6 Ammanuu baynnaan ooninne S’oossaa nashechchanaw danddayenna; ayaw gooppe, S’oossaakko yiyaa ooninne S’oossay de’iyaawaanne barena koyyiyaawanttoo woytaa immiyaawaa ammananaw koshshee.

12 Waayiyaan genc’c’iyaa uray anjjetteeddawaa; ayaw gooppe, he waayiyaa s’ooneeddawaappe guyyiyaan, S’oossay barena siik’iyaawanttoo immana geedda de’uwaa kalachchaa* I akkana.

5 Shin hintteppe ooninne barew aad’d’eedda eratetsay d’ayooppe, kad’ennaan ubbaw keekatetsan immiyaa S’oossaa woosso. I aw immana.

29 Shin hewan de’iidde, hintte Med’inaa Godaa, hintte S’oossaa koyana; hintte Aa hintte kumentsaa wozanaappenne hintte kumentsaa shemppuwaappe koyooppe demmana.✝

7 «Woossite; hintte akkana. Koyyite; hintte demmana. Kariyaakko yiide s’eesite; hinttew penggii dooyettana.

24 Hewaa diraw, S’oossaa hintte woossiyaabaanne oochchiyaabaa ubbaa akki diggowaadan ammanite; hintte akkana.

21 Aa goday Aa, ‹Hayyanaashsho! Neeni lo"anne ammanettiyaa k’oomaa; neeni guutsaban ammanettaada. Taani neena darobaw kaappo ootsana; haa gelaade ne godaanna nashetta› yaageedda.

23 Hintte ootsiyaa oosuu ubbaa asaw gidennaan Godaw ootsiyaawaadan, wozanaappe ootsite. 24 Godaa Kiristtoosaw hinttenttu ootsiyaa diraw, I barewanttoo immanaw giigissi wotseeddawaa hinttenttu laattanawaa akeekite.

58 Taani siik’iyaa taanaadan ammaniyaawanttoo, hewaa diraw, k’aas’s’ennaan min ek’k’ite. Hinttenttu daaburay Godaa baggana mela gidennawaa eriide, ubbaa wode Godaa oosuwaa azallenan ootsite.

9 Ane lo"o oosuwaa ootsanaw minnoytte. Ayaw gooppe, nuuni min ootsooppe, k’oyc’iyaa wodii sintsappe yaanawaa.

30 Shin c’oratuu ha"i sintsateeddawanttu guyyetanawantta; k’ay c’oratuu ha"i guyyen de’iyaawanttu sintsatanawantta.

6 S’oossay asaa ubbaw Aa oosuwaa malaa immanawaa.✝

38 Immite; hinttenttoo imettana. Hinttenttu makkeedda makaan hinttenttoo makettana. Bak’k’i naak’k’ina siilli kumi palah laalettiyaa makaa hinttenttu kiwuwaan idintsana» geedda.

33 Hinttenttoo lo"obaa ootsiyaawanttu s’alalaw hinttenttu lo"obaa ootsooppe hewoo ay galatay de’ii? Nagaranchchatuukka hawaadan ootsiino.

8 Hargganchchatuwaa patsite; anhaa hayk’uwaappe dentsite; oolluu oyk’k’eeddawantta patsite; iita ayyaanatuwaakka kessite. Hinttenttu c’oo akkeeddita; c’oo immite.

8 S’oossay hinttenttoo gidiyaawe ubbaa wode de’anaadaaninne k’ay haratookka hintte immanaw gidiyaawe de’anaadan hinttena koshshiyaa ubbabaa hinttenttoo immanaw danddayee.

18 Iita Asay demmiyaa miishshay c’imiyaa miishshaa; shin s’illotetsaa zeriyaa uray tumu woytuwaa c’akkana.

4 Neeni ashkke gidooppenne Med’inaa Godaw yayyooppe, duretetsaa, bonchchuwaanne de’uwaa demmana.

3 Aggena siik’uunne tumatetsay neeppe haakkoppino; unttuntta ne k’ood’iyaan k’achcha; ne wozanaankka unttuntta s’aafa. 4 Yaatooppe, neeni S’oossaanne asaa sintsan sabettananne nashettana.✝

16 Immiyaawe immiyaawoo ogiyaa dooyee; wolk’k’aama asaanakka erissee.

9 Shin S’oossaa Mas’aafay,

«Ooninne ayfiyaan be’ibeennawe,

haytsankka sisibeennawe,

k’ay ooninne bare wozanaan k’oppibeennawe

S’oossay barena siik’iyaawanttoo giigisseeddawaa»

giyaawaadan nuuni haasayeetto.✝

18 S’oossay hintte akkana giide, nashechchan naagi utteeddawoo hinttena s’eeseeddawaanne I bare asaw immana giyaa anjjuu ay keenaa durentto hintte eranaadan, S’oossay hintte wozanaa dooyyina, Aa poo’uwaa hintte be’anaadan, taani S’oossaa woossay.

3 Nuuni S’oossaa bonchchuwaanne lo"otetsaa laattana mala, nuuna s’eeseeddawaa nuuni eriyaawan, de’uwaassinne S’oossaa malatussaw nuuna koshshiyaawaa ubbaa S’oossaa wolk’k’ay nuw immeedda.

5 S’oossay nuw immeedda Geeshsha Ayaanaa baggana bare siik’uwaa nu wozanaan gusseedda diraw, he nuuni demmanaw nashechchaan naagi utteeddawe nuuna yeellayenna.

32 I haray atto bare Na’aakka waayiyaappe guyye ashshibeenna; shin Aa nuw ubbaw aatsiide immi aggeedda. I bare Na’aa immeeddawe k’ay nuw ubbabaa c’oo immennee?

14 Shin taani immiyaa haatsaa ushiyaa ooninne laa’entsuwaa saamettenna. Taani immiyaa haatsay he Aa giddon med’inaa de’uwaassi pulttiyaa pulttuwaa gidanawaa» yaageedda.

24 Ha"i gakkanaw Ta suntsan ayinne woossibeykkita; hinttenttu nashechchay polettana mala, S’oossaa woossite; hinttenttu akkana.

7 Shin Taani hinttenttoo tumuwaa oday; Taani biyaawe hinttenttoo lo"a. Ayaw gooppe, Taani baana d’ayooppe, mentsetsiyaawe hinttenttukko yeenna; shin Taani booppe, Aa hinttenttukko yeddana.

14 S’oossay Kiristtoosi Yesuusa baggana bolla de’oo s’eesiyaa woytaa akkanaw, ta gakkanaw wos’ay.

6 S’illotetsaa koshattiyaawanttunne saamettiyaawanttu,*

anjjetteeddawantta;

ayaw gooppe, S’oossay unttuntta kalissana.

2 «Hewaa diraw, hintte awudenne hiyyeesaw immiyaa wode, lo"a malatiyaa iitatuu barentta bonchchissanaw, Ayihuda woosa golleninne ogiyaan haraani be’ettanaw ootsiyaawaadan ootsoppite; taani hinttew tumuwaa oday; unttunttu barenttu gatiyaa akki diggeeddino.

6 Shin neeni S’oossaa woossiyaa wode, ne golle gela; ifitsaa k’achchaade, beettena ne Aawuwaa woossa; geeman oosettowaa be’iyaa ne Aabbu new immanawaa.

14 De’uwaan de’anaw lo"obaappe attina, iitabaa ootsoppite; yaatooppe, hintte giyaawaadan, Med’inaa Goday, Ubbaappe Wolk’k’aama Med’inaa Goday hinttenana gidanawaa.

6 Taani ta kushiyaa neekko mic’c’aad;

mela biittay haatsaa koyiyaawaadan,

ta shemppuu neena saamettee.

12 Hewaa diraw, Asay bare de’eedda laytsan lo"iyaawaa ootsiyaawaappenne, nashetiyaawaappe aad’d’iyaawe ayaynne bayinnawaa taani akeekaad. 13 K’ay, asaw aw Aa daaburaw waaga gidiyaawe muussaaninne ushshan barena nashechchiyaawaa; hewekka aw S’oossaappe imetteedda imotaa.

18 Hewe hewaa gidooppenne, taani akeekeedda itti lo"obay de’ee; hewekka saluwaa gufantsan S’oossay Asay de’anaadan immeedda k’antsa laytsaa giddon, Asay daaburaappe miyaawe, ushiyaawenne nashettiyaawe lo"anne bessiyaawaa. Ayaw gooppe, Aa kaac’ay hewaa.

19 S’oossay asaw duretetsaanne mas’uwaa immiyaawe, bare daaburaa gatiyaa demmiide, miiddinne ushiide nashettanaassa. Hewekka k’ay S’oossaappe aw imetteedda imotaa.

33 Hintte de’uwaan de’ana mala, ubbabay hinttenttoo injjetana mala, k’ay hintte laattiyaa biittankka hintte aduk’k’iide de’ana mala, Med’inaa Goday hintte S’oossay hinttena azazeedda oge ubbaan hemettite.

16 Hewaa diraw, nuuni salettokko; nuw haray atto, bolla bagga asatetsay wook’k’inttokka, garssa bagga asatetsay gallassan gallassan ooras’s’ee.

6 S’oossay bare lo"o wodiyaan hinttena d’ok’k’u ootsana mala, wolk’k’aama S’oossaa kushiyaappe garssanna hinttena toochchite.

10 Godaa sintsan hintte huup’iyaa toochchite; k’ay I hinttena d’ok’k’u d’ok’k’u ootsana.

23 Ayaw gooppe, nagaraa gatii hayk’uwaa. Shin S’oossay nu Godaa Kiristtoosa Yesuusa baggana immiyaa imotay med’inaa de’uwaa.

27 Shin Kiristtoosi hintte bolla bare Geeshsha Ayaanaa gusseedda. Geeshsha Ayyaanay hinttenan de’iyaa diraw, ooninne hinttena tamaarissana koshshenna; ayaw gooppe, Aa Geeshsha Ayyaanay hinttena ubbabaa tamaarissee. I tamaarissiyaawe tumuwaappe attin wordduwaa gidenna. Hewaa diraw Ayaanaa Geeshsha timirttew azazetiidde, Kiristtoosanna ittipetetsaan de’ite.

32 Hewoo nuuni markka; k’ay S’oossay barew azazettiyaawanttoo immeedda Geeshsha Ayyaanaykka markka» yaageeddino.

12 Med’inaa Goday Musa, «Neeni deriyaa pude haa taakko kesaade, hawaan gam"a; yaatooppe neeni unttuntta tamaarissana mala, taani wogaanne azazuwaa s’aafeedda shuchchaa new immana» yaageedda.