Recompensa

6 Haduhu munhu yodaha kumnogela Mulungu bila nhamanila, kwavija kila munhu yokwiza ha Mulungu kolondigwa yatogole kamba Mulungu kabaho na kowamoteza awo womzahila.

Kugaya na Kugezigwa

12 Kamota munhu ija yokwazaganya kipigiti yahagezigwa, kwavija yehesha kugezigwa, kobokela nhunza ya ugima Mulungu yawekile kilagano wanhu waja womnogela heyo.

5 Ila munhu yoyose mmwanza wenu yahahungukilwa na ng’hungwe, yampule Mulungu, ayo yowagwelela wanhu wose na moyo unogile bila kugesa vihile, na heyo kogweleligwa.

Pula, Zahila, Toa Hodi

7 "Puleni, mogweleligwa. Zahileni, movumbula. Toeni hodi, movugulilwa.

24 Avo nowalongela, avija vumtambika na kupula kinhu kulawa ha Mulungu, tamanileni kamba m’bokela, na mogweleligwa kinhu chochose chumpula.

21 Mndewa wake kamulongela, ‘Kutenda goya mtumigwa unogile na ulibule uzenzeleganye! Na kwavija hutendile uzenzeleganye m’vinhu vidodo, avo nokutenda uwe mwimilizi wa vinhu bwando. Izo udeng’he hamoja na nie, mndewa wako!’

23 Chochose chumtenda kitendeni na moyo wenu wose, kwavija momsang’hanikila Mndewa na sio wanhu. 24 Kwavija m’vitanga kamba mokwiza kubokela kija Mndewa kiyailagane kamba nhunza yenu. Kwavija Kilisto iyo Mtawala wa ikweli imumsang’hanikila.

58 Avo, ndugu zangu wanogelwa, nanahileni, sambimtigiswe na kinhu chochose, mazua gose ilaveni mmioyo ing’alile kuitenda sang’hano ya Mndewa, kwavija m’vimanya kamba kusang’hanika kumsang’hanika sama ya Mndewa sio jaga bule.

9 Avo sambitudonhe kutenda ganogile, kwavija tokwiza kuhuna mumsimu wake kamba hatubwelile kukisogo.

30 Ila wanhu bwando wali wa haichanduso, wowa wa haikimambukizo, na wanhu bwando wali wa haikimambukizo, wowa wa haichanduso.

6 Kwavija Mulungu komuliha kila munhu kamba vija viyasang’hanike.*

38 Wagweleleni wanhu vinhu, na Mulungu kowagwelela mweye. Mhima imemile, isindiligwe na kutigiswa na kwitika iyo yondamgweleligwe m’vipepelo venu. Kwavija mhima yondamuwapimile wayagwe iyo mhima yondampimilwe mweye."

33 Muhawatendela ganogile awo wowatendela mweye ganogile, maliho galihi gondam’bokele? Kwavija wali na vilozo nawo wotenda vivo.

8 Honyeni watamu, zuseni wadanganhike, wahonyeni watamu wa dikulu, wingeni vinyamkela. Mgweleligwa bule, laveni bule.

8 Na Mulungu kodaha kuwagwelela mweye vinhu bwando, giladi m’vinhu vose m’vipigiti vose mpate vinhu vose vimulonda, na msang’hano yoyose inogile momemezelwa.

9 Ila kamba viyandikigwe Mzinyandiko Zing’alile,

"Gaja haganakoneka ama kuhulikwa na munhu yoyose,

gaja haduhu munhu yagagesile kamba godaha kulawila,

gano gago Mulungu goyowagomela awo wamnogele."

18 Vivija notambika kamba nzonzi zenu zigubuligwe giladi mditange tamanilo diyawakemele, na vija vuuli mkulu ugoli wa motelo ziyekile kilagano ha wanhu zake.

Msaguligwa na Kukemigwa na Mulungu

3 Mhiko zake Mulungu zitugwelela kila kinhu kitulonda giladi tukale ukazi wa kumtamanila Mulungu kubitila ilimu yetu ya kumtanga heyo yatukemile tweye giladi twingile kuiyenzi yake na muunovu wake.

5 Tamanilo dino haditutenda tunyunguale, kwavija Mulungu katwitila noge jake mmioyo yetu kubitila Loho wa Mulungu yaatugwelele tweye.

32 Heyo yalekile kumfisa Mwanage, ila kamulava sama yetu tweye tose. Avo, vivija kolekaze kutugwelela vinhu vose hamoja na Mwanage?

14 ila munhu yoyose yondayang’we mazi gondanimgwelele nie honda yone ng’hilu kabili. Mazi gondanimgwelele nie gogaluka nzokwe mgati yake, gondagamgwelele ugima wa digunge."

24 Mbaka sambisambi hamunapula kinhu chochose mtwaga jangu, puleni na mobokela giladi ndeng’helelo yenu ivikizwe.

7 Ila nowalongela ikweli, vinoga ng’hani kumwenu vija vinichola, kwavija kamba sicholile, Ija wa Kuwataza heza kumwenu. Ila kamba nihachola, nomgala kumwenu.

14 Noiyoha ng’hani kukimbilila kuja kunilondigwa kuvika, giladi mhate nhunza ilawa uchana kuulanga, nhunza ayo Mulungu kubitila Yesu Kilisto iyotukemela.

6 Wamota waja wose wali na nzala na ng’hilu ya kutenda ganogile,

kwavija wokwigutizwa!

2 "Uhamwing’ha mkumbulu, sambiumulongele munhu yoyose mkutoa mhalati, kamba viwotenda videlenya muna zing’anda za nhambiko na mzinzila, giladi watogoligwe na wanhu. Nowalongela ikweli, wanhu hiwo wesha kubokela nhunza yao.

6 Ila uhatambika, ingila mdigati jako, hinda ulwivi, na tambika ha Tataako yali mkifiso. Abaho, Tataako, yolola kija kitendeke mkifiso, kokugwelela nhunza.

Kukala na Nhamanila

16 Avo hatudonha. Hata kamba unhu wetu wa kunze womala, ila unhu wetu wa mgati wotendigwa wa sambi kila lelo.

6 Muihumuluse haulongozi wa Mulungu yali na mhiko ng’hulu giladi yawagwelele hishima ng’hulu mkipigiti choyolonda mwenyego.

10 Ihumuluseni haulongozi wa Mndewa, na heyo kowagwelela hishima ng’hulu.

23 Kwavija kitumetume cha vilozo kicho ifa, ila nhunza ya Mulungu iyo ugima wa digunge kubitila Yesu Kilisto Mndewa wetu.

27 Kumwenu mweye, Loho wa Mulungu iyamwitileni Kilisto ikale mgati yenu, avo hamulonda munhu yoyose yawafundize. Ila loho yake yowafundiza vinhu vose na yowafundiza kweli na si uvwizi. Kamba vija viiwafundize mweye umwaka, kaleni mgati yake.

32 Tweye twa wasindila wa mbuli zino, hamoja na Loho wa Mulungu wagweleligwe wanhu wose wamtogole Mulungu."

Musa Hadigongo da Sinai

12 MNDEWA kamulongela Musa, "Kwela uchana hakigongo kunili nie, unibete, na nie nokugwelela mbamha mbili za mabwe zili na malagizo na ndagizi zinyandike sama ya kuwafundiza wanhu."