Proximidade
Deus é próximo dos que o buscam. Ele não é um Deus distante, mas presente, íntimo e acessível a todo o que o invoca com sinceridade de coração.
Buscar a presença de Deus
A Bíblia nos exorta a buscar a face do Senhor continuamente. Quem se aproxima dele encontra plenitude de alegria e delícias perpétuas.
Ñübuin humá lun Aburemei,
áluaha huméi lubafu;
áluaha huméi súnwandan.
Ñübuin humá lumoun Aburemei,
áluaha huméi lubafu;
ñübuin humá lumoun Aburemei súnwandan.
Áluaha huméi Aburemei lau gayaraagili lan hadariruni,
háwaha lun luagu yarafagili lan.
Ábanrügüñein katei namuriahan luma Nabureme,
ábanrügüñein katei nabusenrun:
Lun tidan nan luban Nabureme lidan sun nibagari
lun náhuduragun lun lúbiñe,
aríaguaneime lanarime lubuidure.
Buítimati lerederúniwa aban weyu lidan bibürürün
sügǘ lau milu bóugudi luéi!
Himei nágili nawadigimaridun tubenari luban Nubungiute
sügǘ lau naganóun hábiñe wuribatiña.
Barufudubei lémeri ibagari nun.
Anihein óunwenbu ugundani biñuarü;
anihein buiduu le magumuchaditi burugabu.
Deus está perto
O Senhor está perto dos que o invocam, dos quebrantados de coração e dos que clamam por socorro. Sua presença nos sustenta.
Téniti Aburemei lun hagúarahan ha harumabaña,
sefu lumutiña giñe lídangiñe wuribani.
Yarafati Aburemei lun lesefuruniña
ha gáribei hasandirunu hanigi,
ha féridi hamaalibei hemenigin.
Subudiwa humá kei gürigia areidatiña ladüga madiseeli liabin Kristu.
Ánheinti guentó, kei lídanñadün lubéi aban luma Kristu Hesusu, huguya meha le dísebei luéi Bungiu, guentó yarafaadün lun, lau lounwen Kristu.
Falá lumutina bareini luma bínsiñehabu
lidan sun nabagaridun,
ani naganóuba tidan buban Nabureme lun súnwandan.
A presença que nunca abandona
Deus promete nunca nos deixar. Ele permanece fiel, está conosco em todo tempo e envia o Espírito para habitar em nossos corações.
«Mígirun nubadün hábugua; nagiribudayaba lun huma nan.
—Ani guentó, ñein lan Aburemei le Wabungiute wama ítara kei meha hama lan wagüchagu, lun mígirun lániwa wábugua,
Gama lumoun ladüga lueirin bugudemehabu, máfaragun bumutiña, mágurun bumutiña giñe; ladüga aban lan Bungiu gudemehabuti buguya.
Waburemememe Hesukrístu le lánina darangilaü, rula darangilaü hun lidan sun luwuyeri, súnwandan. Humalá sun huguya Wabureme, lun súnwandan.
Guentoti, niduheñu, gunda humá. Áluga humá lun habuidurun sunsuinagubei lidan higaburi, ragǘ huma dǘgüdaguaü, abagarida humá lidan úarani luma darangilaü. Ítara luba húmabei lan Bungiu lau lidarangilaü luma línsiñehabu.
Anihán lébubei gayara lan wachoururuni luagu lídanñadiwa lan aban luma Bungiu, ani lídanñein lan giñe aban wama: Luagu ru laali lan lani Sífiri Sandu woun.
Úagili ni aban arihiti Bungiu; Liráü le ábanrügübei le yarafabei tun lanigi, ligía arufudubalin ida liña lan.
Aba lerederun Moisesi ñein luma Bungiu bián wein weyu luma bián wein áriebu, meigin matun. Ñein labürühei dimurei burí le lánina daradu luagu dübü, lememe diisi gumadi.
areidaguagüda humaña sánditiña ha ñéintiña, hariñagame houn lílana fulasu ligía: «Yarafaali larúeihan Bungiu hun».
Aba lebelurun lani Wabungiute Sífiri lidoun Asaríasi le liráü Owedi, aba láfuridun lubaroun Asá lun lariñagun lun:
—Aganbabána buguya Asá hama sun lílana Hudá luma Benhamín! Húmañein Wabungiute anhein lúmañadün lubéi. Anhein háluaha hadarirubei; gama lumoun anhein hígira, lígirubadün giñe. Lǘhaña Ísüraelina úouga Wabungiute le tímatimaati hama, mafadiriniga, lun larufudahaba lan houn. Gama lumoun dan le háluahani Lubungiute Ísüraeli lidan lénrengunga houn, arufudaguati lungua houn. Lidan burí meha dan ligía úati meha darangilaü ni ka un, luéidigia saragu nidiheri houn lílana fulasu. Heredera meha néchanigu luma uburugu ageindagua hámagua áfaragua houngua, ladüga ládahani Wabungiute hadoun ítara lau sun luwuyeri lamiselu. Gama lumoun huguya ganigi humá, mábürühala harüna, lugundun gafayeiruahabei huádigimari.
Dan laganbunbalin Asá luganute profeta le, aba lárügüdün anigi, aba lagumuchun hau sun guáriua iyereehabútiña ha lumúanrugubaña Hudá luma Benhamín hama ha lídanbaña líbiri burí uburugu le lagañeirubei láraabuterugu Éfürain, aba laranseruni latarü le tigibugiñebei rumu lánina ebelaagülei tidoun litenpulun Wabungiute. Lárigiñe aba lóundaruniña sun Hudaana hama lánigu Benhamín hama terencha ha hámabaña ha lílana Éfürain, Manasési luma Simeón, kei gíbeeña lubéi buga lánigu Ísüraeli ásügürütiña lumoun Asá lau harihini luagu ñeinñein lan Wabungiute le Lubungiute luma.
Aba hóundaragun Herusalén lidan lǘrüwan hati lidan irumu keinsi le lánina larúeihan Asá, aba hadagaragüdün lun Wabungiute lidan weyu ligía: Sedü-san bágasu hama sedü-milu mudún, hádangiñe ha hanügübaña hawéi háganiñu. Lárigiñe aba hadügün aban daradu luagu háluahabei lan Wabureme le habungiute hagüchagu tau sun hanigi. Aba füramase hamá luagu furumiñeguarügü lan le máhati láluahani Wabureme le Lubungiute Ísüraeli, wéiyaali, ñǘraügili, wügüri o würi, lasiadirúba lan lun lounwen. Adüga hamuti fiñún ligibugiñe Wabungiute lau umalali reinti agúaraheina lau ugundani íñaaheina fidu luma liganchun bágasu. Aba hagundaarun sun Hudaana lau fiñún le hadügübei, lugundun tau sun hanigi háfiñura, ani lau sun hanarün háluahei Wabureme, aba ladariraguagüdün lungua houn, ru ligía darangilaü houn hama sun habesinanigu.
Gidá lumuti giñe urúei Asá ubaraü keisi urúei úguchuru tuéi Maaká to lagütü ladüga bugaha tadügagüdün aba liyawa Asera. Aba lagünrinchagunu Asá iyawaü tuguya; aba lamurudaguagüdünu aba lágudunu lidan liraüraü duna le lani Sedurón. Lau sun magidarún tan burí hatenpulun gibe tubungiutegu Ísüraeligiñe, úaraguamemeti bugaha ligaburi Asá, ru lumuti sun golu luma pülata litenpulunrugun Wabungiute le lanúadirubei dandu ligía kei lúguchi lun Wabureme. Úati wuribu darí irumu darandi-seingü lidan larúeihan Asá.