6 Bahi bila ing’ulupa, ikáhululika kunkatapalila Nnungu. Kwa kuva, munu ammwenêla Nnungu àlembelewa akulupile kuva Nnungu ànipwawa, na kuva ànaveng’a dinujo avala vantâha.

12 Wasa munu ayula apililîla palingwa, kwa kuva, akàshinda palingwa, achiapwechele inudyo ya umi ukee na ntululilo, inudyo aila yavaahidite Nnungu avala vantâmwa nang’e.

5 Ikàva munu woheyo mmwenu àpungukiwije na lúnda, annyuwe Nnungu, nanang’e achiamwing’e. Kwa kuva, Nnungu ànaveng’a namene vanu vammalele kwa ntima helele na wala akávakalipila avala vannyûwa.

7 "Yuwanga, na Nnungu achiamwing’ange, tahanga na mwenu muchimupate, hodikanga na mwenu muchimuchimuliwe.

24 Bahi ing’anya ya anelo, nangu nìnnyaulilanga kuva, pamuyuwa kwajili ya chinu fulani chimulembela, kulupilanga kuva mùnipwechela, na kwa kutenda uchocho bahi lachilatendeke muchi chimuyuwite.

21 Nang’olo wake nkunnyaulila kuchidoni, ‘Ùtendile saana, wako nni ntumishi wambone, na ùnakulupika. Únikulupika kwa dimali kadiki, bahi vino nìmbekukamuja dimali dyohe. Ida uhangalale pamo na nangu!’

23 Na kila chinu chimutenda, muchitende kwa ntima wenu wammalele, malinga mùntumikila Nang’olo Yesu na akee munu. 24 Mukumbukile kuva, Nang’olo achiamwing’ange mwenu mapala àlalá lavavikidile vanu vake. Kwa kuva, Kilisto nni Nang’olo wauhiu umuntumikila.

58 Bahi mmakukulupila avangu unintamwanga, hwinganga wala munatikinyike. Hweneha kuntumikila Nang’olo maduva lammalele akuno umumala kuva madengo la kukamajanga lamukola kwajili ya Nang’olo lakambekuva muchi chinu chikee mana.

9 Bahi tunahopele kutenda lambone, kwa kuva tukanahopele tuchitufune, mafuno la balaka kwa mahiku lakúdungiwije.

30 Henga vanu vohe vaonekâna hambi kuva vakulu, vàmbekuva va pahi, na vanu vohe vaonekâna hambi kuva va pahi, vàmbekuva vakulu."

6 Kwa kuva, Nnungu àmbennipa kila munu kupapatana na vitendo vyake.

38 Veng’ange vanu vanji vitukutuku vivasikikidile, na Nnungu achiamwing’ange mwenu. Muchimupwechele chipimo chambone namene, chichinyiwîje na kutikwa, chiombêle mpaka kupakatika. Kwa kuva, chipimo uchila chimupimila kuveng’a vanu vanji, njo uchocho chambetumila Nnungu kumpimila mwenu."

33 Na mwenu mukàvatendela chihi lambone vanu avala vantendêla mwenu lambone, dachi mùmbepata inujo ntwani kwa Nnungu? Kwa kuva, ata vanu vavêle na masambi navanang’o vàtenda uchocho avao.

8 Valamyange vagonjo na kuvafufula vanu vahwîle na valamyange vàvele na mangundula na kuvausa anamindenga. Mupewije bule, bahi humyanga bule.

8 Na Nnungu ànahulula kumwombajanga mwenu balaka na kupundiha, uchinga munasikikile chinu chohecho maduva lammalele, na muhalije kuyangata kila namuna ya madengo lambone.

9 Malinga chivalembile Mmalemba Lanaswe kuva,

"Wala nanga munu awahîte kuvyona,

wala kuvipilikana,

kananga kuvihimukila muntima mwake,

vitukutuku avila Nnungu vyavavikidile avala vantâmwa."

18 Uchocho, nangu nìnnyuwa Nnungu ailangaje mitima yenu uchinga mupate kulimala alila lilolelo lyanchemedile Nnungu na kumala namuna mapala lake chilavele makulu namene kwa vanu vake,

3 Kwa dimongo dyake dya chilungu, Nnungu àtupele vitukutuku vyammalele vilembelêwa uchinga tuikale chihi kwa namuna yalembela Nnungu. Tùlapwechedile anelo lammalele kwa kummala nang’e atuchemîle tukumile ukulu na uwambone wake mwene.

5 Na lilolelo alino likee lya kututaya dihoni, kwa kuva tùnimala kuva Nnungu ànatutamwa, ing’anya àtwing’ile Umumu Wanaswe uchinga aumbaje itamwi yake mmitima yetu.

32 Nnungu nanga panannyemije Mwanawe wa weka na ibaniki, henga áninnyumya kuva sadaka kwajili yetuhwe tuvammalele. Ikàva átendile uchocho, dachi àmbelema dachi kutwing’a na vitukutuku vyammalele, hwetu chalumo na Mwanawe?

14 Henga munu woheyo ambekumbîla medi lanimbemwing’a nangu, akambekuva na inyota kavila. Medi lanimbemwing’a nangu làmbekuva muchi chimbwimbwi chikulûla medi lahûmya umi ukee na ntululilo nkati mwake."

24 Mpaka hambi mukánambiyuwa chinu chohecho kwa lina lyangu. Mwenu yuwa chihi, na muchimupate, uchinga ihangaladi yenu itimilike."

7 Nangu nìnnyaulilanga uhiu kuva, wasa kwenu mwenu nangu nikàhwena, kwa kuva, nangu nikànahwene, aneyo Nkúyangata, yani Umumu Wanaswe akambekwida kwenu mwenu. Henga nangu nikàhwena nguchinguntume aide kwenu.

14 Bahi mbechinkutumbama kuhwena muyo mpaka kuntululilo uchinga ngupate inujo aila yatuchemeledile Nnungu aneko kulihunde kwa indila ya Yesu Kilisto.

6 Wasa vanu avala vavêle na indala na inyota ya kutenda lalalembela Nnungu,

kwa kuva, Nnungu àmbevasibiha.

2 Bahi paunnyangata mmahuvani, unalihaulange kwa vanu kwa kwombela lipenga muchi vakulilambilila chivatenda n’ding’ande dya kunnyuwila Nnungu na mmadila uchinga valombolewe na vanu. Nangu nìnnyaulilanga uhiu kuva, vanang’o tayali vànipata inujo yavo.

6 Henga wako puyuwa, injila nchumba chako, uchime nnango, koka unnyuwe Atatako akáonekana. Na Atatako, achôna anecho chutenda kwa sili achiakwing’e inujo yako.

16 Bahi ing’anya ya anelo, hwetu tukákata tama. Ikànava miili yetu ìnaondongeka, henga disungu dyetu dìtendwa kuva dyahambi kila liduva.

6 Bahi lisulupusange mmene muyo mwanga Nnungu avêle na dimongo ding’ulu, uchinga antumbyange muuhiku ulembelêwa.

10 Lisulupusange muyo mwa Nang’olo Nnungu, nanang’e achiantumbyange.

23 Kwa kuva, nshahala wa sambi nni kuhwa, henga inujo yahumya Nnungu nni umi ukee na ntululilo kwa kulundana kwetu na Yesu Kilisto, Nang’olo wetu.

27 Henga Kilisto àmpelenge mwenu Umumu wake. Mwenu mukávele na lasima ya kuhundwa na munu woheyo, kwa kuva, Umumu aneyo àikala nkati mwenu na kunnyundanga mambo lammalele. Na Umumu aneyo àtangola chihi uhiu wala nanga palambila. Bahi kupapatana na Umumu aneyo channyundanga mwenu, bahi muhwenehe kukamulana na Kilisto.

32 Na hwetu njo mashahidi tuva mambo anelo pamo na Umumu Wanaswe wanhumije Nnungu kwa vanu vatênda chatamwa Nnungu."