6 Bila kutamanila, kuduhu munhu iyodaha kumnogeza Imulungu, kwavija munhu yoyose iyomcholela Imulungu kolondigwa yatogole kamba Imulungu kauko na kowagwaa nhunza wanhu waja omzahila kwa kuwamba.

12 Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

5 Kamba munhu yoyose kumwenu kahungukilwa nzewele, yampule Imulungu nayo komgwaa, kwavija Imulungu kowagwaa wanhu kwa moyo unogile bila kulola kitala cha munhu.

29 Lakini mwahawa kuko mziisi azo na mwahamzahila Mndewa Imulungu, Imulungu wenu, kwa mizoyo yenu yose na kwa loho zenu zose, heyo momona.

7 "Puleni, na mweye mogweleligwa, zahileni, na mweye movona, gong’ondeni ulwivi, na mweye movugulilwa.

24 Avo nowalongeleni, mwahampula Imulungu kinhu chochose, togoleni kamba mubokela, mogweleligwa chochose chonda mupule.

21 Mkulu wake kalonga, ‘Kutenda goya, msang’hanaji unogile na utamaniligwa! Kwavija kotamaniligwa kwa kulolesa vinhu vidodo, avo nokwika ulolese vinhu vingi. Wize udeng’helele hamoja na niye!’

23 Chochose kimutenda, mukitende kwa moyo wose, kwavija mosang’hana mbuli ya Mndewa siyo mbuli ya wanhu. 24 Kumbukeni kuwa Mndewa kowagwaa mweye nhunza ija yawekile wanhu zake. Kwavija Kilisito ayo Mkulu imumsang’hanila.

58 Avo, ndugu zangu oniwanogela, gangamaleni. Siku zose muhunganike kumsang’hanila Mndewa, kwavija kuduhu kinhu chonda mutende mwiisang’hano ya Mndewa chonda chage bule.

9 Avo sikutudonhe kusang’hana ganogile, kwavija kamba hatubwela kuchugu, chahavika kipindi cha kusenga tosenga.

30 Lakini wanhu wengi weli wa ichanduso okuwa wa ikimambukizo, na waja wa ikimambukizo okuwa wa ichanduso.

6 Kwavija Imulungu komuliha kila munhu kamba vija viyatendile.

38 Muwagwee wayagwe, na Imulungu kowagwaa mweye. Na mweye mobokela kibaba kimemile na kusindiligwa mbaka vokwitika mmakono genu, na vose vonda mudahe kuvigoga. Avo, vija vimuwapimila wayagwe, Imulungu nayo kowapimila vivo."

33 Na kamba mowatendela ganogile waja owatendela ganogile waiyeka, vino motenda kilozo gani? Hata wanhu wene nzambi otenda vivo!

8 Muwahonye watamu, wazilibuleni wafile, muwahonye waja weli na utamu wa dikulu, muwalave vinyamkela. Mugweleligwa bule, laveni bule.

8 Avo Imulungu kodaha kuwagwaa vingi ng’hani kubanza vija vimulonda, siku zose mpate kila kinhu kimulonda, avo muvisang’hanile kwa kila sang’hano inogile.

18 Munhu yehile fungu jake doyopata da uvizi,

lakini yosang’hana ganogile kopata faida ya kweli.

4 Wahamdumba Mndewa Imulungu na kuwa muhole,

kopata nhunza na kutogoligwa na ugima.

3 Unogelo hawishaga na kutamanilwa sambi viwe kutali na gweye.

Zifunge msingo yako,

zandike muumoyo wako.

4 Avo kotogoligwa na kugweleligwa nhogolwa kwa Imulungu na iwanhu.

16 Nhunza yomvugulila munhu milango,

yodaha kumvikiza kwa munhu mkulu.

9 Lakini Maandiko golonga,

"Mbuli zija hazinakoneka na munhu hebu kuhulikigwa,

mbuli hazinagesigwa mmizoyo ya wanhu,

mbuli azo Imulungu kawekila wanhu omnogela."

18 Nompula Imulungu yawataze mudahe kujuwa goya tamanilo diyawakemele na vinhu vingi vinogile viyawekile wanhu zake,

3 Kwa udahi wa Imulungu katugwaa kila kinhu kitulonda muugima wetu wa kutenda goyolonda, kubitila kumjuwa kwetu heyo yatukemile tuwe na fungu muukulu wake na ganogile gake.

5 Tamanilo dino haditugela kinyala, kwavija Imulungu keka unogelwa wake mmizoyo yetu kubitila Loho Yang’alile, iyatugwelele siye.

32 Imulungu hamonele bazi hata Mwanage mwenyego, lakini kamulava mbuli ya siye wose! Kamba katugwaa Mwanage, vino vivija honda yatugwee bule vinhu vose?

14 lakini munhu yoyose yong’wa mazi gonda nimgwelele, honda yone ng’hilu kabili. Mazi gonda nimgwelele niye gokuwa nzasa ya mazi gogala ugima wa milele mgati mmwake."

24 Mbaka sambi hamnapula kinhu chochose kwa twaga jangu. Puleni mogweleligwa ili deng’ho jenu dimeme."

7 Lakini nowalongeleni ukweli, vinoga kumwenu niye nisegele, kwavija kamba sisegela, Mtazaji honda yawezile. Lakini nahasegela, nomtuma kumwenu.

14 Avo nolopola kukimbila mvike kuuhelelo ili mhate fungu da ugima wa kuulanga diyanikemele Imulungu kubitila Yesu Kilisito.

6 Wamweda wanhu waja weli na nzala na ng’hilu ya kutenda gaja goyolonda Imulungu,

kwavija Imulungu kowatenda wegute!

2 "Avo kamba komgwaa kinhu munhu mkiwa, sikuutowe mhalati kutenda wanhu wakijuwe kija kiutenda, kamba viwotenda watapitapi mna izing’anda za kupulila na mna zinzila ili wanhu wawatogole. Nowalongeleni ukweli, awo wabokela mwaka nhunza yao yose.

6 Lakini gweye wahampula Imulungu, ingila mdigati jako, hinda lwivi lwako, umpule Tatako hakoneka. Tatako iyolola gaja gotendigwa kinyelegezi kokugwaa nhunza.

6 Nogolosa makono gangu kumwako,

loho yangu yokonela ng’hilu kamba isi inyalile.

33 Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

16 Lekaavo hatubwela kuchugu. Hata kamba ng’huli zetu zofa, lakini siku zose loho zetu zotendigwa za sambi.

6 Avo, ikeni hasi wenyego mumkono wa Imulungu uli na nguvu, ili yawenule mna ikipindi chake kinogile.

10 Igweni kuulongozi wa Mndewa na mumtamanile nayo kowenula uchanha.

23 Kwavija fungu da nzambi ayo ifa, lakini nhunza ya Imulungu awo ugima ulibule uhelelo kwa kuilumba na Yesu Kilisito, Mndewa wetu.

27 Lakini kumwenu mweye, Kilisito kawagidila Loho Yang’alile. Na kamba Loho Yang’alile kokala mgati mmwenu, hamulonda munhu yoyose yawafunze. Kwavija Loho Yang’alile kowafunza kila kinhu na kija kiyowafunza cha ukweli na si uvizi bule. Avo gagogeni mafundizo ga Loho Yang’alile, na kaleni kwa kuilumba na Kilisito.

32 Siye tuzona mbuli azo, siye na Loho Yang’alile, yeli nhunza ya Imulungu kwa wose omtogola."

12 Mndewa Imulungu kamulongela Musa, "Izo kumwangu uchanha kulugongo, ukale hano, nokugwelela vibao vibili va mabwe mumo nyandika malagizo na gaja golondigwa ili gawafunze Waizilaeli."