vana kiezila kuidi phofo,

Yave weti vumbula bobo badi bakomvama.

Yave weti zola batu basonga.

9 Yave weti sunga nzenza,

niandi wunkindisanga muana sana ayi difuola

vayi weti kakumukina zinzila zi batu bambimbi.

8 Ndiela lambadala ayi ndiela leka tulu mu ndembama

bila ngeyo veka kaka, a Yave

bila ngeyo veka kaka wukuphuandisanga mu luvovomo.

11 Bila kioki luvuata binduanina bioso bi Nzambi muingi lubakabu telimina va ntuala luvunu lu satana.

11 Bila kioki luvuata binduanina bioso bi Nzambi muingi lubakabu telimina va ntuala luvunu lu satana. 12 Bila mvita yeto yisi yi nsuni ko ayi yi menga ko, vayi tueti nuanisanga bikulutu, bipfumu, batu ba lulendo badi mu tombi ayi tunuanisanga ziphevi zimbimbi zidi mu tsi yi kipheve.

14 Bobuawu, Pfumu wuvana thumunu ti bobo bansamunanga Nsamu Wumbotibazingilanga mu nsamu wumboti.

10 Bila "luzolo lu mbongo luidi muanzi wumbutanga mambu moso mambimbi." Bankaka bu banuanina mu baka ziawu, bazimbala mu minu ; bakimonisa ziphasi ziwombo. Nuana nduanunu yimbote yi minu.

12 Ayi diawu ndilembo monina ziphasi ziazi vayi ndikadi mona tsoni mu diambu nzebi mutu wowo ndiwilukila ayi diana tsidi ti lulendo luidi yandi mu keba mambu moso momo ndiyekudulu nate mu lumbu kina.