Proximidade

4 መና ጎዳነ አ ዎልቃ ጾሞስተ፤

ኡባ ገደ አ ስን ኮይተ።

11 መና ጎዳነ አ ዎልቃ ጾሞስተ፤

ኡባደ አ ስን ኮይተ።

6 መና ጎዳይ ቤትያ ዎደ አ ኮይተ፤ ማታን ደእያ ዎደ አ ጼስተ።

4 ታን መና ጎዳ እትባ ኦቻድ፤

ታን ሄዋ ኮያድ፤

ሄዌነ፥ ታን ታ ደኡዋ ላይ ኡባን፥

መና ጎዳ ጎልያን ደአናዋ፤

ቃይካ ታን መና ጎዳ ሎኦተ በአናዋነ

አ ጎልያን አ ኮያናዋ።

10 ታን ሀራ ሳኣን ሻኡ ጋላሳ ደአናፐ

ጾሳ ጎልያን እት ጋላሳ ደእያዌ ሎአ።

ኢታቱዋ ዱንካንያን ደአናዋፐ

ታ ጾሳ ጎልያ ፐንግያ ናግያዌ ታዉ ሎአ።

11 ኔን ታና ደኡዋ ኦግያ በሳሳ።

ታን ነ ማታን ደእና፥ ታ ናሸቻይ ፖለቴ፤

ነ ኡሸቻ ባጋና እንጂ መናዉ ደኤ።

17 ጽሎቱ ዋሲኖ፤

መና ጎዳይ ኡንቱንቱ ዋሱዋ ስሴ።

እ ኡንቱንቱ መቱዋ ኡባፐ አሼ።

18 መና ጎዳይ ዎዛናይ መኤዳዋንቶ ማታና፤

ቃይ ባረንቱ ህዶታ ቃንጼዳዋንታ አሼ።

5 አሳይ ኡባይ ህንተንቱ አሽከተ ኤሮ፤ ጎዳይ ማታን ያና።

13 ሽን ህንተ ካሰ ሃኪደ ደእያዋንቱ ሀእ ክርስቶሳ የሱሳና ደኢደ፥ ክርስቶሳ ሀይቁዋን ማታ ሺቄድታ።

6 ነ ኬካተይነ ማሮተይ

ታ ደኡዋ ላይ ኡባን ቱሙዋፐ ታና ካላና።

ታን መና ጎዳ ጎልያን መናዉ ደአና።

18 "ታን ህንተንታ አዉነ አታ ባይና ዪኦ ናናዳን ህንተረካ አጋባሽከ፤ ታን ስማደ ህንተንቱኮ ያና።

57 መና ጎዳይ ኑ ጾሳይ ካሰ ኑ አዎቱዋና ደኤዳዋዳን፥ ኑናናካ ደኦ፤ እ ኑና ኡባካ አጎፖ ዎይ የጎፖ።

31 ሽን ኔን ኬካነ ማርያ ጾሳ ግድያ ድራዉ፥ ነ ዎልቃማ ማሮተን ኡንቱንታ ኡባና አጋበይካነ ይሳባካ።

ዉርሰ ሳሮታ

16 ሳሮተ ጎዳይ ባረ ሁጲያን ህንተንቶ ኡባ ዎደነ ኡባ ባጋና ሳሮተ እሞ። ጎዳይ ህንተናና ኡባና ግዶ።

11 ዉርሰን ታናዳን ጾሳ ካልያዋንቶ፥ ሳሮ ደእተ፤ ባል ባይናን ደእተ፤ ታ ዞርያ ስስተ፤ እት ዎዛና ግዲደ ደእተ፤ ሳሮተን ደእተ። ሲቁዋነ ሳሮተ ጾሳይ፥ ህንተናና እትፐ ደአና።

13 ጾሳይ ባረ አያና ኑዉ እሜዳ ድራዉ፥ ኑን ጾሳ ግዶን ደእያዋነ እካ ኑ ግዶን ደእያዋ ኤሬቶ።

18 ጾሳ በኤዳ አሳይ ኦንነ ባዋ፤ ባረ አዉዋ ማታን ደእያ ባረ ሁጰዉ ጾሳ ግዴዳዌ እት ናኣ ጻላላይ አባ ማርካቴዳ።

28 ሙሴ ቁማ ሜናንነ ሃ ኡሸናን፥ ኦይታሙ ጋላሳነ ኦይታሙ ቃማ መና ጎዳና ያን ጋምኤዳ፤ ቃላ ጫቁዋ ቃላቱዋ፥ ታሙ አዛዙዋ ማሰቴዳ ሹቻን ጻፌዳ።

9 ሄ ካታማትን ደእያ ሀርጋንቻቱዋ ፓደ አሳዉ፥ ‘ጾሳ ካዉተይ ህንተኮ ማቴዳ’* ያጊደ ኦድተ።

ካቲ አሳይ ይሁዳን ደእያ ኤቃ ምስለቱዋ ይሴዳ

1 ኦዴዳ ናኣ አዛርያሳ ቦላ ጾሳ አያናይ ዎዳ፤ 2 አሳና ጋከታናዉ ቢደ፥ ሀዋዳን ያጌዳ፤ "አሳ፥ ኔን፥ ይሁዳ አሳይነ ቢንያማ አሳይ ኡባይ ስስተ! ህንተንቱ መና ጎዳና እትፐ ደእያ ዎደ ኡባን እካ ህንተናና ደኤ። ህንተንቱ አ ኮዮፐ፥ እ ህንተንቶ ቤታና፤ ሽን ህንተንቱ አ አጎፐ፥ እካ ህንተንታ አጋና። 3 እስራኤልያ አሳይ ቱሙ ጾሳይ፥ ታማርስያ ቄሲነ ህጊ ባይናን ዳሮ ዎድያ ደኤዳ። 4 ሽን ባረንታ መቱ ጋኬዳ ዎደ፥ ኡንቱንቱ መና ጎዳኮ፥ እስራኤልያ ጾሳኮ ስሚደ፥ አ ኮዬድኖ፤ እ ኡንቱንቶ ቤቴዳ። 5 ሄ ዎድያን ካረ ከስያዎነ ሶ ገልያዎ ሳሮተይ ባዋ፤ አያዉ ጎፐ፥ ጋድያ ኡባ ቦላን ደእያ አሳይ ዳሮ ሻባረቴ። 6 ጾሳይ ኡንቱንታ ዱማ ዱማ መቱዋን የጌዳ ድራዉ፥ ደሪ ደርያ፥ ካታማይካ ካታማ ኡንኤ። 7 ሽን ህንተንቱ ምንተ፤ ላፎፕተ! አያዉ ጎፐ፥ ህንተንቱ ኦዳ ኦሶ ጋቲ ደኤ" ያጌዳ።

8 ኦዴዳ ናአይ ትምቢትያ ኦድያ አዛርያስ ኦዴዳ ቃላ ስሴዳ ዎደ፥ አሳይ ምኔዳ። አሳይ ይሁዳነ ቢንያማ ቢታቱዋ ኡባፐነ ኤፍሬማ ገዝያን እ ኦሞዲደ ኦይቄዳ ካታማቱዋፐ ሸነይያ ኤቃ ምስለቱዋ ይሴዳ። ሄዋፐ ጉይያን፥ መና ጎዳ ጌሻ ጎልያ ስንን ደእያ መና ጎዳዉ ያርሽያ ሳካ ኦራዳ።

9 መና ጎዳይ አ ጾሳይ አናና ደእያዋ በኤዳ ድራዉ፥ ዳሮ አሳይ እስራኤልያፐ አኮ ዬዳ፤ ይሁዳ አሳነ ቢንያማ አሳ ኡባ፥ ኡንቱንቱና ደእያ ኤፍሬማ ዘረ፥ ምናሰ ዛራቱዋነ ስሞና ዘረ አሳይ ሺሼዳ። 10 አሳይ ካተቴዳ ታማነ እቼሻን ላይን፥ ሄዘን አግናን ሄ አሳይ የሩሳላመን ሺቄዳ። 11 ሄ ጋላስ ኦሞድ አሄዳዋፐ ላፑን ጼቱ ኮሩማቱዋነ ላፑን ሻአ ዶርሳቱዋ መና ጎዳዉ ያርሼድኖ። 12 መና ጎዳ ባረንቱ አዎቱዋ ጾሳ ባረንቱ ኩመን ዎዛናንነ ባረንቱ ኩመን ሸምፑዋን ኮያናዉ ቃላ ገሌድኖ። 13 "መና ጎዳ እስራኤልያ ጾሳ ኮየና አሳይ፥ ጉ ግድና ዎልቃማ ግድና፥ አቱማ ግድና ማጫ ግድና፥ ሀይቆ" ጊደ ጫቀቴድኖ። 14 ሄዋ ቦላንካ ማላካታነ ጹሩምባ ፑኒደ፥ ባረንቱ ቃላ ቁ ኦደ፥ መና ጎዳዉ ጫቄድኖ። 15 ይሁዳ አሳይ ኡባይ ባረንቱ ኩመን ዎዛናን ሀ ጫቁዋ ጫቄዳ ድራዉ፥ ናሸቴድኖ። አያዉ ጎፐ፥ ጾሳ ኡንቱንቱ ላሞቲደ ኮይና፥ እ ኡንቱንቶ ቤቴዳ። መና ጎዳይ ኡንቱንቶ ኡባ ባጋናካ ዎፓ እሜዳ።

16 ካቲ አሳይ ባረ አዉዋ ዳያ ማእካ አሼሮ ግያ ጾሳትዉ ሸነይያ ኤቃ ምስልያ መዳ ድራዉ፥ ካትያ አቶ አ ጌተትያ ቦንቹዋፐ እዞ ድጌዳ። አሳይ ሄ ኤቃ ምስልያ ቃንጸሬ ሱፓዪደ፥ ቀድሮና ዛንጋራን ጹጌዳ። 17 ጎይንያ ቃ ሳኣ አሳይ እስራኤልያ ጋድያፐ ይሰናን አጎፐነ፥ እ ባረ ደኤዳ ላይ ኡባን መና ጎዳዉ ዎዛናፐ አማነትያ አሳ ግዲደ ደኤዳ። 18 እነ አ አዉ ጾሳዉ ዱማይ ዎዳ ብራነ ዎርቃ ሀራ ሚሻቱዋ አሂደ፥ ጾሳ ጌሻ ጎልያ ግዶን ዎዳ። 19 አሳይ ካተቴዳ ሀታማነ እቼሻን ላይይ ጋካናዉ ኦላይ ባዋ።