Proximidade

4 यहोवा अर उसकी सामर्थ्य नै खोजो,

उसके दर्शनां के खोजी बणे रहो!

11 यहोवा अर उसकी सामर्थ्य की खोज करो;

उसके दर्शन कै खात्तर लगातार खोज करो।

6 "जिब ताहीं यहोवा मिल सकै सै तब ताहीं उसकी खोज म्ह रहो, जिब ताहीं वो धोरै सै* तब ताहीं उसनै पुकारो;

4 एक वर मन्‍नै यहोवा तै मांग्या सै,

उस्से कै यत्न म्ह लाग्या रहूँगा;

ताके मै जीवन भर यहोवा के भवन म्ह रहण पाऊँ,

जिसतै के यहोवा की मनहोरता पै निगांह लगाऐ रहूँ,

अर उसके मन्दर म्ह ध्यान करया करुँ।

10 क्यूँके तेरे आँगणां म्ह का एक दिन किते और के हजार दिनां तै घणा बढ़कै सै।

दुष्टां‍ के डेरयां म्ह रहण तै

अपणे परमेसवर के भवन की देह्ळी पै खड्या रहणा ए मन्‍नै घणा भावै सै।

11 तू मन्‍नै जीवन की राह दिखावैगा;

तेरे धोरै आनन्द की भरपूरी सै,

तेरे सोळे हाथ म्ह सुख सदा बण्या रहवै सै।

17 धर्मी दुहाई देवै सै अर यहोवा सुणै सै,

अर उननै सारी विपतियाँ तै छुड़ावै सै।

18 यहोवा टूट्टे मन आळयां कै धोरै रहवै सै,

अर पईसे होया का उद्धार करै सै।

5 थारी कोमलता सारे माणसां पै जाहिर हो। प्रभु का आणा लोवै सै,

13 पर पैहले जो थम, परमेसवर तै दूर थे, परमेसवर नै थारे ताहीं मसीह यीशु के लहू बहाण के जरिये धोरै बुला लिये सों।

6 पक्‍का भलाई अर करुणा जीवन भर मेरे

गैल-गैल बणी रहवैगी;

अर मै यहोवा के धाम म्ह सदा वास करुँगा।

18 "मै थारे ताहीं अनाथ कोनी छोडूँगा, मै थारे धोरै बोहड़ के आऊँगा।

57 म्हारा परमेसवर यहोवा जिस तरियां म्हारे पुरखां कै गैल रहवै था, उसे तरियां म्हारे गैल भी रहवै, वो हमनै त्याग ना देवै अर ना हमनै छोड़ दे।

31 फेर भी तन्‍नै जो घणा दयालु सै, उनका नाश न्ही कर करया अर ना उन ताहीं त्याग दिया, क्यूँके तू अनुग्रहकारी अर दयालु परमेसवर सै।"

आखरी नमस्कार

16 मै प्रार्थना करुँ सूं, के प्रभु जो शान्ति का चोवा सै आप ए थारे ताहीं सारी हाण अर हरेक तरियां तै शान्ति देवै। प्रभु थम सारया कै साथ रहवै।

शुभकामनाएँ अर आशीर्वाद

11 हे बिश्वासी भाईयो, आखर म्ह मै थारे तै कहणा चाहूँ सूं, के आनन्दित रहों, सिध्द बणदे जाओ, अर एक-दुसरे नै उत्साहित करो, एक ए मन रहों, मिल-जुल के रहों। अर प्यार अर शान्ति का देण आळा परमेसवर थारे गेल्या होवैगा।

13 इस्से तै हम जाणा सां के हम उस म्ह बणे रह्वा सां, अर वो म्हारै म्ह; क्यूँके उसनै अपणे पवित्र आत्मा म्ह तै म्हारै ताहीं दिया सै।

18 परमेसवर ताहीं किसे नै कदे कोन्या देख्या, पर परमेसवर के इकलौते बेट्टे नै, जो सदा परमपिता कै गैल सै, उस्से नै म्हारे ताहीं दिखाया।

28 मूसा तो ओड़ै यहोवा के गैल चाळीस दिन अर रात रह्या; अर जिब तक ना तो उसनै रोट्टी खाई अर ना पाणी पिया। अर उसनै उन तख्तियाँ पै करार के वचन यानिके दस हुकम लिख दिये।

9 उड़ै के बिमारां नै ठीक करो अर उनतै कहो, परमेसवर का राज्य थारे धोरै आण पोंहच्या सै।

आसा के सुधार

1 कुछ बखत बाद फेर परमेसवर का आत्मा ओदेद के बेट्टे अजर्याह कै उप्पर आ ग्या, 2 अर वो आसा तै मिलण नै लिकड़या, अर उसतै कह्या, "हे आसा, अर हे सारे यहूदा अर बिन्‍यामीन के गोत्र के लोग्गो, मेरी सुणो, जिब ताहीं थम यहोवा कै गैल रहोगे जिब ताहीं वो थारै गैल रहवैगा; अर जै थम उसकी खोज म्ह लाग्गे रहो, फेर तो वो थारे तै मिल्या करैगा, पर जै थम उसनै त्याग दोगे तो वो भी थमनै त्याग देगा। 3 घणे दिन इस्राएल बिना सच्‍चे परमेसवर के अर बिना सिखाण आळे याजक के अर बिना नियम-कायदे के रह्या। 4 पर जिब-जिब वे संकट म्ह पड़कै इस्राएल के परमेसवर यहोवा की और फिरे अर उस ताहीं टोह्या, तब-तब वो उननै मिल्या। 5 उस बखत ना तो जाण आळे नै शान्ति मिलै थी, अर ना आण आळे, बल्के सारे देश के सारे बासिन्दया म्ह बड़ा ए कोलाहल होवै था। 6 जात तै जात अर नगर तै नगर चूर करे जावैं थे, क्यूँके परमेसवर न्यारे-न्यारे ढाळ का कष्ट देकै उननै घबरा देवै था*। 7 पर थम हियाव बाँधो अर थारे हाथ ढील्‍ले ना पड़ै, क्यूँके थारे काम का बदला मिलैगा।"

8 जिब आसा नै ये वचन अर ओदेद नबी की नबूवत सुणी, फेर उसनै हियाव बाँधकै यहूदा अर बिन्‍यामीन के सारे देश म्ह तै, अर उन नगरां म्ह तै भी जो उसनै एप्रैम की पहाड़ी देश म्ह ले लिये थे, सारी घिनोणी चीज दूर करी, अर यहोवा की जो वेदी यहोवा के ओसारे कै स्याम्ही थी, उस ताहीं नये सिरे तै बणाया। 9 फेर आसा नै सारे यहूदा अर बिन्‍यामीन तै, अर एप्रैम, मनश्शे अर शिमोन म्ह तै जो माणस उसकै गैल रहवै थे, उन ताहीं कठ्ठा करया, क्यूँके वे यो देखकै के उसका परमेसवर यहोवा उसकै गैल रहवै सै, इस्राएल म्ह तै भोत-से उसकै धोरै चले आए थे। 10 आसा के राज के पन्द्रहवें साल के तीसरे महिन्‍ने म्ह वे यरुशलेम म्ह कठ्ठा होए। 11 उसे बखत उन ताहीं उस लूट म्ह तै जो वे ले आए थे, सात सौ बळध अर सात हजार भेड़-बकरियाँ, यहोवा तै बलि करकै चढ़ाई। 12 उन ताहीं करार करया* के हम अपणे पूरे मन अर सारे प्राण तै अपणे पूर्वजां के परमेसवर यहोवा की खोज करांगे; 13 अर के बड़ा, के छोट्टा, के जनान्‍नी, के माणस, जो कोए इस्राएल के परमेसवर यहोवा की खोज ना करै, वो मार गेरया जावैगा। 14 अर उननै जयजयकार की गैल तुरहियाँ अर नरसिंगे बजान्दे होए ऊँच्‍चे शब्द तै यहोवा की शपथ खाई। 15 यो कसम खाकै सारे यहूदी आनन्दित होए, क्यूँके उननै अपणे सारे मन तै कसम खाई अर बड़ी अभिलाषा तै उस ताहीं टोह्या अर वो उननै मिल्या, अर यहोवा नै च्यांरु और तै उन ताहीं आराम दिया।

16 आसा राजा की माँ माका जिसनै अशेरा कै धोरै धरण खात्तर एक घिनोणी मूर्त बणाई, उस ताहीं उसनै राजमाता कै पद पै तै तार दिया; अर आसाप नै उसकी मूर्त काटकै पिस दी अर किद्रोन नाळे म्ह फेंक दी। 17 मूर्तिपूजा की ऊँच्‍ची जगहां तो इस्राएलियाँ म्ह तै ना ढाई गई, फेर भी आसा का मन जीवन भर बेकसूर रह्या।* 18 उसनै जो सोन्‍ना-चाँदी, अर बरतन उसके पिता नै अर्पण करे थे, अर जो उसनै आप अर्पण करे थे, उन ताहीं परमेसवर के भवन म्ह पोंहचा दिया। 19 राजा आसा के राज के पैंतीसवें साल ताहीं यहूदा राज्य म्ह फेर लड़ाई ना होई।