Purificação
A purificação é um tema central na Bíblia. Deus nos chama a sermos limpos — não apenas externamente, mas no coração, na mente e em toda a conduta de vida.
Purificados pelo sangue de Cristo
O sangue de Jesus nos purifica de todo pecado. Sua morte na cruz é o sacrifício perfeito que nos torna limpos diante de Deus.
Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.
Ba nono tadaglmeno God di pogl tomun, God ye ere noragle dumere yegl ere, tadaglmeno koko ede norsre, mabuno kide siragl mere erumga i, kide kodo norabuka. I siragl pre God ege ege ka dumara adigl moglsre, mabuno du keme ere norukwa.
Ba Krais bormaimo i, taragl yegl mere mudu egre atne edidre, nagino swara ere wakai erekrukwa. Bormaimo nono lo duglo boglsre, gogl dinaiglmedi ere wakai ersre, te God kor aimadi moglkwa kogonmo ere pai moraiglmedi ere wakai ere norukwa. Krais aglaumo swara ta paikruko, Mudu Murubuglo aimadi moglkwa i yobuglo tomara mina ye yene i pi God tawa togwa.
Ana God Wam moglkwa i, God abuglagemo podo sumere yegl ye abuglagemo podo sugwa te, God siragl mere moglkwa i, ye kuno ere i nogugl ede norukwa. Te, God Wam kamo yobuglomo podo paugwa pre ye ka dumara i mina taragl pra pra suglno moglkwa. Ama nono deno muduno tadaglme paikran, pe sinabedi konbauna yauro noro, okuo ye ede heven ibo pidre, God mogl mitna kaima edugwa i, ogo wo kra ame di moglkwa.
Krais Jisas nono pre goglkwa i, ye prukwa, Na yoba pre goglsre, ye tadagmeno mudu koko ede te, ye deno muduno ere edibo, pe sinan, ye na yobanama kaima moraiglmiwa. Moglsre, mabuno wakai ta panabuka i keme gun yei tedre, eraiglmiwe di, yegl prisre, nono pre goglkwa.
Purificação interior
Deus cria em nós um coração puro. A purificação começa no interior — nos pensamentos, intenções e motivações do coração.
Ene God moglmara mogl magigl edio! Ene God moglmara mogl magigl edibi, ye ama ene meglmara mogl magigl edenabuka. Yoba ogono nigl edimere yegl, ene tadaglme erikwa i, i pi kide kodio! Te, ene yoba ta nomano suo yenabuka i, nomano kide, i pi kide kodibi, deno muduno pe sinabuka.
Ana agrama abarama wagle, ene na dena muduna suna meglkwa i, ene prio. God ye nono munara mogl noragledi promis di padigl norukwa pre nono ogono nagino mina ya kiano mina mabuno deglbi yogwa ta eramga i, kide kodinamga paugwa. Kide kodidre, God kuduglmo gogl, ye mabunomo ta panabere yegl keme ege ege eramga paugwa.
Na dena muduna teiga meglkwa i, nono erme God gagiglma mogl kodumga ba okuo siragl mere moramga i, teke paugwa. Teke paugwa ba Jisas u plau dinabuka igne i, ye siragl mere moglkwa i, nono gumuglno mina kanamga pre nono ama ye moglmere moramgrawa we di prumga. Te yoba nomane yegl pre gi digwa i, ye Jisas du moglmere yegl ye du moramnedi erikwa.
Lavados pela Palavra
A Palavra de Deus e o batismo nos purificam. Jesus disse: 'Vós já estais limpos pela palavra que vos tenho falado.'
Ana na ka di teimara i, ene pre igwa pre ye ene bagl ere wakai ere kodugo, ene deglbi yeikrikwa.
Te, ene yagl meglkwa i, ene ebinoma deno muduno teo. God Kere Yugwa Yagl yugobunomo mina nono suna munga i, ye okna dem muduo norsre, nono ere inagledi goglmere yegl, ene ebinoma deno muduno yegl tenaiglkwa pre diga. Jisas goglkwa i, ye yugobunomo tadaglmeno koko edidre, yene yobama moraiglmedi ye kamo mina nono nigl pai norukwa.
Yegl di nare, ama yegl dugwa, Erme ene sugl moglkre, tabre adigl, nigl buglo dugwa. Te, ene Yagl Kade Jisas tadaglmenen gugl edenabedi agle din, ye ene tadaglmenen gugl edenabiwe di, Ananaias yegl di narume di, Pol yegl dugwa.
Kuno ere ene nigl biglkwa igne, nigl atne pidre, ede egli wigwa i, piksa mere yegl paugwa. Piksa i, God Noa yobama ake ple di togo, sip yugugl wakai meglmere ene ama wakai moraiglmedi ake ple di togwa mere yegl paugwa pre diga. Te, ene nigl biglkwa i, ogono nagino deglbi i, nigl si kake ede enabuka pre buglkrikwa ba ene nomano mina kaima God duglo boramnedi prikwa i, i nogugl edinamnedi nigl biglkwa. Ene nigl biglko, Jisas Krais adigl u kor omara i mina God ene wakai moraiglmedi ake ple di te moglkwa.
Ye ama yegl dugwa, Yoba deno muduno mina taragl ta pogglau boglko, nomano mina poglo di pre, mabuno erikwa ya ka digwa swara i, God gumuglo wagle yoba si deglbi yogwa. I siragl pre yoba nomane kide prikwa ya, kumugl abai mo yagl abu ta bogl kunogl neigwa ya, taragl kunogl neigwa ya, yoba si geglkwa ya, taragl bubuno geglkwa ya, mabuno kide kaima kane kane beglkwa ya, ka kibi digwa ya, taragl mane pamara nogugl erikwa ya, yoba kide pre teigwa ya, kenaglno sigwa ya, yene pre i mitna edigwa ya, nomane kide kane kane pamere erikwa i, yoba deno muduno mina padre, ede meda wigwa. Mabuno kide mudu i, yoba deno muduno mina yedre, ede meda ugo, ka kaima yoba si deglbi yeimiwe di, Jisas yegl dugwa.