Recompensa
Deus recompensa os que o buscam com fé. A Bíblia está repleta de promessas de recompensa para os fiéis, os generosos, os perseverantes e os que servem ao Senhor de todo coração.
Deus recompensa a fé
Sem fé é impossível agradar a Deus, porque quem dele se aproxima precisa crer que Ele existe e recompensa os que o buscam diligentemente.
Dadi sanga ua 'a guna ḇato kai ngo-ngaku ua nyengara sisanangi Ma Jou’ongu Madutu 'ai 'akala re sinyingara. Sababu ngowa’a ga’a mau 'aḏi silamo’o re siḏubuso Ma Jou’ongu Madutu balasu 'aḏi ngaku mangale Ma Jou’ongu Madutu Unanga 'age, re Unanga ḏuanga i’a 'o pula’a ngogele ra ananga ga’a 'aḏi disa Unanga mode-mode’e, la ananga 'U nana’o.
Bara’utungu ngowa’a ga’a manga ngo-ngaku elala ua na’o sanga bo-baja toma 'Iblisi. Sababu wakutu bo-baja ma 'orasa ri togumu, ḏuanga i’a ya sanga 'ahu kasingado-ngadolo i’a sa’olo ngogele rimoi ga’a Ma Jou’ongu Madutu 'o sijaji pasala ḏua di’a ngowa-ngowa’a ga’a 'aḏi dadalara Unanga.
Mada’a, na’o 'age matengo taninga sigolona 'ai 'akala soro’unu enanga 'i kuranga mangale ma duhu sa’olo unanga 'o 'ahu na’o 'o sanga dola’aku re bo-baja, unanga gena-ge balasu 'o golo’o ra Ma Jou’ongu Madutu. Ḏua Ma Jou’ongu Madutu ḏuanga i’a 'o pula’a 'akala soro’unu ra guna ḇato Rai 'akala re sinyingara sa-sanangi kama kuḏubungu ua.
Mada’a toma ngi’i gena-ge ḏi’i, ngini ḏuanga i’a ni manyiata ra Ma JOU Ma Jou’ongu Madutu ga’a ngini silamo’o re siḏubuso re Unanga ḏuanga i’a 'o 'isene ngini; mada’a ngini balasu ni manyiata reninga 'akala re sinyingara mo-moini re fikirana mo-moini.
"Ni golo’o, ḏuanga i’a ni dawongo. Ni disa, ḏuanga i’a ni sanga. Ni tolo’o ngalana, re ngalana ḏuanga i’a ya welanga.
Sababu gena-ge, Ngoi to siajele ra ngini nena-ne: 'Oru ḇato 'o manyiata re 'o ngaku mode-mode’e Ma Jou’ongu Madutu 'o pula’a ḏua, enanga gena-ge 'i dadi ra unanga.
Recompensa pelo serviço
O Senhor vê cada ato de fidelidade e promete galardão aos que servem com dedicação. O servo bom e fiel será honrado.
'Ai tuanga 'o kanau, ‘Rousu, ngana budaka ma la-la re no setia! Ngana reno dadi ngowa’a cufala rema 'ori i’a i’a pa’i ceka’a ua. Dadi Ngoi ḏuanga i’a tini siparatada 'ori i’a i’a lebe lamo’o ma repe moju. Ino osama re no tegoro marimoi ra ngoi, re no basono 'ari sa-sanangi!’
Munara 'oru ḇato, ga’a ninga tuanga 'o pula’a, ngini balasu ni si’a’a reninga 'akala re sinyingara mode-mode’e ma tero sa’olo ngini ni munara di’a Ma Jou, awa pa’i ninga tuanga toma dungia nena-ne ḇato. 'Eli-'elingi! Na’o ni 'a’a so’o gena-ge, sababu ngini ni munara di’a Ma Jou masiretene sa’olo ninga Tuanga, ngini ḏuanga i’a ni sanga ma ngogele ga’a Ma Jou Yesus ra sidodahe di’a 'Ai 'umata.
Sababu gena-ge, ioronongoḏu ga’a ngoi tini dadalara, ngini ninga ngo-ngaku balasu lai te’e, la ninga ngo-ngaku kama elala awa. Ni munara ra Ma Jou kama togumu awa, reninga 'akala re sinyingara mode-mode’e. Sababu ngini ni waro mangale 'oru ga’a ngini ni munara di’a Ma Jou, tantu ḏua enanga 'i parasaja ua.
Sababu gena-ge, kalaha wo basono momoro, awa ngene wo matogumu 'a’a 'ori i’a ma la-la. Sababu na’o ngene wo madaga’a 'ori i’a ma la-la tau-taunu, ḏuanga i’a enanga ma 'orasa 'i ngadolo ngene wa sanga enanga ma sowo’o.
Mada’a ngowa’a repe ga’a nange-ne 'aḏi dadi ngowa’a la-lamo’o, ḏuanga i’a 'aḏi dadi ngowa’a ma pake ua. Re ngowa’a repe ga’a nange-ne 'aḏi dadi ngowa’a ma pake ua, ḏuanga i’a 'aḏi dadi ngowa’a la-lamo’o."
Unanga ḏuanga i’a 'a balasa mete’e matengo re matengo nanga ga’a.
Generosidade e provisão
Quem dá com generosidade receberá em abundância. Deus supre todas as necessidades segundo as suas riquezas em glória.
Pula’a toma ngowa’a lelegu reninga 'akala re sinyingara sa-sanangi, la Ma Jou’ongu Madutu 'a balasa ra ngini pai-pai’i ga’a Unanga 'a tuga pa’a-pa’ala di’a ngini. Sababu ninga du-duga ga’a ngini ni pake di’a situga toma ngowa’a lelegu, du-duga gena-ge ḏi’i Ma Jou’ongu Madutu 'a pake 'a situga ra ngini!"
Re na’o ngini ni 'a’a la-la pa’i toma ngowa’a ga’a 'aḏi 'a’a la-la ra ngini ḇato, Ma Jou’ongu Madutu 'o sibarakati ngini ua! Ngowa’a baraḏosa mai waro 'aḏi 'a’a so’o gena ḏi’i.
Ni si-la ngowa-ngowa’a siḏi, ni dadunu si’ahu moju ngowa’a ga’a raḏi sengene, ni si-la ngowa-ngowa’a si-siḏi eno’o, re ni dusu’u roh-roh ma jira. Ni sanga barakati gena-ge mo-moini kama fangu ua, dadi ni pula’a ḏi’i ni golo’o ma ngogele awa.
Sidogo ḏi’i, Ma Jou’ongu Madutu rai kuasa 'o pula’a barakati pai-pai’i ra ngini, la ngini ninga paralu kama kuranga ua. Siḏibo ḏi’i, ngini ninga paralu ni sanga pai’i tau-taunu. Unanga ḏuanga i’a 'o 'a’a so’o gena-ge, la ngini nga’unu ni madaga’a 'ori i’a ma la-la lebe dogo-dogo di’a ni riono ngowa-ngowa’a.
Ngowa’a kajahatana manga 'utungu gena-ge pa’i taḇe i’a.
mada’a ngowa’a ga’a 'aḏi 'a’a 'ori i’a ma la-la, ananga 'aḏi sanga ngogele mode-mode’e.
Ngogele di’a ngowa’a maholo re ngowa’a ga’a 'aḏi silamo’o re mojongo Ma JOU
gena-ge harata, sayanga ma jingi’i re 'ahu lai kiḏanga.
Awa no matogumu dadalara re setia ra Ma Jou’ongu Madutu re manusia, ngana balasu na pake ma tero rate ga’a hali tani camala, re no palihara gena-ge mo-moini tani 'akala re sinyingara ma dara. Ḏua ngana ḏuanga i’a no sanga sanangi re sayanga ma jingi’i ra Ma Jou’ongu Madutu 'ai momina re manusia.
Bu-bula’a nyengara 'i welanga ngo’omo di’a ngowa’a,
di’a sigasa ngowa’a gena-ge toma ngowa’a la-lamo’o manga biono.
O que Deus reservou para os seus
Olhos não viram, ouvidos não ouviram o que Deus preparou para os que o amam. Suas recompensas eternas superam toda imaginação.
Siḏibo ḏi’i, gena-ge 'i dadi ma tero sa’olo silefo toma Boku 'Ofi-'Ofi ma dara:
" 'Oru ga’a manusia 'aḏi oḏi’i re ya 'isene nyangu
re 'i osama toma manusia manga 'akala nyangu,
gena-ge Ma Jou’ongu Madutu ra sidodahe di’a ngowa’a ga’a 'aḏi dadalara Unanga."
Dadi ngini ninga fikirana 'i dadi tarangi mangale barakati di’a ngini. Barakati gena-ge ga’a ninga ngo-nganono, sababu Unanga ro 'aro’o ngini. Re ngini balasu ni sahe mode-mode’e mangale Ma Jou’ongu Madutu 'ai barakati ma mulia Ra sidodahe di’a 'Ai 'umata.
Ma Jou’ongu Madutu 'a siḏagi 'Ai kuasa 'O pula’a 'oru ḇato ga’a ngene paralu, la nanga 'ahu nyengara 'i cuḏuḏu’u Ma Jou Yesus. Nange-ne ngene nyengara wa si’a’a sababu ngene rewo nana’o Ma Jou’ongu Madutu. Re sababu 'Ai 'akala re sinyingara la-la masala re 'Ai kabasarana, Unanga gena-ge na 'aro’o ngene, la ngene dadi 'Ai ngowa-ngowa’a,
Reo ngo-nganono ma duhu so’o gena-ge, ḏuanga i’a nanga 'akala re sinyingara 'i rapo’o ua, sababu Ma Jou’ongu Madutu 'o sitotomo 'Ai jaji ra ngene. Ngene rewo waro gena-ge sababu Ma Ngagara 'Ofi-'Ofi ga’a Unanga ro pula’a ra ngene, Enanga 'i siromanga nanga 'akala re sinyingara Rai dadalara.
'Ai Ngowa’a Nau’u masiretene Unanga 'a sidoa’a toma ngowa’a ma jira, la ananga 'U sisengene di’a sisalamata ngene mo-moini ga’a ngowa’a baraḏosa. Dadi, tantu ḏua Unanga 'o pula’a 'oru ḇato ga’a ngene wo paralu!
Mada’a 'a guna 'o ka’e ḇanyo ga’a Ngoi to pula’a, ananga manga camala dudungu riwara nena re si’a. Sababu ḇanyo ga’a Ngoi to pula’a gena-ge enanga 'i dadi ḇanyo ma la’o tamanga lese ma dara ga’a 'i sipula’a ḇanyo 'ahu re 'ahu kasingado-ngadolo i’a."
Singadolo 'orasa nange-ne ngini ni golo’o 'oru-'oru nyangu ni pake Ngoi 'ari lomanga. Mada’a ni golo’o ḇato re ḏuanga i’a ni sanga, la ngini ninga roanga 'i ti-tiai."
Mada’a ni ngaku mode-mode’e 'Ari demo-demo nena-ne: Jobilaha di’a ngini mangale Ngoi to tagi. Sababu na’o Ngoi to tagi ua, Ri-riono gena-ge 'I sapolo ra ngini ua. Mada’a, na’o Ngoi to tagi, Ngoi ḏuanga i’a to 'utusu Ri-riono gena-ge 'I sapolo ra ngini.
Sababu gena-ge, ngoi to lalara turusu ta meta-meta i’a 'ari maksudu, la ta sanga ngogele. Gena-ge ma ngale: 'Ahu toma soroga, di’a gena-ge Ma Jou’ongu Madutu ri 'aro’o ngoi di’a to marimoi ra Kristus Yesus.
Buscar, pedir, perseverar
Jesus ensinou: pedi e recebereis, buscai e achareis. Deus se alegra em dar boas dádivas aos seus filhos que pedem com fé.
Bara’utungu ngowa’a ga’a 'aḏi nyafusu madutu dadi ngowa’a loasa re banari ra Ma Jou’ongu Madutu 'ai momina,
sababu Ma Jou’ongu Madutu masiretene ḏuanga i’a 'o sitotomo manga mau.
Sababu gena-ge na’o ngini ni pula’a ninga bu-bula’a toma ngowa’a ma dinga’unu ua, awa na si ie-tala--ie-tala toma ngowa’a lelegu ma tero sa’olo ngowa’a munafiki. Ananga 'aḏi nyanyaḏi ya si’a’a toma wala puji ma dara re toma ngo’omo lamo’o, la ngowa’a ya’u sihie-hie. Ni ngaku mode-mode’e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou’ongu Madutu nu puji re silamo’o ua!
Mada’a wakutu ngini ni manyiata, osama toma kamara re kuci ngalana, kara ni manyiata ra ninga Ḇaḇa ga’a wa oḏi’i ua. Ḏua Unanga ḏuanga i’a 'o pula’a ngogele ra ngini sababu pa’i ninga Ḇaḇa ḇato 'a oḏi’i ngini ni manyiata.
Contentamento e eternidade
A verdadeira recompensa está na vida que Deus dá. O presente do trabalho, a satisfação no labor e a alegria no Senhor são dádivas de Deus.
Ngini ninga 'ahu ma ngo’omo balasu 'i mete’e mo-moini gena-ge ga’a Ma JOU Ma Jou’ongu Madutu ga’a ngini silamo’o re siḏubuso, Unanga gena-ge Ro parenta ra ngini, la ngini ḏuanga i’a ni 'ahu la-la re ni tegoro ti’ara toma daeraha ga’a ngini ḏuanga i’a na ḏegoro.>>
Kalaha minga lese 'i dadi cira wange moi-wange moi, minga 'akala re sinyingara ma dara 'i dadi su-sungi wange moi-wange moi. Sababu gena-ge, ngomi minga 'akala re sinyingara 'i rapo’o ua.
Sababu gena-ge, ngini balasu ni masiholo ninga diri ra Ma Jou’ongu Madutu, Unanga ga’a 'Ai kuasa ma pari cua. Sababu wakutu Ma Jou’ongu Madutu 'o sitantukanga enanga ma 'orasa 'i tero-tero, Unanga ḏuanga i’a 'o sihie ninga diri.
Ngini balasu ni masiholo tala ninga diri ra Ma Jou’ongu Madutu 'ai biono, kara Ma Jou’ongu Madutu ḏuanga i’a 'o sihie ninga diri.
Sababu ḏosa ma ngogele so’o ne: Sengene kasingado-ngadolo i’a! Mada’a Ma Jou’ongu Madutu 'ai cocatu so’o ne: 'Ahu kasingado-ngadolo i’a ga’a ngene wo sanga sababu wo marimoi ra Kristus Yesus nanga Jou.
Mada’a mangale ngini masiretene, Kristus 'a sipa’ala ḏua Ma Ngagara 'Ofi-'Ofi ra ngini. Sababu Ma Ngagara 'Ofi-'Ofi 'i tegoro taninga 'akala re sinyingara moju, ngini ni paralu ua ngowa’a lelegu 'aḏi doto’o ngini. Sababu Ma Ngagara 'Ofi-'Ofi masiretene 'I doto’o 'ori i’a mo-moini ra ngini re enanga ma do-doto’o mo-moini 'i banari; sa-sakala ua. Sababu gena-ge, ngini ninga de’oso re ḏegoro balasu na mete’e 'oru ḇato ga’a Ma Ngagara 'Ofi-'Ofi sidoto’o ngini, la ngini ni 'ahu marimoi tau-taunu ra Yesus Kristus.
Ngomi nena-ne mi dadi sakisi mangale mo-moini gena-ge. Ma Ngagara 'Ofi-'Ofi, ga’a Ma Jou’ongu Madutu 'o pula’a ḏua di’a ngowa-ngowa’a ga’a 'aḏi mete’e Unanga 'ai 'akala ma mau, 'I dadi sakisi ḏi’i mangale Yesus."