Proximidade

4 मज़त मांगा बिधाता का,

कबल्‍लै रहणअ तेऊए ज़ै-ज़ैकार करदै लागी।

11 मज़त मांगा बिधाता का,

कबल्‍लै रहणअ तेऊए ज़ै-ज़ैकार करदै लागी।

6 बिधाता बाखा फिरा संघा करा तेऊ सेटा अरज़

सह सका अज़ी बी तम्हां भेटी।✝

4 मंऐं मांगअ बिधाता का एक्‍कै बरदान,

हुंह च़ाहा सिधअ इहअ कि

मुंह रहणअ सारी ज़िन्दगी बिधाते घअरै,

ताकि हुंह तिधी कबल्‍ली बिधाते महान भलाई भाल़ूं

अर बिधाता का हर बगत सलाह मांगूं।

10 तेरै बसेरै एकी धैल़ै रहणअ आसा

हज़ार साला ज़िऊंणै का बित्तअ,

कदुष्टे डेरै रहणैं का भलअ आसा मुल्है

तेरै दुआरे डेहल़ै बेशी रहणअ भलअ।

11 तंऐं रहैऊई मुखा सह बात ज़ुंण ज़िन्दगी बाखा डेओआ,

ताह नेल़ रहणैंओ धैस्स करा मुंह खुश अर

ताह संघै रही एछा मुंह सदा लै नंद। ✝

17 बिधाता हेरा धर्मीं मणछे लेर-पकार शूणीं,

संघा बच़ाऊआ सह तिन्‍नां सोभी आफ़ता का।

18 ज़हा मणछो हैअ चुटअ बिधाता हआ तिन्‍नां नेल़,

ज़हा किछ़ै आशा निं रही, तिन्‍नां बच़ाऊआ बिधाता आप्पै।

5 सोभी लोगा का लोल़ी शुझुअ कि तम्हैं आसा हर गल्‍ला दी झणैल़ू। ऐहा गल्‍ला डाहै आद कि प्रभू एछणअ छ़ेक्‍कै फिरी।

13 पर ज़ुंण तम्हैं दूर थिऐ, ऐबै आणै परमेशरै तम्हैं मसीहा ईशूए तेऊ लोहू करै आप्पू नेल़ ज़ुंण मसीहा थारी तैणीं बहाऊअ।

6 अह गल्‍ल आसा पाक्‍की कि तूह झ़ूरा मुल्है अर ताह करनी मुल्है सदा झींण,

हे बिधाता, मुंह बस्सणअ तेरै घअरै सदा-सदा लै।

18 "मुंह निं तम्हैं कधि इहै कल्ही डाहणैं कि थारी हेरा-सभाल़ा लै निं कोहै होए! हुंह एछणअ तम्हां सेटा लै आप्पै बापस फिरी।

57 म्हारअ परमेशर बिधाता ज़िहअ म्हारै दादा-बाबा संघै रहअ, तिहअ लोल़ी सह हाम्हां संघै बी रहअ, तेऊ निं हाम्हैं कधि लोल़ी छ़ाडै अर नां शोटी लोल़ी डाहै।

31 तज़ी बी रहअ तूह तिन्‍नां लै खास्सअ झणैल़ू बणी अर

तंऐं निं तिंयां शोटी डाहै अर नां पठी बरैबाद किऐ।

तूह आसा जश दैणैं आल़अ अर झणैल़ू परमेशर।

खिरी राज्ज़ी-खुशी दैणीं

16 प्रभू ज़ुंण शांती दैणैंओ मूल़ आसा, हुंह करा तेऊ का एही अरज़ कि तेऊ लोल़ी तम्हां लै एही बर्गत दैनी कि सह तम्हां लै शांती दैए। हुंह करा प्राथणां कि प्रभू लोल़ी कबल्‍लअ तम्हां सोभी संघै रहअ।

राज्ज़ी-खुशी

11 ऐबै ए मेरै भाईओ, नंद रहा, अर सिध्द रहा हंदै लागी, एकी-दुजै लै दैआ हैअ अर आप्पू मांझ़ै डाहा एक मन्‍न अर मेल़-ज़ोल़। झ़ूरी अर शांती दैणैं आल़अ परमेशर हणअ तम्हां संघै।

13 एता करै लागा हाम्हां का थोघ कि हाम्हैं बस्सा तेऊ दी अर सह बस्सा हाम्हां दी। किल्हैकि तेऊ आसा हाम्हां लै आपणीं आत्मां दैनी दी।

18 परमेशर निं आझ़ तैणीं कोही भाल़अ, पर बाब परमेशरो कल्ही पूत ज़ुंण तेऊए भोसल़ै आसा, तेऊ किअ परमेशर हाम्हां लै प्रगट।

28 मोसा रहअ धारा प्रैंदै च़ाल़्ही धैल़ी अर च़ाल़्ही राची बिधाता संघै। इना एतरै धैल़ै निं तेऊ किछ़ खाअ पिअ आथी। तेऊ लिखी बधाना मांझ़ै परमेशरे करारे खास दस हुकम तिन्‍नां पात्थरे शिला दी।

9 ज़ुंण तिधी रोगी होए, तिन्‍नां करै नरोगै संघा बोलै तिन्‍नां लै इहअ, ‘परमेशरो राज़ आअ तम्हां नेल़।’

राज़ै आसाहे खास काम

1 थोल़ै धैल़ै बाद किई बिधाता ओदेदे शोहरू अजर्याह संघै गल्‍ला। 2 अजर्याह डेऊअ तेभी आसाह राज़ै सेटा संघा खोज़अ इहअ, "आसाह राज़ैआ, यहूदा अर बिन्यामीन गोत्रे सोभी लोगो, मेरी गल्‍ला दी दैआ धैन! बिधाता रहणअ तेभै तैणीं तम्हां संघै अर तेऊ रहणअ तेभै तैणीं थारी मज़त करदै लागी ज़ेभै तैणीं तम्हैं तेऊ संघै अर ज़िहअ सह हुकम करा तिहअ करदै रहे। ज़ै तम्हैं तेऊ छ़ाडी दूर होए, तै डाहणैं तेऊ बी तम्हैं शोटी। 3 एकी ज़मानै रहै इज़राईली खास्सी साला तैणीं, असली परमेशरा बाझ़ी, नां तिन्‍नां लै शिक्षा दैणैं आल़अ प्रोहत थिअ अर नां तिंयां बिधाते बधाना मंदै तै। 4 पर ज़ांऊं आफ़त पल़ी तेखअ फिरै तिंयां इज़राईले परमेशर बिधाता बाखा अर तेखअ पल़ी तिन्‍नां बिधाते छोद। 5 तिन्‍नां धैल़ै निं इज़राईला मांझ़ै कोहै राज्ज़ी आथी त किल्हैकि सारै देशै ती आफ़त अर सोभी जैंदरी त झाख पल़अ द। 6 देश-देश तै एकी-दुजै बरैबाद करदै पल़ै दै। हर ज़ैगा तै एकी नगरीए लोग दुजी नगरी हारदै-मारदै लागै दै। सह हुअ इहअ करै कि बिधाता दैनअ तिन्‍नां प्रैंदै आफ़त पल़णै। 7 पर तम्हैं डाहा हिम्मत अर हैअ निं चोल़ी। बिधाते साबै ज़िन्दगी ज़िऊंणेंओ भलअ फल जाणअ तम्हां भेटी।"

8 बिधाता ज़ुंण गल्‍ला ओदेदे शोहरू अजर्याह गूरा का प्रगट किई ती, तेता शूणीं आई राज़ै आसाह होर बी हिम्मत। तेऊ किई यहूदा, बिन्यामीन अर एप्रैम धारा बाखे मुल्खै तिन्‍नां सोभी नगरी का मुहुर्ती पूज़ा ज़ेही च़िल़्हखरी च़िज़ा दूर। बिधाते बेदीए बी किई तेऊ भिई मराम्मत ज़ुंण बिधाते भबने खोल़ै थिई।

9 एप्रैम, मनिश्शे अर शमौन गोत्र ज़ुंण यहूदा तै बस्सै दै, तिंयां बी हुऐ राज़ै आसाहे पक्षा लै। किल्हैकि तिन्‍नां का शुझुअ कि राज़ै आसाह संघै आसा बिधाता। आसाह किऐ यहूदा अर बिन्यामीन गोत्रा संघै तिंयां सोभै इज़राईली बी कठा। 10 तिंयां हुऐ राज़ै आसाहे राज़ा दी पंद्रुई साला ज़ेठै राज़धानी एरुशलेम कठा। 11 तैहा धैल़ी किअ तिन्‍नैं बिधाता लै तेता मांझ़ै सात शौ बल्द अर सात हज़ार भेडा-बाकरी बल़ीदान ज़ुंण डागै-चैणें हेल़्ही तिन्‍नैं लुटी ती आणी दी। 12 तिन्‍नैं खाऐ सोभी सोह संघा किई एही करार कि हाम्हां करनी तत्त-दिला का आपणैं दादा-बाबे परमेशर बिधाते पूज़ा-गाज़ा। 13 ज़ुंण बी तिन्‍नां मांझ़ै होछ़अ-प्रोढअ, मर्ध-बेटल़ी, इज़राईले परमेशर बिधाता नांईं मने, सह पाणअ हाम्हां मारी। 14 तिधी आऐ दै सोभै लोग हुऐ तेता लै राज्ज़ी कि ज़िहै हाम्हैं सोह खाऐ, हाम्हां करनअ तिहअ ई। तेखअ किई तिन्‍नैं ज़ोरै-ज़ोरै बिधाते ज़ै-ज़ैकार संघा लागै नर्शिंगै बाज़दै। 15 यहूदा मुल्खे सारी परज़ा ती खुश किल्हैकि तिन्‍नैं किई तधू तत्त-दिला का बिधाता संघै करार। बिधाता बी दैनी तेते बदल़ै तिन्‍नां लै बर्गत कि तिन्‍नां भेटअ तिन्‍नें सोभी दुशमणा का राम।

16 राज़ै आसाह काढी आपणीं दादी माकाहा राज़ माए पदबी का पोर्ही किल्हैकि तैहा ती सह अशेरा देबीए च़िल़्हखरी मुहुर्ती बणाईं दी। राज़ै आसाह फाल़ी सह मुहुर्ती संघा पिशी भींन, संघा डाही किद्रोन नाल़ै दहई। 17 तज़ी बी निं राज़अ आसाह यहूदा मुल्खा का इज़राईली मांझ़ै सोभी मुहुर्ती पूज़ा करने गान-स्ताना खतम करी सकअ। पर आप्पू रहअ सह आपणीं ज़िऊंदी ज़िता बिधाता लै शुचअ-पाक्‍कअ। 18 ज़ुंण सुन्‍नअ-च़ंदी अर भांडै तेऊए बाब राज़ै अबियाह बिधाता लै थिऐ अर्पण किऐ दै, तिंयां डाहै तेऊ बिधाते भबनै। ज़ुंण च़िज़ा तेऊ आपणीं बाखा दैनी, तिंयां बी डाही बिधाते भबनै। 19 राज़ै आसाहे राज़ा दी निं पैंईंती साला तैणीं कोही संघै जुध हुअ।